📍 FIFAning ayol hakamlar va "Hakamlar akademiyasi" o'quvchilari uchun seminari davom etmoqda

Bugun amaliy mashg'ulotlar davomida xalqaro maydonda shakllanayotgan yondashuvlar, ilg‘or uslublar va FIFA tomonidan tavsiya etilgan eng so‘nggi qoidalar haqida batafsil tushunchalar berildi.

"Hakamlar akademiyasi" tinglovchilariga rossiyalik tajribali ayol hakam Anastasiya Pustovoytova tomonidan hakamlikda e’tibor qaratilishi lozim bo‘lgan jihatlar, tahlil va qaror qabul qilishdagi nozik nuqtalar bo'yicha amaliy misollar va nazariy bilimlar berildi.

Seminar yosh hakamlar malakasini oshirish, ularni xalqaro standartlarga tayyorlash va musobaqalarda ishonchli faoliyat yuritishlariga xizmat qiladi.

⚽️ t.me/uzfhm

Ravshan Irmatov "Hakamlar akademiyasi" tinglovchilari bilan uchrashdi

O‘zbekiston futbol assotsiatsiyasi birinchi vitse-prezidenti Ravshan Irmatov FIFA seminari doirasida “Hakamlar akademiyasi” tinglovchilari bilan uchrashdi.

Uchrashuv davomida u o‘zining xalqaro tajribasi, hakamlik faoliyatidagi muhim bosqichlar va professionallikka erishish yo‘lida e’tibor qaratilishi lozim bo‘lgan jihatlar haqida so‘z yuritdi. Shuningdek, Ravshan Irmatov tinglovchilarning savollariga javob berib, ularni rag‘batlantirdi va kelajakdagi faoliyatlarida omad tiladi.

Mazkur uchrashuv yosh hakamlar uchun katta motivatsiya bo‘ldi va ularning professional rivojlanishida muhim ahamiyat kasb etadi.

⚽️ t.me/uzfhm

📍FIFAning ayol hakamlar uchun seminari yakunlandi

Toshkentda bir necha kun davom etgan FIFA seminari bugun o‘z yakuniga yetdi. Tadbir davomida ishtirokchilarga xalqaro maydonda shakllanayotgan zamonaviy yondashuvlar, ilg‘or uslublar va FIFA tomonidan tavsiya etilgan eng so‘nggi qoidalar haqida amaliy va nazariy bilimlar berildi.

Rossiyalik tajribali ayol hakam Anastasiya Pustovoytova hakamlikdagi muhim jihatlar, qaror qabul qilishdagi nozik nuqtalar va o‘yinni tahlil qilish bo‘yicha tajribasi bilan o‘rtoqlashdi.

Seminar yakunida barcha ishtirokchilarga FIFA tomonidan sertifikatlar topshirildi.

Ushbu loyiha yosh va tajribali ayol hakamlarning malakasini oshirish, ularni xalqaro standartlarga tayyorlash va musobaqalarda ishonchli faoliyat yuritishlariga xizmat qilishi bilan ahamiyatlidir.

⚽️ t.me/uzfhm