🔵 🟦🟦🟦

Хотира абадий, қадрлаш азиз: Марказда маърифий тадбир ўтказилди

9 май — Хотира ва қадрлаш куни арафасида Фармацевтика маҳсулотлари хавфсизлиги марказида маърифий тадбир бўлиб ўтди. Унда марказ жамоаси, Ўзбекистон Миллий ахборот агентлиги катта журналисти Муҳайё Тошқараева ҳамда фахрий ходимларимиз иштирок этди.

Тадбирни марказ директори ўринбосари Шоядбек Васиев очиб берди. Ўз нутқида у эл-юрт тинчлиги, осойишталиги, эрки ва озодлиги учун курашган инсонлар доимо халқимиз эътиборида бўлиши, жанг майдонларида жонини фидо қилган боболаримиз, сабр-бардош билан машаққатларни енгиб ўтган онахон ва бувиларимизни ёдга олиш, уларнинг хотирасини абадийлаштириш, шунингдек, тирикларига ғамхўрлик кўрсатиш мустақиллик йилларида янги мазмун касб этганини алоҳида таъкидлади.

Тадбир давомида марказда узоқ йиллар самарали меҳнат қилган фахрий ходимлар ҳақидаги махсус видеоролик намойиш этилиб, улар хотираси ёдга олинди.

Telegram | Facebook | Instagram | Youtube

🔴 Эътибор ва эҳтиром — улуғ қадрият

Хотира ва қадрлаш куни муносабати билан Соғлиқни сақлаш вазирлиги бўлим бошлиғи Мирзоҳиджон Қодиров ва Фармацевтика маҳсулотлари хавфсизлиги маркази директори Алишер Темиров бошчилигида марказда кўп йиллар давомида самарали фаолият юритган фахрий ходимларнинг хонадонларига ташриф буюрилиб, уларнинг ҳолидан хабар олинди. Ҳамда устозларнинг фармацевтика соҳаси ривожига қўшган муносиб ҳиссаси юксак эътироф этилди.

Telegram | Facebook | Instagram | Youtube

Cooperation with USP is at a new stage: the delegation of the Center participates in the "USP Convention - 2025"

These days, the international conference "USP Convention-2025" is being held in Rockville, Maryland, USA. The Center's delegation, headed by Nozim Berdiev, Deputy Director of the Center for Pharmaceutical Products Safety, is participating in the event.

For information, the conference, which brought together representatives of more than 450 organizations from about 50 countries, is aimed at discussing global problems related to the quality, safety, effectiveness and popularity of medicines, and developing joint solutions.

According to Dr. Khabibulla Djalilov, Editor-in-Chief of the State Pharmacopoeia of the Republic of Uzbekistan, who participated in the conference as a delegate voting member of the USP Convention, the resolutions adopted during the convention meeting will serve as a basis for the strategic development of standards and regulatory practice in 2025-2030, will influence global pharmaceutical policy and public health protection.

For information, in recent years, cooperation between the Ministry of Health of Uzbekistan and the USP has been strengthened, and a number of agreements and memorandums were signed in 2023. Work is also underway to introduce USP monographs into the State Pharmacopoeia of the Republic of Uzbekistan - in particular, the latest edition covers 31 modern USP articles.

📝 The conference pays special attention to ensuring equal access to high-quality medicines, developing innovative analytical approaches, integrating scientific achievements into standards, and strengthening the role of pharmacopoeias in responding to global health crises.

Telegram | Facebook | Instagram | Youtube

🔴 🟦🟦🟦

Пойтахтимизда USP ҳамкорлари билан навбатдаги йиллик учрашув бўлиб ўтади

USP - АҚШ Фармакопеяси, Фармацевтика тармоғини ривожлантириш агентлиги ва Фармацевтика маҳсулотлари хавфсизлиги маркази ҳамкорлигида USP ҳамкорларининг навбатдаги йиллик учрашув бўлиб ўтади.

Мамлакатимиз фармацевтика соҳасини халқаро стандартлар асосида янада ривожлантириш, дори воситаларининг сифати, хавфсизлигини ва самарадорлигини таъминлаш борасида амалга оширилаётган ишлар доирасида ўтказиладиган мазкур тадбирга соҳа вакиллари ва барча тадбиркорларини таклиф этамиз.

