Hakamlar markazi mutaxassislari Superliga 5-tur oʻyinlarini tahlil qildi

Oʻzbekiston Superligasi 5-tur uchrashuvlariga bagʻishlab, Hakamlar markazi mutaxassislari, bosh hakam, yordamchi hakam, VAR hakami hamda instruktorlar ishtirokida Zoom platformasi orqali tahlil yigʻilishi boʻlib oʻtdi.

Tahlil davomida Maʼmur Saidkasimov, Farhod Abdullayev, Vladislav Seytlin, Valentin Kovalenko, Jahongir Saidov va Bobur Haydarov hakamlar tomonidan chiqarilgan ijobiy hamda bahsli qarorlarni tahlil qildi.

Quyida Superliga 5-turi doirasidagi vaziyatlar alohida koʻrib chiqildi:

🔹 “Navbahor” — “Shoʻrtan” uchrashuvida Zabihullo Oʻrinboyevning qoʻliga toʻp tegishi bilan bogʻliq vaziyat bosh hakam tomonidan FIFA qoidalari asosida toʻgʻri talqin etilgan.

🔹 “Xorazm” — OKMK uchrashuvida Islom Toʻxtaxoʻjayevga koʻrsatilgan qizil kartochka VAR aralashuvi bilan FIFA qoidalariga muvofiq tarzda sariq kartochkaga almashtirilib, yakuniy qaror toʻgʻri chiqarilgan.

🔹 “Qoʻqon-1912” — “Buxoro” oʻyinida qoʻpol tarzda harakat qilgan futbolchiga qizil kartochka berilishi boʻyicha bosh hakam notoʻgʻri talqin olib borib, faqatgina sariq kartochka bilan cheklangan. Ammo bu vaziyatda Ahrol Risqullayev Baxtiyor Qosimovga qizil kartochka koʻrsatmasdan xatoga yoʻl qoʻygan.

🔹 “Neftchi” — “Navbahor” uchrashuvida (Superliga 4-turi) maydon markazidan toʻpni oʻyinga kiritish bilan bogʻliq holatda bosh hakam va qanot hakami tomonidan eʼtiborsizlikka yoʻl qoʻyilgan.

Mazkur epizodlar atroflicha koʻrib chiqilib, hakamlarga tegishli tushuntirishlar va amaliy tavsiyalar berildi.

⚽️ t.me/uzfhm

Bosh hakam va yordamchi hakamlar uchun jismoniy tayyorgarlik boʻyicha navbatdagi mashgʻulot boʻlib oʻtdi

Bugun Oʻzbekiston futbol assotsiatsiyasi maydonida Toshkent shahri va Toshkent viloyatidan kelgan bosh hakamlar va yordamchi hakamlar ishtirokida navbatdagi jismoniy tayyorgarlik boʻyicha mashgʻulot boʻlib oʻtdi.

Mashgʻulotlar tajribali instruktor Yuliya Tarasova va boshqa malakali mutaxassislar tomonidan olib borildi.

Ushbu yigʻin doirasida hakamlarning jismoniy tayyorgarligini oshirishga qaratilgan maxsus mashqlar, chidamlilik va tezkorlik sinovlari oʻtkazildi.

⚽️ t.me/uzfhm

Birinchi liganing ilk turidagi oʻyinlar hakamlar ishtirokida tahlil qilindi

Baxtiyor Tagayev, Bobur Haydarov va Timur Galeev ishtirokida Oʻzbekiston Birinchi ligasining 1-tur oʻyinlariga bagʻishlangan onlayn tahlil yigʻilishi oʻtkazildi.

Zoom platformasida tashkil etilgan ushbu uchrashuvda Birinchi ligada faoliyat yuritayotgan bosh va yordamchi hakamlar qatnashdi.

Tahlil davomida uchrashuvlarda kuzatilgan muhim vaziyatlar koʻrib chiqildi, qabul qilingan ijobiy hamda bahsli qarorlar atroflicha tahlil qilindi.

Instruktorlar tomonidan yosh hakamlarga amaliy tavsiyalar berilib, oʻyinlarda yagona yondashuvni shakllantirishga oid metodik tushunchalar yetkazildi.

⚽️ t.me/uzfhm

O‘zbekiston Superligasining 6-turidan o‘rin olgan “Buxoro” — “Nasaf” uchrashuvida bosh hakam tomonidan belgilangan ikki penalti holati bo‘yicha ekspert hakamlar guruhi tahlili.

64-daqiqada bosh hakam Akobir Shukurullayev “jarima maydonchasi ichida qo‘l bilan o‘yin” deb baholab, “Buxoro” darvozasi tomon penalti belgiladi. Biroq, VAR tekshiruvidan keyin ham bosh hakam o'z qarorida qolgan.

Mazkur holat ekspert hakamlar guruhi tomonidan tahlil qilindi. Tahlil natijalariga ko‘ra, futbolchi to‘pni ataylab qo‘l bilan o‘ynamagani aniqlangan. Ekspertlar bu holatda penalti belgilanishini xato deb topishdi.

Ikkinchi vaziyatda esa “Buxoro” futbolchisi o‘z jarima maydonchasi ichida “Nasaf” futbolchisiga nisbatan qoida buzgan. Bu safar penalti qarori VAR tomonidan ham qo‘llab-quvvatlandi. Ekspert hakamlar guruhi tekshiruviga ko‘ra ham ushbu epizodda qoida buzilishi mavjud bo‘lib, penalti qarori to‘g‘ri deb baholandi.

⚽️ t.me/uzfhm

Osiyo Chempionlar Ligasi Elit final bosqichi 25-aprel — 3-may kunlari Saudiya Arabistonida bo‘lib o‘tadi.

🏆 Musobaqada quyidagi o‘zbekistonlik mutaxassislar ham faoliyat olib boradi:

🔹 Ilgiz Tantashev — bosh hakam
🔹 Andrey Sopenko — yordamchi hakam
🔹Valentin Kovalenko — hakamlar instruktori

⚽️ t.me/uzfhm