O‘zbekiston milliy metrologiya instituti tomonidan tadbirkorlik subyektlari bilan o‘zaro hamkorlikni mustahkamlash, institutning laboratoriya salohiyati va zamonaviy moddiy-texnik imkoniyatlarini keng targ‘ib qilish maqsadida navbatdagi LabTur tadbiri tashkil etildi.

Mazkur tadbir O‘zbekiston milliy metrologiya institutining Bosim va sarfni o‘lchash bo‘limida bo‘lib o‘tdi. Unda Xalq hoʻjaligi
mahsulotlarini ishlab chiqarish, bosim va sarf oʻlchash vositalarini ishlab chiqarish, taʼmirlash, etkazib berish sohasi vakillari ishtirok etdilar.

Tadbir davomida ishtirokchilar bo‘lim faoliyati, laboratoriyalarning zamonaviy moddiy-texnik bazasi, mavjud o‘lchash vositalari va maxsus uskunalar bilan yaqindan tanishdilar.

Shuningdek, bosim va sarfni o‘lchash yo‘nalishlarida amalga oshiriladigan metrologik ishlar, ko‘rsatilayotgan xizmatlar hamda laboratoriyalarning amaliy imkoniyatlari haqida batafsil ma’lumot berildi.

Bundan tashqari, tadbirkorlik subyektlari vakillariga o‘lchash vositalarini qiyoslash va kalibrlash, o‘lchash natijalarining ishonchliligini ta’minlash, metrologik kuzatiluvchanlikni ta’minlash hamda laboratoriya xizmatlaridan foydalanish tartiblari yuzasidan tushuntirishlar berildi. Ochiq muloqot shaklida o‘tkazilgan tadbir davomida ishtirokchilar o‘zlarini qiziqtirgan savollarga soha mutaxassislaridan batafsil javob oldilar. Shuningdek, korxona va tashkilotlarning metrologik xizmatlarga bo‘lgan ehtiyojlarini o‘rganish, kelgusida institut xizmatlaridan samarali foydalanish hamda o‘zaro manfaatli hamkorlikni rivojlantirish masalalari muhokama qilindi.

LabTur tadbiri O‘zbekiston milliy metrologiya institutining laboratoriya imkoniyatlarini keng targ‘ib qilish, tadbirkorlik subyektlari bilan bevosita muloqotni kuchaytirish va ularning metrologik xizmatlarga bo‘lgan ehtiyojlarini qondirishga qaratilgan muhim amaliy tashabbuslardan biridir.

Institut tomonidan bu kabi tadbirlarni tashkil etish orqali xo‘jalik yurituvchi subyektlar bilan hamkorlikni yanada rivojlantirish, o‘lchashlar aniqligi va ishonchliligini ta’minlash hamda zamonaviy metrologik xizmatlar ko‘lamini kengaytirishga alohida e’tibor qaratilmoqda.

O‘zbekiston milliy metrologiya instituti xodimlari o‘rtasida 21-oktabr — O‘zbek tili bayrami kuni hamda O‘zbekiston Respublikasining “Davlat tili to‘g‘risida”gi Qonun qabul qilinganligiining 37 yilligi munosabati bilan “O‘zbek tili — barchamizni birlashtiradi!” shiori ostida ommaviy diktant tadbiri tashkil etildi.

Mazkur tadbirning asosiy maqsadi davlat tiliga bo‘lgan hurmat va ehtiromni yanada yuksaltirish, xodimlarning o‘zbek tilida savodli yozish ko‘nikmalarini mustahkamlash, shuningdek, ona tilimizning nufuzini oshirish va uning sofligini asrashga qaratilgan.

Tadbir davomida ishtirokchilar o‘zbek tilining imlo qoidalariga rioya etish, yozma nutq savodxonligini oshirish hamda davlat tiliga bo‘lgan e’tibor va mas’uliyatni kuchaytirishga qaratilgan diktantni yozdilar.

Bunday ma’naviy-ma’rifiy tadbirlar davlat tilining jamiyat hayotidagi o‘rni va ahamiyatini yanada mustahkamlash, milliy qadriyatlarimizga hurmat ruhini shakllantirish hamda ona tilimizga bo‘lgan mehr va e’tiborni oshirishga xizmat qiladi.