⭕️⭕️⭕️

Buxoroda “Arzon apteka bot”dagi e’lonlar asosida o‘tkazilgan nazorat tadbirlarida 101 turdagi dori vositasi noqonuniy savdodan olindi

Farmatsevtika faoliyatini litsenziyalash va farminspeksiya boshqarmasi tomonidan Buxoro viloyatida “Arzon apteka bot” mobil ilovasida joylashtirilgan e’lonlar asosida o‘tkazilgan nazorat tadbirlarida noqonuniy dori vositalarini realizatsiyasi bilan bog‘liq jiddiy qonunbuzilish holatlari aniqlandi.

Shuningdek, mazkur ilovada dorixona sifatida ko‘rsatilgan “Onlayn 5” nomli subyektning manzilida dorixona emas aslida “BTS” tezkor pochta xizmatining Buxoro viloyati ofisi faoliyat yuritayotgani fosh etildi.

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Andijon viloyatidagi tibbiyot muassasalarida giyohvandlik vositalari, psixotrop moddalar va prekursorlarning qonuniy hamda xavfsiz muomalasini ta’minlash masalalariga bag‘ishlangan sayyor seminar o‘tkazildi

😎 Menejment tizimlarini sertifikatlash organining akkreditatsiyadan o‘tganini qanday tekshirish mumkinligi haqida ma'lumot berildi

😎 Samarqand viloyatida dorixona rahbarlari ishtirokida o‘tkazilgan yig‘ilishda farmatsevtika sohasini raqamlashtirish, elektron retsept tizimini amaliyotga samarali joriy etish hamda dori vositalari muomalasida shaffoflikni ta’minlash masalalari muhokama qilindi

😎 "O‘zbekiston 24" telekanalining jonli efirida bo‘lib o‘tgan tok-shouda Farmatsevtika mahsulotlari xavfsizligi markazi direktori Alisher Temirov mamlakatda dori vositalari va tibbiy jihozlar xavfsizligini taʼminlash bo‘yicha amalga oshirilayotgan tizimli islohotlar haqida batafsil maʼlumot berdi

😎 "Toshkent Pharma Park" klasteri majmuasida farmatsevtika sohasi mutaxassislarini birlashtiruvchi USP User Forum – Toshkent 2026 xalqaro forumi bo‘lib o‘tadi. Amerika Farmakopeyasi (USP) tomonidan tashkil etilayotgan tadbirda farmatsevtika mahsulotlari sifati, zamonaviy sifat nazorati va xalqaro standartlarning amaliyotga joriy etilishi bilan bog‘liq dolzarb masalalar muhokama qilinadi

😎 Farmatsevtika mahsulotlari xavfsizligi markazi, O‘zbekiston Respublikasining Latviyadagi elchixonasi hamda Latviyaning farmatsevtika sohasidagi yetakchi kompaniyalaridan biri — “Olpha” AJ vakillari o‘rtasida farmatsevtika mahsulotlari xavfsizligi va sifatini ta’minlash yo‘nalishida hamkorlikni rivojlantirish masalalariga bag‘ishlangan onlayn uchrashuv bo‘lib o‘tdi.

😎 Buxoroda “Arzon apteka bot”dagi e’lonlar asosida o‘tkazilgan nazorat tadbirlarida 101 turdagi dori vositasi noqonuniy savdodan olindi

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🟦🟦🟦

Hurmatli dorixona tashkilotlari rahbarlari!

Xabaringiz bor, mamlakatimizda O‘zbekiston Respublikasi Vazirlar Mahkamasining tegishli qarorlariga muvofiq, "Elektron retsept" tizimini amaliyotga bosqichma-bosqich joriy etish ishlari olib borilmoqda. Shu munosabat bilan, "Elektron retsept" moduliga hali ulanmagan dorixonalarga DMED yagona tibbiyot axborot tizimining eHealth platformasi orqali ro‘yxatdan o‘tish va tizimga ulanish tavsiya etiladi.

