🇺🇿O‘zbekiston Respublikasi Mustaqilligining 35 yilligi munosabati bilan Surxondaryo viloyatida o‘tkazilayotgan “TECHNO DRIVE — 2026” ochiq musobaqasida Harbiy aviatsiya instituti kursantlari ham faol ishtirok etmoqda.Musobaqa doirasida dron poygasi, robotlar jangi, kibersport, raketa model sporti, robot-sapyor hamda aviamodel sporti kabi zamonaviy texnologik yo‘nalishlarda bellashuvlar tashkil etilmoqda.Kursantlar bahslarda o‘zlarining texnik bilimlari, puxta tayyorgarligi, tezkor fikrlashi va amaliy ko‘nikmalarini namoyon etib, munosib natijalarga erishmoqda.Ularning ishtiroki zamonaviy texnologiyalarni puxta egallagan, bilimli va salohiyatli yosh harbiy mutaxassislarni tayyorlash borasidagi ishlarning amaliy ifodasidir.

🇺🇿O‘zbekiston Respublikasi Harbiy xavfsizlik va mudofaa universitetining Harbiy aviatsiya institutida O‘zbekiston yoshlar ittifoqi boshlang‘ich tashkiloti faoliyati o‘rganildi.O‘rganish davomida boshlang‘ich tashkilot faoliyatining samaradorligini oshirish, yoshlar bilan ishlash tizimini yanada takomillashtirish, ularning tashabbuslarini qo‘llab-quvvatlash hamda ma’naviy-ma’rifiy, sport va harbiy-vatanparvarlik yo‘nalishidagi tadbirlarni yanada kuchaytirish bo‘yicha takliflar bildirildi.Shuningdek, kelgusida amalga oshiriladigan qo‘shimcha chora-tadbirlar belgilab olindi.

🇺🇿O‘zbekiston Respublikasi Prezidentining tegishli qarori hamda Mudofaa vazirining buyrug‘i asosida qo‘shinlarda “Ma’naviyat qalqoni” respublika kitobxonlik tanloviga tayyorgarlik ishlari olib borilmoqda. Shu jumladan Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutida Ma’naviyat va ma’rifat markazlari, Madaniyat markazlari hamda kutubxona xodimlari ishtirokida uslubiy yig‘inlar tashkil etilmoqda. Asosiy maqsad — tanlovni yuqori saviyada o‘tkazish, kutubxonalar faoliyatini takomillashtirish va harbiy xizmatchilar o‘rtasida kitobxonlik madaniyatini yanada rivojlantirish.