Usau Pavel
1.94K subscribers
250 photos
111 videos
2 files
360 links
Агляд і аналіз бягучых палітычных падзей. Беларусь і Сьвет. ❗️З 9 жніўня 2023 рэжымам Лукашэнкі ўнесены ў сьпіс экстрэмісцкіх.
Download Telegram
Перамовы Коўл-Лукашэнка скончыліся. Трывалі больш за 2 гадзіны. Вынікі - агульныя словы па сітуацыі ў сьвеце і "магчымае запрашэньне" Лукашэнкі ў ЗША на сустрэчу з Трампам. Што датычна практычных пытаньняў, перш за ўсе вызваленьня, то пакуль яснасьці няма.
🤔16🙏4👎2😈2🕊1
Рыжананкоў аднаўляе старую макееўскую ідэю: Беларусь - мост паміж Захадам і Усходам. "Калі яны захочуць (ЕЗ), скарыстацца сеньняшнім момантам... праз Польшчу і Беларусь сфарміраваць добры БОЛЬШ НАДЗЕЙНЫ, БОЛЬШ ШЫРОКІ канал ўзаемадзеяньня Захад-Усход, мы да гэтага дакладна гатовыя".
Вельмі знаёмыя матывы, але таксама сыгнал, які сьведчыць пра чаканьне і спадзяваньне вялікай перазагрузкі.
💯17👍5🤔2❤1👎1👏1😈1
Лукашэнка, як мы бачым, выбраў найлепшы для сябе сцэнар. Вызваліў, як кажуць, 250 чалавек: не так шмат, але і ня мала, і ў свaю чаргу атрымаць даволі важныя саступкі ў банкаўскім сэктары, адначасова не выглядаць прайграўшым.
Вельмі рады за Кацю Андрэеву.
❤42👍10🙏6🔥4😈2🏆1
Гэта як? "Министр финансов США Скотт Бессент заявил, что в ближайшие дни Вашингтон может снять санкции с иранской нефти находящейся в море, чтобы использовать её против Тегерана".
🤔10😁6🤣3❤2🤷‍♂2😈1
На фоне вызваленьня палітычных вязьняў знайшлася і Мельнікава. Магчыма хутка будзе з ёю інтэрв’ю, а можа і ток шоў, аля Чапман, з Пратасевічам.
💯30😁19👏1
Вось што самае цікавае. Мельнікава мае грамадзянства Польшчы, яе ніхто яго не пазбавіў і не пазбавіць (няма такой опцыі). Крымінальнай справы супряць яе ніхто не ўзбуджаў (махлярства, ці крадзеж грошаў) заявы пададзена не было. Нават не ў вышуку Інтэрполу. Як жа так? Ну зьніклі 150 тыс., і зьніклі (!). Падумаеш, якія дробязі. Па факце, яна абсалютна вольны чалавек. (Ахвяра!) Можа паехаць хоць зараз у любую краіну ЕЗ і сьвету з польскім пашпартам, фотак нарабіць. Пасьмяяцца над усімі. Забясьпечыла сябе на ўсе жыцьце.
Тут нехта ўзяўся Лукашэнку пасадзіць. Можа паспрабаваць з нечага больш простага. Што там КР? У наступныя выбары пагуляцца?
💯70👍10🤣3❤2🤡2😈1
Чаму Мельнікава з'явілася зараз?

Можа быць некалькі прычын.

1. Сымвалічаня. Прайшоў як раз год пасьля яе зьнікненьня, шмат кім дэкларавалася, што яна ахвяра, што яе скралі і цалкам ігнаравалі факт магчымай супрацы са сьпецслужбамі. Гэта ж зразумела накладала чорную цень на апазіцыю. Тым больш, што разам з ей зьніклі грошы, а пра фонды, справаздачнасьць, выкарыстаньне сродкаў, магчымую карупцыю казаць баяліся, як і дэталёва не хацелі разабрацца с гэтай усей справай. Агульна фармат фінансаваньня і публічнай падкантрольнасьці адсутнічае. Апазіцыя пераўстварылася не ў альтэрнатыўны палітычны праект, але закрытую камерцыйную супольнасьць, дзе палітыка не мэта, а сродак;

2. Тролінг чарговых выбараў у Каардынацыйную Раду. Не тое, што для ўладаў яна стварае нейкую пагрозу, ці выклік. Мэта простае - дэманстрацыя якасьці, як у пытаньнях бясьпекі, так і адказнасьці перад дэмакратычнай супольнасьцю. Якая на жаль, даведваецца пра праблемнасьць функцыянаваньня толькі пасьля скандалаў. Адсюль і жаданьне цалка закрыць публічны доступ да дзейнасьці прота-дзяржаўных структураў і схавацца за нейкімі дамовамі пра неразгалошаньне;