Маълумот учун, йиғилиш кун тартибида USP ва маҳаллий ҳамкорлар ўртасида тажриба алмашиш, илғор амалиётларни жорий этиш, ҳамда фармацевтик назоратни такомиллаштиришга қаратилган масалалар муҳокама этилади. Шу билан бирга тадбирда АҚШ Фармакопеяси экспертлари томонидан долзарб мавзулар бўйича тақдимотлар ташкил этилиши режалаштирилган.

Вақти: 2025 йил 28 май. Соат 08:00 - 16:30

Манзил: Тошкент вилояти, Зангиота тумани, Боғзор кўчаси, "Tashkent Pharma Park" фармацевтика кластери
Қўшимча маълумот учун: emea@usp.org

Иштирокчилар қуйидаги ҳавола орқали рўйхатдан ўтишлари сўралади.

Telegram | Facebook | Instagram | Youtube

🔵 🟦🟦🟦🟦🟦

Ўтган ҳафта "Фармацевтика маҳсулотлари хавфсизлиги маркази" давлат муассасаси фаолиятида рўй берган муҳим воқеалар:

😎 Дорихоналарда рақамли маркировкалаш тизими қандай жорий этилиши ҳақида маълум қилинди

😎 Тошкентда қалбаки дори ишлаб чиқариш ва савдоси билан шуғулланган яширин цех аниқланди

😎 Маркировкаланган дори воситаларини хатловдан ўтказиш жараёнлари ўрганилди

😎 Наркотикларни назорат қилиш қўмитаси мутахассислари Наманган вилоятида бўлди

😎 Фармацевтика соҳасида коррупцияга қарши кураш мавзусида семинар ўтказилди

😎 Самарқанд ва Навоийда 600 га яқин ўлчаш воситалари текширувдан ўтказилди

😎 Марказий Осиёда гиёҳвандлик воситалари тарқалишининг олдини олиш бўйича Европа Иттифоқининг "CADAP" дастури доирасида мамлакатимизнинг тегишли вазирлик ва идораларига махсус техника ҳамда ускуналарни топшириш маросими бўлиб ўтди

😎 USP билан ҳамкорлик янги босқичда: Марказ делегацияси “USP Конвенцияси – 2025”да иштирок этмоқда

😎 Марказ мутахассислари Россияда ишлаб чиқарилган биопрепаратини ўрганишда иштирок этди

😎 Тошкент шаҳрида 1 млрд сўмлик яроқсиз ҳолатдаги тиббий буюмларни сотаётган шахслар ушланди

😎 Хотира абадий, қадрлаш азиз: Марказда маърифий тадбир ўтказилди

😎 Президент Шавкат Мирзиёевнинг Ўзбекистон халқига байрам табриги йўллади

😎 Пойтахтимизда USP ҳамкорлари билан навбатдаги йиллик учрашув бўлиб ўтади

Фармацевтика маҳсулотлари
хавфсизлиги маркази Матбуот хизмати

Telegram | Facebook | Instagram | Youtube

✨✨✨✨

Соғлиқни сақлаш вазирининг “Референт нарх шакллантириш тизими доирасида дори воситалари нархларини қайд этиш тартиби тўғрисидаги низомни тасдиқлаш ҳақида”ги буйруққа ўзгартириш ва қўшимчалар киритиш тўғрисида”ги 3-сон буйруғи Адлия вазирлигида рўйхатдан ўтказилди (рўйхат рақами, 3242-1-сон, 12.05.2025)

Унга мувофиқ:

✅ Чекланган нархларни қайд этиш учун аризаларни қабул қилиш ва кўриб чиқиш ҳамда ахборот тизимининг узлуксиз ва барқарор ишлашини таъминлаш учун Фармацевтика маҳсулотлари хавфсизлиги маркази масъул ҳисобланади.

✅ Фармацевтика тармоғини ривожлантириш агентлиги доимий тарзда Интернет жаҳон ахборот тармоғидаги ўз расмий веб-сайтида ҳамда Ягона интерактив давлат хизматлари порталида хронологик тартибда қайд этилган ва қайта қайд этилган чекланган нархлар ҳақидаги маълумотларни жойлаштириб боради.

