Badiiy tarjima san’at, ilm va ogʻir aqliy mehnatning chorrahasidagi soha. Uni ijod sifatida ham, ilm sifatida ham, kasb sifatida ham talqin qilish mumkin.

Ayniqsa, yuksak saviyali, uzoq yillik mehnat va izlanishlar talab qiladigan muhtasham asarlar boʻladi. “Faust” shulardan biri. Uni shunchaki ikkita tilni biladigan tarjimon oʻgirolmasdi.

Tarjimon ham saviya va iste’dod jihatidan muallif bilan boʻylasha olgandagina durdona asarlar u tildan bu tilga “sogʻ-omon” koʻchib oʻtadi.

Katta avlod vakillari orasida bunaqa mas’uliyatni oqlagan tarjimonlar bemalol topiladi. Biz doxil avloddan, menimcha, faqat Mirzohid katta koʻlamli ishlar qilishga ulgurdi. Shlayapani yechsa arziydi!

Xullas, haqiqiy badiiy tarjima hech qachon oson, tez va qoʻl uchida qilib boʻladigan mashgʻulot emas.

@usmomosphere

Kunlarizni bir bezay dedim-da, faqat 00:16 dan boshlab eshitaslar :)

@usmonosphere

VATAN HASRATI

Yana javzo, chechaklar qorda qoldi,
Yana qirlarni tutdi lola dogʻi,
Bu ellarda koʻrinmas gʻam adogʻi,
Yana koʻzlar oʻzga diydorda qoldi,
Yana koʻzlar oʻzga diydorda qoldi.

Man bevatan qoldim vatan ichinda,
Na ifor bor, na rang chaman ichinda,
Yoshil baytlar soriq kafan ichinda,
Bogʻlar otash ichinda, norda qoldi,
Bogʻlar otash ichinda, norda qoldi.

Mulki Turon kabi pora yuraklar,
Oyoq ostinda qon yigʻlar chechaklar,
Keltirgan bormi naysondan daraklar?
Tanim kuzda, ruhim bahorda qoldi,
Tanim kuzda, ruhim bahorda qoldi.

Shafaqlar botdi Botu qonlarina,
Hech kim qiyo boqmas Choʻlponlarina,
Kim turar Qodiriyning yonlarinda,
Fitrat, Usmonlarim qay torda qoldi?
Fitrat, Usmonlarim qay torda qoldi?

Yor vaslidan soʻyla, ey sanduvochim,
Erkdan bizga xabar keltir, ey lochin,
Manga bundoq boqma, ey dor ogʻochi,
Tufroqdan past bu boshim dorda qoldi,
Tufroqdan past bu boshim dorda qoldi.

Dorul fano, dorul hazan bu dunyo,
Bir yoni gul, bir yon tikan bu dunyo,
Bir bor emas, bir yoʻq ekan bu dunyo,
Kimlar yoʻq boʻldi, kimlar borda qoldi,
Kimlar yoʻq boʻldi, kimlar borda qoldi?

Yana javzo, chechaklar qorda qoldi
Yana qirlarni tutdi lola dogʻi,
Bu ellarda koʻrinmas gʻam adogʻi
Yana koʻzlar oʻzga diydorda qoldi,
Yana koʻzlar oʻzga diydorda qoldi.

Zarif Sultoniy

@usmonosphere x @sheriston

Yangilikni zoʻri! Baxtiyor Rahmonov Rumiy gʻazalidan yangi qoʻshiq tayyorlayapti ekan!

Boʻlgandayam men qariyb yoddan biladigan, eng sevgan, musiqasiyam oʻzi bilan keladigan gʻazalni qoʻshiqqa aylantiryapti ekan!

Albatta, yarashsa Baxtiyor Rahmonovga yarashadi bunaqa katta adabiyotni qoʻshiq qilish!

Shu paytgacha Shekspir va Brodskiydan tortib Fitratgacha qoʻshiq qilgandi. Yashasin, Baxtiyor Rahmonov fenomeni!

@usmonosphere

#vakansiya

Yozish-chizishni va san’atni yoqtiradigan tanishlar, ish qidirayotgan boʻlsangiz, topshirib koʻring.

Bu sahifani endi ochilganidan buyon kuzatib boraman.

@usmonosphere

Mo‘tabar Xushvaqtova, Hook.Report nashri va uning bosh muharriri Jana Modelova, Sarpa Media va uning asoschisi Vera Karpovaning instagram sahifalari o‘chirib yuborilgan.

Suratdagi so‘zlarni Jana Modelova boshqa profilida yozgan. Chindan ham buni qilganlarni yirtqichlar deyish mumkin. Jamiyat uchun foydali kontent qilasan, auditoriya yig‘asan, lekin sahifang kimlargadir halal bergani uchunmi, qaysidir tongda shunchaki o‘chib ketadi.

