🔴 🟦🟦🟦

Hurmatli yurtdoshlar, aziz hamkasblar!

Sizlarni muborak Ramazon hayiti bilan chin qalbimdan samimiy muborakbod etaman.

Ramazon — sabr, mehr-oqibat va bag‘rikenglik timsoli sifatida qalblarimizni poklab, ezgu amallarga chorlaydigan ulug‘ ayyomdir. Ushbu qutlug‘ kunlarda yurtimizda hukm surayotgan tinchlik-osoyishtalik, xonadonlarimizdagi fayzu baraka va hamjihatlik muhitining tobora mustahkamlanib borayotgani barchamizga quvonch bag‘ishlaydi.

Ramazon hayiti ayyomi esa ana shu ezgu qadriyatlarning amaliy ifodasi sifatida jamiyatimizda o‘zaro hurmat, saxovat va mehr-oqibat tuyg‘ularini yanada kuchaytiradi. Ishonchim komilki, ushbu muborak bayram har bir xonadonga quvonch, baraka va xotirjamlik olib kirib, qalblarimizni nur va ezgulik bilan to‘ldiradi.

Fursatdan foydalanib, Sizlarga mustahkam sog‘lik, xonadonlaringizga fayzu baraka, tinchlik va farovonlik tilayman. Barcha ezgu niyat va orzu-istaklaringiz ro‘yobga chiqsin.

Ramazon hayiti muborak bo‘lsin!

Hurmat bilan
Alisher Temirov, Farmatsevtika mahsulotlari xavfsizligi markazi direktori

Telegram | Facebook | Instagram | Youtube

🔴 🟦🟦🟦

Qadrli yurtdoshlar, aziz hamkasblar va soha fidoyilari!

Sizlarni yangilanish va yasharish fasli, milliy qadriyatlarimiz timsoli — Navro‘zi olam bilan chin qalbimdan samimiy muborakbod etaman!

Navro‘z — tabiatning uyg‘onishi, qalbimizdagi ezgu niyatlar ijobati va hamjihatlik ramzidir. Ushbu qutlug‘ ayyomda yurtimizning har bir go‘shasida kechayotgan bayram shukuhi xonadonlarimizga fayzu baraka, qalbimizga esa yangi zafarlar uchun kuch-g‘ayrat bag‘ishlamoqda.

Bugungi kunda mamlakatimizda inson qadri va uning salomatligini asrash yo‘lida amalga oshirilayotgan keng ko‘lamli islohotlar zaminida ham aynan Navro‘z falsafasiga xos bo‘lgan bunyodkorlik va saxovat mujassam.

Fursatdan foydalanib, barchangizga mustahkam sog‘lik, oilaviy baxt-saodat va yurtimiz ravnaqi yo‘lidagi mas’uliyatli faoliyatingizda ulkan muvaffaqiyatlar tilayman. Dasturxonlarimiz to‘kin, niyatlarimiz xolis, osmonimiz doimo musaffo bo‘lsin!

Navro‘zi olam barchamizga muborak bo‘lsin!

Hurmat bilan
Alisher Temirov, Farmatsevtika mahsulotlari xavfsizligi markazi direktori

Telegram | Facebook | Instagram | Youtube

💧 🟦🟦🟦

Navro‘z — yangilanish va hamjihatlik bayrami!

Farmatsevtika mahsulotlari xavfsizligi markazida Navro‘z ayyomiga bag‘ishlangan bayram tadbiri yuqori kayfiyatda o‘tkazildi. Tabiatning uyg‘onishi, yangilanish va ezgulik timsoli bo‘lgan ushbu qutlug‘ kun jamoani yanada jipslashtirib, umumiy maqsadlar sari birlashtirdi.

Tadbir davomida milliy urf-odatlarimiz, boy madaniy merosimiz va bahorning iliq nafasi o‘z ifodasini topdi. Xodimlar o‘rtasida samimiy muhit, o‘zaro hurmat va hamjihatlik hukm surib, bayram ko‘tarinki ruhda nishonlandi.

