#tarjima

“Sharq yulduzi” jurnalining yangi 2/2026 sonida tarjimam chop etilibdi. Bu gal jahon bolalar adabiyotining dahosi Roald Dal ijodi bilan tanishasizlar, nasib.

Jurnal tahririyatiga tashakkur!

@usmonosphere

#xushxabar

Angliyalik shoir va tarjimon doʻstimiz Endryu Stenilend yangi tarjima kitobini e’lon qilibdi. Bu gal u Mashrabning “Mabdayi nur”ini inglizchaga oʻgirgan.

Kitobni Amazon orqali sotib olish mumkin deyilmoqda.

@usmonosphere

Ijtimoiy tarmoqlarda amaldorlarning qoʻlsoatlari muhokama boʻlayotir. “Qudbiyev 50 000 dollarlik soat taqibdi”, “Ishmetovni qoʻlida 35 000 dollarlik hashamat” va hokazo mavzular.

Bu gaplar haqiqatmi, yoʻqmi menga qorongʻi. Birorta amaldorning soatini lupa ostiga solib koʻrmaganman. Lekin shunday boʻlsa ham, nega tanqid qilish kerak?

Xoʻp, masalan birov 50 ming koʻkatga Toshkentda 2 xonali uy emas, Breguet brendidan soat sotib olibdi. Qaytanga, bu ham aqlli investitsiyaning bir koʻrinishi-ku. Vaqti kelib, asl soatlar narxidan bir necha barobar qimmatga ketadi.

Umuman, har qanday upper class yoki upper-middle class vakillari uchun bir-ikki yil pul orttirib soat sotib olish muammo boʻlmasa kerak.

Va davlatning yuqori lavozimlarida ishlaydigan kishilar bilan oʻqituvchilarni solishtiraverish ham xato. Qaytanga, oʻqituvchilarni atayin yerga urganday boʻlishyapti.

Aslida esa, hozir oʻqituvchilik qilayotgan kursdoshlarim hatto oddiy oʻrta maktablarda ham yaxshigina (10 mln +) maosh olishyapti. Nuqul 3 mln oylik deb noliyveradiganlar yaqin oʻtmishda qolib ketganga oʻxshaydi.

Xullas, amaldormi, tadbirkormi, kimki vazifasini vijdonan bajarib, yaxshi daromad topib, pulini aqlli boshqarolsa, qandini ursin, qoʻyinglar.

@usmonosphere

Boringlar, xalqim

@usmonosphere

Koʻp gapirib oʻtirmayman. Oxirgi yillarda men oʻqigan eng yomon tarjima boʻldi. Soʻzma-soʻz va dabdala qilingan. Ustidan muharrir koʻz yugurtirganmi, yoʻqmi Xudo biladi. Korrekturasida ham talay xatolar, sahifalanishida ham.

Inglizchasi bilan solishtirib oʻqidim. Undan koʻra aslida oʻqib qoʻysam osonroq bitardi. Shunaqa kuchli asarni, Kubrikday daho rejissyor film qilgan kitobni oʻzbekchada bu qadar aftoda holda taqdim etish — ijodiy jamoaga uyat boʻlishi kerak.

Noshir ta’kidlashicha, kitob ashaddiy tahrirdan oʻtgach qayta chop etiladi. Rostan ham qayta, toʻgʻri nashr juda kerak. Ungacha, xohlasangiz boshqa tilda oʻqib turing. Arziydigan asar.

@usmonosphere

Kimni tarjimasi bu asal kitobcha🤓

Muhrim okamizgila Harper Li’ni “Tasbeh daraxti soyasida” kitobidan parcha oʻqib beribdila, koʻringlar)

@usmonosphere

Gʻamsiz tuproq yoʻqdir, biroq turk tuprogʻi gʻamliroq,
Koʻzlar ichra sinchiklab boq, turkning koʻzi namliroq!

Voh-voh-ey, buncha dahshat qoʻshiq bu?!

@usmonosphere

#oʻkj

“Oʻlik kitobxonlar jamiyati”da keyingi oʻqiladigan kitob aniq — Oʻzbekiston xalq yozuvchisi Erkin A’zamning “Momaqaldiroq ostida sayr” romani!

Muhokama 9-may kuni boʻlib oʻtadi.
Kitobni birga mutolaa qilmoqchi boʻlganlar va suhbatlarda qatnashish istagi borlar, guruhga qoʻshilish uchun soʻrov yuborishlari mumkin!

Davramiz keng, sigʻishib ketasizlar. Faqat soʻrov yuborgandan keyin @munshaotbot ga oʻzingiz haqda ikki ogʻiz ma’lumot yozishingiz soʻraladi.

@usmonosphere

​​Sen aziz boshingni ko‘ksimga qo‘yding,
Men mag‘rur boshimni oyoqlaringga.
Sen mening yuragim urishin tuyding,
Men to‘yib tikildim qaroqlaringga.
Endi sening boshing toshdan qattiqroq,
Mening uchrashishga hafsalam yo‘qroq.

Sen yomg‘irli yo‘lda pinjimga kirding,
Men sening belingdan quchardim mahkam.
Bo‘sa olganimda kelardi kulging,
Qo‘shilib kulardim o‘shanda men ham.
Endi sening g‘amgin paytlaring ko‘proq,
Mening jilmayishga hafsalam yo‘qroq.

Sen tunda sim qoqib sirlashar eding,
Men noma yozardim samimiy, dalli.
Muhabbat tilida tillashar edik,
Beg‘ubor so‘zlaring eslayman hali...
Endi sening tiling ancha achchiqroq,
Mening so‘zlashishga hafsalam yo‘qroq.

