🟦🟦🟦

Dori vositalari xavfsizligini ta’minlash masalalariga bag‘ishlangan vebinar o‘tkazildi

“Farmatsevtika mahsulotlari xavfsizligi markazi” davlat muassasasida dori vositalari sifati va xavfsizligini ta’minlash, shuningdek, hududiy laboratoriyalarning tahliliy salohiyatini yanada oshirishga qaratilgan masofaviy ilmiy-amaliy vebinar tashkil etildi.

Mazkur tadbir Markaz direktorining tegishli buyrug‘i bilan tasdiqlangan yillik seminar mashg‘ulotlari reja-jadvali ijrosini ta’minlash maqsadida ZOOM platformasi orqali o‘tkazildi. Unda markaziy apparat hamda hududiy filiallar mutaxassislari, tahlilchilar va sohaga aloqador tarkibiy bo‘linmalar xodimlari ishtirok etdi.

Vebinar davomida dori vositalari tarkibida uchrashi mumkin bo‘lgan hamda inson salomatligi uchun jiddiy xavf tug‘diruvchi toksik moddalar — etilenglikol, dietilenglikol va propilenglikolni zamonaviy gaz xromatografiyasi (GC) usuli yordamida sifat va miqdor jihatdan aniqlash masalalari muhokama qilindi.

Mashg‘ulotlar doirasida Markazning hududiy filiallari yetakchi mutaxassislari tomonidan quyidagi dolzarb mavzularda ma’ruzalar taqdim etildi:

• Dori vositalari tarkibidagi zaharli moddalarni aniqlash texnikasi – Markazning Andijon filiali yetakchi mutaxassisi J.Q. Tursunov etilenglikol va dietilenglikolni gaz xromatografiyasi usulida sifat jihatdan aniqlashning o‘ziga xos jihatlari haqida ma’lumot berdi.

• Miqdoriy tahlil va xalqaro standartlar – Markazning Samarqand filiali yetakchi mutaxassisi S.E. Suyunov etilenglikol, dietilenglikol hamda propilenglikol miqdorini gaz xromatografiyasi yordamida aniqlash, tahlil jarayonidagi ehtimoliy xatoliklarni minimallashtirish va xalqaro laboratoriya amaliyotida qo‘llanilayotgan yondashuvlar yuzasidan o‘z tajribasi bilan o‘rtoqlashdi.

Bunday tadbirlarni muntazam ravishda tashkil etish mamlakatimizga olib kirilayotgan va mahalliy ishlab chiqarilayotgan farmatsevtika mahsulotlarining sifati hamda xavfsizligini ta’minlash, laboratoriya tahlillari samaradorligini oshirish va mutaxassislarning kasbiy salohiyatini mustahkamlashda muhim ahamiyat kasb etadi.

Telegram | Facebook | Instagram | Youtube

🟦🟦🟦

Dori vositalarini olishda ortiqcha qog‘ozbozlik va vaqt yo‘qotishdan charchadingizmi?

Elektron retsept — bu zamonaviy, tezkor va qulay yechim. Tibbiyot muassasasiga murojaat qilishdan boshlab, dori vositasini qo‘lga kiritguningizga qadar bo‘lgan barcha jarayonlar endi raqamli tizim nazoratida.

Elektron retsept qanday rasmiylashtirilishi va undan foydalanish tartibi haqida ushbu videoda batafsil ma'lumot beramiz.

Telegram | Facebook | Instagram | Youtube

4 savolga 4 javob:
Muhim maʼlumotlar eslatmasi

👍 Dori vositalarini shifokor tavsiyasisiz qabul qilish mumkin emasmi? - Javob

👍 Litsenziya olish uchun umumiy hisobda qancha mablag‘ talab etiladi? - Javob

👍 Farmatsevt yoki tibbiy diplomga ega bo‘lmasdan turib dorixonaga mudirlik qilish mumkinmi? - Javob

👍 Ginekologik kreslo ham davlat ro‘yxatidan o‘tkazilishi kerakmi? - Javob

Telegram | Facebook | Instagram | Youtube

🟦🟦🟦

O‘zbekiston farmatsevtika sohasida yangi regulyator arxitekturasini shakllantirmoqda

V Xalqaro farmatsevtika forumi doirasida tashkil etilgan panel sessiyada Farmatsevtika mahsulotlari xavfsizligi markazi direktori Alisher Temirov ishtirok etib, O‘zbekistonda zamonaviy, shaffof va xalqaro talablarga mos regulyator tizimni shakllantirish yo‘lida amalga oshirilayotgan islohotlar yuzasidan ma’ruza qildi.