3. Рэжым Лукашэнка ўваходзіць у новую фазу адносінаў з Захадам, думаю разьвіцьце кантактаў з ЗША адаб'ецца на адносінах з Еўропай. Каб узмоцніць гэтыя імпульсы будзе пашырацца ўсебаковая дэскрыдытацыя апазіцыі як такой, перш за ўсе як маральна-палітычнай альтэрнатывы для існуючай сістэмы. Канцэпт просты: "яны ні чым не лепшыя, але ў апазіцыі няма ўлады і ўплываў у краіне, таму раней ці пазьней вы пачнеце размаўляць з існуючай уладай, для ўсіх будзе лепей, калі раней". Калі я не памыляюся, то хутка адбудзецца вялікае інтэрв'ю з Мельнікавай, дзе яна будзе распавядаць пра таямніцы апазіцыі і г.д.

Так ці інакш, відавочна, што КР у тым выглядзе ў якім яна існуе, працягваць сваю дзейнасьць не можа, бо становіцца не механізмам прыцягненьня людзей, а раздражньненья і адштурховае супольнасьць. На фоне інфармацыйнай кампаніі з Мельнікавай, лозунгі пра дэмакратыю, дзейнасьць у інтарэсах беларусаў будуць выглядаць абсурднымі і хутчэй як здзьек.

Самы лепшы варыянт, гэта калі КР заявіць пра скліканьне шырокага форум дэмакратычнай супольнасьці, не пад Ціханоўскую і Офіс, а пад роўнае прадстаўніцтва ўсіх беларускіх палітычных груп, створыць аргкамітэт і самараспусьціцца. Калі дэмакратычнай супольнасьці сапраўды спатрэбіцца шырокае прадстаўніцтва, то форум і вялікая публічная дыскусія гэта можа вырашыць.
💯27👍21😁5❤3🤔1🥱1
Важна❗️Каардынацыйная Рада паведамляе!!!

Дэмсілы выдадуць вывезеным палітвязням пашпарты Новай Беларусі — рашэнне прынялі АПК і Офіс Ціханоўскай. Дакументы будуць бясплатнымі!

Каардынацыйная Рада адзначае: уладальнікі гэтых пашпартоў змогуць удзельнічаць у выбарах. (!!!)

No comments
🤡65😁14👍8🙈8🤮5🔥3🤯3🤬3
Падобна, што ў Д.Трампа з’явіўся новы любімы прэзідэнт - А.Лукашэнка.

На ТГ афіцыйнам канале Трампа на расейскай мове, пачалі даваць цытаты Лукашэнкі
"Президент Беларуси Александр Лукашенко: Трамп чем мне нравится — он как думает, так и говорит".
Александр Лукашенко: Дональд [Трамп — ред.] предлагает большую сделку и встретиться вплоть до того, что у него дома во Флориде, и обсудить, и договориться. Я говорю — всегда.

Можа, хутка і фота Лукашэнкі павесяць у Белым Доме.
🤣43🥴7😁6💯6👍3😱3❤1🤬1🥱1😈1
На жаль, ЗША пачынаючы вайну з рэжымам аяталаў, не дасягнулі мэты. Тэакратычны рэжым пакуль трывае і агрызаецца, што ўсе мы адчуваем. Як вынік, прастора вайны пашыраецца на ўвесь Іран, і выходзіць за межы вайны з рэжымам. Трамп заявіў, што гатовы наносіць удары па жыцьцева важнай інфраструктуры, электрастанцыям. Гэта ўжо паказчык, што вайна ідзе не па плану.
💯34👍5🤣3😁1😢1😈1
Пакуль Нацыянальная Ідэя, Дзяржава і Грамадства жывуць у стане разарванасьці. Але наступіць той момант, калі ўсе гэтыя элементы спалучацца ў адным мейсцы - Дзяржаве, у адной сутнасьці - Народзе і ў адным бачаньні - Ідэі. І нашая Дзяржава, Народ, Ідэя не будуць абстрактнымі словамі, але нашым жыцьцем і рэчаіснасьцю.
Жыве Беларусь! Са сьвятам.
❤94👍12🔥6🦄3❤‍🔥2🫡2😁1🙏1
Дзяржава. Нацыянальны інтарэс і свабода.

Толькі свабодныя людзі могуць стварыць сваю дзяржаву, і толькі ў свабоднай супольнасьці дзяржава можа дасягнуць свайго максімальнага ўвасабленьня.

