#Xalqaro_forum
#Hamkorlik
#Baholash

🔹 Taʼlimni rivojlantirish respublika ilmiy-metodik markazi va Toshkent amaliy fanlar universiteti hamkorligida tashkil etilgan "Dalillarga asoslangan taʼlim transformatsiyasi: Baholashdagi tendensiyalar, muammolar va innovatsion yechimlar" mavzusida forum davom etmoqda.

Forumning ikkinchi bo'limi kasbiy va oliy taʼlimda baholashdagi tendensiyalar, muammolar va innovatsion yechimlarga bag'ishlandi.

Ushbu qismda Toshkent amaliy fanlar universiteti rektori Abdusalom Umarov zamonaviy mehnat bozori nafaqat nazariy bilimga, balki amaliy ko‘nikma va shakllangan kompetensiyalarga ega mutaxassislarni talab etayotganini ta'kidladi.

"Bugungi kunda ta’lim tizimi tubdan o‘zgarib bormoqda. Endi savol shunday: biz nimani o‘qityapmiz emas, balki qanday natijaga erishyapmiz?

Ana shu savolga aniq, asosli va ishonchli javob berish dalillarga asoslangan baholashning bosh maqsadidir. Chunki dalil — bu taxmin emas, dalil — bu haqiqat. Haqiqat esa sifatli ta’limning eng mustahkam poydevoridir.

Baholash tizimidagi zamonaviy tendensiyalar bizdan faqat reyting va ball bilan cheklanib qolmaslikni, balki o‘quvchining real kompetensiyasi, tanqidiy fikrlashi, ijodkorligi va hayotiy ko‘nikmalarini aniqlashni talab etmoqda.

Shu bilan birga, mavjud muammolar subyektivlik, eskirgan yondashuvlar va raqamli imkoniyatlardan yetarlicha foydalanmaslik barchamizni chuqur o‘ylashga undaydi.

Bugungi forum — tajriba almashish, yangi g‘oyalar tug‘ilishi va ta’limni haqiqiy transformatsiya qilish yo‘lidagi muhim qadamdir. Ishonchim komilki, bu yerda aytiladigan har bir fikr, bildiriladigan har bir taklif ertangi kun ta’lim sifatiga bevosita ta’sir ko‘rsatadi.", — dedi Abdusalom Umarov.

🔹 Telegram 🔹 Instagram
🔹 Facebook 🔹 X (Twitter)
🔹 YouTube 🔹 Trm.uz