Telegram | Facebook | Instagram | Youtube

🔴 🟦🟦🟦

O‘zbekistonda ekspress-narkotestlar ishlab chiqarish mahalliylashtiriladi

Farmatsevtika sohasi mutasaddilari va olimlar ishtirokida o‘tkazilgan uchrashuvda O‘zbekistonda ekspress-narkotestlar ishlab chiqarishni mahalliylashtirish hamda “Nalokson” va “Naltrekson” substansiyalarini ishlab chiqish masalalari muhokama qilinib, amaliy kelishuvlarga erishildi.

👉 Batafsil

Telegram | Facebook | Instagram | Youtube

1️⃣2️⃣3️⃣4️⃣5️⃣

Dori vositalarining nojo‘ya ta’sirlari qanday omillarga bog‘liq va ularni kim nazorat qiladi?

Sog‘liqni saqlash vazirligining tegishli buyrug‘iga asosan, dori vositalarining nojo‘ya reaksiyalarni elektron ro‘yxatga olish tizimi amaliyotga tatbiq etildi. Farmatsevtika mahsulotlari xavfsizligi markazi mutaxassisi Shahboz Axmadjonovning ma’lum qilishicha, endilikda barcha tibbiyot muassasalari va dorixonalar bunday holatlar haqida xavf darajasiga qarab 24 soatdan 10 kungacha bo‘lgan muddatda mas’ul organni xabardor qilishi shart.

Telegram | Facebook | Instagram | Youtube

🟢 🟦🟦🟦

Mahalliy ishlab chiqaruvchilar uchun yangi imkoniyat: O‘zMSt ISO 13485:2025 sertifikati xalqaro bozorga yo‘l ochadi

Mahalliy tibbiy jihozlar ishlab chiqaruvchilari uchun xalqaro bozorga chiqish imkoniyatlarini kengaytirishga qaratilgan muhim mexanizm joriy etildi. Ta'kidlash lozim, global bozorda muvaffaqiyatli raqobat qilish uchun ishlab chiqaruvchi korxonada sifat menejmenti tizimi ISO 13485 xalqaro standarti talablariga muvofiq sertifikatlangan bo‘lishi muhim omildir.

Shu maqsadda O‘zbekiston Respublikasi Sog‘liqni saqlash vazirligi huzuridagi Farmatsevtika mahsulotlari xavfsizligi markazi tomonidan mahalliy ishlab chiqaruvchilarni qo‘llab-quvvatlash hamda ularning mahsulotlarini xalqaro bozorga olib chiqishga ko‘maklashish maqsadida akkreditatsiyalangan Milliy sertifikatlash organi tashkil etildi.

Mazkur organ tomonidan sertifikatlash jarayoni O‘zMSt ISO 13485:2025 (ISO 13485:2016 IDT) — “Tibbiy buyumlar – Sifat menejmenti tizimlari – tartibga solish maqsadlari uchun talablar” milliy standarti asosida amalga oshiriladi. Ushbu standart xalqaro ISO 13485 talablari bilan to‘liq identik bo‘lib, beriladigan sertifikat xalqaro darajada tan olinadi. Ushbu sertifikat tibbiy jihozlar ishlab chiqaruvchilari uchun qator muhim afzalliklarni taqdim etadi. Jumladan, u:

Mahsulotlarni xalqaro bozorga olib chiqish imkoniyatini kengaytiradi; sertifikatning IAF (International Accreditation Forum) xalqaro reestriga kiritilishi orqali dunyo miqyosida tan olinishini ta’minlaydi; xorijiy hamkorlar va xaridorlar ishonchini oshiradi; eksport shartnomalarida raqobatbardosh ustunlik yaratadi, shuningdek, O‘zbekiston Respublikasida tibbiy jihozlarni davlat ro‘yxatidan o‘tkazish jarayonida ishlab chiqarish inspeksiyasidan ozod bo'lish imkonini beradi.