Выражэньне абсалютнай палітычнай і грамадзянскай свабоды магчыма толькі ў межах уласнай, незалежнай і дэмакратычнай дзяржаве і нідзе болей.

Толькі ва ўласнай дзяржаве грамадзянін мае палітычныя правы і рэальную магчымасьць для йх рэалізацыі. Толькі ў межах ўласнай дзяржавы гэтыя правы фарміруюцца і бароняцца, набываюць форму палітычных рашэньняў, праз свабоднае выражэньне палітычнай волі грамадзяніна.

У сваю чаргу, выяўленьне ўласнай свабоды адбываецца праз дзейнасьць палітычнай супольнасьці: праз выбары і права, свабоду мець доступ да палітычнага кіраваньня і развіцьця дзяржавы. У гэтым і ёсьць поўніца палітычнай свабоды.

У эміграцыі чалавек можа заставацца фактычна і асабіста свабодным, але палітычна ён не свабодны, ён па-за межамі палітычнай супольнасьці і дзяржаўнага кіраваньня – суцэльны аб’ект палітыкі.

Пакуль, эмігрант не стане грамадзянінам новай дзяржавы ён не набудзе палітычнай свабоды і палітычных правоў. Ён не атрымае магчымасьці ўсебаковай палітычнай рэалізацыі самога сябе. Асэнсаваньне сябе ў палітычным ёсьць вынік грамадзянскай свабоды.

У аўтарытарнай дзяржаве свабодны грамадзянін, як палітычная адзінка таксама не існуе. Любыя спробы заявіць сваё права на палітычную свабоду падаўляецца, а такі індывід зьнішчаецца. Пры аўтарытарызьме, кажучы словамі Эсхіла, «Свабодны толькі адзін».

Каб існаваць у такой дзяржаве, індывід, нават набліжаны да ўладцаў павінен сьвядома адмовіцца ад свабоды і ўласнай волі, і падпарадкавацца волі ўладцаў, пераўтворваючыся ў звычайны інструмент для падаўленьня, зьнішчэньня (фізычнага, духоўнага, ідэйнага) іншых грамадзянаў. Канешне ва ўмовах антыдэмакратыі і антысвабоды можна захоўваць ўнутраную, але ізноў, грамадзянін-падданы, ён ёсьць толькі суб’ект без палітычных правоў і свабодаў.

Палітычнай свабоды па-за дэмакратыі не існуе, хаця можа існаваць дзяржава без дэмакратыі, але існаваньне такой дзяржавы служыць, толькі для захаваньня і выражэньне адной волі і свабоды.

Акрамя фізычнага існаваньня дзяржавы, ключавым элементам (можна сказаць духоўнай напоўненасьцю) з’яўляецца функцыянаваньне свабоднага палітычнага грамадзяніна і супольнасьці. Праз свабоду чалавека выражаецца палітычная мэта дзяржавы. Бо, як вядома, дзяржаўны суверэнітэт ставіў мэтай вызваленьне - культурнае, палітычнае, эканамічнае грамадзянаў. Права быць вольнымі, то бок магчымасьць выражаць сваю Волю ў межах уласнай дзяржавы. І толькі ў межах сваёй дзяржавы можа адбыцца асэнсаваньне наяўнасьці ўласнай палітычнай волі – то бок універсальнай палітычнай свабоды. Часам узьнікалі пытаньні зьвязаныя са зьнешнім, ці ўнутраным суверэнітэтам.

Але без зьнешняга суверэнітэту дзяржавы ўнутраны – проста немагчымы. Толькі ў межах сувярэннай і незалежнай дзяржавы можа развівацца нацыянвльная палітычная воля, як ўвасабленьне нацыянальнай ідэі. У сваю чаргу, дасягаючы свабоды індывіда і грамадзяніна, узмацняючы ягоную палітычную волю, дзяржава атрымоўвае энэргію для свайго разьвіцьця і ідэйнага, структурнага ўмацаваньня.

