Hayronman, navbat talashish rostan ham pensiya puli uchunmikan?

P.S: ishqilib, narigi dunyoga kim birinchi ketarim poyga qilishmasa bas edi)

@usmonosphere

Xaloyiq, 11-kuni Izlam ruknining 2-faslida chop etilgan kitoblar taqdimoti boʻlar ekan. “Keling: fikrlashaylik, koʻrishaylik, muloqot qilaylik, qaytadan tanishaylik” debdi tashkilotchilar.

Mayli, tanishsak tanishoʻramiz-da deb boringiz. Batafsil maʼlumotni qayerdan olishni mendanam yaxshi bilasizlar degan umiddaman.

@usmonosphere

#tanlov

Kimga “Jannat” kerak? Unda qatnashing!

Tanlov! Shartlari oddiy: post ostiga ism-familyangizni (yoki nikneym) qoldiring, men sizga maxsus link beraman. Shu linkni kanalingizga, storis yoki guruhlaringizga joylab, “Usmonip” kanalini doʻstlaringizga tavsiya qiling.

Gʻolib uchta boʻladi:

2 nafar eng samarali tavsiya egasi (siz orqali kanalga qoʻshilgan obunachilar soniga qarab)

1 nafar tasodifiy tavsiya egasi (kamida 3 ta obunachini kanalga taklif qilganlar oʻrtasida random orqali aniqlanadi)

P.S: Gʻoliblar texnik-avtomatik aniqlanadi (Telegram va Random)

Demak, sizda 10-yanvar 21:00 gacha vaqt bor! Hozirdan ismingizni qoldirib, linklarni oling. Barchaga omad!

Har bir gʻolibga Abdurazzoq Gurnaning “Jannat” asari sovgʻa qilinadi!

Tanlov yuzasidan savollarni izohlarda qoldirishingiz mumkin.

@usmonosphere

#tavsiya

Bekzod Yusupovning stendap chiqishlarini anchadan beri kuzataman. Kecha “Gapir” nomli konsertini tomosha qildim. Vauv! Juda zoʻr, ayniqsa, yakuniy qismlari oʻta dahshat.

Bu gal Bekzod koʻzim oʻngida yosh komik emas, oʻz dardlarini, achchiq haqiqatlarini yumor vositasida yetkazib bera oladigan tajribali ijodkor sifatida gavdalandi.

Sizlarga ham konsertni tomosha qilishni tavsiya qilaman.

Marhamat: https://youtu.be/43zEJYM-Gk4?si=lZ5Us96LVC0GElhB

@usmonosphere

​#ajabtovur

Oʻzbek tili shevalaridagi farqning yaqqol yuzaga chiqishini hayotda, oʻz ishtirokimda koʻraman deb oʻylamagandim. Qisqasi, voqea bunday boʻldi: uch kishi (biri sirdaryolik, biri fargʻonalik va biri men, qashqadaryolik) oʻtirgandik. Men va fargʻonalik xonadoshim bir mavzuda berilib gaplashayotgandik. Shunda sirdayoligimiz luqma tashladi:

​​— Nimani hangamasini qilyapsizlar? ​​— deb soʻradi u.
​​— “Unwanted Boys” degan media futbol jamoasi haqida, ​​— javob berdim men, uning shevasini tushunganim sabab.

Fargʻonalik xonadoshimiz bu savoldan hayron qoldi:

​​— Hech kimni ustidan qotmayapmiz lekin...

Shunda men vaziyatni bittada angladim. Sirdaryolikning shevasini tushunadigan odam sifatida fargʻonalikka aql oʻrgatmoqchi boʻldim.

​​— E siz tushunmadiz, bular gurungni “hangama” deydi. Nimani gurung qilyapsizlar demoqchi...

Shunda fargʻonalik sherigimiz battar tang ahvolga tushdi. Dard ustiga chipqon deganlaridek, “hangama”ning ustiga “gurung” ham qoʻshildi. Yana tilshunosligim tutib, vaziyatni tushundim-da, kulib yubordim:

​​— E siz yana tushunmadiz, suhbatlashib oʻtirishni bular hangama deydi, biz esa gurung deymiz. Oddiy suhbatlashish, qisqasi.
​​— ​​Shunaqa denglar-da, biringlar hangama deysizlar, biringlar gurung deysilar. Oddiy aytsayam boʻlarkan-u...