✅ Manzil: 100002, Toshkent shahri, Ozod ko‘chasi, K. Umarov o‘tkazgichi, 16-uy
✅ Telefon: +998 71 203-01-01 (ichki raqamlar: 2085, 2086, 2087) Faks: (71) 242-48-25
✅ E-pochta: farmkomitet@ssv.uz
✅ Telegram bot: @uzpharmcontrol_bot

Telegram | Facebook | Instagram | Youtube

4 savolga 4 javob:
Muhim maʼlumotlar eslatmasi

👍 Dorixonalarda gazlangan va energetik ichimliklar sotish mumkinmi? - Javob

👍 Har qanday dori vositasi allergiya berishi mumkinmi? - Javob

👍 Dorixonada sotilgan mahsulot uchun chek berish shartmi? - Javob

👍 Farmmahsulotlar sifatini tekshiruvchi Markaz laboratoriyalarining imkoniyati qay darajada? - Javob

Telegram | Facebook | Instagram | Youtube

🖥🖥🖥

O‘zbekistonda dori vositalarining sifati qanday nazorat qilinadi?

Farmatsevtika mahsulotlari xavfsizligi markazi laboratoriyalari ISO 17025 xalqaro standarti asosida ish olib bormoqda. Mamlakatimizga kirib kelayotgan har bir preparat ro‘yxatdan o‘tkazilishidan avval uch bosqichli laboratoriya tahlillaridan o‘tkazilishi shart. Bu haqda Farmatsevtika mahsulotlari xavfsizligi markazi mutaxassisi Kamola Hakimova ma’lum qildi.

🎞 To'liq ko'rsatuv

Telegram | Facebook | Instagram | Youtube

🟢🟦🟦🟦

Tadbirkor faoliyatiga tekshiruv keldi. Endi nima bo‘ladi?

Nazorat qiluvchi organlar va tadbirkor o‘z huquq hamda majburiyatlarini qanchalik aniq biladi? Tadbirkorlar faoliyatida tekshiruvlar jarayoni qanday tartibda amalga oshirilishi kerak? Nazorat qiluvchi organlar va tadbirkorlar o‘z huquq hamda majburiyatlarini nechog‘lik bilishadi?

🎞 Yuqoridagi lavha batafsil shu haqida.

Telegram | Facebook | Instagram | Youtube

🟦🟦🟦

Farmatsevtika mahsulotlari xavfsizligi markazi ISO 37001:2025 xalqaro sertifikatiga ega bo‘ldi

Xabaringiz bor, Sog‘liqni saqlash vazirligi Markaziy apparatiga korrupsiyaga qarshi boshqaruv tizimi xalqaro standarti — ISO 37001:2016 muvofiqlik sertifikati hamda Markaziy Osiyoda birinchilardan bo‘lib shu standartning yangilangan versiyasi — ISO 37001:2025 topshirilganiga hali ko‘p bo‘lmadi.

Yaqinda Farmatsevtika mahsulotlari xavfsizligi markazi ham ana shunday sertifikatni qo‘lga kiritdi.

👍 Aslida, u qaysi talab asosida beriladi?

👍 Markaz bu yo‘nalishda qanday natijalarga erishgan?

👍 Korrupsiyaviy xavf-xatar sezilarli darajada kamaydimi?

Yuqoridagi lavhada batafsil shu haqida so'z yuritiladi.

Telegram | Facebook | Instagram | Youtube

🔴🟦🟦🟦

Farmatsevtika mahsulotlari xavfsizligi markazi tomonidan mahalliy ishlab chiqaruvchilarni qo‘llab-quvvatlash va ularning mahsulotlarini xalqaro bozorga olib chiqishga ko‘maklashish maqsadida akkreditatsiyalangan Milliy sertifikatlash organi O‘zMSt ISO 13485:2025 (ISO 13485:2016 IDT) — milliy standarti talablariga muvofiqlikni baholash bo‘yicha sertifikatlashtirish uchun arizalarni qabul qilishni boshladi.

Hurmatli tibbiy jihozlar ishlab chiqaruvchi korxonalar vakillari!

