Prezident sohani boshqarish, moliyalashtirish va film yaratish vazifalari aniq ajratilib, yangi tizimga o‘tilishini ma’lum qildi. Avvalo, ixcham va zamonaviy boshqaruv yo‘lga qo‘yiladi.

Kinematografiya agentligi tugatilib, kino sohasida davlat siyosatini yuritish vakolati Madaniyat vazirligiga o‘tkaziladi.

Vazirlikda Kino san’ati departamenti tashkil etiladi. Departament rahbarining maqomi vazir o‘rinbosariga tenglashtiriladi.

Mas’ullarga bir oyda departament faoliyatini samarali yo‘lga qo‘yish, Kinematografiya agentligi va uning tizimidagi tashkilotlarni tugatishni ta’minlash topshirildi.

Telegram | Instagram | Facebook | YouTube | Website

“O‘zbekfilm”ning tashkiliy va iqtisodiy modeli yangilanadi. Davlat muassasasi tugatilib, zamonaviy biznes modeli asosida ishlaydigan yangi “O‘zbekfilm” milliy kinokompaniyasi tashkil etiladi.

Prezident yangi kinokompaniya milliy kino brendini yaratish va zamonaviy kinoindustriyani rivojlantirish bo‘yicha tayanch markaz hamda bosh operator bo‘lishini ta’kidladi.

“O‘zbekfilm” milliy kinokompaniyasi film ishlab chiqarmaydi. Filmlarni yaratish to‘liq xususiy sektorga o‘tadi. Kompaniya loyihalarni tanlash va moliyalashtirish, filmlarni targ‘ib qilish, tarqatish, xalqaro bozorlar va festivallarga olib chiqish bilan shug‘ullanadi.

Bu orqali filmni ishlab chiqarishdan tomoshabinga yetkazib berishgacha bo‘lgan jarayon yaxlit tizimga birlashadi. Milliy kinokompaniya faoliyatini bir hafta muddatda yo‘lga qo‘yish topshirildi.

Telegram | Instagram | Facebook | YouTube | Website

Prezident kinolarni moliyalashtirishda davlat buyurtmasi amaliyotidan subsidiya asosida qo‘llab-quvvatlash tizimiga o‘tilishini ma’lum qildi.

– Bundan buyon davlat filmning buyurtmachisi emas, ijodkorlar va xususiy sektorning ishonchli hamkori bo‘ladi,

– dedi mamlakat yetakchisi.

Film ishlab chiqarishda texnik topshiriqlar emas, ijodiy jarayon va uning talablariga ustuvorlik beriladi. Yangi moliyalashtirish mexanizmini bir oy muddatda joriy etish vazifasi qo‘yildi.

Kelgusi yildan boshlab har yili “O‘zbekfilm” milliy kinokompaniyasi so‘roviga ko‘ra budjetdan tegishli mablag‘ ajratib boriladi.

Telegram | Instagram | Facebook | YouTube | Website

Prezident kino yaratish uchun zamonaviy infratuzilma barpo etilishini ma’lum qildi. “O‘zbekfilm”ning 10 gektarlik hududida kino xizmatlari jamlangan yagona industrial klaster – “O‘zbekfilm kino shaharchasi” tashkil etiladi.

“Kino shaharchasi”da zamonaviy texnologiyalar bilan jihozlangan Dublyaj va ovozlashtirish markazi quriladi.

Ikki oyda malakali loyiha tashkilotini jalb qilib, shaharchaning master-rejasi va loyiha-smetasi ishlab chiqiladi. Qurilish ishlari keyingi yilning mart oyidan boshlanadi.

Kino tizimidagi bo‘sh turgan davlat aktivlarini ochiq savdoga chiqarish topshirildi.

Telegram | Instagram | Facebook | YouTube | Website

Davlat rahbari kinoijodkorlar uchun yana bir tashabbusni ma’lum qildi. Quyi Chirchiq tumanidagi “Ko‘hinur” sihatgohi to‘lig‘icha ularning ixtiyoriga beriladi.

Mazkur sihatgoh yaqinda zamonaviy talablar asosida ta’mirlanib, jihozlangan. Bu yerda kinoijodkorlarning munosib dam olishi uchun sharoit yaratilgan.

Prezident ushbu maskan kinochilarimiz kuch to‘plab, yangi-yangi g‘oyalar ustida ishlashiga xizmat qiladigan chinakam ijodiy maskanga aylanishini ta’kidladi.

