🟦🟦🟦

Metrologik tekshiruvdan o‘tkazilmagan o‘lchash va sinov vositalarining tibbiyot faoliyatida qo‘llanilishi taʼqiqlanadi

SSV Metrologiya xizmati hozirgi kunda 31 pozitsiyadagi o‘lchash va sinov vositalarini qiyoslash hamda metrologik attestatsiyadan o‘tkazish ishlarini amalga oshirish huquqiga ega bo‘lib, yurtimizdagi davlat va nodavlat tibbiyot muassalarini hamkorlikka taklif etadi.

Xizmatdan foydalanish va shartnoma tuzish uchun quyidagi namunani to‘ldirgan holda arizangizni farmkomitet@ssv.uz pochtasiga yo‘llashingiz mumkin.

Eslatib o‘tamiz, O‘zbekiston Respublikasi Vazirlar Mahkamasining 2018 yil 15 fevraldagi 112-son qaroriga muvofiq, tibbiyot tashkilotlarida foydalaniladigan o‘lchash funksiyalariga ega bo‘lgan barcha tibbiy texnikalar metrologik nazoratidan o‘tkazilishi lozim. Shuningdek, Sog‘liqni saqlash vazirining 2024 yil 7 oktyabrdagi 313-sonli buyrug‘iga asosan, metrologiya tekshiruvidan o‘tkazilishi lozim bo‘lgan tibbiyot uchun mo‘ljallangan o‘lchash va sinov vositalarining ro‘yxatiga muvofiq, o‘rnatilgan tartibda metrologik tekshiruvdan o‘tkazilmagan o‘lchash va sinov vositalarining tibbiyot faoliyatida qo‘llanilishi taʼqiqlanadi.

Telefon: (71) 203-01-01 (ichki 2240 — 2241)

Xurmatli mutaxassislar! Metrologik nazorat va qiyoslash ishlarini o‘z vaqtida amalga oshirish orqali muassasasangizdagi tibbiy uskunalarning aniqligi va ishonchli ishlashini taʼminlash imkoniyatiga ega bo‘lasiz. Bu esa bemorlarga ko‘rsatilayotgan tibbiy xizmatlar sifatini yana-da oshirishda muhim ahamiyat kasb etadi.

Telegram | Facebook | Instagram | Youtube

⚽️ Yillar davomidagi orzu. Millionlab yuraklarning umidi. Butun xalq kutgan tarixiy lahza.

Prezident Shavkat Mirziyoyev rahbarligida sport sohasida amalga oshirilgan izchil islohotlar, zamonaviy infratuzilma va futbol rivojiga qaratilgan e’tibor o‘zining tarixiy samarasini berdi.

O‘zbekiston milliy terma jamoasi ilk bor futbol bo‘yicha Jahon chempionati maydoniga chiqdi! O‘zbekiston bayrog‘i futbolning eng nufuzli maydonida hilpiradi!

Millionlab muxlislar orzusini ro‘yobga chiqargan, O‘zbekiston nomini jahon chempionati sahifalariga muhrlagan futbolchilarimizga yuksak ehtirom!

https://t.me/Rasmiy_axborot_official

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Sariosiyo tumanida kuchli taʼsir qiluvchi dori vositalari savdosi bilan shug‘ullanib kelgan shaxslar fosh etildi

😎 Farg‘ona viloyatida giyohvandlik vositalari muomalasi ustidan nazorat masalalariga bag‘ishlangan seminar o‘tkazildi

😎 Mahalliy ishlab chiqaruvchilar bilan navbatdagi muloqot bo’lib o’tdi

😎 Dori vositalarini to‘g‘ri saqlashda nimalarga e’tibor berish kerak?

😎 Braziliyada 16-Xalqaro jahon farmakopeyalari yig‘ilishi bo'lib o'tmoqda

😎 Farmatsevtika mahsulotlari xavfsizligi markazida “Biz narkotiklarga qarshi birlashamiz!” shiori ostida #STOPNARKO chellenji tashkil etildi

😎 Elektron retseptni dorixona faoliyatiga joriy etish bo‘yicha texnik talablar ma'lum qilindi

😎 Navoiy viloyat bolalar ko‘p tarmoqli tibbiyot markazida tibbiyot uskunalari metrologik nazoratdan o‘tkazildi

