Toshkentda elektr xizmati xodimi yonib ketdi

Toshkent shahar hokimligi vaziyat nazoratga olingani, hodisaga huquqiy baho berilishini ma'lum qildi. Shuningdek, oʻrganish yakunlari boʻyicha aybdor shaxslarga nisbatan qonunchilikda nazarda tutilgan choralar koʻrilishini aytib o'tdi.

Batafsil 👉 https://uzreport.news/society/toshkentda-elektr-xizmati-xodimi-yonib-ketdi

Telegram | Instagram | Facebook | YouTube | Website

Oʻzbekistonda Google Pay va Apple Pay ishga tushdi

27-oktabr kuni O‘zbekistonda Apple Pay ishga tushirildi — Apple Wallet’da kartalarini xizmatga ulash mumkin bo‘lgan 8 ta mahalliy bank ro‘yxati ko'rina boshladi.

Batafsil 👉 https://uzreport.news/technology/o-zbekistonda-google-pay-va-apple-pay-ishga-tushdi

Telegram | Instagram | Facebook | YouTube | Website

Soliq xizmatlarida sun’iy intellektga asoslangan 3 ta yangi xizmat ishga tushirildi

AI.soliq.uz platformasining yangi imkoniyatlari taqdim etildi. Xususan, “Ekspress audit”, “AI Muloqot”, “AI Assistent” kabi bo'limlar, shuningdek, “AI Imtiyoz”, “AI Hisobot”, “AI EHF”, “AI Reyting”, “AI Avtokameral” va “AI Keshbek” xizmatlari ham mavjud.

Yangi imkoniyatlar tadbirkorlar, buxgalterlar, korxona rahbarlari va jismoniy shaxslarga soliq majburiyatlarini bajarishda sun’iy intellektdan foydalanish imkonini beradi.

Batafsil 👉 https://uzreport.news/society/soliq-xizmatlarida-sun-iy-intellektga-asoslangan-3-ta-yangi-xizmat-ishga-tushirildi

Telegram | Instagram | Facebook | YouTube | Website

Shavkat Mirziyoyev ikkinchi bor o‘tkazilayotgan Prezident Olimpiadasining ochilish marosimida ishtirok etmoqda.

Davlat rahbari sportchi yoshlar, murabbiylar va sport fidoyilarini musobaqa boshlanishi bilan tabrikladi.

Bu yilgi bellashuvlarda yurtimizning turli hududlaridan kelgan 3,5 mingdan ziyod yosh olimpiya va paralimpiya yo‘nalishidagi 26 ta sport turi bo‘yicha kuch sinashadi. Ularga 1,5 ming murabbiy hamrohlik qilmoqda.

– Har biringiz bu maydonga o‘z orzuingiz, o‘z maqsadingiz, eng asosiysi, g‘alabaga bo‘lgan katta ishonchingiz bilan kelgansiz,

– dedi Prezident sportchi o‘g‘il-qizlarga murojaat qilib.

Bugun bellashayotgan yoshlar orasidan ertaga dunyoni hayratga soladigan chempionlar va rekordchilar yetishib chiqishiga ishonch bildirildi.

Telegram | Instagram | Facebook | YouTube | Website

Mamlakat yetakchisi so‘nggi yillarda ommaviy sportdan professional sportgacha, iqtidorlarni saralashdan xalqaro musobaqalarga tayyorlashgacha bo‘lgan yaxlit tizim yaratilganini ta’kidladi.

– Bu ishlarning zamirida farzandlarimizni sog‘lom, irodali va mustaqil fikrlaydigan inson etib tarbiyalashga bo‘lgan intilishimiz mujassam,

– dedi davlat rahbari.

O‘tgan o‘n yilda sportchilarimiz yirik xalqaro musobaqalarda 5 ming 518 ta medalni qo‘lga kiritdi. Shundan 1 ming 675 tasi oltin medal bo‘lib, bu avvalgi o‘n yillikka nisbatan uch karra ko‘pdir. Medallarning uchdan biri sportchi qizlarimiz hissasiga to‘g‘ri kelmoqda.

Yaqinda Samarqandda o‘tkazilgan Butunjahon shaxmat olimpiadasida yigitlarning ikkinchi bor g‘olib bo‘lishi ham mamlakat shaxmati tarixida alohida sahifa ochdi.

Telegram | Instagram | Facebook | YouTube | Website

Yaponiyada o‘tgan XX yozgi Osiyo o‘yinlarida O‘zbekiston terma jamoasi 21 ta oltin, 25 ta kumush va 24 ta bronza – jami 70 ta medal bilan umumjamoa hisobida beshinchi o‘rinni egalladi.

Og‘ir atletikachi Akbar Jo‘rayev dast ko‘tarishda 197 kilogramm natija qayd etib, jahon rekordini yangiladi. Bokschi Abdumalik Halokov, yengil atletikachi Sharifa Davronova ikki karra, badiiy gimnastikachi Taxmina Ikromova esa uch karra chempion bo‘ldi.