Bundan tashqari, har yili kino sohasida faoliyat yuritadigan kamida 300 nafar fidoyi xodimga respublikadagi sihatgohlarda dam olish va davolanish uchun bepul yo‘llanma beriladi.

Telegram | Instagram | Facebook | YouTube | Website

Prezident sohada ilm, tahlil va professional tanqidchilikni rivojlantirish maqsadida “Kinoshunoslar klubi” tashkil etilishini ma’lum qildi.

“O‘zbekfilm” milliy kinokompaniyasi klub faoliyatini qo‘llab-quvvatlaydi. Uning Xalqaro kinotanqidchilar federatsiyasi – FIPRESCIga a’zo bo‘lishiga ko‘maklashadi. Bu milliy filmlarning nufuzli xalqaro festivallardagi ishtirokini kengaytirishga xizmat qiladi.

Soha vakillarining kasbiy hamjamiyatini jipslashtirish uchun O‘zbekiston Kino arboblari va O‘zbekiston kino sanoati vakillari uyushmalari birlashtirilib, O‘zbekiston kino sohasi vakillari palatasi tashkil etiladi.

Palata sohada o‘zini o‘zi boshqarishni rivojlantirish, ijodkorlarning mualliflik huquqlari va kasbiy manfaatlarini himoya qilish, yoshlarning professional o‘sishiga ko‘maklashish bilan shug‘ullanadi.

Yosh kinoijodkorlarning xorijda malaka oshirishi va palata faoliyati moliyaviy-tashkiliy jihatdan qo‘llab-quvvatlanishi belgilandi. Yangi palata faoliyatini tashkil etish ishlarini bir oyda yakunlash topshirildi.

Telegram | Instagram | Facebook | YouTube | Website

Prezident milliy kino sanoatini yangi texnologik rivojlanish bosqichiga olib chiqish zarurligini ta’kidladi. Kino yaratishda sun’iy intellekt imkoniyatlaridan keng foydalanish bo‘yicha hamkorlik dasturi bir oyda ishlab chiqiladi.

Unda yangi ta’lim dasturlarini tayyorlash, mutaxassislarni o‘qitish va xorijda malakasini oshirish masalalari ko‘zda tutiladi.

Shundan so‘ng davlat rahbari “O‘zbekfilm” nomini milliy kinomizning yagona brendi sifatida mustahkamlash tashabbusini ilgari surdi. Xalqimiz Chilonzorning bu hududini azaldan “O‘zbekfilm” deb atashi qayd etildi.

Hozirgi Chilonzor ko‘chasining mazkur qismiga “O‘zbekfilm” nomini berish taklif qilindi. Kino san’ati muzeyini “O‘zbekfilm” muzeyi, Kino san’ati saroyini “O‘zbekfilm” kinosaroyi, Milliy kinofondni “O‘zbekfilm” milliy kinofondi deb nomlab, ularni yagona brend ostida birlashtirish taklif etildi.

Telegram | Instagram | Facebook | YouTube | Website

Mamlakat yetakchisi aytilgan o‘zgarishlar soha faoliyatini yanada yuksaltirishi va yaxshi filmlar yaratishga xizmat qilishiga ishonch bildirdi. Shundan so‘ng tajribali ijodkorlar va yoshlarning fikrlarini tingladi.

Ochiq muloqot yakunida davlatimiz rahbari milliy kinoni rivojlantirishning muhim yo‘nalishlari belgilab olinganini va aytilgan o‘zgarishlarni nazarda tutuvchi farmonni imzolaganini ma’lum qildi.

Prezident ijodkorlarning tashabbuslari qo‘llab-quvvatlanishini, yaxshi kino yaratish uchun sharoitdan tashqari halol mehnat va vatanparvarlik bilan xalqni sevib ijod qilish kerakligini ta’kidladi.

– Sizlarga ishonaman. O‘zligimizdan kuch olib, bugungi hayotimizni teran anglab, milliy kinomizning yangi sahifasini birgalikda yarata olamiz,

– dedi Prezident uchrashuv yakunida.

Telegram | Instagram | Facebook | YouTube | Website

Prezident farmoni bilan bir guruh tibbiyot xodimlari davlat mukofotlari bilan taqdirlandi

Shavkat Mirziyoyev Tibbiyot xodimlari kuni munosabati bilan soha vakillarini mukofotlash to‘g‘risidagi farmonni imzoladi.