Унутраны сувэрэнітэт дасягаецца праз стварэньне інстытуцыянальных, культурных, ідэйных умоў для выражэньня палітычнай волі і ўдзелу ў палітычным кіраваньні дзяржавай. Гэта павінна ўмацоўваць нацыянальны інтарэс у форме сувярэннага, дзяржаўнага існаваньня ў геапалітычнай прасторы.
❤25👍10🥱5🔥4💯3⚡1🤣1🍌1
«Наш выхад з НАТА даўно саспяваў. НАТА сябе вычарпала". Сэнатар ЗША Майк Лі.
Можа Лукашэнка запрапануе ЗША, як варыянт, стаць сябрам АДКБ?
😁33😢6👍5🤣5😐1
Выглядае на тое, што Мад’яр і ягоная партыя Тіса перамагла і набрала большасьць галасоў - 136. Доўгі перыяд Орбанакратыі ў Венгрыі скончыўся. Расея ж згубіла адзін з самых важных палітычных інструментаў у Еўропе.
🔥60❤14👍9👎3😁2🤡2👏1
Зварот Вікторыі Боні да Пуціна, як зрэз расейскай палітычнай культуры

Вікторыя Боня, расейская блогадзіва, якая з 2011 году жыве ў Манака.

Раптоўна яна заклапацілася пра лёсы вялікай матушкі Расеі, якую яна любіць і без якой не можа жыць і зьвярнулася да Пуціна, каб той "разобрался в ситуации". Тэма ўжо сталася віруснай, бо ў Боні аж 13 млн., падпісчыкаў у Інстаграме.

Яе зварот выклікаў цэлую віхуру як сярод блогераў, так і расейскіх лібералаў, а таксама ў заходніх медыях. Пачалі нават казаць пра "новага Навальнага".
Што ж такога ў гэтым роліку?
Агульны пасыл "от имени народа": Уладзімер Уладзіміравіч, вы наш прэзідэнт мы вас падтрымліваем, народ вас любіць, а ў Расеі бяда, людзі церпяць вы павінны разабрацца".
1. "Вам не кажуць праўды і вы не ведаеце, што адбываецца, бо вас баяцца, і таму падманваюць. Вакол вас шушара, якая шкодзіць нашай радзіме".

2. Чыноўнікі-губернатары нічога не робяць, яны для віду прыяжджаюць, а праблемы застаюцца, яны вас падманваюць;

3. У Дагестане жудасны патоп, але ж з гэтай рэспублікі столькі людзей паехала на СВО, каб служыць Расеі, як жа так, чаму дзяржава нічога не робіць. Мы, кроў праліваем, а карпарыцыі ў людзей забіраюць апошнюю карову.
Уладзімір Уладзіміравіч, кажа Боня, вы павінны бараніць народ, бо вы сільны лідар.

Сутнасьць ясная, вы наш цар-бацюшка, а вакол карупцыя, хлусы-губернатары і карпарацыі. Разбярыцеся, дапамажыце, бо мы ж у свабоднай краіне, а ў нас усе забараняюць.

Канешне зараз цар зарэагуе, паслухае просты народ, пакарае ўсіх гадскіх бюракратаў і чыноўнікаў і любоў да цара адновіцца з новай сілай. Праз месяц Вікторыя Боня запішыць відые з падзякай для вялікага прэзідэнта.
🤣37💯14❤5🤡5🤯1🥱1🥴1
Лукашэнка ў апошнім інтэрв'ю выказаўся пра неабходнасьць рэформы дзяржаўнага кіраваньня па савецкаму лекалу. Што гэта азначае?

Адзіная кіроўная партыя;
Адзіны генеральны сакратар;
Стырыльная палітычная прастора пры поўным кантролі;
Адмовы ад фасадных дэмакратычных інстытутаў і агульных прамых выбараў кіраўніка краіны;

Шчыра кажучы, гэтая мадэль функцыянуе з 2020 году, за выключэньнем існаваньня вядучай ролі палітычнай партыі.

Вярнуцца да аднапартыйнасьці будзе цяжка, ды і патрэбы няма.

Бо тады Лукашэнку трэба было станавіцца яшчэ і партыйным лідэрам.

Складанасьці ў сістэме ствараюць дадатковыя праблемы

Хаця, гэта можа быць падрыхтоўка да будучага транзіту ўлады. Прызначыць Колю генсекам і справа вырашына.

У сеньняшніх жа абставінах, адзінае, што можа быць зроблена - адмова ад усеагульных выбараў прэзідэнта, як гэта было ў позьнім СССР. Напрыклад УНС мог бы выбіраць прэзідэнта (як ў свой час Сходы дэпутатаў выбіралі Гарбачова і Ельцына). Менш клопатаў і напружаньня для сістэмы, менш умоваў для электаральнай рэвалюцыі і выдатны механізм для перадачы ўлады ў перспектыве.

Застаецца правесьці чарговыя канстытуцыйныя маніпуляцыі.
Ўся ўлада саветам (радам).
💯20🤣2❤1😁1😱1🥱1
Чарнобыль. Наш абавязак - памятаць.
💔56🔥4🙏3