Dzyudochi Muzaffar To‘raboyev finalda musobaqa mezboni vakilini yengib, oltin medalni qo‘lga kiritdi. O‘tkir Jo‘rayev sport gimnastikasining tayanib sakrash yo‘nalishida yurtimizning Osiyo o‘yinlaridagi ilk oltin medalini olib keldi.

Prezident bunday natijalar har qanday marraga erishish mumkinligiga ishonch uyg‘otishini qayd etdi.

Telegram | Instagram | Facebook | YouTube | Website

– Bugun parasportchi o‘g‘il-qizlarimizning matonati va jasoratini ham alohida e’tirof etmoqchiman,

– dedi Prezident.

Yaqinda yakunlangan Paraosiyo o‘yinlarida ular 45 ta oltin, 49 ta kumush va 51 ta bronza – jami 145 ta medal bilan umumjamoa hisobida uchinchi o‘rinni egalladi.

Pauerliftingchi Ro‘za Qo‘ziyeva oltin medal bilan birga jahon rekordini ham o‘rnatdi. Lolaxon Qodirova suzishda, Madina Muxtorova va Karomat Omonova yadro uloqtirishda, Shahina Yigitaliyeva nayza uloqtirishda, Navro‘za Ahmadova esa disk uloqtirishda Osiyo rekordlarini yangiladi.

Yegor Bolotov to‘rtta, Xurshid Qodirov uchta oltin medal qo‘lga kiritdi. Asila Mirzayorova uzunlikka sakrash bo‘yicha Paraosiyo o‘yinlari rekordini yangilab, ikkinchi marta Osiyoda tengsiz ekanini namoyon etdi.

Asila Mirzayorova Osiyo paralimpiya qo‘mitasining 2026-2030-yillar uchun sportchilar qo‘mitasi a’zosi etib saylandi. Prezident buni o‘zbek sportiga xalqaro e’tirof namunasi sifatida baholadi.

Telegram | Instagram | Facebook | YouTube | Website

Prezident musobaqa mezboni – Nagoya meri Ichiro Xirosava sportchilarning halol kurashi, raqiblarga hurmati, maydon tashqarisidagi odobi va namunaviy xulqini alohida e’tirof qilganini qayd etdi. Bu baho xalqimizga xos fazilatlarning xalqaro maydonda ham namoyon bo‘layotganini ko‘rsatadi.

Davlat rahbari farzandlarining orzusiga ishonib, doimo yonida turgan ota-onalarga minnatdorlik bildirdi.

– Yangi O‘zbekiston dunyoning nufuzli musobaqalari o‘tkaziladigan xalqaro sport markaziga aylanib bormoqda,

– dedi mamlakat yetakchisi.

So‘nggi to‘rt yilda yurtimizda jahon va Osiyo miqyosidagi 20 ga yaqin yirik musobaqa tashkil etildi. Kelgusi yil sentabr-oktabr oylarida mamlakatimiz Ozarbayjon bilan birga ilk bor 20 yoshgacha bo‘lgan futbolchilar o‘rtasidagi jahon chempionatiga mezbonlik qiladi.

Prezident bunday musobaqalarni o‘tkazish katta sharaf va mas’uliyat ekanini ta’kidladi. Ular yosh sportchilarga dunyoning eng kuchli raqiblari bilan bellashish va o‘z oldiga yanada yuksak maqsadlar qo‘yish imkonini beradi.

Telegram | Instagram | Facebook | YouTube | Website

Prezident yosh sportchilarga murojaat qilib, chempionlikka kuchli iroda va temir intizom orqali erishilishini ta’kidladi. Ilgari surilayotgan “O‘z” g‘oyasining mazmun-mohiyati ham shunda ekanini qayd etdi.

– O‘zingga ishon! O‘z ustingda ishla! O‘z yurtingga munosib bo‘l!

– dedi Prezident. Xalqaro maydonda mamlakat bayrog‘i ko‘tarilib, madhiya yangraganda butun xalq sportchilar bilan faxrlanishini ta’kidladi.

Yoshlarni yanada qo‘llab-quvvatlash maqsadida kelasi yildan Prezident Olimpiadasi g‘olib va sovrindorlarining pul mukofotlari 2,5 baravar oshiriladi. Birinchi o‘rin sohiblariga 25 million, ikkinchi o‘rin uchun 12 million, uchinchi o‘rin uchun 6 million so‘m beriladi.

Shuningdek, olimpiadada g‘olib bo‘lib, O‘zbekiston rekordini yangilagan maktab bitiruvchilari oliygohlarning sport yo‘nalishlariga imtihonsiz, davlat granti asosida qabul qilinadi.

Telegram | Instagram | Facebook | YouTube | Website

Prezident Olimpiadasi dasturidagi sport turlari soni 35 taga yetkaziladi. Yosh toifasi ham kengaytirilib, musobaqa 14 yoshdan 17 yoshgacha bo‘lgan o‘quvchilar o‘rtasida o‘tkaziladi.

