4 savolga 4 javob:
Muhim maʼlumotlar eslatmasi

👍 Shamollashda “Teraflyu” va “Nimesil” dori vositalarini birga qo‘shib ichsa bo‘ladimi? - Javob

👍 Dorixona litsenziyasi bor yoki yo‘qligini qanday bilish mumkin? - Javob

👍 Muddati o‘tgan dori vositalari qanday tartibda yo‘q qilinadi? - Javob

👍 Xarid qilingan dori vositasining sifatiga shubha uyg‘onganda bu masalada qayerga murojaat qilish kerak? - Javob

Telegram | Facebook | Instagram | Youtube

🟦🟦🟦🟦🟦🟦🟦

ICH assambleyasi doirasida O‘zbekiston va NAFDAC o‘rtasida hamkorlik memorandumi imzolandi

Shu kunlarda Braziliyaning Rio-de-Janeyro shahrida “Inson foydalanadigan farmatsevtika vositalariga qo‘yiladigan texnik talablarni uyg‘unlashtirish bo‘yicha Xalqaro kengash” (ICH) assambleyasi hamda “Dori vositalarini tartibga solish bo‘yicha xalqaro platforma” (IPRP)ning umumiy yig‘ilishlari bo‘lib o‘tmoqda.

Mazkur xalqaro tadbirlarda Farmatsevtika mahsulotlari xavfsizligi markazi direktori Alisher Temirov boshchiligidagi O‘zbekiston delegatsiyasi ham ishtirok etmoqda.

Tadbir doirasida Nigeriyaning Dori vositalari va oziq-ovqat mahsulotlarini nazorat qilish milliy agentligi — NAFDAC (National Agency for Food and Drug Administration and Control) vakillari bilan uchrashuv o‘tkazildi. Uchrashuv yakunida Farmatsevtika mahsulotlari xavfsizligi markazi hamda NAFDAC o‘rtasida hamkorlik memorandumi imzolandi.

Mazkur hujjat farmatsevtika mahsulotlarini davlat ro‘yxatidan o‘tkazish, inspeksiya faoliyati, laboratoriya sinovlari, farmakonazorat, kadrlar salohiyatini oshirish hamda xalqaro standartlarni joriy etish yo‘nalishlarida o‘zaro hamkorlikni rivojlantirishni nazarda tutadi.

Ta’kidlash joizki, NAFDAC Afrika qit’asidagi eng ilg‘or regulyator organlardan biri hisoblanadi. Agentlik Jahon sog‘liqni saqlash tashkiloti (JSST) tomonidan beriladigan WHO Maturity Level 3 (ML3) maqomini qo‘lga kiritgan va uni muvaffaqiyatli tasdiqlagan ilk Afrika regulyatori sifatida e’tirof etilgan. Ushbu maqom regulyator tizimning barqaror, yetuk va xalqaro darajada tan olingan faoliyat yuritayotganini anglatadi.

NAFDAC laboratoriyalari ISO/IEC 17025:2017 va ISO 9001:2015 xalqaro standartlari bo‘yicha akkreditatsiyadan o‘tgan bo‘lib, markaziy laboratoriyasi JSSTning prekvafikatsiya dasturiga kiritilgan. Shuningdek, agentlik tibbiy buyumlar va in vitro diagnostika vositalarini tartibga solish bo‘yicha JSST global benchmarking baholashidan muvaffaqiyatli o‘tgan dunyodagi ilk regulyator organ sifatida ham e’tirof etiladi.

E’tiborlisi, ushbu xalqaro tadbirlar davomida NAFDAC tashkiloti ICHning to‘laqonli a’zoligiga qabul qilindi. Shu tariqa Nigeriya regulyator organi xalqaro farmatsevtika hamjamiyatining eng nufuzli tuzilmalaridan biri hisoblangan ICHning to‘laqonli a’zolari qatoridan joy oldi hamda xalqaro me’yoriy hujjatlar va yo‘riqnomalarni ishlab chiqish jarayonlarida bevosita ishtirok etish imkoniyatiga ega bo‘ldi.

Ma’lumot uchun, O‘zbekiston regulyator organi 2024-yilda ICH'ga kuzatuvchi sifatida qabul qilindi. Bu esa mamlakatimiz farmatsevtika tizimini xalqaro talablar bilan uyg‘unlashtirish va dori vositalarini tartibga solishning zamonaviy mexanizmlarini joriy etish yo‘lidagi muhim qadam bo‘ldi.

