🌍🌍🌍🌍🌍🌍

Марказ мутахассислари тиббий буюмлар ва биоматериалларни тартибга солиш бўйича халқаро тренингда иштирок этмоқда

Ҳозирги замонда жаҳон соғлиқни сақлаш тизимида инновацион тиббий маҳсулотлар ва биоматериалларни тартибга солиш, уларнинг хавфсизлиги ва самарадорлигини таъминлаш долзарб масалага айланиб бормоқда. Бу борада халқаро ҳамкорлик ва тажриба алмашинуви муҳим ўрин тутади.

Айни мақсадда шу кунларда Хитойнинг Гуанчжоу шаҳрида “Биоматериалларга асосланган илмий тартибга солиш глобал соғлиқни сақлашни қўллаб-қувватлайди” мавзусида халқаро конференция ва малака ошириш тренинги бўлиб ўтмоқда. Ушбу нуфузли тадбирда “Фармацевтика маҳсулотлари хавфсизлиги маркази” давлат муассасаси мутахассислари ҳам иштирок этмоқда.

Тренингда тиббий буюмлар ва биоматериаллар соҳасида GHWP (Global Harmonization Working Party) доирасида глобал ҳамкорлик, мувофиқлаштириш ва ўзаро ишончни мустаҳкамлаш; илғор биоматериаллар ва тиббий буюмлар соҳасидаги замонавий инновациялар ҳамда уларни тартибга солиш механизмлари йўналишларида муҳим масалалар муҳокама қилинмоқда.

Мазкур тадбир доирасида ўзбекистонлик мутахассислар тиббий буюмлар ва биоматериалларни тартибга солиш бўйича халқаро тажриба, илмий ёндашувлар ҳамда ҳуқуқий механизмлар билан яқиндан танишмоқда. Бу эса юртимизда тиббий маҳсулотларнинг хавфсизлиги, сифатини таъминлаш ва халқаро стандартларга мос равишда рўйхатдан ўтказиш ишларини янада такомиллаштиришга хизмат қилади.

Telegram | Facebook | Instagram | Youtube

💬 31-савол:

Қандай турдаги тиббий техника, тиббий буюмлар ва уларнинг бутловчи қисмлари Ўзбекистонда тан олиш йўли билан давлат рўйхатидан ўтказилади?

Ушбу саволга Фармацевтика маҳсулотлари хавфсизлиги маркази Рўйхатдан ўтказиш бўлими бошлиғи Ойбек Хайруллаев жавоб берди.

💳 Жавоб:

Ўзбекистон Республикаси Президентининг 2021 йил 5 майдаги “Соғлиқни сақлаш тизимида олиб борилаётган ислоҳотларни изчил давом эттириш ва тиббиёт ходимларининг салоҳиятини ошириш учун зарур шарт-шароитлар яратиш тўғрисида” ПФ-6221-сон Фармонининг 3-иловасида 2021 йил 1 июндан бошлаб тиббий техника, тиббий буюмлар ва уларнинг бутловчи қисмларини рўйхатдан ўтказиш натижалари Ўзбекистон Республикасида тан олинадиган хорижий ташкилотлар рўйхати келтирилган бўлиб, ушбу рўйхатда келтирилган хорижий ташкилотларнинг рўйхатдан ўтказиш натижалари тан олиш йўли билан рўйхатдан ўтказилиши мумкин.

📼 Улар қуйидаги ташкилотлар:

✔️ Озиқ-овқат ва дори воситалари сифати назорати бошқармаси (FDA), АҚШ.
✔️ Европа мувофиқлиги (СЕ) сертификатини беришга ваколатли органлар, ЕИ.
✔️ Европа дори воситалари агентлиги (EMA), Европа Иттифоқи.
✔️ Фармацевтика ва тиббий буюмлар агентлиги (PMDA), Япония.
✔️ Озиқ-овқат ва дори воситалари хавфсизлиги вазирлиги (MFDS), Корея.
✔️ Дори воситалари ва тиббий буюмлар назорати агентлиги (MНRA), Буюк Британия.