Ариза берувчи (маҳаллий дори воситалари учун) ахборот тизими орқали ишчи органига дори шакли, қадоқдаги сони, дозаси, концентрацияси, ҳажми ва қадоқланишини ҳисобга олган ҳолда рецепт билан бериладиган дори воситаларининг ҳар бир савдо номи учун Ўзбекистон Республикаси миллий валютасида белгиланган чекланган нархларни (ҚҚСни қўшмаган ҳолда) ахборот тизимига киритади.

Тиббиёт амалиётида қўлланилишига рухсат этилган дори воситалари, тиббий буюмлар ва тиббий техника давлат реестрига киритилган рецепт билан бериладиган дори воситаларининг референт нархлари Фармацевтика тармоғини ривожлантириш агентлиги томонидан ариза берувчининг тегишли ариза тақдим этишидан қатъи назар қайд этилади.

✅ Фармацевтика маҳсулотлари хавфсизлиги маркази чекланган нархлар реестрида кўрсатилган рецепт билан бериладиган импорт дори воситаларининг чекланган нархларини ҳар йили 1 январь ва 1 июль саналарида Ўзбекистон Республикаси Марказий банки томонидан белгиланган валюталарнинг расмий айирбошлаш курси бўйича Ўзбекистон Республикасининг миллий валютасига автоматик тарзда индексация қилади.

Telegram | Facebook | Instagram | Youtube

🔴 🟦🟦🟦

Дорихоналарда дори воситаларини рақамли маркировкалаш тизимини жорий этиш ишлари ўрганилди

Фармацевтика маҳсулотлари хавфсизлиги маркази Махсус рақамли маркировкалашни жорий этиш бўлими томонидан Тошкент шаҳридаги йирик дорихона тармоқларида ўрганиш-таҳлил ишлари амалга оширилди.

Бўлим мутахассислари жойларга чиққан ҳолда дорихоналарда маркировкаланган дори воситаларини қабул қилиш, якуний истеъмолчига реализация қилишни тўғри ташкил этиш ҳамда маркировкаланган дори воситаларини хатловдан ўтказиш жараёнлари атрофлича таҳлил қилди.

Telegram | Facebook | Instagram | Youtube

🌍🌍🌍🌍🌍🌍

Гиёҳвандлик воситалари ва психотроп моддалар билан ишлаш ҳолати ўрганилди

Ўзбекистон Республикаси Соғлиқни сақлаш вазирлигининг 2024 йил 27 декабрда тасдиқланган “2025 йилда гиёҳвандлик воситалари, психотроп моддалар ва прекурсорлар фаолияти бўйича белгиланган ҳудудларда ўтказиладиган ўрганиш ишлари ва сайёр семинарлар режаси” ижросини таъминлаш мақсадида Фармацевтика маҳсулотлари хавфсизлиги марказининг Наркотикларни назорат қилиш қўмитаси мутахассислари Наманган вилоятида бўлди.

Telegram | Facebook | Instagram | Youtube

🟦🟦🟦

Соҳа фахрийларига юксак эҳтиром ифодаси сифатида ташаккурномалар топширилди

Юртимизда 9 май Хотира ва қадрлаш куни тарихий хотирамиз ҳамда ёши улуғ, фахрий инсонларга бўлган чуқур ҳурмат рамзи сифатида кенг нишонланади. Ушбу сана муносабати билан фармацевтика соҳаси ривожига беқиёс ҳисса қўшган, юртимиз тараққиёти йўлида ҳалол ва фидокорона хизмат қилган фахрийларимиз эътироф этилгани ҳақида хабар бергандик.

Ушбу хайрли ташаббусни давом эттирган ҳолда, кеча Фармацевтика маҳсулотлари хавфсизлиги маркази директори ўринбосари Нозим Бердиев, билим ва тажрибалари ёш авлод учун ибрат мактаби бўлган фахрий ходимларимиз билан учрашди.

