Bu kitob “Asaxiy Books”dagi rasmiy faoliyatimning oxirgi mahsuli. Ketishimdan oldin nashrga tayyorlagandim.

3 yoshgacha boʻlgan bolasi borlar uchun juda muhim qoʻllanma. Unda Montessori metodikasi asosida chaqaloqlarning kichik va katta motorikasini rivojlantiruvchi mashqlar mavjud, oʻyinchoqlar va tavsiyalar mavjud.

Kitobni barcha yosh ota-onalarga tavsiya qilaman.

@usmonosphere

Шаганэ ты моя, Шаганэ!
Потому, что я с севера, что ли,
Я готов рассказать тебе поле,
Про волнистую рожь при луне.
Шаганэ ты моя, Шаганэ.

Сергей Есенин
_____________

Shahinam, o, mening Shahinam,
Bilsang, shimol Vatandir menga.
Dalalardan soʻylaymi senga,
Oy nur sepgan boshoqlardan ham,
Shahinam, o, mening Shahinam.

Erkin Vohidov tarjimasi

@usmonosphere

Oʻzbek xalqining buyuk, ammo olisdagi adibi Hamid Ismoilovning “Bizkim, kompyuterlar” asari (ingliz tiliga Shelli Feyrvezer-Vega tarjimasi) 2025-yilgi Milliy kitob mukofoti nomzodlari roʻyxatiga kiribdi!

Asar gʻazal-roman shaklida, avvaliga oʻzbek tilida yozilgan. Ma’lumot uchun Hamid Ismoilov bir nechta tilda yoza oladigan, soʻzlasha oladigan kamyob yozuvchi hisoblanadi.

Hamid Ismoilovga mukofot shortlistiga kirish va gʻolib boʻlishni tilayman!

@usmonosphere

Nihoyat Laslo Krasnoxorkai degan chol Nobel oldi!

Boshimni zoʻr ishga berib qoʻyibman!

©️Choʻlpon

@usmonosphere

Oʻzuvzani tiluvzaga hissa qoʻshuvuza

@usmonosphere

AROSAT

Biroz kulay desam — javonibda kuz,
Nafas olay desam — havo toʻla chang.
Gapdan tonay desam — yigitman, afsus,
Gapga kiray desam — qulogʻim batang.

Yiqilsam — yer qattiq, doʻppisiz boshim,
Uchay desam — osmon yiroqdan yiroq.
Koʻrib turganingiz — sargardon loshim,
Koʻzlarim — porlamay qolgan shamchiroq.

Mangulik — bir lahza, lahzalar — mangu,
Muqaddas bilganim — bir pullik irim.
Yashay desam — hayot buncha qorongʻu,
Oʻlay desam — jonim bunchalar shirin…

Shoxrux Usmonov
09.10.2025

@usmonosphere

Yoʻq deganlarizgayam rahmat, birodarlar😁

@usmonosphere

​SHER, TULKI VA ESHAK HAQIDA MASAL

Kunlardan bir kuni Sherning qorni ochib, Tulkiga shunday debdi:
— Menga biror yegulik keltir, yo‘qsa o‘zingni yeb qo‘yaman!
Shunda Tulki Eshakning oldiga boribdi-da:
— Hoy og‘ayni, men bilan yur, Sher seni qirol etib tayinlamoqchi, — debdi.
Sher Eshakni ko‘rishi bilanoq hamla qilib, quloqlarini uzib olibdi. Yaxshiyamki, Eshak qochib qolishga ulguribdi.
Eshak Tulkidan o‘pkalabdi:
— Sen meni ahmoq qilding! Sal qolsa Sherga yemish bo‘lardim!
— Bunchalik nodon bo‘lmasang-chi, og‘ayni, — debdi Tulki. — Sher boshingga toj qo‘ndirish uchun quloqlaringni olib tashladi xolos. Yur, yoniga qaytib boramiz.
Eshak o‘ylab qarasa, Tulkining gapida jon borga o‘xsharkan. Shu sabab ham Sherning yoniga qaytibdi.
Sher yana unga hamla qilib, bu gal dumini uzib olibdi. Yaxshiyamki, Eshak yana qochishga ulguribdi-yu, yana Tulkidan gina qilibdi:
— Qip-qizil alqodchi ekansan! Sher dumimni uzib oldi-ku!
— Galvars, Sher dumingni uzgan bo‘lsa, taxtda bemalol o‘tirishingni o‘ylab uzgan. Yursang-chi, qaytib boramiz, — deya Eshakni ortga qaytishga ko‘ndiribdi Tulki.
Bu gal Sher Eshakni tutib olib, nimta-nimta qilibdi.
— Eshak tushmagurni qaytarib kelganing zap ish bo‘ldi. Endi bor, terisini shilib, menga miyasi, o‘pkasi, jigari va yuragini olib kel! — buyuribdi Sher Tulkiga.
Tulki Eshakning terisini shilib, miyasini o‘zi yebdi-da, o‘pkasi, jigari va yuragini Sherga olib kelibdi.
Sherning jahli chiqib, so‘rabdi:
— Miyasi qani?!
— Uning miyasi yo‘q edi, qirolim, — javob beribdi Tulki. — Agar miyasi bo‘lganida qulog‘i va dumini uzib olganingizdan keyin ham oldingizga qaytmagan bo‘lardi.
— To‘g‘ri aytasan, — deb shashtidan tushibdi Sher.

Qissadan hissani oʻzingiz chiqarib oling…

@usmonosphere