📋 Hakamlarimiz xalqaro maydonda!

Sentyabr oyidagi FIFA kunlari doirasida 2026-yilgi U-23 Osiyo kubogi saralash bosqichi uchrashuvlarida o‘zbekistonlik referilar faoliyat olib borishadi.

Asker Najafaliyev (bosh hakam) va Ruslan Serazitdinov (yordamchi hakam) Xitoyda o‘tkazilishi kutilayotgan “D” guruhi uchrashuvlariga tayinlov oldi.

Rustam Lutfullin (bosh hakam) va Sanjar Shoyusupov (yordamchi hakam) Indoneziya mezbonlik qiladigan “J” guruhi bahslarini boshqaradi.

Akobirxo‘ja Shukurullayev (bosh hakam) va Islom Azimov (yordamchi hakam) Tojikiston maydonlarida o‘tkaziladigan “K” guruhi o‘yinlarida faoliyat yuritadi.

Ilgiz Tantashev, Ahrol Risqullayev, Firdavs Norsafarov, Andrey Sapenko va Baxtiyorxo‘ja Shavkatov 30-avgust — 8-sentyabr kunlari o‘tkaziladigan “CAFA Nations Cup-2025” turnirida ishtirok etishadi.

Shuningdek, Firdavs Norsafarov 17 – 28-sentyabr kunlari Universitetlar o‘rtasidagi Jahon chempionati (FISU University World Cup Football) uchrashuvlarini boshqarib boradi.

Hakamlarimizga muhim uchrashuvlarda muvaffaqiyat tilaymiz!

⚽️ t.me/uzfhm

⚽️O‘zbekistonlik mutaxassislar xalqaro musobaqalarda ishtirok etishmoqda.

🔹 Saudiya Arabistonida 2027-yilgi U-23 Osiyo Kubogi saralash bosqichi o‘yinlari bo‘lib o‘tmoqda. “A” guruhida bo‘lib o‘tayotgan bahslar davomida Vladislav Seytlin inspektor sifatida ishlamoqda.

🔹 Qatarda U-23 Osiyo Kubogi saralash bosqichining “H” guruhi o‘yinlari davom etmoqda. Bu yerda Valentin Kovalenko inspektorlik vazifasini bajarmoqda.

🔹 Tojikistonda o‘tayotgan “CAFA Nations Cup 2025” turnirida Jahongir Saidov hakamlar nazoratchisi sifatida ishtirok etmoqda.

⚽️ t.me/uzfhm

⚽️Birinchi liga va ayollar Oliy ligasi oʻyinlari mutaxassislar tomonidan tahlil qilindi

Oʻzbekiston Birinchi ligasining 12, 13, 14-tur va ayollar Oliy ligasining 16, 17, 18, 19-tur uchrashuvlaridagi vaziyatlar boʻyicha instruktorlar ishtirokida Zoom platformasi orqali tahlil jarayoni boʻlib oʻtdi.

Unda hakamlar tomonida yoʻl qoʻyilgan xato va kamchiliklar boʻyicha kerakli tushuntirishlar olib borildi hamda toʻgʻri yoʻnalishlar berildi.

⚽️ t.me/uzfhm

⚽️Hakamlar akademiyasida beshinchi modul boshlandi

Hakamlar akademiyasi talabalari uchun navbatdagi – beshinchi modul mashg‘ulotlari start oldi. O‘quv jarayoni doirasida akademiya tarbiyalanuvchilari Namangan shahrida o‘tkazilayotgan Futbol maktablari o‘rtasidagi (U-17) musobaqa uchrashuvlarida hakamlik vazifasini bajarmoqda.

Bugungi bahslardan so‘ng instruktorlar va o‘quvchilar ishtirokida o‘yinlardagi hakamlik bo‘yicha tahlil jarayoni bo‘lib o‘tdi. Shuningdek, mashg‘ulotlarda Ibrohim Ismoilov ishtirok etib, OFK yosh Hakamlar akademiyasidagi oʻqish jarayonlari boʻyicha batafsil tushunchalar berdi.

⚽️ t.me/uzfhm