⚡️JIDU TALABALARI ADIBLAR XIYOBONIDA

21-oktabr — O‘zbek tili bayrami kuni munosabati bilan Jahon iqtisodiyoti va diplomatiya universiteti talabalari ishtirokida Adiblar xiyobonida ma’naviy-ma’rifiy tadbirlar tashkil etildi.

Tadbirlar yoshlar o‘rtasida ona tilimizga bo‘lgan hurmat va ehtiromni kuchaytirish, o‘zbek tilining milliy o‘zligimiz, tarixiy xotiramiz va ma’naviy qadriyatlarimizni asrab-avaylashdagi beqiyos o‘rnini targ‘ib etishga qaratildi.

Tadbirlar davomida o‘zbek tilining boy tarixi, betakror jozibasi, adabiy merosimiz va xalqimiz ma’naviy hayotidagi ahamiyati haqida fikr almashildi. Talabalar buyuk adiblarimizning ona tilimiz va adabiyotimiz rivojiga qo‘shgan hissasini e’tirof etib, milliy merosimizni asrash va kelajak avlodlarga yetkazish muhimligini ta’kidladilar.

Mazkur tashabbus yoshlarning ona tiliga bo‘lgan mehrini yanada oshirish, milliy g‘urur va vatanparvarlik tuyg‘ularini mustahkamlash hamda davlat tilining jamiyat hayotidagi nufuzini yuksaltirishga xizmat qildi.

🌐UWED.UZ | |🕊Telegram |📱Instagram |🕊X |📱Facebook |📺YouTube

🇺🇳JIDUda Birlashgan Millatlar Tashkilotining 81 yilligi nishonlandi!

Jahon iqtisodiyoti va diplomatiya universitetida Birlashgan Millatlar Tashkiloti tashkil etilganining 81 yilligi munosabati bilan UWED MUN Club tomonidan ma’naviy-ma’rifiy tadbir tashkil etildi.

🌎Tadbir doirasida BMTning UNODC huzuridagi Markaziy Osiyo yoshlar mintaqaviy tarmog‘i (Regional Youth Network for Central Asia) faoliyati haqida taqdimot o‘tkazildi. Unda yoshlarning xalqaro tashabbuslardagi ishtiroki, mintaqaviy hamkorlik va yoshlar diplomatiyasining ahamiyatiga alohida e’tibor qaratildi.

✅Tadbirning “UN Quiz” intellektual viktorinasi davomida talabalar BMT tarixi, uning faoliyati, xalqaro munosabatlar va global muammolarga oid bilimlarini sinovdan o‘tkazdilar.

🎬Shuningdek, “UN Cinema” dasturi doirasida kino san’ati orqali xalqaro munosabatlar, tinchlik, diplomatiya va zamonaviy global muammolar mavzulari yoritildi.

✨Mazkur tadbir talabalarning xalqaro tashkilotlar faoliyatiga bo‘lgan qiziqishini oshirish, tanqidiy fikrlash ko‘nikmalarini rivojlantirish hamda yoshlar o‘rtasida xalqaro hamkorlik va diplomatik muloqot madaniyatini targ‘ib etishga xizmat qildi.

🌐UWED.UZ | |🕊Telegram |📱Instagram |🕊X |📱Facebook |📺YouTube

⚡️ JIDU TALABALARI SIYOSIY MAYDONDA

O‘zbekiston Prezidenti huzuridagi Davlat siyosati va boshqaruvi akademiyasida Oliy Majlis Qonunchilik palatasi huzuridagi Yoshlar parlamenti tomonidan Germaniyaning Konrad Adenauer jamg‘armasi Markaziy Osiyo bo‘yicha vakolatxonasi, Yevropa Ittifoqi, “Yuksalish” harakati hamkorligida “G‘oya ber, fikr bildir, kelajakni birgalikda yarat!” shiori ostida “Yosh siyosatchilar” marafoni o‘tkazildi.

Marafonning asosiy g‘oyasi — yoshlarni siyosiy jarayonlarning shunchaki kuzatuvchilari sifatida emas, balki muammolarni tahlil qiladigan, o‘z pozitsiyasini asoslaydigan, jamoatchilik bilan muloqot qiladigan hamda aniq yechim va tashabbuslarni taklif etadigan yangi avlod siyosiy ishtirokchilari sifatida shakllantirishdan iborat.

Marafonda JIDUning bakalavriat va magistratura bosqichi talabalari — “Yoshlar parlamenti” a’zolari faol ishtirok etib, to‘rt yo‘nalishda tashkil etilgan panel sessiyalarida dolzarb siyosiy, ijtimoiy va iqtisodiy masalalar yuzasidan o‘z fikr-mulohazalari hamda tashabbuslarini ilgari surdilar.

🌐UWED.UZ | |🕊Telegram |📱Instagram |🕊X |📱Facebook |📺YouTube

🇺🇿🇯🇵 JIDUda Yaponiyaning oltita yetakchi universiteti vakillari ishtirokida ta’lim imkoniyatlari taqdimoti bo‘lib o‘tdi
 
2026-yil 26-oktabr kuni Jahon iqtisodiyoti va diplomatiya universitetiga Yaponiyaning oltita yetakchi oliy ta’lim muassasasi vakillari tashrif buyurdi. Tashrif doirasida ta’lim dasturlari, akademik mobillik imkoniyatlari, grant va stipendiyalar, shuningdek, Yaponiyada ta’limni davom ettirish hamda kasbiy rivojlanish istiqbollariga bag‘ishlangan taqdimot tashkil etildi.

Tadbirda Yaponiyaning quyidagi universitetlari vakillari ishtirok etdi:
1. University of Tsukuba — Tsukuba universiteti;
2. Nagoya University — Nagoya universiteti;
3. Yokohama National University — Yokohama milliy universiteti;
4. The Graduate University for Advanced Studies (SOKENDAI) — Ilg‘or tadqiqotlar oliy universiteti;
5. Kobe University — Kobe universiteti;
6. Nagaoka University of Technology — Nagaoka texnologiya universiteti.

📎Batafsil...

🌐UWED.UZ | |🕊Telegram |📱Instagram |🕊X |📱Facebook |📺YouTube