O, mahzun oqshomlar, sokin xiyobon,
Ko‘cha chirog‘iyu kuyli favvora...
Sen o‘sha ko‘chadan o‘tarsan mudom,
Men ham o‘tayapman bir necha bora.
Sen menga qayrilib boqmaysan biroq,
Mening chorlamoqqa hafsalam yo‘qroq.

Biz aniq bilardik bir-birimizsiz
Uzoq yasholmasdik, firoq ko‘yida.
Biz uzoq joylarga yo‘qoldik izsiz,
Sen qirda, men esa daryo bo‘yida.
Endi sening hayot tajribang ko‘proq,
Mening hayotga ham hafsalam yo‘qroq.

She’rlar o‘qir edik, yozardik g‘aliz,
So‘z bilan chizardik dunyo suratin.
Xudo tinglar edi osmonda yolg‘iz,
Ikkita bo‘lajak shoir suhbatin.
Endi sening go‘zal she’rlaring ko‘proq,
Mening o‘qimoqqa hafsalam yo‘qroq.

Bek ALI

@salimov_blogi

#koʻrgazma

Umar Rajabov — zamondosh rassomlar ichida eng mashhurlaridan biri. Men Toshkentga kelmasimdan, Umar Rajabov haqidagi ta’riflarni eshitganman. Oʻqishga kelgach, rassom talabalar bilan birga yashadim. Oʻshanda ham kunda-kunora Umar Rajabov tilga olinardi.

Kecha ana shu rassomning “Yopiq eshik” nomli koʻrgazmasi ochildi. Borsam, tumonat odam. 30-40 kishi rassomni oʻrab olgan. Zalda yana bir talay tomoshabin asarlarni tomosha qilib yuribdi.

Xullas, muhit zoʻr, asarlar ham ajoyib. Koʻrgazma 10-maygacha davom etadi. Borib koʻringlar.

Manzil: Ikuo Xiroyama nomidagi madaniyat karvonsaroyi

@usmonosphere

O, sabr! O, toqat!.. Ne desam seni,
Sendan jirkanaman, koʻzimdan yoʻqol!
Axir nima boʻldik qanoat qilib,
Sen bor joyda faqat baxt topdi zavol!

Shandor Petyofi,
vengriyalik shoir

@usmonosphere

“Tasbeh daraxti soyasida” amerikalik yozuvchi Harper Lining eng mashhur asarlaridan biri boʻlib, koʻpincha “Mazaxchini oʻldirish” romanining davomi sifatida qaraladi.

Asarning ingliz tilidagi nomi “
Go set a Watchman”. Nom oʻzbek tiliga “Tasbeh daraxti soyasida” koʻrinisha tarjima qilingan boʻlib, mazmun jihatidan ramziylikni saqlab qolgan.


Hikoya 26 yoshli Jin Luiza Finchning Nyu-Yorkdan o‘zining tug‘ilib o‘sgan shahri Meykombga qaytishi bilan boshlanadi. U bu yerda otasi Attikus Finch bilan uchrashib, bolalikdagi qarashlari va ideallarini qayta ko‘rib chiqadi. Shu jarayonda u murakkab ijtimoiy va shaxsiy ziddiyatlarga duch keladi.

Asarda insonning ruhiy kamoloti va voyaga yetish jarayoni, jamiyatdagi irqiy tengsizlik hamda adolatsizlik muammolari, shuningdek, inson qarashlari va e’tiqodining vaqt o‘tishi bilan o‘zgarishi yoritiladi.

Nashriyot: Akademnashr
Tarjimon: Shohrux Usmonov

🚩 Agar oʻsha qizni “red flag”lari boʻlsa, siz buqa boʻling!

@usmonosphere

Bugun Oʻzbekiston Xalq shoiri Iqbol Mirzo tavallud topgan kun. Quyida esa shoir ijodidan eng sevgan she’rim.

SODIQ CHEGACHI

Sodiq chegachining ayoli xiyonat qildi...
Chegachi cho‘loq edi,
kambag‘al edi,
befarzand edi u ustiga-ustak.

Oysuluv bo‘lsa-da ayolin ismi,
suluv emas edi oydayin.
Ajab,
vafo qilmadi Oysuluv
go‘zal bo‘lmasa ham...

Uni shayton yo‘ldan urdi,
Sodiqni urdi xudo.

Oysuluv
yig‘ladi ikki bukilib...

O‘choqdagi o‘chayotgan o‘t
qizil tillarini o‘ynatib
masxara qilardi Sodiqni.
Qumg‘on
kulardi uning ustidan
sharaqlab...
– Yo‘qol... – dedi sekingina chegachi.
Ayol o‘rnidan jilmadi.
Tunda yo‘qolib qoldi Sodiqning o‘zi.
Kimdir uning gandiraklab
Bachqirariq tomon ketayotganini ko‘rganmish...

Bir yil o‘tdi, uch yil, besh...
Sodiqning cho‘pdek ozgan,
aqldan ozgan ayoli
suvqizi kabi sochlari yozg‘in
o‘tirarmish Bachqirariq qirg‘og‘ida.
Qo‘llarida Sodiq chegachining
Kamonchasi,
parmabigizi,
sirachi...

Chiqing, begim, ko‘nglingizni chegalab beray,
Ko‘nglingizni bering, begim, chegalab beray...

1989

@usmonosphere

— Bir yil ichida nima oʻzgardi?
— Vaznim!

@usmonosphere