📍 FIFAning VAR va AVAR bo‘yicha seminari yakuniga yetdi

Toshkentda FIFA va OFK hamkorligida tashkil etilgan VAR va AVAR bo‘yicha maxsus seminar o‘z yakuniga yetdi. Tadbir saudiyalik tajribali instruktor, FIFA mutaxassisi Ali Al Traifi rahbarligida olib borildi.

Seminar davomida ishtirokchilarga VAR tizimiga oid eng so‘nggi yangiliklar, xalqaro amaliyotlar va FIFA tomonidan tavsiya etilgan dolzarb qoidalar atroflicha tushuntirildi. Unda Superliga uchrashuvlarida faoliyat yuritayotgan VAR va AVAR hakamlari qatnashdi.

Mashg‘ulotlar davomida nazariy bilimlar bilan bir qatorda amaliy topshiriqlar, videonalizlar va interaktiv muhokamalar orqali hakamlarning texnik va taktik tayyorgarligi yanada mustahkamlandi.

⚽️ t.me/uzfhm

🇺🇿 Ilgiz Tantashev boshchiligidagi oʻzbekistonlik hakamlar FIFA klublar oʻrtasidagi JCh 3-tur uchrashuvini boshqarib borishdi.

🇮🇹 “Inter” – “River Pleyt” 🇦🇷
⚽️ Bosh hakam: Ilgiz Tantashev
⚽️ Yordamchilar: Andrey Tsapenko, Timur Gaynullin

⚽️ t.me/uzfhm

📍Toshkentda ayol hakamlar uchun FIFA seminari boshlandi

Ushbu seminarda 24 nafar ayol hakam – 8 nafar bosh hakam, 11 nafar yordamchi hakam va 5 nafar “Hakamlar akademiyasi” tinglovchilari ishtirok etmoqda.

Oʻzbekiston futbol assotsiatsiyasi birinchi vitse-prezidenti Ravshan Irmatov ayol hakamlarning futboldagi oʻrni tobora kuchayib borayotganini taʼkidladi. U har bir hakam oʻz ustida doimiy ishlashi, chet tillarini oʻrganishi lozimligini taʼkidladi. Shunda ular zamonaviy hakam sifatida shakllanishi mumkinligini qayd etdi. Shuningdek, seminarda ishtirok etayotgan hakamlar FIFA instruktorlari Rodzali Yakub Muhammad, Ali Traifi va rossiyalik tajribali ayol hakam Anastasiya Pustovoytova tomonidan berilayotgan tavsiyalarni diqqat bilan tinglashi, faol qatnashishi va savollar orqali oʻz malakalarini oshirib borishi muhimligi aytib oʻtildi. Ravshan Irmatov barcha ishtirokchilarga seminar davomida omad tiladi.

OʻFA texnik direktori Gi Kiala seminar orqali hakamlar nazariy bilim va amaliy koʻnikmalarini oshirib, kelgusida milliy va xalqaro maydonlarda faol ishtirok etishlariga ishonch bildirdi.

Rodzali Yakub Muhammad va Anastasiya Pustovoytova seminar qatnashchilariga muvaffaqiyat tiladi. Shuningdek, ishtirokchilarga oʻz bilim, tajriba va koʻnikmalari asosida tavsiyalar berishini taʼkidlab oʻtdi.

Seminar davomida hakamlar uchun nazariy va amaliy mashgʻulotlar tashkil etilishi rejalashtirilgan. Shuningdek, FIFA instruktorlari Ali Traifi va Anastasiya Pustovoytova tomonidan “Hakamlar akademiyasi”da tahsil olayotgan yosh hakamlarga hakamlik faoliyatining asosiy tamoyillari boʻyicha maʼruzalar oʻqib beriladi.

Maʼlumot uchun, seminar 30-iyunga qadar davom etadi.

⚽️ t.me/uzfhm

📍 Saudiyalik tajribali instruktor, FIFA mutaxassisi Ali Al-Traifi yosh hakamlarga zamonaviy hakamlik tendensiyalari bo‘yicha o‘z bilim va tajribasini ulashdi.

Nazariy mashg'ulotlar davomida xalqaro maydonda shakllanayotgan yondashuvlar, ilg‘or uslublar va FIFA tomonidan tavsiya etilgan eng so‘nggi qoidalar haqida batafsil tushunchalar berildi.

Shuningdek, ishtirokchilarga hakamlikda e’tibor qaratilishi lozim bo‘lgan jihatlar, tahlil va qaror qabul qilishdagi nozik nuqtalar amaliy misollar orqali yoritib berildi.

Seminar yosh hakamlar malakasini oshirish, ularni xalqaro standartlarga tayyorlash va musobaqalarda ishonchli faoliyat yuritishlariga xizmat qiladi.

⚽️ t.me/uzfhm