Ayni biz oʻtgan voqeadan kulishib, shevalardagi farqni tahlil qilib oʻtirganimizda andijonlik xonadoshimiz kirib keldi. Voqeadan xabar topgach, “ha-a, umi, bizda otamlashish deydi buni” desa boʻladimi...

P.S: mabodo sizning shevangizda suhbatlashishning yana boshqa varianti yoʻqmi? Quloqqa chalinganda hayron boʻlmaylik deyman-da :)

@usmonosphere

Shu matndan soʻng, xonadoshlarimning gʻayrati joʻshib, ilhomlanib, faqat oʻzbekcha suhabtlashish fikri paydo boʻldi.

​​— Bugundan boshlab sof oʻzbekcha gapiramiz!
​​— Davay!..
​​— Iye, srazi buzib qoʻydiz-ku?!

Shu bilan tamom :)

@usmonosphere

Ey dard, yodga solding tirikligimni!

Sirojiddin Rauf

@usmonosphere

Bir gaplashish xumorim bor...

@usmonosphere

Kutilmagan hodisa! Random orqali gʻolibni aniqladik va gʻolib ishitrokchi 1-raqam egasi boʻldi!

Men hayotimda birinchi marta 1-raqam gʻolib boʻlishiga guvoh boʻlyapman.

Baxt profili egasi, sizni tabriklayman!

@usmonosphere

Demak, umumiy natijalar:

1-oʻrin: Jasmina
2-oʻrin: Mohidil

Random gʻolibi: Baxt

Barcha qatnashchilarga tashakkur! Keyingi tanlovlarga tayyorlanib turing :)

@usmonosphere

Ana endi majburan qoʻshilganlar chiqib ketaversa boʻladi :)

Ketadiganlarga oq yoʻl, qoladiganlar bilan mazza qilamiz :)

@usmonosphere

#tavsiya

Xaloyiq, olamga mashhur Muhiddin Nido YouTubeʼda blog yuritishni boshlabdi. Kitobxonlik, mutolaa madaniyati va asarlar tahliliga bagʻishlangan bir-biridan goʻzal videokontentlar ulashib borishni maqsad qilgan.

Blogning ilk soni “Kitob oʻqishni qanday doimiy odatga aylantirish mumkin?” mavzusida ekan.

Qolaversa, kanalga aʼzo boʻlganlar kitob yutib olishi ham mumkin.

Marhamat, tomosha qiling va qoʻllab-qoʻltiqlang:
https://youtu.be/dXMXW_lIaVg?si=M-NUpPSuKTWy9Nzo

P.S: videoda mening kanalimni ham aytib oʻtgan ekan, izohlar qismida Usmonipdan salom deb kelinglar :)

@usmonosphere

​Ey dard, yodga solding tirikligimni…

Maktabda o‘qib yurgan kezlarim qalingina bir antologiya qo‘limga tushgan. Ko‘p shoirlarni shu to‘plam orqali taniganman. Ular orasida Sirojiddin Rauf ham bor edi. Yillar davomida muallifning kitobiga ko‘zim tushmagandi… Yaqinda “Men bir fuqaro” nomli she’rlar to‘plami nashrdan chiqqanini eshitdim va shoir bilan batafsil tanishishga bel bog‘ladim.

Sirojiddin Rauf she’rlari shakliy-texnik jihatdan juda puxta, qofiyasi-yu turog‘idan biror kemtik topish ilojsiz. To‘plamda mavzu jihatdan ishqiy, tasavvufiy, ijtimoiy lirika hamda tabiat chizgilari uchraydi. She’rlarida sukunat qatlarida yashiringan, nafosat gulbarglariga o‘ralgan isyonkorlikni payqadim.

Ochig‘ini aytganda, men sadist kitobxonman. Ayniqsa, she’r o‘qiyotganda. Sahifalar chetiga o‘sha zahotiyoq kelgan fikr, e’tiroz yoki bahoyimni yozib ketaveraman. Mazkur to‘plamdagi o‘ndan ortiq she’rga shu tarzda “yaxshi”, “ajoyib”, “go‘zal”, “vaauv” kabi xitoblarimni yozib chiqdim. (Yashirmayman, e’tirozlarimni yozgan sahifalar ham mavjud).