Савол юбориш - @uzpharmcontrol_bot

Telegram | Facebook | Instagram | Youtube

🟦🟦🟦🟦🟦

Ўтган ҳафта "Фармацевтика маҳсулотлари хавфсизлиги маркази" давлат муассасаси фаолиятида рўй берган муҳим воқеалар:

😎 Соғлиқни сақлаш вазирининг “Референт нарх шакллантириш тизими доирасида дори воситалари нархларини қайд этиш тартиби тўғрисидаги низомни тасдиқлаш ҳақида”ги буйруққа ўзгартириш ва қўшимчалар киритиш тўғрисида”ги 3-сон буйруғи Адлия вазирлигида рўйхатдан ўтказилди

😎 Дорихоналарда дори воситаларини рақамли маркировкалаш тизимини жорий этиш ишлари ўрганилди

😎 Гиёҳвандлик воситалари ва психотроп моддалар билан ишлаш ҳолати ўрганилди

😎 Соҳа фахрийларига юксак эҳтиром ифодаси сифатида ташаккурномалар топширилди

😎 Фармацевтика ва техник тартибга солиш соҳасида ҳамкорлик йўлга қўйилмоқда

😎 Ўзбекистон делегацияси Будапештда ўтаётган халқаро малака ошириш курсида иштирок этмоқда

😎 Андижон вилоятида дори воситаларининг ноқонуний савдоси билан шуғулланиб келган шахс ушланди

😎 Марказ мутахассислари тиббий буюмлар ва биоматериалларни тартибга солиш бўйича халқаро тренингда иштирок этмоқда

😎 Юнусободда “Электрон рецепт” модули тўлиқ йўлга қўйилади

😎 “Ўзбекистон фармацевтик хабарномаси” журналининг 2025 йил учун биринчи сони нашр этилди

😎 Мадриддаги ICH ва IPRP йиғилишларида миллий тажриба тақдим этилди

Фармацевтика маҳсулотлари
хавфсизлиги маркази Матбуот хизмати

Telegram | Facebook | Instagram | Youtube

💬💬💬

Дори воситаларини хавфсиз қўллашда нималарга эътибор бериш керак?

Ушбу анимацион видеороликда дори воситаларини қўллашда кузатиладиган хатолар ва уларнинг олдини олишга қаратилган зарур тавсиялар берилган.

Ҳурматли юртдошлар!

Агар Сизда дори воситаларни қўллаш чоғида ножўя реакциялар аниқланса Соғлиқни сақлаш вазирлиги ҳузуридаги Фармацевтика маҳсулотлари хавфсизлиги марказига мурожаат қилинг.

Қуйидаги ҳаволада кўрсатилган шаклдаги хабарномани farmakonadzor@ssv.uz электрон почтасига ёки 100002, Тошкент ш., Озод кўчаси, К. Умаров тор кўчаси, 16-уй манзилига жўнатинг.

Мурожаат учун: (71) 203-01-01 | 4144

Telegram | Facebook | Instagram | Youtube

🟦🟦🟦

“Референт нарх шакллантириш тизими доирасида дори воситалари нархларини қайд этиш тартиби тўғрисидаги низомни тасдиқлаш ҳақида”ги буйруққа ўзгартириш ва қўшимчалар киритилганлиги тўғрисида хабар берган эдик.

Соғлиқни сақлаш вазирининг тегишли буйруғига мувофиқ дори воситларига референт нарх шакллантириш тизимида қандай янги тартиб жорий қилинмоқда?

Бу ҳақида Фармацевтика маҳсулотлари хавфсизлиги марказининг Референт нархларни шакллантириш бўлими бошлиғи Камолиддин Иззатиллаев изоҳ берди.