😎 Metrologik tekshiruvdan o‘tkazilmagan o‘lchash va sinov vositalarining tibbiyot faoliyatida qo‘llanilishi taʼqiqlanadi

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🟦🟦🟦

Xalqaro ekspert Dragoș Gutu Farmatsevtika mahsulotlari xavfsizligi markazi faoliyatini takomillashtirish jarayoniga jalb etildi

O‘zbekiston Respublikasi Prezidentining 2025-yil 19-avgustdagi “Dori vositalari va tibbiy jihozlar muomalasini tartibga solishga doir qo‘shimcha chora-tadbirlar to‘g‘risida”gi PF–137-son Farmonida belgilangan vazifalar ijrosini ta’minlash hamda Farmatsevtika mahsulotlari xavfsizligi markazi faoliyatini yanada takomillashtirish maqsadida xalqaro ekspert Dragoș Gutu Markaz faoliyatiga jalb etildi.

Dragoș Gutu farmatsevtika sohasida katta xalqaro tajribaga ega mutaxassis bo‘lib, 2021–2025-yillarda Moldova Respublikasining Dori vositalari va tibbiy buyumlar agentligiga rahbarlik qilgan. Shuningdek, u 20 yildan ortiq vaqt davomida xalqaro farmatsevtika kompaniyasi tizimida faoliyat yuritib, Markaziy Osiyo, Yaqin Sharq, Shimoliy Afrika, MDH mamlakatlari, Turkiya va Pokiston mintaqalarida turli rahbarlik lavozimlarida ishlagan.

Xalqaro ekspert Markaz faoliyatini xalqaro tajriba asosida baholash, regulyator tizimni takomillashtirish bo‘yicha tavsiyalar ishlab chiqish hamda institutsional rivojlanish jarayonlariga ekspert ko‘magini ko‘rsatadi.

Telegram | Facebook | Instagram | Youtube

🟦🟦🟦

Ma’naviy tahdidlarga qarshi ma’rifat bilan kurashish — davr talabi

Kecha, Farmatsevtika mahsulotlari xavfsizligi markazida “Jaholatga qarshi — ma’rifat” g‘oyasi asosida “Ma’naviy tahdidlar — sog‘lom e’tiqod kushandasi” mavzusida ma’rifiy targ‘ibot tadbiri o‘tkazildi.

Tadbir O‘zbekiston Respublikasi Din ishlari bo‘yicha qo‘mita, Olmazor tuman hokimligi hamda Toshkent shahar Ma’rifiy targ‘ibot markazi hamkorligida tashkil etildi. Unda Toshkent shahar Ma’rifiy targ‘ibot markazi davlat muassasasi direktori, “Shuhrat” medali sohibi M. Xidirov o'z ma’ruzai bilan ishtirok etdi.

Ma’ruza davomida bugungi globallashuv sharoitida yoshlarni turli yot g‘oyalar, radikal oqimlar va din niqobi ostidagi taqiqlangan guruhlar ta’siridan asrash masalalari atroflicha muhokama qilindi. Shuningdek, ma’naviy immunitetni mustahkamlash, sog‘lom e’tiqodni qaror toptirish hamda fuqarolarning diniy savodxonligini oshirishning dolzarb jihatlariga alohida e’tibor qaratildi.

Telegram | Facebook | Instagram | Youtube

🟦🟦🟦

Qonun bilan ayrim qonun hujjatlariga o‘zgartirish va qo‘shimchalar kiritildi

Jinoyat kodeksiga kiritilgan qo‘shimchalarga ko‘ra, giyohvandlik vositalari, psixotrop moddalar yoki ularning analoglarini ishlab chiqarish, tayyorlash yoki qayta ishlash uchun g‘ayriqonuniy narkolaboratoriya tashkil etish, 5 yildan 10 yilgacha ozodlikdan mahrum qilish bilan jazolanishi belgilandi.

👉 Batafsil

Telegram | Facebook | Instagram | Youtube

Prezident jurnalistlarga Milliy jamoamizning bugungi o‘yini haqida gapirdi:

🎤 Birinchi g‘alabamiz – bayrog‘imiz hilpiragani – bu Vatanimizni jahon hamjamiyati bilan tepa-tengligidan dalolat!

❗️Eslatib o‘tamiz, Portugaliyaga qarshi o‘yin bugun soat 22:00 da boshlanadi.