Batafsil 👉 https://uzreport.news/society/prezident-farmoni-bilan-bir-guruh-tibbiyot-xodimlari-davlat-mukofotlari-bilan-taqdirlandi

Telegram | Instagram | Facebook | YouTube | Website

Kino sohasida boshqaruvni tubdan isloh qilish rejalashtirilmoqda

Dolby Atmos texnologiyasi asosida ovoz studiyasi bilan jihozlangan zamonaviy Dublyaj va ovozlashtirish markazi tashkil etish rejalashtirilmoqda.

Batafsil 👉 https://uzreport.news/society/kino-sohasida-boshqaruvni-tubdan-isloh-qilish-rejalashtirilmoqda

Telegram | Instagram | Facebook | YouTube | Website

Prezident kinoijodkorlar bilan uchrashib, milliy kinematografiya sohasini rivojlantirishning yangi vazifalarini belgiladi

“Oʻzbekfilm”ning 10 gektarlik hududida kino xizmatlari jamlangan yagona industrial klaster – “Oʻzbekfilm kino shaharchasi” tashkil etiladi.

Batafsil 👉 https://uzreport.news/society/prezident-kinoijodkorlar-bilan-uchrashib-milliy-kinematografiya-sohasini-rivojlantirishnin

Telegram | Instagram | Facebook | YouTube | Website

O‘zbekiston va butun Markaziy Osiyo tarixida ilk bor: Shahlo Turdiqulova Butunjahon fanlar akademiyasi vise-prezidenti etib saylandi

O‘zbekiston Respublikasi Fanlar akademiyasi vise-prezidenti, professor Shahlo Turdiqulova 2027–2028-yillar uchun Butunjahon fanlar akademiyasining (TWAS) Markaziy va Janubiy Osiyo bo‘yicha vise-prezidenti etib saylandi. Sh.Turdikulova akademiyaning butun tarixi davomida uning rahbariyatiga saylangan O‘zbekiston va butun Markaziy Osiyoning ilk vakili bo‘ldi.

Batafsil 👉 https://uzreport.news/society/o-zbekiston-va-butun-markaziy-osiyo-tarixida-ilk-bor-shahlo-turdiqulova-butunjahon-fanlar-

Telegram | Instagram | Facebook | YouTube | Website

Hafta davomida Toshkentda havo inversiyasi kuzatiladi - O'zgidromet

Iliq va quruq ob-havo fonida kuzatilayotgan atmosfera inversiyasi Toshkentda 1-noyabrgacha davom etadi. Yog‘ingarchilik yo‘qligi, shamol tezligining nisbatan past bo‘lishi va inversiya hodisasi birgalikda atmosfera havosining o‘z-o‘zini tozalash jarayonini sekinlashtirishi mumkin, deya ogohlantirdi O‘zgidromet.

Atmosfera inversiyasi — havo harorati ko‘tarilgan sari pasayish o‘rniga ortib boradigan meteorologik hodisa. Inversiya vaqtida yer yuzasiga yaqin sovuq havo qatlami ustida iliqroq havo qatlami shakllanadi. Bu esa vertikal havo almashinuvini cheklab, chang zarrachalari va boshqa ifloslantiruvchi moddalarning atmosferaning quyi qatlamida to‘planishiga sabab bo‘lishi mumkin.

Batafsil 👉 https://uzreport.news/society/hafta-davomida-toshkentda-havo-inversiyasi-kuzatiladi-ozgidromet

Telegram | Instagram | Facebook | YouTube | Website

Uchtepadagi yong'inda vafot etgan ayol qasddan o'ldirilgani ma'lum bo'ldi

Shuningdek, oshxona, yotoqxona va mehmonxonada bir-biriga bog‘liq bo‘lmagan uchta yong‘in o‘chog‘i hamda qasddan o‘t qo‘yish alomatlari aniqlangan.

Mazkur holat yuzasidan 24 oktyabr kuni Uchtepa tumani prokuraturasi tomonidan Jinoyat kodeksining 97-moddasi 1-qismi bilan jinoyat ishi qo‘zg‘atilgan.

Batafsil 👉 https://uzreport.news/society/uchtepadagi-yonginda-vafot-etgan-ayol-qasddan-oldirilgani-malum-boldi

Telegram | Instagram | Facebook | YouTube | Website