Tarjimam qayta nashr qilinibdi!

Xarid uchun “Zabarjad Media”ga murojaat qilaverasiz.

@usmonosphere

“Boburnoma”ning inglizcha nashri kerak. Zudlik bilan xarid qilinadi topilsa!

Tarqatishga yordam beringlar. Kimda boʻlsa, @usmonip ga yozing yoki xabar qiling, oʻzim chiqaman.

@usmonosphere

Yoʻldaki ne boʻlsa yiqdim, oʻzga hoil qolmadi,
Yorga boqdim gerdayib, yor garchi qoyil qolmadi.
Chop dedi, chopdim sarosar, top dedi, topdim zarar,
Yoz dedi yozdim gʻazal foil-mafoyil qolmadi.

Mavlono Shoxrux Usmoniy

@usmonosphere

“Boburnoma”ning inglizcha nashri yurtimizda sotuvda yoʻq ekan. Bugun hamma yerdan, hatto asarning tarjimalari ustida ishlagan olimlargacha soʻrab chiqdim. Lekin topishning imkoni boʻlmadi.

Aslida Boburnomaning ikkita inglizcha tarjimasi Amazonda sotuvda mavjud. “Everyman’s Library” ruknida chiqqan nashriga hatto Salmon Rushdiy soʻzboshi yozgan.

Lekin xalqaro mehmonlar, delegatsiyalarga sovgʻa qilish uchun inglizcha kitoblarimiz sotuvda yoʻq ekan. Oʻzbek tilidagi sovgʻabop nashrlar ham juda kamyob. Menimcha, premium nashrlar bilan shugʻullanish vaqti ham keldi.

Nashriyotlar sovgʻabop, qimmat muqovali, yuqori sifatli kitoblarni nashr etishni boshlashsa ayni muddao boʻlardi.

“Booktopia” nashriyoti “Bygone days”ning delyuks nashrini va’da qilgandi. Balki birinchi qadam shu boʻlar?

@usmonosphere

Darslar 1-sentyabrdan boshlanadigan boʻldi. Oxirgi joylar qolgan. Imkoniyatdan foydalanib qoling :)

@usmonosphere

Sahih manbalarga koʻra, tushimda tojik, oʻzbek va ingliz tillarida alahsirar ekanman. Shoirona alahsiraganimga guvoh boʻlganlar haligacha ustimdan kulishadi.

Endigi masala — yana birorta tilni alahsirash darajasida yaxshi oʻrganish!

@usmonosphere

Vokzaldan topilgan xazina

@usmonosphere

Qanday yashashni hech kim bilmaydi, lekin…

Bir sinfdoshim bor. Azal-azaldan futbolga ishqiboz edi, uzzukun koptok ketidan yugurardi. Tan olaman, hammamizdan yaxshi oʻynardi u. Men unga havas qilib futbol bilan, u menga havas qilib she’riyat bilan shugʻullanib koʻrganmiz. Ikkalamiz birga toʻp tepardik, hatto bir gal yozgan she’rlarimizni afsonaviy “Gulxan” jurnaliga yuborganmiz. Unga javob xati kelgan, menga — “zambarakning oʻqi!”

Xullas, shu yigit haliyam futboldan uzilgani yoʻq. Hozir jamoasi 2-liga musobaqalarida ishtirok qiladi. Bolalarga futbol sirlarini oʻrgatadi. Oxirgi marta suhbatlashib, juda xursand boʻlgandim. Aytmoqchimanki, gap shon-shuhratga burkanish, pulning tagida nafas ololmay qolib ketish, minglab-millionlab muxlislar orasida talosh boʻlishda emas. Muhimi, kattami-kichikmi qilgan orzularing ichida yashash.

Masalan, shu sinfdoshim 2-liga oʻyinlarida gol ursa, oyiga falon pul topadigan futbolchidan kam xursand boʻlmaydi. Hissiyot oʻsha, hayajon oʻsha. Odam nimadan zavq olsa, oʻshanga oʻzini berishi kerak, deb oʻylayman. Shunda baxtliroq, yengilroq yashaydi. Sinfdoshimga ham shunday degandim hazillashib: “bosing, taqsir, nimadan kayf qilsangiz, oʻshandan vaqtni ayamang”.

Gapning poʻstkallasi shu, joningni tikishga arziydigan narsani topib, oʻshanga boringni berishing kerak kishi.

@usmonosphere

Agar hayvonlarning oʻz dini boʻlganida, unda inson iblis atalardi.

@usmonosphere

— deb yozadi faylasuflar tishlari orasidagi goʻsht qoldigʻini kovlab, sutli qahvadan xoʻplab…

@usmonosphere

NOGAHON BIR MOVIY RUH INAR

Nogahon bir moviy ruh inar jonga,
Yurak ​​— bir, quyosh ​​— bir, soya ​​— bir.
Uchta goʻzal kirar Oʻzbekistonga ​​—
Sentyabr, oktyabr, noyabr.

Kirar bir-birining qoʻlidan ushlab,
Sen-da ular bilan ketaber.
Seni qaytaradi izingga tushlar ​​—
Noyabr, oktyabr, sentyabr.

Muhammad Solih

@sheriston

AI-ruboiy

Kel, birodar, neki so‘rsang javob berAI,
Manzilingga olqishni duv-duv obberAI,
Magar tosh-u tarozuda biror pAIsa
YetmAI qolsa senga qandAI savob berAI?

Mavlono Usmoniy

@usmonosphere

Ayni bugun oʻqiladigan she’r!

Bayram muborak :)

@usmonosphere

#savod

Bunaqamas-da, endi oʻrtoqlar! SofTil bot qayerga qarayapti? Televideniye qayerga qarayapti? Mahalla qayerga qarayapti?

@usmonosphere

Diqqat!

Bu yil Filologiya va tillarni oʻqitish: oʻzbek tili hamda Tarjima nazariyasi va amaliyoti yoʻnalishlarida tahsilni tamomlayotgan talabalar ham Markaziy bank stipendiyasiga topshirishlari mumkin.

Ulkan tashkilot qozonida qaynab, tajriba olmoqchi boʻlganlar uchun ayni muddao! Oylik stipendiya ham beriladi. Dastur soʻngida ishga joylashishingiz ham mumkin. Uyogʻi oʻzingizga bogʻliq :)

@usmonosphere

Bitta gap bilan sizlarni 6 yil ortga qaytarishim mumkin:

Uyda qoling!

@usmonosphere