Telegram | Facebook | Instagram | Youtube

🟦🟦🟦🟦🟦🟦🟦

O‘zbekiston va Vengriya farmatsevtika sohasidagi hamkorlikni kengaytirmoqda

Vengriya Respublikasining O‘zbekistondagi elchixonasi va Vengriya eksportni rivojlantirish agentligi vakillari bilan o‘tkazilgan uchrashuvda farmatsevtika sohasida o‘zaro manfaatli hamkorlikni kengaytirish, ilg‘or tajribalarni joriy etish hamda istiqbolli loyihalarni amalga oshirish masalalari muhokama qilindi.

👉 Batafsil

Telegram | Facebook | Instagram | Youtube

🟦🟦🟦

Mahalliy dori vositalarini ro'yxatdan o'tkazish masalalari muhokama qilindi

Farmatsevtika mahsulotlari xavfsizligi markazi hamda Tibbiyot va farmatsevtika tarmog‘ini rivojlantirish agentligi mas’ul rahbar xodimlari ishtirokida mahalliy farmatsevtika korxonalari vakillari bilan onlayn muloqot o‘tkazildi.

Unda mahalliy ishlab chiqaruvchilar BAYAN MEDICAL” MChJ va SAMARKAND-ENGLAND ECO-MEDICAL” MChJ tomonidan taqdim etilgan dori vositalarini davlat ro‘yxatidan o‘tkazish, ro‘yxatdan o‘tkazilganlik guvohnomalarining amal qilish muddatini uzaytirish bilan bog‘liq masalalar muhokama qilindi.

👉 Batafsil

Telegram | Facebook | Instagram | Youtube

🟦🟦🟦

Dori vositalarini ro‘yxatdan o‘tkazishning yangi tartibi yuzasidan ochiq muloqot tashkil qilindi

Mahalliy farmatsevtika korxonalari vakillari ishtirokida o‘tkazilgan ochiq muloqotda dori vositalarini davlat ro‘yxatidan o‘tkazishning amaldagi tartiblari, yangi talablar va amaliy masalalar muhokama qilindi. Tadbir davomida mahalliy ishlab chiqaruvchilarni qo‘llab-quvvatlash, ekspertiza va ro‘yxatdan o‘tkazish jarayonlarini takomillashtirish hamda sohadagi mavjud muammolar yuzasidan fikr almashildi.

👉 Batafsil

Telegram | Facebook | Instagram | Youtube

⚠️ Диққат эълон! Ҳурматли тадбиркорлар!

📌 Ўзбекистон Республикаси Президентининг 2025 йил 19 августдаги ПФ-137-сон Фармонига мувофиқ, 2026 йил 1 январдан бошлаб, маҳаллий ва хорижий ишлаб чиқарувчилар учун дори воситаларини давлат рўйхатидан ўтказиш, шунингдек, рўйхатдан ўтказилганлик гувоҳномасининг амал қилиш муддатини узайтиришда «Зарур ишлаб чиқариш амалиёти - GMP» миллий сертификатига эга бўлиш талаби белгиланган.

❗️ Мазкур Фармон ижросини таъминлаш мақсадида, 2026 йил 25 июнь куни соат 11:00 да дори воситаларини ишлаб чиқарувчи хорижий корхоналарнинг "Зарур ишлаб чиқариш амалиёти - GMP" талабларига мувофиқлигини текширишни режалаштириш ва ўтказиш масалалари бўйича онлайн учрашув ўтказилишини маълум қиламиз.

❗️ Учрашувда 2027 йил 1 январдан бошлаб Ўзбекистон Республикаси бозорига дори воситаларини етказиб берувчи хорижий ишлаб чиқарувчилар учун «Зарур ишлаб чиқариш амалиёти - GMP» миллий сертификатига эга бўлиш талаби мажбурий шарт этиб белгиланганлигига алоҳида эътибор қаратилади.

❗️ Мулоқот видео-конференц алоқа воситаси орқали савол-жавоб шаклида ўтказилади.

❗️ Онлайн мулоқотга қуйидаги ҳавола орқали уланшингиз мумкин:
https://us06web.zoom.us/j/81581325268?pwd=xMhv8UI4ILuz61feciQf5ow1Qvo2ey.1

Идентификатор конференции: 815 8132 5268
Код доступа: 912612
На русском | In English

Website | Telegram | Instagram | Facebook | Youtube | linkedin

🟦🟦🟦

JSST "JAKAVI" preparatining qalbakilashtirilgan ayrim seriyalari haqida ogohlantirdi

Jahon sog‘liqni saqlash tashkiloti (JSST) tomonidan 2026-yil 16-iyun kuni e’lon qilingan “Medical Product Alert №2/2026” ogohlantirishida JAKAVI (ruxolitinib) dori vositasining ayrim qalbakilashtirilgan seriyalari aniqlangani ma’lum qilindi.

