SOʻROQ

Boʻsh yelkamga bosh izlaymi,
Bosh urarga tosh izlaymi,
Tosh diydamga yosh izlaymi,
Neni izlay, onajon?

Sevgi desam, titrogʻi yoʻq,
Bahor desam, yaprogʻi yoʻq,
Gard tegmagan tuprogʻi yoʻq,
Qayga tizlay, onajon?

Bilmam, kimga oʻrni lozim,
Bilmam, kimga qorni lozim,
Kimga boʻlib koʻr mulozim,
Kimni sizlay, onajon?

Ezgin chaling, tanbur qani,
Koʻzi mungli, purnur qani,
Qani, ogʻo Mansur qani,
Qancha boʻzlay, onajon?

Savolim koʻp, javobi qarz,
Sheʼrim chala, davomi qarz,
Olovman, ki yonishim farz,
Nechun muzlay, onajon?

Shohrux Usmonov

@usmonosphere

Qaysi kitob ekan-a? “Qamar”dan berib ketishdi.

@usmonosphere

#longread

Shu kungacha eng faxrlanadigan, eng xursand boʻladigan yutugʻim, boyligim — oilam, ya’ni ota-onam va akalarim.

Xoʻsh, oilamning nimasi bilan buncha gʻururlanaman oʻzi? Umuman olganda, kambagʻal oilada katta boʻldim. Oramizda hech kim oliy ta’lim koʻrmagan. Ziyoli qatlam vakili emas. Kezi kelganda non olishga qiynalganmiz, yangi kiyim olish bayram boʻlgan, loʻlilar sotadigan eski-tuski kiyimlardan olib berishganida yigʻlaganim ham esimda. Lekin xudoga shukr, hozir yashashimiz yomon emas. Hammasi asta-sekin oʻnglanib, kami toʻlib boryapti.

Dadam — juda halol, birovni aldashga vijdoni yoʻl qoʻymaydigan, mana 25 yildan oshdiki, dunyodan qoʻl yuvib, toat-ibodat yoʻlida sobit odam.

Onam — oʻzini oʻqqa-choʻqqa urib, sogʻligidan kechib, roʻzgʻorga qarashgan. Doim meni qoʻllab-quvvatlagan, har bitta orzuyim uchun kurashgan, qurbonlik berishgayam tayyor boʻlgan.

Akalarim — har biri maktabni tugatmasdanoq, mushtdayligidan bozorda arava tortib, keyinchalik musofirlikda yurib roʻzgʻorga qarashishni, oʻz hayotini oʻzi qurishni yelkasiga olgan. Ular ham mendan hech narsani ayashmadi, yoʻlimni topishim va tuzukroq hayotda yashashim uchun yelkalarini beminnat tutib berishdi.

Bizda doim halollik, hammani bir koʻzda koʻrish, oʻzida borini ayamaslik asosiy mezon boʻlgan. Biror kishiga nohaqlik qilganimizni, birovni yerga urganimizni yo odam zotidan manfaat kutganimizni eslolmayman. Umumiy xarakterimizga yot narsa bu.

Biz qorni och boʻlgandayam, koʻzi toʻq boʻlib ulgʻaydik. Odamlarni mansabi yo davlatiga emas, odamgarchiligiga qarab ulugʻlaymiz. Ziyoli, oʻqimishli, korchalon boʻlmasak ham — oliyjanob, halol va gʻururiga narx bichmaydigan odamlarmiz. Ochigʻi, bundan juda faxrlanaman.

Yana bir jihati, yaqin oʻtmishda mengacha oilamizdan birorta oʻqigan, muvaffaqiyatli odam chiqmagan boʻlsa ham, dadamning bobosi va amaki-bobolari obkom va raykom sekretarlari, tumandagi bosmaxona va tahririyatning boshliqlari boʻlishgan. Sovet davrida atiga 2 ta “Oltin yulduz” ordeni egasi chiqqan Kosondan. Oʻshalardan bittasi — Abdurahmon Davronov. Ya’ni Usmon Davronovning akasi (mana men nega Usmonovman).

Xullas, yaxshi odam boʻlish mezoni faqat oliygoh diplomi bilan, qanaqa ishda ishlashingiz bilan oʻlchanmasligiga ishonaman. Chunki men oilamni — har kuni duo qiladigan dadamni, xohishlarim uchun kurashadigan onamni, shuncha yelkasini tutib biror ogʻiz minnat qilmagan akalarimni hech qaysi ziyolidan kam koʻrmayman.

Bugun birinchi marta onamga “borizga shukur, ona” deb boʻgʻzimda nimadir gʻiyq etib tiqildi. Hech qaysilariga bunaqa gaplarni ochiq aytolmayman. Lekin men har birlarini ich-ichimdan juda qattiq hurmat qilaman, har birlari xudo bergan eng katta boyligim deb ardoqlayman.

@usmonosphere

Oʻtgan oy Samarqanddagi Art Station rezidensiyada kichikroq guruhga ma’ruza qilgandim. Mavzu: yosh ijodkorlarning ijod orqali oʻz yoʻlini topishi, mavjud imkoniyatlar va ijod ortidan uch-toʻrt soʻm topish.

Shu yerdayam tursin, qachondir kerak boʻladi.

@usmonosphere

#tekin_maslahat

Jamoat transportida ketayotganda telefonda gaplashmang.

Juda zarur boʻlganda yo qisqagina, yo qiziqarli mavzuda, yo boshqalar bilmaydigan tilda gaplashing.

@usmonosphere

Har koʻrganda Mirshakarning aql va farosat haqidagi hazili esimga tushadi…

@usmonosphere

Vijdoningizni nima qiynaydi? Oʻzingizni kechirishga yoʻl qoʻymaydigan nimadir bormi?

👉🏿 t.me/anonaskbot?start=sanduvoch

Sizga tekin maslahat, nimadir juda mukammal, risoladagiday, oʻta goʻzal va bekam-u koʻst koʻrinsa, shundan qoʻrqing.

@usmonosphere

“Kambagʻal doim mard keladi!”

©️ Doʻstimning togʻasi

@usmonosphere

Manetta qichu kitoblani yutvolishingla mumkin:

https://t.me/bankvamarifat/146

S-savod))

@usmonosphere

Shuncha oʻlik akkount qayerdan qoʻshilyapti? Hayronman. Doim shunaqa. Tozalayverib, tozalayverib charchab ketdi odam…

Biladiganlar bormi davosini?

@usmonosphere

Kayfiyatingni musiqa bilan ifodala, deb soʻrashsa shuni qoʻyib berardim.

@usmonosphere