Kitobxon sifatida jindakkina tanqidimni ham qistirib o‘tsam. Nazarimda, to‘rtliklar juda ko‘p kiritilgan. To‘rtliklar orasida mavzu va mazmun jihatidan bir-biriga yaqin, bir xil turoqda yozilganlari talaygina. Nazarimda, ularni umumiy sarlavha bilan nomlab, turkum ko‘rinishida taqdim etish ma’qul edi.

Barcha san’at turlari kabi, she’rga ham turli ko‘z bilan qaralishi tabiiy. Shu bois, so‘zni cho‘zishdan ko‘ra, yurakni jiz ettirgan misralarni e’tiboringizga havola etganim afzal:

“Sen meni o‘zingdan ortiqroq sevma,
O‘zingdan ortiqroq meni tushungin!”

“Qaragin, hech to‘ymas bu ochko‘z yillar
Tanovul qilmoqda xotiralarni”

“Lablaringda kuydi labim,
Yonib o‘pding, yonib quchding.
So‘ng temir qush qanotida
Xayolimni olib uchding…”

“Mumtozlik bobida Bir-u Bor tanho,
Voh, sherik yasadik bir donalardan.

Humoy deb sharaflab boyo‘g‘li zotin,
Haqiqat izladik afsonalardan”.

“Otqorin kimsaning qornidan oxir
Shubhali yemishning izini topgan
Gumbazqorin kimsalarga ofarin”.

“Ikki chavandozning holi qudratin
Biriga ot berib, biriga eshak
Sinayotgan hakam xolismi?..”

“Do‘stim timsolida
O‘ychan boqadi
Sochiga oq tushgan bolalik”.

“Ot chopsam o‘zardim ko‘plardan balki,
Ming shukr, haddimdan oshmadim, shukr!”

“Omon saqla desam mo‘minni faqat,
Qo‘rqaman, Xudojon bir jon qolurmu?”

“Bir umr tushmadi qora ro‘yxatdan
Qorani oq deya aytmagan odam”

“Bahor hislarimni bu gal ham turtar,
Tag‘in yuragimda sog‘inchlar bo‘rtar”

@usmonosphere
2/2025

bitta yolgʻon keldi, bitta rost keldi,
bir yolgʻon boʻyimga shuncha mos keldi.
“sevdim” desam, tilga tushdi bir tushov,
“sevdi” desam, dildan eʼtiroz keldi.

“yo sen” dedim.
qildi “Yosin” tilovat,
qiroati bilan uchdi halovat.
egildim — sajjoda boʻldim poyida,
unda xushu' yoʻqdi, menda — tahorat.

bitta hazil keldi, bitta chin keldi,
shu nuqtada ishqim chilparchin keldi.
“sevaman” degandim, qildi tabassum,
“sevasanmi?” dedim...
uzun tin keldi.

Kamoliddin Azzam

@usmonosphere #nazm

“🧦🧦🧦🧦🧦”

Hayronman, bizning qorakoʻz kontentmeykerlarda ijodkorlik shu qadar anqoning urugʻimi yo siyqasi chiqqan hazilni chaynashni xush koʻramizmi?

Har gal 14-yanvar va 8-mart sanalari oldidan jamiki kontent yaratuvchilar paypoq mavzusiga kanaday yopishib oladi. Bilmadim, oʻzi paypoq sovgʻa qilish haqidagi gap qayerdan kelib chiqqan? Masalan, shuncha yildan beri qaysidir yigit bayramga paypoq hadya olganini koʻrmaganman.

Qachondir rostanam yoppasiga hamma erkaklarga paypoq berilganmikan oʻzi? Yoki hozirgi kontentmeykerlar umrida paypoq sovgʻa olganmikan?

Umuman olganda, sovgʻa qanday boʻlishidan qatʼiy nazar, birov xohishi bilan sizga ilingan, qadrli narsa. Yaqinlikni, safdoshlikni va munosabatlarni sovgʻa qiymati bilan oʻlchamagan maʼqul.

Xullas, shu bayram kunlari ijtimoiy tarmoq yoppasiga magʻzavaga, siyqasi chiqqan hazillarga toʻladi. Ayni shu sanalarda tarmoqlardan detoks qilishni maslahat beraman.

@usmonosphere