Mazkur ogohlantirish Farmatsevtika mahsulotlari xavfsizligi markazining Farmakologik nazorat bo‘limi tomonidan belgilangan tartibda o‘rganilib, tahlil qilindi.

JSST ma’lumotlariga ko‘ra, AVT50, FNR06 va SGL04 seriyalariga mansub qalbakilashtirilgan mahsulotlar Eron Islom Respublikasi, Rossiya Federatsiyasi hamda Turkiyada aniqlangan. Ushbu mahsulotlar internet platformalari orqali noqonuniy ravishda sotilganligi, ayrim holatlarda esa dorixona tarmog‘i orqali bemorlarga yetkazilgani qayd etilgan.

Shuni alohida ta’kidlash lozimki, O‘zbekiston Respublikasida ruxolitinib saqlovchi “Djakavi” 5 mg va 15 mg preparatlari belgilangan tartibda davlat ro‘yxatidan o‘tkazilgan. JSST tomonidan ogohlantirilgan qalbakilashtirilgan mahsulotlarning mamlakatimiz hududida qonuniy muomalada bo‘lgan ro‘yxatdan o‘tgan preparatlar bilan bog‘liqligi yuzasidan ma’lumot mavjud emas.

JSST qalbakilashtirilgan mahsulotlarning tarkibi, sifati va xavfsizligi kafolatlanmaganini, bu esa bemorlar salomatligi uchun jiddiy xavf tug‘dirishi mumkinligini ta’kidlamoqda.

Shu munosabat bilan tibbiyot va farmatsevtika tashkilotlariga preparatlarning kelib chiqishi va ta’minot zanjirini sinchkovlik bilan tekshirish, shubhali qadoqlash yoki markirovkaga ega mahsulotlardan foydalanmaslik hamda qalbakilashtirilgan deb gumon qilingan holatlar yuzasidan vakolatli organlarga zudlik bilan xabar berish tavsiya etiladi.

Farmatsevtika mahsulotlari xavfsizligi markazi tomonidan mazkur ogohlantirish yuzasidan monitoring ishlari davom ettirilmoqda. Aholidan dori vositalarini faqat qonuniy faoliyat yurituvchi dorixonalar orqali xarid qilish hamda shubhali holatlar aniqlangan taqdirda Farmakologik nazorat bo‘limi murojaat qilish so‘raladi.

Murojaat uchun telefon: 71-203-01-01 (2352)

Telegram | Facebook | Instagram | Youtube

🟦🟦🟦

O'zbekistonda ish haqi, pensiya, stipendiya va nafaqalar miqdori oshiriladi

“Ish haqi, pensiyalar, stipendiyalar va nafaqalar miqdorini oshirish to‘g‘risida”gi Prezident Farmoni qabul qilindi. Farmonga ko‘ra, 2026 yil 1 iyuldan pensiyalar va nafaqalar hamda Ijtimoiy reyestrga kiritilgan oilalarga bolalar nafaqalari va moddiy yordam to‘lovlari miqdorlari 7 foizga oshiriladi.

👉 Batafsil

Telegram | Facebook | Instagram | Youtube

⭕️⭕️⭕️

Buxoro tumanida sifati kafolatlanmagan dori vositalarini muomalaga kiritilishining oldi olindi

O‘tkazilgan tezkor tadbirda “B.M.” MCHJ rahbari E.U. va dorixona farmatsevti Sh.U. o‘zaro til biriktirib, sifatini tasdiqlovchi hujjatlari bo‘lmagan 5 quti dori vositalarini 5,9 mln so‘mga fuqaroga sotgan vaqtida ushlanib, dorixonadan umumiy bahosi 90,9 mln so‘mlik 128 turdagi 13 403 dona sifatini tasdiqlovchi hujjatlari bo‘lmagan dori vositalari ashyoviy dalil sifatida olingan.

