🇺🇿Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutiga qarashli Jizzax garnizonida joylashgan harbiy qismda shaxsiy tarkib bilan Huquqbuzarliklar profilaktikasi kuni doirasida "Giyohvandlik vositalari bilan bogʻliq huquqbuzarlik va jinoyatlarni sodir etganlik uchun javobgarlik" mavzusida profilaktik tadbir oʻtkazildi.
Tadbirda Jizzax harbiy prokurori ishtirok etib, giyohvandlik vositalarining jamiyat va Qurolli Kuchlar safidagi salbiy oqibatlari, ushbu turdagi huquqbuzarlik va jinoyatlar uchun qonunchilikda belgilangan javobgarlik choralari hamda harbiy xizmatchilarning huquqiy ongi va masʼuliyatini yanada yuksaltirish masalalari yuzasidan atroflicha tushuntirishlar berdi.

🇺🇿O‘zbekiston Respublikasi Mudofaa vazirligi hamda Notarial palatasi o‘rtasidagi hamkorlik memorandumi doirasida harbiy xizmatchilar va Qurolli Kuchlar ishchi-xizmatchilarining huquqiy bilimlarini oshirish maqsadida davra suhbati o‘tkazildi.Tadbirda Notarial palata Qashqadaryo viloyati hududiy boshqarmasi boshlig‘i Xudoyberdiyev Jo‘ra Qo‘ysinovich ishtirok etib, notarial sohadagi yangiliklar, hujjatlarni rasmiylashtirish tartibi va amaliy masalalar yuzasidan ma’lumot berdi.Uchrashuv yakunida ishtirokchilar o‘zlarini qiziqtirgan savollar yuzasidan fikr almashdilar.