Жумладан, Ўзбекистон Республикаси Давлат фармакопеяси бош муҳаррири, профессор Хабибулла Жалилов, Наркотикларни назорат қилиш қўмитаси раиси Исматжон Азизов ҳамда марказда кўп йиллар давомида Рўйхатдан ўтказиш бўлими бошлиғи лавозимида самарали фаолият юритган тажрибали мутахассис Зулхумор Умароваларга соҳада кўрсатган хизматлари учун махсус ташаккурномалар топширилди.

Telegram | Facebook | Instagram | Youtube

🟣 🟦🟦🟦🟦🟦

Фармацевтика ва техник тартибга солиш соҳасида ҳамкорлик йўлга қўйилмоқда

Бугун пойтахтимизда Вазирлар Маҳкамаси ҳузуридаги Техник жиҳатдан тартибга солиш агентлиги, Соғлиқни сақлаш вазирлиги, Тошкент фармацевтика институти, Фармацевтика маҳсулотлари хавфсизлиги маркази ҳамда Фармацевтика тармоғини ривожлантириш агентлиги мутасаддилари иштирокида давра суҳбати ташкил этилди.

Тадбирда мамлакатимизда фармацевтика соҳасини янада ривожлантириш, техник тартибга солиш соҳасида илғор халқаро тажрибаларни жорий этиш, шунингдек, илм-фан, таълим ва ишлаб чиқариш интеграциясини кучайтиришга қаратилган стратегик вазифалар ижроси муҳокама қилинди.

Якунда мамлакатимизда соғлиқни сақлаш ва техник тартибга солиш сиёсатининг узвий уйғунлигини таъминлаш, давлат ва илмий муассасалар ўртасидаги ҳамкорликни тизимли асосда кенгайтиришга келишиб олинди.

Telegram | Facebook | Instagram | Youtube

🔴 🟦🟦🟦

Ўзбекистон делегацияси Будапештда ўтаётган халқаро малака ошириш курсида иштирок этмоқда

2025 йил 12–16 май кунлари Венгрия пойтахти Будапешт шаҳрида “Синтетик наркотикларнинг ноқонуний айланмасидаги янги тенденциялар” мавзусида халқаро малака ошириш курси бўлиб ўтмоқда.

Мазкур нуфузли тренинг Халқаро ҳуқуқни муҳофаза қилиш академияси (ILEA Budapest) ва АҚШ Наркотик моддаларга қарши кураш агентлиги (DEA) ҳамкорлигида ташкил этилган бўлиб, унда Ўзбекистон делегацияси таркибида “Фармацевтика маҳсулотлари хавфсизлиги маркази” давлат муассасаси Синов маркази раҳбари Зуфар Бобоев ҳам иштирок этмоқда.

Тренинг доирасида синтетик наркотиклар, уларни ишлаб чиқариш, тарқатиш ва “даркнет” орқали савдо механизмлари, ноқонуний лабораториялар фаолияти ва трансмиллий наркоташкилотлар тармоғи, кибер-валюталар, халқаро қонунчилик ва ҳуқуқни муҳофаза қилиш соҳасидаги ҳамкорлик масалалари бўйича илғор тажриба алмашиш ва амалий ечимлар муҳокама қилинмоқда.

Telegram | Facebook | Instagram | Youtube

🔴 ⭕️⭕️⭕️

Андижон вилоятида дори воситаларининг ноқонуний савдоси билан шуғулланиб келган шахс ушланди

Фармред: Бош прокуратура ҳузуридаги Департаментнинг Шаҳрихон тумани бўлими, ДХХ ва ИИБ ходимлари ҳамкорлигида Балиқчи тумани, “Авесто” МФЙ ҳудудида ўтказилган тезкор тадбирда фуқаро Д.Ж.нинг “Cobalt” русумли автомашинаси тўхтатилиб кўздан кечирилганда автомашина салони ва юк хонасида фуқаро Х.З.га тегишли сифатини тасдиқловчи ҳужжатлари бўлмаган турли номдаги умумий баҳоси 153,3 млн сўмлик 4 300 дона дори воситаларини Наманган шаҳрига сотиш учун олиб кетаётганлиги аниқланиб, тезкор тадбир давомида унинг уйидан яна 5 520 дона дори воситалари ашёвий далил сифатида олинган.

Мазкур ҳолат юзасидан Жиноят Кодексининг 186³-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.