Telegram | Facebook | Instagram | Youtube

🟦🟦🟦🟦

Бугун - Бутунжаҳон метрология куни

Олимларнинг маълумотларига кўра метрология тарихи қадимги антик даврларга бориб тақалади. Хусусан, қўл узунлиги ўлчами инсоният томонидан илк қабул қилинган метрологик стандарт дея баҳоланади. Ишлаб чиқариш ривожланиб бориши натижасида метрология фани ва метрологлар хизматига бўлган талаб ҳам ортиб борди.

1875 йилда Халқаро метрик конвенция имзоланди. 1960 йилда эса бутун дунё бўйлаб қўлланиладиган халқаро бирликлар тизими (SI) ишлаб чиқилиб, тасдиқланди. 1999 йилдан буён 20 май бутун дунёда Халқаро метрология куни сифатида кенг нишонланади.

Эслатиб ўтамиз, Соғлиқни сақлаш вазирлигининг 2024 йил 7 октябрдаги 313-сон буйруғи билан “Фармацевтика маҳсулотлари хавфсизлиги маркази” давлат муассасаси тиббий мақсадларда қўлланиладиган ўлчаш воситаларининг метрологик текширувини ўтказиш бўйича ваколатли ишчи орган этиб белгиланган бўлиб, унинг таркибидаги Қиёслаш лабораторияси — Вазирликнинг метрология хизмати этиб қайта ташкил этилган.

Telegram | Facebook | Instagram | Youtube

💬 32-савол:

Гиёҳвандлик воситалари, психотроп ва кучли таъсир қилувчи моддалар ҳам рақамли маркировкаланадими?

Ушбу саволга Фармацевтика маҳсулотлари хавфсизлиги маркази Махсус рақамли маркировкалашни жорий этиш бўлими бошлиғи Бахтияр Алимухамедов жавоб берди.

💳 Жавоб:

Вазирлар Маҳкамасининг 2015 йил 12 ноябрдаги 330-сон қарорига мувофиқ, Ўзбекистон Республикасида муомалада бўлиши чекланган гиёҳвандлик воситалари, психотроп моддалар ҳамда прекурсорлар рўйхати, шунингдек, 2019 йил 27 сентабрдаги 818-сон қарори билан Кучли таъсир қилувчи моддалар рўйхати тасдиқланган.

Агар гиёҳвандлик воситалари, психотроп ва кучли таъсир қилувчи моддаларнинг ТИФ ТН коди позициялари 3003, 3004 бўлса, ушбу дори воситалари мажбурий рақамли маркировкаланган ҳолда ишлаб чиқарилиши ва муомалага киритилиши лозим.

Маълумот учун, Ўзбекистон Республикаси Вазирлар Маҳкамасининг 2022 йил 2 апрелдаги 149-сон қарорига мувофиқ, уч йилдан кўп бўлмаган муддатда рақамли маркировкалаш тартиби жорий қилинган кунга қадар (2022 йил 1-сентябрь, 2022 йил 1 ноябрь, 2023 йил 1 март) ишлаб чиқарилган дори воситаларини, уларнинг яроқлилик муддати тугагунга қадар, рақамли идентификациялаш воситаларисиз реализация қилишга рухсат берилган.

Савол юбориш - @uzpharmcontrol_bot

Telegram | Facebook | Instagram | Youtube

🟦🟦

Дори воситаларини стандартлаш илмий маркази махсус ўқув курсларини ташкил этмоқда

Фармацевтика маҳсулотлари хавфсизлиги маркази таркибидаги Дори воситаларини стандартлаш илмий марказининг Ўқув-тренинг бўлими, лицензия асосида махсус аккредитланган лаборатория шароитида қуйидаги йўналишлар бўйича ўқув курсларини ташкил этмоқда:

Дори воситаларининг сифатини физик - кимёвий усуллар ёрдамида таҳлил қилиш; дори воситаларини сифатини микробиологик усуллар ёрдамида таҳлил қилиш; дори воситаларини сифатини фармако-токсикологик усуллар ёрдамида таҳлил қилиш.

