❗️“Toshkent” Respublika fond birjasi Toshkent xalqaro moliya markazini rivojlantirish masalalari muhokamasida ishtirok etdi

22-oktyabr kuni O‘zbekiston Respublikasi Prezidenti huzuridagi Xorijiy investorlar kengashi doirasida Toshkent xalqaro moliya markazini (TXMM) rivojlantirish bo‘yicha idoralararo ishchi guruh yig‘ilishi bo‘lib o‘tdi.

🗣Yig‘ilishda davlat organlari, xalqaro moliya institutlari va investitsiya hamjamiyati vakillari, shuningdek, “Toshkent” Respublika fond birjasi rahbariyati ishtirok etdi.

🗣Muhokamalarda O‘zbekistonni mintaqaviy moliya va investitsiya markaziga aylantirish, xalqaro kapitalni jalb etish, yirik infratuzilma loyihalarini moliyalashtirish hamda xorijiy investorlar uchun qulay sharoitlar yaratish masalalariga asosiy e’tibor qaratildi.

🗣Shuningdek, xorijiy investorlarning amaliy ehtiyojlarini inobatga olish, investitsiyalarning huquqiy himoyasini kuchaytirish, shartnomaviy munosabatlar erkinligini ta’minlash va xalqaro standartlarga muvofiq shaffof moliyaviy muhit yaratish masalalari ko‘rib chiqildi.

🗣Loyihani rivojlantirishda xalqaro tajriba va hamkorlikning ahamiyati ham qayd etildi. Bu jarayonga jalb etilgan tashkilotlar qatorida BlackRock, Sullivan & Cromwell, TheCityUK, Angliya banki, Yevropa tiklanish va taraqqiyot banki (YTTB) hamda Gonkong moliya sektori vakillari tilga olindi.

🗣Yig‘ilishdagi muhim masalalardan biri Toshkent xalqaro moliya markazi va milliy fond birjasi o‘rtasidagi hamkorlikni rivojlantirish bo‘ldi. Xususan, Osiyo taraqqiyot banki (OTB) vakili xalqaro moliya markazi va milliy fond birjasi bir-birini to‘ldiruvchi, o‘zaro bog‘liq yagona moliyaviy ekotizim sifatida rivojlanishi zarurligini ta’kidladi.

Bunda xalqaro moliya markazi nafaqat xorijiy kapitalni jalb etishi, balki mahalliy qimmatli qog‘ozlar bozorini mustahkamlashga ham xizmat qilishi muhimligi qayd etildi.

🌐 Рус | Eng

Kanalga a'zo bo'lish 👈
Web | Instagram | Facebook | Youtube | Linkedin

📊 2026-yil sentyabr oyi yakunlari bo‘yicha birja instrumentlarining likvidlik tahlili

2026-yil sentyabr oyi yakunlari bo‘yicha birja kotirovkalash varag‘iga kiritilgan 107 ta moliyaviy instrument (aksiya)ning likvidlik darajasi baholandi. Bunda bitimlar hajmi va soni, savdolarda ishtirok etgan birja a’zolari soni hamda bitimlar amalga oshirilgan savdo kunlari soni asosiy mezonlar sifatida inobatga olindi.

Tahlil natijalariga ko‘ra:

🔵 57 ta instrument (53,3%) — yuqori likvidlik;
🔵 9 ta instrument (8,4%) — o‘rta likvidlik;
🔵 41 ta instrument (38,3%) — past likvidlik.

O‘tgan yilning mos davriga nisbatan yuqori likvidlikka ega instrumentlar soni 29 tadan 57 taga (+96,6%) oshdi, past likvidlikdagi instrumentlar soni esa 90 tadan 41 taga (−54,4%) kamaydi. Bu bozorda likvidlik va savdo faolligining ijobiy dinamikasini ko‘rsatmoqda.

2026-yil sentyabr oyida 29 ta instrument eng yuqori likvidlik darajasiga erishdi. Taqqoslash uchun, 2025-yil sentyabr oyida bu ko‘rsatkich 4 tani tashkil etgan.

Oy yakuniga ko‘ra, Birja kotirovkalash varag‘ida 73 ta emitentning 107 ta aksiya instrumenti mavjud edi.

2026-yil sentyabr oyi yakunlari bo‘yicha birja instrumentlari likvidligi o‘tgan yilning mos davriga nisbatan yaxshilandi. Yuqori likvidlikka ega instrumentlar sonining qariyb ikki baravarga oshishi va past likvidlikdagi instrumentlar ulushining kamayishi bozorda savdo faolligi hamda instrumentlar likvidligi bo‘yicha ijobiy o‘zgarishlar kuzatilayotganini ko‘rsatadi.

🌐 Рус | Eng

Kanalga a'zo bo'lish 👈
Web | Instagram | Facebook | Youtube | Linkedin

❗️Moliyaviy hisobot va barqaror rivojlanish: xalqaro standartlardagi yangiliklar muhokama qilindi

26–27-oktyabr kunlari Toshkent shahrida Ernst & Young (EY) kompaniyasi tomonidan moliyaviy hisobotning xalqaro standartlaridagi o‘zgarishlar va barqaror rivojlanishga oid axborotni oshkor etishning yangi talablariga bag‘ishlangan ikki kunlik tadbir bo‘lib o‘tdi.

Tadbirda “Toshkent” Respublika fond birjasining yosh mutaxassislari ham ishtirok etib, xalqaro standartlardagi yangiliklar va ularni O‘zbekiston amaliyotida qo‘llash masalalari bilan tanishdi.

Muhokamalarda quyidagi asosiy yo‘nalishlarga e’tibor qaratildi:

🗣 IFRS 18 — moliyaviy hisobotlarda axborotni taqdim etish va oshkor qilishga doir yangi talablar, moliyaviy natijalarni aks ettirishdagi o‘zgarishlar;

🗣 IFRS S1 — barqaror rivojlanish bilan bog‘liq moliyaviy axborotni oshkor etishga qo‘yiladigan umumiy talablar;

🗣 IFRS S2 — iqlim bilan bog‘liq xavf va imkoniyatlar to‘g‘risidagi axborotni oshkor etish talablari.

Shuningdek, mazkur standartlarni O‘zbekistonda qo‘llash, moliyaviy hisobotlarni tayyorlashdagi yangi yondashuvlar va axborotni oshkor etish amaliyotidagi o‘zgarishlar muhokama qilindi.

Xalqaro standartlardagi ushbu yangiliklar emitentlarning moliyaviy hisobotlari shaffofligi va taqqoslanuvchanligini oshirish, investorlarga moliyaviy natijalar hamda barqaror rivojlanish bilan bog‘liq xavflar haqida tizimli axborot taqdim etishda muhim ahamiyatga ega.

🌐 Рус | Eng

Kanalga a'zo bo'lish 👈
Web | Instagram | Facebook | Youtube | Linkedin