Mazkur platformaga ulanish orqali dorixonalar elektron retseptlar bilan ishlash imkoniyatiga ega bo‘ladi hamda tizim joriy etilishi jarayoniga o‘z vaqtida tayyorgarlik ko‘rishi mumkin.

📼 Platformaga ulanish uchun havola

📼 eHealth platformasidan foydalanish bo‘yicha qo‘llanmalar (o‘zbek va rus tillarida)

Farmatsevtika mahsulotlari xavfsizligi markazi dorixona tashkilotlarini mazkur imkoniyatdan foydalanib, eHealth platformasiga o‘z vaqtida ulanish choralarini ko‘rishga chaqiradi. Bu elektron retsept tizimini joriy etish jarayonini samarali tashkil etish va kelgusidagi ish faoliyatini uzluksiz davom ettirishga xizmat qiladi.

Telegram | Facebook | Instagram | Youtube

⭕️⭕️⭕️

Buxoroda o‘tkazilgan nazorat tadbirlarida 101 turdagi dori vositasi noqonuniy savdodan olindi

Buxoro viloyatida o‘tkazilgan reyd davomida davlat ro‘yxatidan o‘tmagan va sertifikatsiz 100 dan ortiq dori vositalari muomaladan olindi. Qizig‘i, ilovada dorixona deb ko‘rsatilgan manzillardan birida aslida pochta xizmati joylashgani ma’lum bo‘ldi. (#video)

👉 Batafsil

Telegram | Facebook | Instagram | Youtube

🟦🟦🟦

“Kantreykol” dori vositasining ayrim seriyalari normativ hujjatlar talablariga javob bermasligi aniqlandi

Farmatsevtika mahsulotlari xavfsizligi markazi tomonidan o‘tkazilgan postmarketing nazorati tadbirlari doirasida “Kantreykol” (Aprotinin) dori vositasining ayrim seriyalari bo‘yicha laboratoriya sinovlari o‘tkazilib, ularning normativ hujjatlar talablariga muvofiq emasligi aniqlandi. Shu sababli mazkur seriyalarni tibbiyotda qo‘llashni to‘xtatish, muomaladan to‘liq qaytarib olish va belgilangan tartibda yo‘q qilish choralarini ko‘rish talab etiladi.

👉 Batafsil

Telegram | Facebook | Instagram | Youtube

🟦🟦🟦

Toshkent farmatsevtika institutida Kuzatuv kengashining navbatdagi yig‘ilishi o‘tkazildi

Toshkent farmatsevtika institutida Kuzatuv kengashining navbatdagi yig‘ilishi bo‘lib o‘tib, unda institut faoliyatini takomillashtirish, boshqaruv samaradorligini oshirish, ta’lim sifatini rivojlantirish hamda 2026/2027-o‘quv yiliga oid muhim masalalar muhokama qilindi.

👉 Batafsil

Telegram | Facebook | Instagram | Youtube

🟦🟦🟦

Tibbiyot va farmatsevtika xodimlari uchun yangi davlat ro‘yxatidan o‘tkazish tizimi joriy etiladi

2027-yil 1-iyuldan O‘zbekistonda tibbiyot va farmatsevtika xodimlarini xalqaro standartlarga muvofiq davlat ro‘yxatidan o‘tkazishning yangi tizimi joriy etiladi. Unga ko‘ra, mutaxassislarning kasbiy malakasi endi mustaqil va shaffof baholanadi, bunda xodimlarning amaldagi malaka toifalari, ish staji hamda kasbiy va ilmiy salohiyati inobatga olinadi.

