🤝 Toshkent amaliy fanlar universiteti va Harbiy xavfsizlik va mudofaa universiteti o‘rtasida hamkorlik memorandumi imzolandi.

Bo'lib o'tgan uchrashuv davomida tomonlar ta’lim, ilmiy-tadqiqot, innovatsiyalar hamda xavfsizlik sohalarida hamkorlikni rivojlantirish, qo‘shma loyihalar va tadbirlarni amalga oshirish masalalarini muhokama qildi.

Tadbir doirasida TAFU vakillari universitet muzeyi ekspozitsiyalari, kursantlar uchun yaratilgan sharoitlar, ta’lim-tarbiya jarayoni va o‘quv mashg‘ulotlari bilan tanishdi. Shuningdek, kursantlarning jamoaviy hamkorlik, muloqot va psixologik tayyorgarligini rivojlantirishga qaratilgan amaliy mashg‘ulotlarda ishtirok etdi. ⚡️

Memorandum doirasida:
✅ Ta’lim jarayoniga zamonaviy axborot-kommunikatsiya texnologiyalarini joriy etish;
✅ Ilmiy-amaliy konferensiya va seminarlarni hamkorlikda tashkil etish;
✅ Professor-o‘qituvchilar, kursantlar va talabalar o‘rtasida tajriba almashinuvini yo‘lga qo‘yish;
✅ Ma’naviy-ma’rifiy va vatanparvarlik ruhidagi loyihalarni amalga oshirish;
✅ Harbiy hamda ijtimoiy-iqtisodiy xavfsizlik yo‘nalishlarida hamkorlikni rivojlantirish ko‘zda tutilgan.

Mazkur hamkorlik ikki oliy ta’lim muassasasi o‘rtasida tajriba almashinuvini kengaytirish, ilmiy va innovatsion faoliyatni rivojlantirish hamda yuqori malakali kadrlar tayyorlashga xizmat qiladi.

Telegram | Instagram | Veb-sayt

TAFUdа xalqaro ilmiy-amaliy konferensiya bo‘lib o‘tdi

22–23-oktabr kunlari Toshkent amaliy fanlar universitetida “Yangi O‘zbekiston taraqqiyot strategiyasi: innovatsiya, fan va ta’lim” mavzusida xalqaro ilmiy-amaliy konferensiya bo‘lib o‘tdi. ⚡️️️️️️️

Konferensiya universitetimiz professori, olim va faylasuf Nazar Hakimovich Hakimov tavalludining 75 yilligiga bag‘ishlandi. 💙

✅ Anjumanda O‘zbekiston va xorijiy davlatlarning yetakchi oliy ta’lim muassasalari professorlari, olimlari va tadqiqotchilari ishtirok etib, ilm-fan va ta’lim rivojining dolzarb masalalari yuzasidan fikr almashdilar.

Yalpi majlisda O‘zbekiston Respublikasi Fanlar akademiyasi akademigi Saidahror G‘ulomov, Leypsig universiteti professori Konrad Reschke, Al-Farobiy nomidagi Qozog‘iston Milliy universiteti professori Sveta Berdibayeva hamda boshqa mahalliy va xorijiy olimlar ilmiy ma’ruzalar bilan qatnashdilar.

📚 Konferensiya doirasida quyidagi yo‘nalishlar muhokama qilindi:

- Maktabgacha va boshlang‘ich ta’lim, inklyuziv ta’limning zamonaviy yondashuvlari;
- Raqamli transformatsiya sharoitida pedagogika, psixologiya va innovatsion ta’lim texnologiyalari;
- Tarixiy xotira, madaniyatlararo muloqot va zamonaviy tilshunoslik;
- Sun’iy intellekt, axborot xavfsizligi va raqamli jamiyat;
- Yashil iqtisodiyot, barqaror rivojlanish va innovatsion menejment;
- Yosh olimlarning fundamental va amaliy tadqiqotlari.

🤝 Bunday tadbirlar hamkorlikni mustahkamlash, yangi g‘oyalarni ilgari surish va ta’lim sohasidagi innovatsion yondashuvlarni rivojlantirishga xizmat qilmoqda.

Telegram | Instagram | Veb-sayt