Agar Sizda sertifikatlashtirish jarayonlariga oid savollar yuzaga kelsa, quyidagi aloqa vositalari orqali murojaat qilishingiz mumkin:

✅Telefon: +998 71 203-01-01 (ichki raqamlar: 2085, 2086, 2087) Faks: (71) 242-48-25
✅E-pochta: farmkomitet@ssv.uz
✅Telegram bot: @uzpharmcontrol_bot

Telegram | Facebook | Instagram | Youtube

🔴 🟦🟦🟦

Markazda raqamlashtirish jarayonlari tahlil qilindi va ustuvor vazifalar belgilandi

Farmatsevtika mahsulotlari xavfsizligi markazi majlislar zalida raqamlashtirish jarayonlarini jadallashtirish, tizim samaradorligini oshirish va mavjud ishlarni tahlil qilishga bag‘ishlangan kengaytirilgan yig‘ilish bo‘lib o‘tdi. Unda Sog‘liqni saqlash vaziri o‘rinbosari Olim Omonov boshchiligida sohani transformatsiya qilish, xizmatlar shaffofligini ta’minlash hamda raqamli yechimlarni keng joriy etish bo‘yicha ustuvor vazifalar belgilab olindi.

👉 Batafsil

Telegram | Facebook | Instagram | Youtube

🟦🟦🟦

Ijro intizomi va istiqboldagi rejalar muhokamasi

"Tashkent Pharma Park" klasteri binosida Farmatsevtika mahsulotlari xavfsizligi markazi direktori Alisher Temirov boshchiligida yig‘ilish bo‘lib o‘tdi. Unda tizimdagi dolzarb masalalar, amalga oshirilayotgan islohotlar va istiqboldagi ustuvor vazifalar atroflicha tahlil qilindi.

Muloqot davomida har bir yo‘nalish bo‘yicha olib borilayotgan ishlar, xususan farmatsevtika mahsulotlari sifatini nazorat qilish, arizalarni ko‘rib chiqish jarayonlari hamda xizmatlar samaradorligi yuzasidan batafsil ma’lumotlar taqdim etildi. Ta’kidlanganidek, tizimda olib borilayotgan islohotlar xizmatlar sifatini oshirish, jarayonlarni optimallashtirish va tadbirkorlarga qulay sharoitlar yaratishga qaratilgan. Shu bilan birga, mavjud muammolar ochiq muhokama qilinib, ularni bartaraf etish bo‘yicha aniq amaliy takliflar ilgari surildi.

Yig‘ilishda joriy yil aprel oyi uchun belgilangan ustuvor vazifalar va strategik rejalar ham taqdim etildi. Unga ko‘ra, sohada raqamlashtirish jarayonlarini jadallashtirish, nazorat tizimlarini takomillashtirish hamda xizmat ko‘rsatish sifatini yangi bosqichga olib chiqish asosiy yo‘nalishlardan biri etib belgilandi. Uchrashuv yakunida Markaz direktori tomonidan ijro intizomini mustahkamlash, belgilangan vazifalarni o‘z vaqtida va sifatli bajarish, shuningdek bo‘limlararo hamkorlikni kuchaytirish bo‘yicha tegishli topshiriqlar berildi.

Telegram | Facebook | Instagram | Youtube

Важная возможность при регистрации медицинских изделий: порядок освобождения от инспекции

Внедрена новая возможность, направленная на упрощение процесса государственной регистрации медицинских изделий в Республике Узбекистан. Теперь производители или регистрирующие организации, соответствующие определенным требованиям, могут быть освобождены от инспекции производства на законных основаниях.

В соответствии с Постановлением Кабинета Министров от 24 ноября 2025 года №738 "Об утверждении положений о порядке государственной регистрации лекарственных средств и о порядке государственной регистрации медицинских изделий", если заявитель представляет сертификат O‘zMSt ISO 13485:2025 (ISO 13485:2016 IDT), выданный аккредитованным органом по сертификации, в процессе регистрации инспекция производства не проводится.

Данный стандарт устанавливает "Медицинские изделия - Системы менеджмента качества - требования для целей регулирования" и подтверждает соответствие производственных процессов международным требованиям.