Mazkur holat yuzasidan Jinoyat kodeksining 186-3-moddasi (sifatsiz yoki qalbakilashtirilgan dori vositalarini yoxud tibbiy buyumlarni o‘tkazish maqsadida ishlab chiqarish, tayyorlash, olish, saqlash, tashish yoki o‘tkazish, dori vositalarini yoki tibbiy buyumlarni dorixonalardan va ularning filiallaridan tashqarida realizatsiya qilish) bilan jinoyat ishi qo‘zg‘atilib, tergov harakatlari o‘tkazilmoqda.

Telegram | Facebook | Instagram | Youtube

🟦🟦🟦

Markazda ijro intizomi va tashkiliy faoliyat samaradorligi tanqidiy tahlil qilindi

Bugun, Farmatsevtika mahsulotlari xavfsizligi markazida muassasa direktori Alisher Temirov boshchiligida rahbariyat, tarkibiy bo‘linmalar rahbarlari hamda markaz xodimlari ishtirokida ijro intizomi, tashkiliy faoliyat samaradorligi va mavjud kamchiliklarni bartaraf etish masalalariga bag‘ishlangan tanqidiy-tahliliy yig‘ilish bo‘lib o‘tdi. Unda faoliyat davomida aniqlangan qonunbuzilishlar va kamchiliklar atroflicha muhokama qilinib, ularning kelib chiqish sabablari chuqur tahlil etildi.

Ta’kidlanganidek, ayrim yo‘nalishlarda ishlarning talab darajasida yo‘lga qo‘yilmagani, tashkiliy va nazorat mexanizmlarining yetarli darajada ishlamagani qator kamchiliklarga sabab bo‘lgan. Shuningdek, qabul qilinayotgan normativ-huquqiy hujjatlarning mazmun-mohiyati mansabdor shaxslar va xodimlar tomonidan yetarli darajada o‘zlashtirilmagani, ularni jamoa o‘rtasida tushuntirish va targ‘ib qilish ishlari sust tashkil etilgani qayd etildi.

Yig‘ilishda muassasa direktori Alisher Temirov tomonidan har bir rahbarning shaxsiy mas’uliyati va javobgarligi alohida ta’kidlanib, tarkibiy bo‘linmalar rahbarlari tomonidan mavjud kamchiliklarni bartaraf etish yuzasidan tezkor, qat’iy va samarali choralar ko‘rilishi zarurligi qayd etildi. Shuningdek, davlat rahbari tomonidan belgilab berilgan vazifalar, ijro intizomini mustahkamlash, mas’uliyat va talabchanlikni oshirish, tizimda ochiqlik hamda samaradorlikni ta’minlash va korrupsiyaga qarshi kurashish bugungi kunning ustuvor vazifalaridan biri ekani alohida urg‘ulandi.

Yig‘ilish yakunida aniqlangan kamchiliklarni qisqa muddatlarda bartaraf etish, nazorat mexanizmlarini kuchaytirish, xodimlarning huquqiy savodxonligini oshirish hamda har bir rahbarning shaxsiy javobgarligini yanada kuchaytirishga qaratilgan aniq topshiriq berildi.

Telegram | Facebook | Instagram | Youtube

🟦🟦🟦

Korrupsiyaga oid xavf-xatarlar xaritasi yuritiladi

“Korrupsiyaga qarshi kurashish to‘g‘risida”gi Qonunga kiritilgan qo‘shimchalarga ko‘ra, davlat organlari va tashkilotlari, hududlar va sohalar kesimida korrupsiya darajasini aniqlash va uni minimallashtirish maqsadida korrupsiyaga oid xavf-xatarlar xaritasi shakllantiriladi.

Xavf-xatarlar xaritasi quyidagilar asosida shakllantiriladi:

📊 korrupsiyaga oid jinoyatchilik statistikasi;
📊 korrupsiyaga qarshi kurashish bo‘yicha huquqni qo‘llash amaliyotining tahlili;
📊 aholining korrupsiyaga bo‘lgan munosabati;
📊 korrupsiyaga qarshi kurashish bo‘yicha siyosatning samaradorligiga doir ma’lumotlar;
📊 korrupsiyaga qarshi kurashish bo‘yicha faoliyatni amalga oshiruvchi va unda ishtirok etuvchi organlar hamda tashkilotlarning axboroti.

🇺🇿 Korrupsiyaga oid xavf-xatarlar xaritasi Korrupsiyaga qarshi kurashish agentligi tomonidan yuritiladi.