Бундан ташқари, дорихона амалиёти ва фармацевтика соҳасининг бошқа муҳим йўналишлари бўйича қуйидаги миллий ва халқаро стандартлар асосида тайёргарлик курслари ўтказилади:

🏷 Зарур фармаконазорат амалиёти (GVP)
🏷 Зарур ишлаб чиқариш амалиёти (GMP)
🏷 Зарур лаборатория амалиёти (GLP)
🏷 Зарур сақлаш амалиёти (GSP)
🏷 Зарур дистрибьюторлик амалиёти (GDP)
🏷 Зарур дорихона амалиёти (GPP)

☎️ Мурожаат учун телефонлар:
+99871 230-71-31 (ички 106) +99897 005-00-40

Сиз ҳам ўз салоҳиятингизни оширмоқчи ва фармацевтика соҳасида илғор билимларга эга бўлмоқчи бўлсангиз — унда сизни мазкур курсларда иштирок этишга таклиф этамиз!

Telegram | Facebook | Instagram | Youtube

🟦🟦🟦🟦🟦🟦🟦

Дори воситалари сифати ва ҳақиқийлигини таъминлаш масалалари муҳокама қилинди

Фармацевтика маҳсулотлари хавфсизлиги маркази делегацияси дори воситаларининг сифати ва ҳақиқийлигини таъминлаш, замонавий аналитик назорат усуллари ҳамда қалбаки маҳсулотларга қарши курашишда қўлланилаётган рақамли ечимлар билан танишиш мақсадида Франциянинг Париж шаҳрида жойлашган Sanofi компаниясининг бош офисида бўлди.

Учрашув чоғида дори воситаларининг етказиб бериш занжиридаги хавфларни аниқлаш, уларни бартараф этиш бўйича халқаро амалиётлар, шунингдек, препаратларнинг сохталигини замонавий аналитик экспертиза ёрдамида аниқлаш ва уларни оригинал маҳсулотлар билан солиштириш усуллари муҳокама қилинди.

Шунингдек, делегациямиз аъзолари Тур шаҳрида жойлашган, қалбаки ва сохта дори воситаларини аниқлашга ихтисослашган Sanofi компаниясининг марказий лабораторияси фаолияти билан яқиндан танишишди. Ушбу лаборатория замонавий илмий марказ бўлиб, юқори аниқликдаги таҳлил ускуналари орқали дори воситаларининг ҳақиқийлигини текширади ва қалбаки маҳсулотларни оригиналлари билан таққослаш имконини беради.

Ташриф доирасида дори воситаларининг ноқонуний айланмасига қарши самарали курашиш, глобал тажриба алмашуви ва халқаро ҳамкорликни янада мустаҳкамлаш масалаларига алоҳида эътибор қаратилди.

Telegram | Facebook | Instagram | Youtube

📣📣📣

Фармацевтика соҳасида фаолият юритаётган ҳурматли тадбикорлар!

Фармацевтика маҳсулотлари хавфсизлиги маркази фаолиятида Сиз дуч келаётган муаммо ва камчиликларни ўрганиш ва уларни бартараф этиш бўйича тезкор чоралар кўриш, ҳамкорликни йўлга қўйиш, шунингдек, соҳа ривожи учун таклифларни кўриб чиқиш ҳамда тадбиркорларга қулайлик яратиш мақсадида телеграмда махсус янги гуруҳ очилганлигини маълум қиламиз. (Эски гуруҳ ёпилади)

Гуруҳга қўшилиш учун қуйидаги ҳавола орқали ариза юборишингиз ва анкетани тўлдиришингиз сўралади.

Ҳар бир мурожаат актуаллигига кўра, тегишли бўлинмалар ва шахсан Марказ раҳбарияти томонидан кўриб чиқилади.

Бошқа норасмий гуруҳлардаги мурожаатлар ва саволлар кўриб чиқилмайди.

Telegram | Facebook | Instagram | Youtube