📜 “Navoiy – So‘z Mulkining Sultoni”

Kecha Alisher Navoiy kutubxonasida buyuk mutafakkir, shoir va davlat arbobi Alisher Navoiy tavalludining 584 yilligiga bag‘ishlangan ma’rifiy tadbir bo‘lib o‘tdi.

📖 Tadbir davomida Navoiy hayoti va ijodi, uning adabiyotga qo‘shgan ulkan hissasi haqida qiziqarli suxbatlar tashkil etildi. Mehmonlar shoirning ijodiy merosi, insoniy fazilatlari va adabiy dunyosi haqida so‘z yuritdilar.

Tadbirimizda taniqli yozuvchi va olimlar, adabiyotshunoslar va san’at vakillari ishtirok etib, o‘z fikrlari bilan talabalarimizni ilhomlantirdilar. Jumladan,
- O‘zbekiston Xalq yozuvchisi Isajon Sulton,
- Navoiyshunos olim Sultonmurod Olimov,
- “Shuhrat” medali sohibasi Ziyada G‘afforova, va boshqa hurmatli mehmonlar biz bilan bo‘ldilar.

🎭 Qo‘g‘irchoq teatri sahna ko‘rinishlari orqali Navoiy asarlaridagi obrazlarni gavdalantirgan bo'lsa, dutorchi qizlar esa o‘ziga xos kuy-qo‘shiqlari bilan tadbirga o‘zgacha ruh bag‘ishladilar.

Bu tadbir har birimizga Navoiy merosini yanada chuqur o‘rganish va qadrlash uchun ilhom bag‘ishladi!

Telegram | Instagram | Veb-sayt

📃 2025-yil 12-fevral kuni Toshkent amaliy fanlar universiteti va Toshkent davlat iqtisodiyot universiteti o‘rtasida o‘zaro hamkorlik to‘g‘risida memorandum imzolandi.

📚 Ushbu kelishuv ikki oliy ta’lim muassasasi o‘rtasida ilmiy-amaliy tajriba almashish, professor-o‘qituvchilarning o‘quv jarayonlarida faol ishtirokini ta’minlash, hamkorlikda ilmiy tadqiqotlar va grant loyihalarini ishlab chiqish kabi yo‘nalishlarda hamkorlikni mustahkamlashga xizmat qiladi.

⚡️ Shuningdek, memorandum doirasida o‘quv rejalari va fan dasturlarini takomillashtirish, o‘quv-metodik materiallarni birgalikda yaratish, ilmiy maqolalar tayyorlash va nashr qilish, konferensiyalar, simpoziumlar hamda seminarlarni tashkil etish kabi qator tashabbuslar amalga oshirilishi rejalashtirilgan.

Telegram | Instagram | Veb-sayt