👉 Batafsil

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Farmatsevtika faoliyatini litsenziyalash va farminspeksiya boshqarmasi tomonidan respublikamiz hududida farmatsevtika faoliyati bilan shug‘ullanish huquqiga ega korxonalar va tashkilotlar soniga oid statistik maʼlumotlar yangilandi

😎 Zarur amaliyotlar (GxP) talablariga muvofiqlikni aniqlash xizmatlari uchun to‘lov miqdorlari davlat ro‘yxatidan o‘tkazildi

😎 Faoliyat uchun berilgan litsenziyaning amal qilishini 2026-yil may oyida o‘z xohishiga ko‘ra tugatgan yuridik shaxslar to'g'risida hududlar kesimida axborot berildi

😎 Jahon sog‘liqni saqlash tashkiloti seminarida O‘zbekiston vakillari ishtirok etmoqda

😎 Mahalliy farmatsevtika korxonalari vakillari bilan onlayn muloqot o‘tkazildi

😎 O‘zbekiston va Braziliya regulyatorlari o‘rtasida hamkorlik istiqbollari muhokama qilindi

😎 "NEOGALENPHARM" MChJ korxonasi vakillari bilan onlayn muloqot bo'lib o'tdi

😎 Poytaxtimizda V Xalqaro farmatsevtika forumi o‘z ishini boshladi

😎 Dori vositalari xavfsizligini ta’minlash masalalariga bag‘ishlangan vebinar o‘tkazildi

😎 Elektron retsept qanday rasmiylashtirilishi va undan foydalanish tartibi haqida animatsion rolik taqdim qilindi

😎 Prezident Shavkat Mirziyoyev aholi salomatligi va millat genofondini giyohvandlikdan himoya qilishga qaratilgan qonunchilikni takomillashtirish yuzasidan taqdimot bilan tanishdi

😎 O‘zbekiston farmatsevtika sohasida yangi regulyator arxitekturasini shakllantirmoqda

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🔴 🟦🟦🟦

Korrupsiyaga qarshi kurash — farmatsevtika sohasida ishonch, adolat va ochiqlik kafolati!

“Farmatsevtika mahsulotlari xavfsizligi markazi” davlat muassasasida korrupsiyaga qarshi murosasiz kurashish, manfaatlar to‘qnashuvining oldini olish hamda qonunbuzarlik holatlarini barvaqt aniqlash maqsadida Korrupsiyaga qarshi kurashish va komplaens nazorati tizimi yo‘lga qo‘yilgan.

Agar farmatsevtika sohasida qonun talablariga zid holatlar, xususan, manfaatlar to‘qnashuvi yoki korrupsiyaviy harakatlarga guvoh bo‘lsangiz, bu haqda bizga xabar bering!

Telegram | Facebook | Instagram | Youtube

🟦🟦🟦

Farg‘ona viloyatida giyohvandlik vositalari muomalasi ustidan nazorat masalalariga bag‘ishlangan seminar o‘tkazildi

Farg‘ona viloyatida Farmatsevtika mahsulotlari xavfsizligi markazining Narkotiklarni nazorat qilish qo‘mitasi mutaxassislari ishtirokida sog‘liqni saqlash tizimi xodimlarining professional malakasini oshirishga qaratilgan maxsus seminar tashkil etildi.

Tadbirda 150 yaqin ishtirokchi jumladan, viloyat sog‘liqni saqlash boshqarmasi mutaxassislari, davolash-profilaktika muassasalari rahbarlari, ularning o‘rinbosarlari, tuman va shahar tibbiyot birlashmalari mas’ullari, dorixona mudirlari hamda boshqa tegishli mutaxassislar qatnashdi.