Korrupsiyaga oid huquqbuzarlik natijasida tuzilgan bitimlarni haqiqiy emas deb topish qonunda belgilangan tartibda, vakolatli davlat organining, manfaatdor shaxsning arizasiga asosan sud tomonidan amalga oshiriladi.

O‘zi mehnat faoliyatini olib borayotgan davlat organida korrupsiyaga oid jinoyat to‘g‘risida asosli xabar bergan shaxsga Korrupsiyaga qarshi kurashish agentligini oldindan xabardor etmasdan 2 yil davomida intizomiy jazo choralarini qo‘llashga yo‘l qo‘yilmaydi.

Telegram | Facebook | Instagram | Youtube

🟦🟦🟦

Markazning ikki nafar faxriy xodimi “Mehnat faxriysi” ko‘krak nishoni bilan taqdirlandi

Mamlakatimizning iqtisodiyot, ishlab chiqarish, ilm-fan, madaniyat, ta’lim, sog‘liqni saqlash, huquqshunoslik va boshqa sohalarida ko‘p yillar davomida halol va samarali mehnat qilgan, jamiyat taraqqiyoti hamda yosh avlod tarbiyasiga munosib hissa qo‘shgan bir guruh yurtdoshlarimiz “Mehnat faxriysi” ko‘krak nishoni bilan taqdirlandi.

Quvonarlisi, bu yuksak e’tirofga Farmatsevtika mahsulotlari xavfsizligi markazining faxriy xodimlari — Davlat farmakopeyasi bosh muharriri Xabibulla Djalilov hamda Narkotiklarni nazorat qilish qo‘mitasi raisi Ismatjon Azizov ham sazovor bo‘ldi.

“Mehnat faxriysi” ko‘krak nishoni O‘zbekiston Respublikasi Prezidentining 2017-yil 14-iyuldagi qarori bilan ta’sis etilgan bo‘lib, u mamlakatimizning turli sohalarida uzoq yillar samarali mehnat qilgan, jamiyat rivoji, ma’naviy qadriyatlarni mustahkamlash hamda yosh avlodni vatanparvarlik ruhida tarbiyalashga munosib hissa qo‘shgan fuqarolarni rag‘batlantirish maqsadida topshiriladi.

Mazkur mukofot Xabibulla Djalilov va Ismatjon Azizovning farmatsevtika va sog‘liqni saqlash tizimini rivojlantirish, ko‘p yillik samarali mehnati, kasbga sadoqati hamda boy tajribasining yuksak e’tirofi hisoblanadi.

Farmatsevtika mahsulotlari xavfsizligi markazi jamoasi taqdirlangan hamkasblarimizni samimiy muborakbod etadi hamda ularga mustahkam sog‘liq, uzoq umr va kelgusi faoliyatlarida muvaffaqiyatlar tilaydi.

Telegram | Facebook | Instagram | Youtube

🟦🟦🟦

Dori vositalarini tanlashda reklamaga emas, shifokor tavsiyasiga tayaning

So‘nggi vaqtlarda ommaviy axborot vositalari, ijtimoiy tarmoqlar va messenjerlarda dori vositalari reklamasida isteʼmolchilarni chalg‘ituvchi yoki chalg‘itishi mumkin bo‘lgan bo‘rttirilgan iboralardan foydalanish holatlari kuzatilmoqda.

Xususan, reklamalarda “noyob”, "eng samarali", "eng xavfsiz", "kafolatlangan natija", "eng ishonchli vosita", “tez davolaydi”, “nojo‘ya taʼsirlari mavjud emas”, “samarasi isbotlangan” kabi iboralar qo‘llanilmoqda.

Bunday maʼlumotlar isteʼmolchilarda dori vositasining xususiyatlari haqida noto‘g‘ri tasavvur uyg‘otishi, shifokor maslahatisiz o‘zboshimchalik bilan davolanishga undashi hamda sog‘liq uchun salbiy oqibatlarga olib kelishi mumkin.

Raqobat qo‘mitasi mazkur masala yuzasidan ogohlantiradi: dori vositalarini tanlash va qabul qilishda faqat reklama maʼlumotlariga emas, balki shifokor tavsiyasi va rasmiy tibbiy ko‘rsatmalarga tayanish lozim.

👉 Batafsil

Telegram | Facebook | Instagram | Youtube