🇺🇿O‘zbekiston Respublikasi Harbiy xavfsizlik va mudofaa universitetining Harbiy aviatsiya instituti negizidagi Jizzax garnizonida joylashgan harbiy qismda harbiy xizmatchilar hamda ularning oila a’zolari uchun ko‘ngilochar tadbir tashkil etildi.Tadbir davomida harbiy xizmatchilar va ularning oila a’zolariga ko‘tarinki kayfiyat ulashish maqsadida turli ko‘rgazmali chiqishlar namoyish etildi. Shuningdek, davra bazmi tashkil qilinib, taniqli san’atkorlar tomonidan kuy-qo‘shiqlar ijro etildi.Bayramona ruhda o‘tgan tadbir ishtirokchilarga unutilmas taassurot va xush kayfiyat bag‘ishladi.

🇺🇿Respublikamizda 8 oy davomida giyohvandlikning oldini olish, unga qarshi kurashish hamda narkotik vositalarning noqonuniy muomalasiga chek qo‘yish borasida amalga oshirilgan ishlar va mamlakatimizdagi narkovaziyat tahlili.Giyohvandlik — inson hayotidagi eng xavfli illatlardan biridir. U nafaqat insonning sog‘lig‘i va kelajagiga, balki uning oilasi, yaqinlari va jamiyatdagi muhitga ham salbiy ta’sir ko‘rsatadi.Giyohvandlikning oldini olishda eng muhim choralar — hushyorlik, to‘g‘ri tanlov va atrofdagilarning befarq bo‘lmasligidir.Yoshlarni giyohvandlikdan asrash, sog‘lom turmush tarzini targ‘ib qilish va narkotik moddalarning noqonuniy tarqalishiga qarshi kurashish — barchamizning umumiy vazifamiz.Giyohvandlikka yo‘l yo‘q! Sog‘lom hayot — to‘g‘ri tanlov!

⚡️⚡️⚡️Korrupsiyaning oldini olish, qonun ustuvorligini ta’minlash, halollik, vatanparvarlik va yuksak huquqiy madaniyat tamoyillarini mustahkamlashga qaratilgan ma’naviy-ma’rifiy tadbirlar o‘tkazilmoqda.Tadbirlarning asosiy maqsadi — jamiyatda korrupsiyaga nisbatan murosasiz munosabatni shakllantirish, qonuniylik va adolat tamoyillarini keng targ‘ib etish, fuqarolarning huquqiy bilim va madaniyatini yanada yuksaltirishdan iborat.Zero, halollik — taraqqiyot poydevori, qonuniylik va adolat esa farovon jamiyatning muhim mezonidir!