Har yili olimpiada g‘oliblaridan 50 nafari xorijdagi xalqaro yig‘inlarga yuboriladi. Kelasi yildan g‘oliblarga bir yillik stipendiya berish boshlanadi. O‘z yo‘nalishida eng yaxshi natijaga erishgan sport maktabi zarur jihozlar bilan ta’minlanadi.

Poytaxtdagi Olimpiya shon-shuhrati muzeyi Olimpiya shaharchasiga ko‘chiriladi. Shu orqali yosh sportchilar chempionlar tarixi va yutuqlari bilan yaqindan tanishib, yangi g‘alabalarga intiladi.

Prezident yoshlarni ochilayotgan imkoniyatlarni tinimsiz izlanish, qat’iy intizom va bilim bilan natijaga aylantirishga chaqirdi:

“Musobaqa maydonida munosib raqib, hayotda esa yaxshi do‘st bo‘ling”.

Shundan so‘ng 2026-yilgi Prezident Olimpiadasini ochiq deb e’lon qildi.

– Olg‘a, Yangi O‘zbekiston! Olg‘a, O‘zbekiston yoshlari! Olg‘a, o‘zbek xalqi!

– dedi Prezident so‘zining yakunida.

Telegram | Instagram | Facebook | YouTube | Website

⚽️ “Galatasaroy” va “Fenerbaxche” derbisi mushtlashuv bilan yakunlandi!

🔥 Turkiya chempionatida “Galatasaroy” raqibini 2:1 hisobida mag‘lub etdi. Ammo final hushtagidan so‘ng futbolchilar o‘rtasida katta janjal kelib chiqdi.

👊 Mojaroga boshqa o‘yinchilar ham aralashdi, vaziyatni tinchlantirish uchun politsiya aralashuviga to‘g‘ri keldi.

🟥 Xabarlarga ko‘ra, ikki futbolchi qizil kartochka bilan jazolangan.

Telegram | Instagram | Facebook | YouTube | Website

Xitoyda telefon qo‘ng‘irog‘idan qo‘rqadigan talabalar uchun maxsus kurs ochildi 📱

🇨🇳 Nankin universitetida talabalar notanish odamlarga qo‘ng‘iroq qilish va ular bilan erkin suhbatlashishni o‘rganmoqda.

📞 Mashg‘ulotlarda talabalar begona insonlarga telefon qilib, ulardan intervyu olishlari kerak. Kurs yoshlarning o‘ziga bo‘lgan ishonchini oshirishga qaratilgan.

🤔 Siz ham notanish odamlarga qo‘ng‘iroq qilishdan tortinasizmi?

Telegram | Instagram | Facebook | YouTube | Website

Ikki nafar yosh kinorejissyor “Kelajak bunyodkori” medali bilan mukofotlandi

Prezidentning 27-oktabrdagi farmonlari bilan milliy kinematografiya sohasini rivojlantirishga qo‘shgan hissasi uchun yosh kinorejissyorlar Munisa Magametibragimova hamda Mariya Musakova “Kelajak bunyodkori” medali bilan taqdirlandi.

Batafsil 👉https://uzreport.news/society/ikki-nafar-yosh-kinorejissyor-kelajak-bunyodkori-medali-bilan-mukofotlandi

Telegram | Instagram | Facebook | YouTube | Website

🇵🇹 Ronaldu Portugaliya terma jamoasiga qaytishi mumkin!

⚽️ 41 yoshli Krishtianu Ronaldu Portugaliya terma jamoasining noyabr oyidagi uchrashuvlar uchun dastlabki ro‘yxatiga kiritildi.

🔥 Portugaliya Uels va Daniyaga qarshi maydonga tushishi kutilmoqda. Yakuniy tarkib 6-noyabr kuni e’lon qilinadi.

🤔 Sizningcha, Ronaldu hali ham terma jamoaga kerakmi?

Telegram | Instagram | Facebook | YouTube | Website

Dubayda dunyodagi birinchi oltin yo‘lak barpo etiladi

🇦🇪 Dubayda 24 karatli sof oltindan tayyorlanadigan noyob yo‘lak qurilishi rejalashtirilmoqda. U Dubai Gold District savdo hududida joylashadi.

✨ Loyiha 2026-yil oxirigacha yakunlanishi va sayyohlar uchun ochilishi kutilmoqda.

🤔 Siz ham oltin yo‘lakda sayr qilishni istarmidingiz?

Telegram | Instagram | Facebook | YouTube | Website

Samarqand Islomiy moliya forumiga mezbonlik qilmoqda

Samarqandda Islomiy moliya forumi o‘z ishini boshladi. Ikki kun davom etadigan xalqaro anjumanda 30 dan ortiq davlatdan kelgan 400 dan oshiq ishtirokchilar qatnashmoqda. Forum doirasida tashkil etilgan panel sessiyasida Markaziy Osiyoda islomiy moliyaning bugungi holati, mintaqaning imkoniyatlari va sohada mavjud tizimli muammolari tahlil qilindi.

Telegram | Instagram | Facebook | YouTube | Website