🎉 “Talaba Fest” — talabalar hayotiga yangi kayfiyat ulashmoqda!

Toshkent amaliy fanlar universitetida “Talaba Fest” festivali doirasida turli madaniy-ma’rifiy va sport tadbirlari tashkil etilmoqda. 🎉

Festival davomida talabalar o‘rtasida “Shaxmat-shashka” musobaqasi o‘tkazilib, yoshlar o‘z bilim va strategik fikrlash qobiliyatlarini namoyon etishdi. Shuningdek, Tarix va filologiya fakulteti talabalari O‘zbekiston prokuraturasi tarixi muzeyiga tashrif buyurib, yurtimiz tarixi va muhim tarixiy jarayonlar bilan yaqindan tanishdilar. ✨

“Talaba Fest” — bu nafaqat hordiq, balki bilim, tajriba va unutilmas taassurotlar maydoni! 💫

Telegram | Instagram | Veb-sayt

🇩🇪 TAFU professor-o‘qituvchilari Germaniyada xalqaro malaka oshirish dasturida ishtirok etdi

Joriy yilning 11–25-may kunlari Leypsig universiteti tashabbusi bilan Toshkent amaliy fanlar universitetining quyidagi professor-o‘qituvchilari Germaniyada o‘quv-amaliy safarda bo‘lib qaytdilar:
• Tuychiyeva Saodat — Psixologiya kafedrasi mudiri, DSc, professor
• Mirashirova Nargiza — Psixologiya kafedrasi professori, PhD
• Turabekova Shaxnoza — Psixologiya kafedrasi dotsent v.b.
• Sobirov Yangiboy — Psixologiya kafedrasi katta o‘qituvchisi

Professor-o‘qituvchilar xalqaro delegatsiya tarkibida Germaniyaning Paderborn universitetida tashkil etilgan xalqaro ilmiy konferensiyada hamda Leypsig universitetida klinik psixologiya yo‘nalishi bo‘yicha o‘tkazilgan 144 soatlik xalqaro malaka oshirish dasturida ishtirok etdi.

Dastur davomida Leypsig universiteti professorlari K. Reshke va A. Garber tomonidan klinik psixologiyaning zamonaviy yo‘nalishlari bo‘yicha ma’ruzalar o‘qildi. Ishtirokchilar xalqaro tajriba, ilmiy yondashuvlar va amaliy metodlar bilan yaqindan tanishdilar.

📚 Kurs yakunida olingan bilim va ko‘nikmalar muhokama qilinib, Germaniya tajribasini kelgusidagi kasbiy faoliyatga tatbiq etish imkoniyatlari tahlil qilindi.

✅Yakunlovchi tadbirda ishtirokchilarga xalqaro malaka oshirish dasturini muvaffaqiyatli tamomlaganlik to‘g‘risidagi sertifikatlar topshirildi.

Telegram | Instagram | Veb-sayt

🇰🇬 TAFU delegatsiyasi Osh texnologiya universitetiga xizmat safari bilan tashrif buyurdi

📌Toshkent amaliy fanlar universitetining o‘quv ishlari bo‘yicha prorektori, PhD, dotsent Vapayev Murodjon Dusummatovich hamda Xalqaro aloqalar bo‘limi boshlig‘i, PhD, dotsent Saitov Elyor Bakhriddinovich xizmat safari bilan Osh texnologiya universitetida bo‘lishdi.

🤝 Tashrif doirasida universitet vakillari Osh texnologiya universiteti rektori, professor Janbolot Tursunbayev boshchiligidagi jamoa bilan uchrashuv o‘tkazdilar.

Uchrashuv davomida ikki oliy ta’lim muassasasi o‘rtasidagi hamkorlikni kengaytirish, akademik almashinuv dasturlarini rivojlantirish, ilmiy tadqiqotlarni birgalikda olib borish hamda xalqaro loyihalarda hamkorlik qilish masalalari muhokama qilindi.

📚 Tomonlar ta’lim va ilm-fan sohalarida tajriba almashishni faollashtirish hamda o‘zaro manfaatli hamkorlikni yanada mustahkamlash bo‘yicha fikr almashdilar.

✅ Tashrif yakunida kelgusidagi hamkorlik yo‘nalishlari yuzasidan qator takliflar ko‘rib chiqildi va istiqboldagi qo‘shma loyihalar bo‘yicha dastlabki kelishuvlarga erishildi.

Telegram | Instagram | Veb-sayt