Rio-de-Janeyroda o‘tkazilayotgan uchrashuvlar va erishilayotgan kelishuvlar O‘zbekistonning xalqaro farmatsevtika hamjamiyati bilan hamkorligini yanada kengaytirish, ilg‘or tajribalarni o‘zlashtirish hamda mahalliy farmatsevtika tarmog‘ining raqobatbardoshligini oshirishga xizmat qilishi bilan ahamiyatlidir.

Telegram | Facebook | Instagram | Youtube

🟦🟦🟦

Mahalliy ishlab chiqaruvchilar bilan davlat ro‘yxatidan o‘tkazish masalalari muhokama qilindi

Joriy yilning 2-iyun kuni Zoom platformasi orqali dori vositalarini ishlab chiqaruvchi mahalliy korxonalar vakillari ishtirokida onlayn muloqot o‘tkazildi. Unda Farmatsevtika mahsulotlari xavfsizligi markazi hamda Tibbiyot va farmatsevtika tarmog‘ini rivojlantirish agentligining mas’ul xodimlari ishtirok etdi.

Muloqot davomida “MEDIOFARM” MChJ tomonidan davlat ro‘yxatidan o‘tkazish hamda ro‘yxatdan o‘tkazilganlik guvohnomalarining amal qilish muddatini uzaytirish uchun taqdim etilgan 28 nomdagi dori vositalari, shuningdek, “CODEPHARM” MChJ XK tomonidan ishlab chiqarilgan 11 nomdagi dori vositalarini davlat ro‘yxatidan o‘tkazish va ularning ro‘yxatdan o‘tkazilganlik guvohnomalari amal qilish muddatini uzaytirish bilan bog‘liq masalalar atroflicha muhokama qilindi.

Shuningdek, tadbirkorlarni qiziqtirgan savollarga mutaxassislar tomonidan batafsil javoblar berildi. Mahalliy ishlab chiqarilgan dori vositalarini ekspertizadan o‘tkazish jarayonida aniqlangan kamchiliklarni o‘z vaqtida bartaraf etish, hujjatlarni belgilangan talablarga muvofiq rasmiylashtirish hamda davlat ro‘yxatidan o‘tkazish jarayonlarini samarali tashkil etish yuzasidan tegishli tavsiyalar va tushuntirishlar berildi.

Telegram | Facebook | Instagram | Youtube

❗ “Strategik maqsadimiz – 2030-yilga qadar yurtimiz reytingini investitsiyaviy darajaga olib chiqish”
– Saida Mirziyoyeva

⚡️ Global beqarorlik va moliya bozorlaridagi noaniqliklarga qaramay, Prezidentimiz rahbarligida O‘zbekistonda amalga oshirilayotgan izchil islohotlar xalqaro maydonda yuksak e’tirof etilmoqda.

“Ushbu o‘zgarishlarni xalqaro hamkorlarimiz e’tirof etayotgani biz uchun alohida ahamiyatga ega. “Fitch” xalqaro reyting agentligi O‘zbekistonning suveren kredit reytingi prognozini “barqaror”dan “ijobiy”ga yaxshiladi.

Bu xalqaro investorlar tomonidan mamlakatimizga bildirilgan yuksak ishonch belgisidir. Mamlakatimizning suveren kredit reytingini oshirish bo‘yicha ishchi guruh rahbari sifatida alohida ta’kidlamoqchimanki, biz hamkorlarimiz bilan faol aloqalarni davom ettiramiz”, - deb yozdi Saida Mirziyoyeva.

✅ Mazkur qaror O‘zbekiston iqtisodiyotining barqarorligi, olib borilayotgan islohotlarning natijadorligi va mamlakatimizning investitsiyaviy jozibadorligi tobora ortib borayotganining yana bir xalqaro e’tirofi bo‘ldi.

https://t.me/Rasmiy_axborot_official

🟦🟦🟦

O‘zbekiston delegatsiyasi ICH va IPRP xalqaro yig‘ilishlarida ishtirok etmoqda

Avval xabar berganimizdek, shu kunlarda Braziliyaning Rio-de-Janeyro shahrida “Inson foydalanadigan farmatsevtika vositalariga qo‘yiladigan texnik talablarni uyg‘unlashtirish bo‘yicha Xalqaro kengash” (ICH) assambleyasi hamda “Dori vositalarini tartibga solish bo‘yicha xalqaro platforma” (IPRP)ning umumiy yig‘ilishlari bo‘lib o‘tmoqda. Unda Farmatsevtika mahsulotlari xavfsizligi markazi direktori Alisher Temirov boshchiligidagi O‘zbekiston delegatsiyasi ham ishtirok etmoqda.