👉 Batafsil

Telegram | Facebook | Instagram | Youtube

🟦🟦🟦

Tuzalib ketish — farm-kompaniya uchun zarar: AQSHda farmatsevtika biznesining parda orti

Uzoq yillardan buyon Amerikada yashab kelayotgan hamyurtimiz Madina Akmal (Madina New York) o'z intervyusida Amerika sog‘liqni saqlash va farmatsevtika tizimi haqidagi kuzatuvlari bilan bo‘lishdi. Uning fikricha, mamlakatdagi o‘ta qimmat tibbiyot va dori vositalari bozori insonlarni batamom davolashdan ko‘ra, kasallikni nazoratda ushlab turish va doimiy dori xaridiga yo‘naltirilgan.

📺 To'liq video

Telegram | Facebook | Instagram | Youtube

⭕️⭕️⭕️

Instagram sahifamizga obuna bo‘ling!

Dori vositalari va tibbiy jihozlar xavfsizligi, farmatsevtika sohasidagi muhim yangiliklar, rasmiy e’lonlar, foydali tavsiyalar hamda dolzarb ma’lumotlarni birinchilardan bo‘lib kuzatib borishni istasangiz Farmatsevtika mahsulotlari xavfsizligi markazining rasmiy Instagram sahifasiga obuna bo‘ling:

📱 www.instagram.com/uzpharmcontrol

⭕️⭕️⭕️⭕️

Dorixonalardagi reyd: 86 turdagi sertifikatsiz va 5 turdagi yaroqlilik muddati o‘tgan dori vositasi aniqlandi

“Arzon apteka”dagi e’lonlar ortidan o‘tkazilgan reydlar dorixonalardagi jiddiy qonunbuzarliklarni ochib berdi. Toshkent shahridagi nazorat tadbirlari davomida sertifikatsiz 86 turdagi va yaroqlilik muddati o‘tgan 5 turdagi dori vositasi savdodan olindi. Ayrim dorixonalarda esa farmatsevtika faoliyatini amalga oshirish bo‘yicha litsenziya talabi buzilgani aniqlandi.

👉 Batafsil

Telegram | Facebook | Instagram | Youtube

🟦🟦🟦

Ishlab chiqarish tizimingiz O‘zMSt ISO 13485:2025 talablariga qanchalik mos?

Tibbiy jihozlar ishlab chiqaruvchilari uchun sifat menejmenti tizimini xalqaro standartlarga muvofiqlashtirish muhim ahamiyat kasb etadi. Amaliyot shuni ko‘rsatadiki, ko‘plab korxonalar audit oldidan o‘zlarini tayyor deb hisoblaydi, biroq audit jarayonida turli nomuvofiqliklar aniqlanadi. Bu esa ortiqcha xarajatlar, vaqt yo‘qotish va qayta auditlarga olib keladi.

Endilikda dastlabki baholashni Farmatsevtika mahsulotlari xavfsizligi markazi tomonidan ishlab chiqilgan maxsus platforma orqali mustaqil ravishda amalga oshirish imkoniyati mavjud. Ushbu platforma yordamida qisqa vaqt ichida asosiy talablar bo‘yicha o‘zingizni sinovdan o‘tkazib, quyidagi muhim ma’lumotlarga ega bo‘lishingiz mumkin:

📼 bajarilgan talablar darajasi;
📼 mavjud kamchiliklar va ularning tavsifi;
📼 sertifikatsiya jarayoniga ta’sir etuvchi muammolar;
📼 ustuvor yo‘nalishlar bo‘yicha tavsiyalar.

Natijada foydalanuvchi umumiy tayyorgarlik darajasi (foiz hisobida), ustuvorlik asosida shakllantirilgan ish rejasi, har bir band bo‘yicha aniq tavsiyalar hamda yuklab olinadigan va jamoa bilan ishlashga mos hisobotga ega bo‘ladi.

Platformadan o‘zbek va rus tillarida bepul foydalanish mumkin bo‘lib, ro‘yxatdan o‘tish talab etilmaydi.

☑️ Platformadan foydalanish uchun havola

Telegram | Facebook | Instagram | Youtube