Torgina xonam bor.

To’rt tomoni kitob va turli buyumlar bilan to’la. Ilgari bu joyda bo‘lish menga huzur bag‘ishlardi, ammo hozir… hamma narsa o‘zgarib ketgandek.

Havo zich, xonani egallab turgan xotiralar og’irlik qiladi, nafas olish qiyin. Fikrlarim to’rt devorga urilib, ozod bo’lmay, changga aylanib, so’nadi. Bu yerda ohirgi marta qachon biror narsa yozganimni eslolmayman.

Ko’zlarimni yumaman - ichimda porlayotgan umidni his qilaman, ammo ochsam, xira bir soya bilan qolaman.

O’zingizni omadsiz deb bilasizmi ?

Jon Edvard akasi Josh bilan birga 2009 yilning noyabrida tog’li hududga sayohatga chiqishadi. Sayohat davomida Jon “Nutty Putty” g’oridagi tor bir tunelga bosh suqadi, biroq u tunnelni "Tug‘ilish kanali" deb nomlanuvchi o’tish yo’li bilan adashtirib qo’ygan edi. Natijada tor tunnelda tiqilib qoladi.

Holat shu darajada ediki, Jonning biror harakatni amalga oshirishi uchun imkoni bo’lmagan. Qutqaruv ishlari ham samarasiz yakunlanadi. 28 soatlik azobdan so’ng 24-noyabr kuni Jonning yuragi urishdan to’xtaydi. Qutqaruvchilar xavfning yuqoriligidan jasadni olib chiqishdan bosh tortishadi.

Keyinchalik yer egasi va Jonning oilasi o’rtasida g’orni doimiy ravishda muhrlab qo’yish, uni Jonning yodgorligiga aylantirish bo’yicha kelishuvga erishiladi. Jon 26 yoshda edi.

@vasilbro

One ring to rule them all.

Shaxsiy fikr.

Paramadaniyning shu gapiga qo’shilmayman. Orklar umum insoniyatning tasviri, Mordor esa Yer. Buni Piter Jekson trilogiyasidagi Saruman obrazi orqali kuzatishimiz mumkin.

Saruman genetik muhandislikda katta natijalarga erishadi. Jumaladan quyoshga chidamli, yanada kuchli Uruk-hay irqini yaratadi. Bundan tashqari Orklar endi tabiiy yo’l bilan ko’paymay, aksincha “fabrikalarda” yetishtiriladigan bo’ladi. Bu ulug’vor ilmiy yutuq.

Sanoat zonalari tashkil qilinadi. Daraxtlar kesilib, atrof muhitga zarar yetsada, suv ombori va turli fabrikalar tashkil qilinadi. Zebu-ziynatdan farqli ravishda qazilma boyliklarga urg’u qaratiladi. Natijada yangi ish o’rinlari paydo bo’ladi.

Qurol-yarog’ sanoatida ham katta yutuqlarga erishiladi. Olov otar qurollardan tortib, portlovchi maxsus moslamalargacha ixtiro qilinadi.

Hozir biz, ya’ni insonlar nima qilayotgan bo’lsak, ular ham shuni qilishadi.

Podcastni ko’rib chiqdim.

Yoqdi, ammo ba’zi qarshi fikrlarim ham bor. Sudda oqlovchi va qoralovchi tomon bo’lganidek, bugun qarshi tomonda o’zim. Masalan;

Piter Jekson ham kanonga tupurgan, lekin unga e’tiroz bildirishmaydi. Qudrat uzuklariga esa istalgancha tosh otishyapti qabilidagi gaplar bo’ldi.

Qo’shilaman, Jeksonning ham kanonga tupurib qo’ygan joylari yo’q emas, hatto yetarlicha. Biroq u shundayin yechimlar taqdim etganki, six ham, kabob ham kuymagan. Bu jumlani ko’p takrorlaganman;

Soxta narsa yaratyapsizmi, u aslidan zo’r bo’lsinkim, ko’rganning yoki o’qiganning og’zi yopilsin.

Serial faqatgina palon yillik tajribaga ega kino tanqidchi uchun chiqqani yo’q, uning taqdiri oddiy tomoshabin qo’lida. Rassomlik ishi, musiqa, O’rta dunyo tasviri - bu borada hech qanday gap so’z bo’lishi mumkin emas. Agar Amazon shunisi bilan maqtanmoqchi bo’lsa - olqishlayman.

Vaqt masalasi.

Buni muammo deb hisoblashning o’zi kulguli. Birinchi mavsum umumiy 9 soat 14 daqiqa davom etgan. Mualliflik huquqini 2017 yilning noyabrida qo’lga kiritishdi. Dastlabki qism esa 2022 yilning sentyabrida chiqdi - 5 yil. Mayli 2020 yilgi pandemiya hisobiga 1 yilni ayirsak - 4 yil. Eng ilg’or texnologiyalar va jin ursin 500 million dollar bizga shu aktyorlar jamoasi hamda ssenariyni taqdim etdi.