👉 Batafsil

Telegram | Facebook | Instagram | Youtube

🟦🟦🟦

Mahalliy ishlab chiqaruvchilar bilan navbatdagi muloqot bo’lib o’tdi

Farmatsevtika mahsulotlari xavfsizligi markazi hamda Farmatsevtika tarmog‘ini rivojlantirish agentligi mutaxassislari ishtirokida mahalliy dori vositalari ishlab chiqaruvchi korxonalar vakillari bilan Zoom platformasi orqali onlayn uchrashuv tashkil etildi.

Muloqot davomida dori vositalarini davlat ro‘yxatidan o‘tkazish, ro‘yxatdan o‘tkazilganlik guvohnomalarining amal qilish muddatini uzaytirish hamda ushbu jarayonlarda qo‘llaniladigan amaldagi talablar yuzasidan batafsil tushuntirishlar berildi.

Xususan, “NOBEL PHARMSANOAT” MChJ XK tomonidan taqdim etilgan 14 nomdagi dori vositasini davlat ro‘yxatidan o‘tkazish va ro‘yxatga olish guvohnomalarining amal qilish muddatini uzaytirish bilan bog‘liq masalalar, shuningdek, “WELL MED PHARM” MChJ XK tomonidan ishlab chiqarilgan 14 nomdagi dori vositasini davlat ro'yxatidan o'tkazish muhokama qilindi.

Uchrashuv davomida tadbirkorlik subyektlari vakillarining savollariga mutaxassislar tomonidan atroflicha javob berildi. Shu bilan birga, mahalliy ishlab chiqarilgan dori vositalarini ekspertizadan o‘tkazish jarayonida aniqlanayotgan kamchiliklarni bartaraf etish qayd etildi.

Telegram | Facebook | Instagram | Youtube

🟦🟦🟦

Dori vositalarini to‘g‘ri saqlashda nimalarga e’tibor berish kerak?

Eng avvalo, dori vositasini qo‘llash bo‘yicha yo‘riqnomani diqqat bilan o‘qib chiqish va undagi ko‘rsatmalarga qat’iy amal qilish juda muhim. Ta’kidlash joizki, turli dori vositalari odatda 2°C dan 25°C gacha bo‘lgan harorat oralig‘ida saqlanadi. Dori vositalarini saqlashda harorat, namlik va yorug‘lik muhim ahamiyat kasb etadi.

Telegram | Facebook | Instagram | Youtube

🟦🟦🟦

Braziliyada 16-Xalqaro jahon farmakopeyalari yig‘ilishi bo'lib o'tmoqda

Braziliyada 16-Xalqaro jahon farmakopeyalari yig‘ilishi (16th International Meeting of World Pharmacopoeias – IMWP) hamda Braziliya farmakopeyasining 100 yilligiga bag‘ishlangan tantanali tadbirlar o'z ishini boshladi. Gibrid formatda o‘tkazilayotgan ushbu nufuzli anjuman dunyoning yetakchi farmakopeya tashkilotlari hamda Jahon sog‘liqni saqlash tashkiloti (JSST) vakillarini bir maydonga jam qildi.

Mazkur yig‘ilishida O‘zbekiston delegatsiyasi ham faol ishtirok etmoqda. Anjuman doirasida milliy farmakopeyani xalqaro standartlarga uyg‘unlashtirish, zamonaviy tahlil usullarini joriy etish hamda dori vositalari sifatini baholashning ilg‘or yondashuvlari muhokama qilinmoqda.

👉 Batafsil

Telegram | Facebook | Instagram | Youtube

⭕️⭕️⭕️⭕️

Qog‘oz retseptlar bilan bog‘liq muammolarni eslaysizmi?

Shifokor yozuvini tushunmaslik... Retseptni yo‘qotib qo‘yish... Dorixona oldida ikkilanish...

Endi shifokor yozgan dori nomini o‘qiy olmay ovora bo‘lish yoki retseptni yo‘qotib qo‘yish haqida qayg‘urish shart emas. Elektron retsept tizimi shifokor tomonidan tavsiya etilgan har bir dori vositasining nomi, dozasi va qabul qilish tartibini raqamli formatda muhrlaydi.

Elektron retsept bu aslida cheklov emas, balki bemor xavfsizligini ta’minlashga xizmat qiluvchi zamonaviy raqamli tizim.