O‘chib ketgan sahifalarning barchasi faol ayollarniki edi. Jamiyatdagi bosimlarga qaramay ayol jussang bilan o‘qib-o‘rganasan, ba‘zan shunchaki ko‘chada yurish bilan ham zo‘ravonlikka uchrashing mumkin bo‘lgan holda sen omon qolishga harakat qilasan, Vataning, millatdoshlaring uchun kuyinasan, hammasi yaxshiroq bo‘lishiga yordam berishga harakat qilasan, sog‘lom jamiyat haqida orzu qilasan, dunyoda piar va hayp uchun hamma narsa qilinayotgan paytda sen toza kontent yaratasan lekin, mehnating qadrlanish o‘rniga, uni yo‘q qilish uchun kuch va mablag‘ sarflashadi.

@inshaadows

Yoqtirgan qoʻshiq yoki musiqalarizni yuborishlariz uchun post

Marhamat :)

#savod

Hatto prezident boʻlsang ham, xatlaringni imloviy va uslubiy xatolarsiz, oydekkina qilib yozishing kerak, Donald.

Kinoda aytilganidek, bu senga tralleval emas. Yoki Maduroni oʻgʻirlab kelish ham emas.

Yashasin grammafashistlar!

@usmonosphere

#teatr

Toshkent shahridagi davlat teatrlarining fevral oyi uchun tomoshanomasi.

Vaqtingizga qarab boringlar, fevral teatrga tushish uchun eng zoʻr oy!

P.S. tanish-bilishga yuboringiz :)

@usmonosphere

#teatr

Bunisi esa Qoraqalpogʻiston Respublikasi va viloyatlardagi teatrlarning fevral oyi uchun tomoshanomasi.

Hamma teatr Toshkentda deb bahona qilmang, vaqtingizga qarab boravering.

@usmonosphere

​“Har kim oʻz hayotini istagan joyiga tiqishi mumkin” degan aqidamga tayanib, dam olish kunlari “Octagon 84” turniridagi ba’zi janglarni koʻrdim.

Ochiq gapki, men aralash janglar boʻyicha mutaxassis yoki muxlis emasman. Ora-orada ba’zi begona joylarga koʻz tashlagim keb qoladi xolos.

Janglar haqida gapirmayman. Doimgi qonuniyat ishladi: kuchlilar gʻolib chiqdi, kuchsizlar — magʻlub. Lekin diqqatimni boshqa jihat tortdi.

Octagon asosan Markaziy Osiyo hududida mashhur liga. Asosiy jangchilar ham mintaqamiz polvonlari. Oʻzbek, tojik, qozoq va hokazo.

Mabodo birortasiga muxlis boʻlsangiz, xafa boʻlmang-u, kuzatganlarim orasida eng “past soʻrt”lari oʻzimiznikilar ekan. Eng koʻp madaniyatsizlik, ilmsizlik belgilari hamyurtlarimizda uchradi.

Birovi matbuot anjumaniga oʻxshagan suhbatda boʻrillatib kekiradi, yana qoʻshimchasiga, oʻzi toʻgʻri talaffuz qilolmaydigan ruscha soʻzlarni aytib kulgiga qoladimi-yey.

Biri basharasini tirishtirib, qoshlarini zoʻrma-zoʻraki chimirgancha kuchanib raqibining sochini gapiradimi-yey. Yana bittasi janggacha raqibining ustidan masxaralab, alaloqibat yuzi shuvut boʻlib qoladimi-yey.

Xullas, “ispancha uyat” degani gʻirt mana shu boʻladi. Qaytanga tojik, qozoq yoki boshqa millat vakillari juda oʻzini sarishta qilib olgan, til biladigan, sport etikasini tushunadiganday koʻrindi.

Toʻgʻri, biz aytayotganlar professional emas. Aksari Instagramda ishtonchan chiqib “menga jang beringlar” degani ortidan lop etib kelib qolgan. Lekin baribir hamyurtlarim beqiliq maymunday kulgi boʻlayotganiga achindim.

@usmonosphere

Modomiki hech narsa bizni oʻlimdan qutqarib qololmas ekan, hech qursa sevgi bizni yashashdan qutqarib qolishi kerak.

Pablo Neruda, shoir

@usmonosphere

Oliygoh diplomi, toʻrtta kitob, yuzlab maqola, lekin haliyam toʻgʻri oʻqishni bilmayman. Sen “xayrli tong” deb yozasan, men esa “seni sevaman” tarzida oʻqiyman.

Mahmud Darvish, shoir

@usmonosphere