TAFUdа xalqaro ilmiy-amaliy konferensiya bo‘lib o‘tdi

22–23-oktabr kunlari Toshkent amaliy fanlar universitetida “Yangi O‘zbekiston taraqqiyot strategiyasi: innovatsiya, fan va ta’lim” mavzusida xalqaro ilmiy-amaliy konferensiya bo‘lib o‘tdi. ⚡️️️️️️️

Konferensiya universitetimiz professori, olim va faylasuf Nazar Hakimovich Hakimov tavalludining 75 yilligiga bag‘ishlandi. 💙

✅ Anjumanda O‘zbekiston va xorijiy davlatlarning yetakchi oliy ta’lim muassasalari professorlari, olimlari va tadqiqotchilari ishtirok etib, ilm-fan va ta’lim rivojining dolzarb masalalari yuzasidan fikr almashdilar.

Yalpi majlisda O‘zbekiston Respublikasi Fanlar akademiyasi akademigi Saidahror G‘ulomov, Leypsig universiteti professori Konrad Reschke, Al-Farobiy nomidagi Qozog‘iston Milliy universiteti professori Sveta Berdibayeva hamda boshqa mahalliy va xorijiy olimlar ilmiy ma’ruzalar bilan qatnashdilar.

📚 Konferensiya doirasida quyidagi yo‘nalishlar muhokama qilindi:

- Maktabgacha va boshlang‘ich ta’lim, inklyuziv ta’limning zamonaviy yondashuvlari;
- Raqamli transformatsiya sharoitida pedagogika, psixologiya va innovatsion ta’lim texnologiyalari;
- Tarixiy xotira, madaniyatlararo muloqot va zamonaviy tilshunoslik;
- Sun’iy intellekt, axborot xavfsizligi va raqamli jamiyat;
- Yashil iqtisodiyot, barqaror rivojlanish va innovatsion menejment;
- Yosh olimlarning fundamental va amaliy tadqiqotlari.

🤝 Bunday tadbirlar hamkorlikni mustahkamlash, yangi g‘oyalarni ilgari surish va ta’lim sohasidagi innovatsion yondashuvlarni rivojlantirishga xizmat qilmoqda.

Telegram | Instagram | Veb-sayt

Markaziy Osiyo xalqaro ta’lim forumi

28-oktabr kuni Toshkent shahridagi “O‘zbekiston” xalqaro anjumanlar saroyida Markaziy Osiyo xalqaro ta’lim forumi o‘z ishini boshladi. Unda Toshkent amaliy fanlar universiteti rektori Abdusalom Vaxitovich Umarov ham ishtirok etdi. ⚡️️️️️️️

Forum 40 dan ortiq davlat vakillari, ta’lim va fan vazirlari, 500 ga yaqin mahalliy va xorijiy oliy ta’lim muassasalari rahbarlari hamda mingdan ziyod ekspertlarni bir maydonga jamladi.

Tadbirning ochilish marosimida O‘zbekiston Respublikasi Prezidenti Shavkat Mirziyoyevning forum ishtirokchilariga yo‘llagan murojaati o‘qib eshittirildi. Unda ta’lim sifatini oshirish, xalqaro hamkorlikni kengaytirish, sun’iy intellekt va zamonaviy texnologiyalarni rivojlantirishning strategik ahamiyati ta’kidlandi.

✅ Forum doirasida ta’lim, fan va innovatsiyalar sohasidagi hamkorlik, qo‘shma ilmiy tadqiqotlar, oliy ta’limda raqamli texnologiyalar va sun’iy intellekt, ta’lim sifati hamda xalqaro reytinglar kabi dolzarb masalalar muhokama qilinmoqda.

Mazkur xalqaro forumda TAFU rahbariyatining ishtiroki universitetning xalqaro akademik hamkorlikni rivojlantirish va ilg‘or ta’lim tajribalarini o‘rganishga qaratilgan faoliyatida muhim ahamiyat kasb etadi. ✨

Telegram | Instagram | Veb-sayt