Telegram | Facebook | Instagram | Youtube

‼️‼️‼️

Biz narkotiklarga qarshi birlashamiz!

26-iyun — Xalqaro giyohvandlikka qarshi kurashish kuni munosabati bilan Farmatsevtika mahsulotlari xavfsizligi markazida “Biz narkotiklarga qarshi birlashamiz!” shiori ostida #STOPNARKO chellenji tashkil etildi.

Mazkur tashabbus jamiyatda sog‘lom turmush tarzini targ‘ib qilish, yoshlarni giyohvandlik vositalari va psixotrop moddalar iste’molining salbiy oqibatlari haqida xabardor qilish hamda ushbu illatga qarshi kurashishda jamoatchilik birdamligini mustahkamlashga qaratilgan.

Chellenj davomida Markaz xodimlari giyohvandlikka qarshi kurash, sog‘lom hayot tamoyillarini qo‘llab-quvvatlash va kelajak avlodni turli zararli odatlardan asrashga chaqiruvchi murojaatlar bilan ishtirok etmoqda.

Giyohvandlikka qarshi kurash — faqat tegishli tashkilotlarning emas, balki har birimizning mas’uliyatimizdir. Keling, sog‘lom va xavfsiz jamiyat barpo etish yo‘lida birlashaylik!

Telegram | Facebook | Instagram | Youtube

🟦🟦🟦🟦

Elektron retseptni dorixona faoliyatiga joriy etish bo‘yicha texnik talablar

Elektron retsept tizimidan samarali foydalanish hamda yagona axborot tizimiga integratsiyani ta’minlash maqsadida dorixonalarda yuqoridagi infografikada ko'rsatilgan texnik vositalar mavjud bo‘lishi lozim.

Telegram | Facebook | Instagram | Youtube

🟦🟦🟦

Navoiy viloyat bolalar ko‘p tarmoqli tibbiyot markazida tibbiyot uskunalari metrologik nazoratdan o‘tkazildi

Sog‘liqni saqlash vazirligi Metrologiya xizmati tomonidan Navoiy viloyat bolalar ko‘p tarmoqli tibbiyot markazida foydalanilayotgan tibbiyot uskunalarining metrologik holati o‘rganilib, texnik nazorat tadbirlari amalga oshirildi.

Bolalar salomatligini muhofaza qilish tizimida tibbiyot uskunalarining aniqligi va ishonchliligi muhim ahamiyat kasb etadi. Diagnostika va davolash jarayonlarining samaradorligi ko‘p jihatdan qo‘llanilayotgan tibbiy asbob-uskunalarning sozligi hamda belgilangan metrologik talablarga muvofiqligiga bog‘liq.

Nazorat tadbirlari davomida markazning turli bo‘limlarida foydalanilayotgan tibbiyot uskunalari texnik ko‘rikdan o‘tkazildi, ularning o‘lchash aniqligi va ishlash holati baholandi. Shuningdek, ayrim uskunalarning texnik holati bo‘yicha tegishli tavsiyalar berilib, zarur hollarda ularni ta’mirlash va sozlash choralarini ko‘rish yuzasidan ko‘rsatmalar taqdim etildi.

Bundan tashqari, Metrologiya xizmati mutaxassislari tomonidan tibbiyot muassasasi xodimlari uchun tibbiyot uskunalaridan to‘g‘ri foydalanish, ularni saqlash hamda metrologik talablarni amaliyotda qo‘llash masalalariga bag‘ishlangan tushuntirish ishlari olib borildi.

Telegram | Facebook | Instagram | Youtube

4 savolga 4 javob:
Muhim maʼlumotlar eslatmasi

👍 Dori vositalarini to‘g‘ri saqlashda nimalarga eʼtibor berish kerak? - Javob

👍 Farmatsevtika mahsulotlari xavfsizligi markazining xizmat ko‘rsatish sohalari qanday yo‘nalishlaridan iborat? - Javob

👍 Ortopedik matras ham davlat ro‘yxatidan o‘tkaziladimi? - Javob

👍 Respublikada farmatsevtika mahsulotlarini standartlash va sifat nazorati tizimi qanday yo‘lga qo‘yilgan? - Javob

Telegram | Facebook | Instagram | Youtube