Как Вам известно, Центром безопасности фармацевтической продукции при Министерстве здравоохранения создан аккредитованный орган по сертификации, подтверждающий соответствие национальному стандарту O‘zMSt ISO 13485:2025. Сертификат, выданный этим органом, создает ряд удобств для производителей медицинских изделий.

В частности, при наличии сертификата:

✅ при государственной регистрации полностью освобождаются от инспекции производства;
✅ сокращается срок процесса регистрации;
✅ благодаря регистрации сертификата в реестре международной организации IAF (International Accreditation Forum) сертификат признается на международном уровне;

Адрес: 100002, г. Ташкент, ул. Озод, проезд К. Умарова, 16. (location)
Телефон: +998 71 203-01-01 (вн. номера: 2085, 2086, 2087) Факс: (71) 242-48-25
Электронная почта: farmkomitet@ssv.uz
Телеграм-бот: @uzpharmcontrol_bot

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Farmatsevtika mahsulotlari xavfsizligi markazida Navro‘z ayyomiga bag‘ishlangan bayram tadbiri yuqori kayfiyatda o‘tkazildi

😎 O‘zbekistonda ekspress-narkotestlar ishlab chiqarish mahalliylashtiriladi

😎 Dori vositalarining nojo‘ya ta’sirlari qanday omillarga bog‘liq va ularni kim nazorat qiladi?

😎 O‘zbekistonda dori vositalarining sifati qanday nazorat qilinadi?

😎 Farmatsevtika mahsulotlari xavfsizligi markazi ISO 37001:2025 xalqaro sertifikatiga ega bo‘ldi

😎 Milliy sertifikatlash organi O‘zMSt ISO 13485:2025 (ISO 13485:2016 IDT) — milliy standarti talablariga muvofiqlikni baholash bo‘yicha sertifikatlashtirish uchun arizalarni qabul qilishni boshladi

😎 Markazda raqamlashtirish jarayonlari tahlil qilindi va ustuvor vazifalar belgilandi

😎 "Tashkent Pharma Park" klasteri binosida Farmatsevtika mahsulotlari xavfsizligi markazi direktori Alisher Temirov boshchiligida yig‘ilish bo‘lib o‘tdi

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🟣 🟦🟦🟦

Farmatsevtika mahsulotlari xavfsizligi markazida xalqaro seminar-trening boshlandi

Bugun, Farmatsevtika mahsulotlari xavfsizligi markazida Amerika Qo'shma Shtatlari Farmakopeyasi (USP) bilan hamkorlik doirasida tashkil etilgan “Yagona umumiy texnik hujjati (CTD), ro‘yxatdan o‘tkazishdan oldingi ekspertiza va xavflarni baholash” mavzusida to‘rt kunlik seminar-trening o‘z ishini boshladi.

Tadbirda xalqaro miqyosdagi nufuzli ekspert, xalqaro farmatsevtika maslahatchisi Sulton Gani ishtirok etmoqda. U o‘z ma'ruzalarida dori vositalarini ro‘yxatdan o‘tkazish jarayonlarida Yagona umumiy texnik hujjat (CTD) formatini qo‘llash, ro‘yxatdan o‘tkazishdan oldingi ekspertiza sifatini oshirish va xavflarni tahlil qilishning zamonaviy yondashuvlari haqida batafsil ma’lumot bermoqda.

Ta'kidlash joiz seminar dasturi doirasida ishtirokchilar nafaqat nazariy bilimlarga ega bo‘ladilar, balki amaliy mashg‘ulotlar orqali o‘z ko‘nikmalarini mustahkamlash, tajriba almashish va ilg‘or yondashuvlarni milliy amaliyotga joriy etish imkoniyatiga ega bo‘ladi.

Mazkur tashabbus O‘zbekistonda farmatsevtika tizimini xalqaro talablar darajasiga olib chiqish, dori vositalari xavfsizligi va sifat nazoratini yanada takomillashtirish hamda aholiga sifatli va ishonchli dori vositalarini yetkazib berish tizimini mustahkamlashga xizmat qiladi.

Telegram | Facebook | Instagram | Youtube