Yig‘ilishlar doirasida Markaz mutaxassislari ICHning M18 va Q5E Annex ishchi guruhlari yig'ilishlarida faol qatnashmoqda. Ushbu ishchi guruhlarda biosimilyar dori vositalari hamda ilg‘or terapiya preparatlarini (ATMP) tartibga solish bilan bog‘liq dolzarb masalalar muhokama qilinmoqda.

Mazkur yo‘nalishlarda xalqaro ekspertlar bilan hamkorlik qilish va ilg‘or tajribalarni o‘rganish milliy farmatsevtika tarmog‘ini rivojlantirish, dori vositalarini tartibga solish tizimini takomillashtirish hamda xalqaro standartlarni milliy amaliyotga joriy etishda muhim ahamiyat kasb etadi.

O‘zbekiston delegatsiyasining ushbu xalqaro maydonlardagi ishtiroki mamlakatimizning global farmatsevtika hamjamiyati bilan hamkorligini yanada mustahkamlash, tartibga solish sohasidagi zamonaviy yondashuvlarni joriy etish va aholini sifatli, xavfsiz hamda samarali dori vositalari bilan ta’minlashga xizmat qiladi.

Telegram | Facebook | Instagram | Youtube

🟦🟦🟦

O'zbekistonda nechta dorixona faoliyat yuritmoqda?

Farmatsevtika faoliyatini litsenziyalash va farminspeksiya boshqarmasi tomonidan yurtimizda faoliyat yuritayotgan dorixonalar bo'yicha statistik ma'lumotlar yangilandi.

Telegram | Facebook | Instagram | Youtube

🟦🟦

V Xalqaro O‘zbekiston farmatsevtika forumi doirasida master-klass o‘tkaziladi

2026-yil 12-iyun kuni Toshkent shahrida V Xalqaro O‘zbekiston farmatsevtika forumi doirasida “Farmatsevtika mahsulotlari xavfsizligini ta’minlash: ilm-fan, biznes jarayonlari va kasbiy rivojlanish integratsiyasi” mavzusida master-klass bo‘lib o‘tadi.

Tadbir davomida farmakonazorat va klinik tadqiqotlar, nojo‘ya reaksiyalar bo‘yicha ma’lumotlar bazalarini yuritish, inspeksiyalarni tashkil etish, farmatsevtika kompaniyalarining biznes jarayonlarida xavfsizlik tizimini joriy etish, mutaxassislarning uzluksiz kasbiy rivojlanishi hamda regulyator sohadagi muhim yangiliklar muhokama qilinadi.

👉 Batafsil

Telegram | Facebook | Instagram | Youtube

🟦🟦🟦

Dori vositalarini noto‘g‘ri saqlash inson salomatligi uchun jiddiy zarar keltirishi mumkin.

Xo‘sh, ularni saqlashda qanday qoidalarga rioya qilish kerak? Keling, bu haqida dori vositalarining o‘zidan eshitamiz.

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🟦🟦🟦🟦🟦

O‘tgan haftada "Farmatsevtika mahsulotlari xavfsizligi markazi" davlat muassasasi faoliyatida ro‘y bergan muhim voqealar:

😎 Yurtimizda 1-iyun — Xalqaro bolalarni himoya qilish kuni keng nishonlandi

😎 ICH assambleyasi doirasida O‘zbekiston va NAFDAC o‘rtasida hamkorlik memorandumi imzolandi

😎 Mahalliy ishlab chiqaruvchilar bilan davlat ro‘yxatidan o‘tkazish masalalari muhokama qilindi

😎 Giyovandlik vositalari, psixotrop moddalar va prekursorlarni olib kirish va olib chiqish uchun sertifikat qanday tartibda berililishi ma'lum qilindi

😎 O‘zbekiston delegatsiyasi ICH va IPRP xalqaro yig‘ilishlarida ishtirok etdi

😎 Kuchli taʼsir qiluvchi hamda sifati kafolatlanmagan noqonuniy dori vositalarining aylanmasiga chek qo‘yildi

😎 O'zbekistonda nechta dorixona faoliyat yuritayotganligi haqida axborot berildi

😎 V Xalqaro O‘zbekiston farmatsevtika forumi doirasida master-klass o‘tkaziladi

😎 “Bor mehrimiz senga, bolajon!” xayriya donorlik aksiyasi bo'lib o'tdi

😎 O‘zbekistonda dori vositalarini davlat ro‘yxatidan o‘tkazish tartibi yangi talablar asosida takomillashtirilmoqda