O’zbek tiliga professional dublyaj.

Dublyajda hozirgi pop yulduzlardan foydalanish O’rta dunyoga qiziquvchilarning sonini oshirishi to’g’risida taklif bo’ldi. Bu amaliyotni adashmasam Zo’r TV yoki Sevimli amalda qo’llab ko’rdi. Natija esa achinarli - na rolga kirish, na bir emotsiya bor. Dublyaj ham alohida san’at, chumchuq so’ysa ham qassob so’ygani ma’qul.

Elflarning ulug’vorligi haqida alohida yozsa bo’ladi. Asablarim chidasa yozaman.

Podcast umumiy olib aytganda - ajoyib. Ko’proq shu kabi bahsli mavzularda tashkil etilishi tarafdoriman.

Jasur aka bilan shunaqa narsa boshlab qo’ydik. Shartlarini batafsil yozibdilar.

Pandalar son jihatidan ko’p bo’lsa ham, Karllar ohirigacha kurashadi😎

Bu do’stona musobaqa. O’zimga ham qiziq, Karllarning kuchini amalda ko’rish )

Qo’llab yuborarsizlar, mabodo yutsam, men ham kitobni orangizdagi bir Karlga topshiraman.

photo colorist : @vasilbro

Mood.

@vasilbro

Pandalar uchun.

Tugadi.

Karl va Karlalarim sizlar bilan faxrlanaman. Biz katta kuchmiz🫡

@vasilbro

So’rovnoma

Inson tashqi stimulsiz uzoq vaqt yashay oladimi ?

Deylikki, faqat aqliy ozuqa qabul qilaversa, biroq kimdir uni bag’riga bosmasa, qo’lidan tutmasa, o’pich hadiya qilmasa, zarba bermasa, intim aloqada bo’lmasa.

Bu qanchalik uzoq davom etadi va asorati qanday bo’ladi ?

Elflarning ulug’vorligi

Elflar donolik hamda g’amginlik aurasiga ega. Ming yillab umr ko’rganliklari bois yuzlarida quvonch va qayg’uning ifodasini ko’rish mumkin.

Bo’ylari odamnikiga nisbatan baland, biroq nozik tana tuzlishiga ega. Jang qilganda o’ta nafis harakat qilishsada, chaqqonligi va harakatlarining silliqligi yaqqol ko’zga tashlanadi.

Ko’zlari yorqin, donolik ufurib turadi, hamda uzoq masofalarni ko’rishga moslashgan. Terilarining rangi oq tusda, doim toza va nafis - bu ularga sirli ko’rinish beradi. Sochlari oltin, kumush va qora rangda bo’ladi. Yoshi ulug’ va qudratli elflar o’zlaridan g’ayrioddiy nur taratishadi. Abadiylik ularning tashqi qiyofasida o’zining aksini topgan.

Elflarning nutqi jozibali va she’riy, bu ularning madaniyatini, yuksak bilimlarini ifodalaydi. Ular tashqi qiyofalarini yanada go’zallashtiradigan kiyimlarni kiyishadi, hattoki zirhli kiymlari ham nafis bo’lib, shon-shavkatlarini ko’rsatib turadi.

Boshqa bu mavzu ko’tarilmaydi degan umiddaman.

@vasilbro

Tranduil🦌

Bir idoraga borgandim, bog’ida kashtan o’sarkan. Daraxtga chiqib mevasini terdim. Hamma hayron.

- Nima qilasiz ?
- Qovurib yeyman.

Ko’zlar yanada kattalashdi.

Kashtan mevalari juda totli bo’ladi, biroq bizni mintaqada o’sadigan aesculus hippocastanum yoki xalq tilida aytganda ot kashtani baxtga qarshi zaharli hisoblanadi. Asosan manzarali daraxt sifatida yetishtiriladi.

Ilgari turgan uyimizning yaqinidagi stadion atrofi kashtanzor edi. Mevalarning shakli, silliqligini yoqtirardim.

Xullas, uyga ekish uchun ovoldim, biri chiqmasa, boshqasi unib chiqar. Yaxshi sharoitda ming yildan ziyod yashaydi. Evara-yu, chevaralarim eslab yuradi )

Lyutsifer aytadi:

Ey quyosh, sening nurlaringdan nafratlanaman, ular menga o‘sha ulug‘ martabadan qanday qulaganimni eslatadi. Bir vaqtlar sendan ham yuqorida, yuksak sharaf ichida yashardim. Endi esa, nurlaring bu yo‘qotilgan ulug‘vorlikni qayta yodga solib, qalbimda alam uyg‘otadi.

Jon Milton. Yo’qotilgan Jannat.

Milton asarining Xristianlikka ta’siri ulkan, ayniqsa Lyutsifer shaxsiyati aynan shu kitobdan so’ng murakkablashib, omma e’tiboriga tushgan.

Birdan eslab qolganimga xayron bo’lmang, Lyutsifer serialing 6 mavsumini ko’rishni boshladim.