😎 Farmatsevtika mahsulotlari
xavfsizligi markazi Matbuot xizmati

Telegram | Facebook | Instagram | Youtube

🟦🟦🟦

O‘zbekiston Respublikasi Prezidentining 2025-yil 3-noyabrdagi “Aholi salomatligi va millat genofondini giyohvandlik va narkojinoyatlardan samarali himoya qilish boʻyicha kompleks chora-tadbirlar toʻgʻrisida”gi PF–207-sonli Farmoni ijrosi doirasida mamlakatimizda giyohvandlik vositalari va psixotrop moddalarning noqonuniy aylanmasi, shuningdek, narkojinoyatlarning barvaqt oldini olishga qaratilgan keng ko‘lamli ishlar amalga oshirilmoqda.

O‘zbekiston 24 telekanalining navbatdagi reportajida shu haqida so'z yuritiladi.

Telegram | Facebook | Instagram | Youtube

🔴 🟦🟦🟦

😎 Farmatsevtika faoliyatini litsenziyalash va farminspeksiya boshqarmasi tomonidan respublikamiz hududida farmatsevtika faoliyati bilan shug‘ullanish huquqiga ega korxonalar va tashkilotlar soniga oid statistik maʼlumotlar yangilandi.

Telegram | Facebook | Instagram | Youtube

🟦🟦🟦

Zarur amaliyotlar (GxP) talablariga muvofiqlikni aniqlash xizmatlari uchun to‘lov miqdorlari davlat ro‘yxatidan o‘tkazildi

Adliya vazirligida Zarur amaliyotlar (GxP) talablariga muvofiqligi yuzasidan farmatsevtik inspeksiyadan o‘tkazish bo‘yicha ko‘rsatiladigan xizmatlar uchun to‘lovlar miqdorini aniqlash tartibi davlat ro‘yxatidan o‘tkazildi (ro‘yxat raqami 3847, 2026 yil 4 iyun).

Maʼlumki, Vazirlar Mahkamasining 2019 yil 18-sentabrdagi 788-son qarorida farmatsevtik inspeksiyalarni o‘tkazish bilan bog‘liq ishlarga haq to‘lash qonunchilikda belgilangan tartibda amalga oshirilishi belgilangan.

👉 Batafsil

Telegram | Facebook | Instagram | Youtube

🟤 🟦🟦

Farmatsevtika sohasida ilmiy izlanishlar va hamkorlik uchun yangi imkoniyatlar

Dori vositalarini standartlash ilmiy markazi tarkibida faoliyat yurituvchi Tadqiqotlar va o‘quv-trening bo‘limi mahalliy va xorijiy farmatsevtika kompaniyalari, ilmiy-tadqiqot muassasalari hamda oliy ta’lim tashkilotlarini hamkorlikka taklif etadi.

Markaz tarkibida 2002 yildan buyon faoliyat yuritib kelayotgan mazkur bo‘lim respublikada klinik-oldi tadqiqotlar o‘tkazish va tibbiy jihozlar xavfsizligini baholash yo‘nalishida “GLP — Yaxshi laboratoriya amaliyoti” sertifikatiga ega bo‘lgan yetakchi laboratoriyalardan biri hisoblanadi.

Laboratoriyada asl (original) va generik dori vositalari uchun keng qamrovli preklinik tadqiqotlar amalga oshirilib, preparatlarning umumiy toksikligi, farmakologik faolligi, biosamaradorligi hamda farmakokinetik xususiyatlari ilmiy asosda baholanadi. Shuningdek, dori vositalarining allergenlik, antibakterial va antifungal ta’siri, yurak-qon tomir tizimiga ta’siri, yallig‘lanishga qarshi va og‘riqsizlantiruvchi xususiyatlari bo‘yicha ham kompleks ilmiy tadqiqotlar olib boriladi.

Bo‘lim faoliyati zamonaviy laboratoriya uskunalari, yuqori malakali mutaxassislar jamoasi va xalqaro standartlarga mos tadqiqot metodologiyasi asosida tashkil etilgan. Bu esa olinayotgan natijalarning yuqori aniqligi va ishonchliligini ta’minlaydi.

🟢 Telefon: (+998) 99 207-55-50
🟢 Manzil: Toshkent shahar, Mirobod tumani, Oybek ko‘chasi, 45-uy (Lokatsiya)

Telegram | Facebook | Instagram | Youtube