Maqtanish taym 2.0

2x tezlikda ko’rsanglar, kamroq siqilasizlar )

Ko'zimga qon keldi. Izohlaridan ko'rdimki, yuzlab odamlar yuqoridagi kitobni sotib olishgan va olishmoqda.

Menda shunday prinsip bor: Kim qanday kitob o'qiyotganining qizig'i yo'q. Amina Shenliko'g'lini o'qib, taskin topadimi yoki Sveygni o'qib kayf qiladimi - bu shaxsiy ish. Har kim yengillik his qilish va huzrlanishga haqli. Adabiyotning mazasi faqat ruhiy azob yoki melanxolik kayfiyat berib, ko’zimni moshday ochgandagina haqiqiy bo’ladi deb o’ylash – kulguli. Agar biror asar seni rohatlantirsa, unda u o’z vazifasini bajargan bo’ladi, tamom.

Lekin bu qoida faqatgina o'z doirangda amal qilishi kerak. Tavsiya berayotganda, eng muhimi kitobning senga yoqganligi emas, uning mavjud vaziyatning haqiqatiga yaqinligi bo’lishi kerak. Aksar odamlar ayni shu yerga kelganda qoqiladilar. Karnegini psixologiyaning otasi deb e'tirof etish esa absurd.

Bugun !

Bugun xalqaro vino kuni. Ertadan esa Ramazon boshlanadi.

Samimiy bo’laylikda, masala ustida ozroq bosh qotiraylik. Agar vino kuni 18-dekabrda bo‘lganida, ehtimol bu qadar keskin munosabat bo’lmasdi. Demak, masala ichimlikda emas, sanalarning yaqinligidadir. Aniqroq aytadigan bo’lsam, ayrimlarning e’tirozi e’tiqoddan emas, shunchaki sanalarning yaqinligidan tug’ilayotgan riyoda. E’tiqod taqvimga qarab kiyib-yechiladigan kiyim emas. Agar u mustahkam bo‘lsa, bir kun oldin ham, uch oy oldin ham o‘zgarmasligi kerak. Ramazonga bir kun qolganda taqvodor qiyofasiga kirib, boshqalarga hukm o’qish, bu dindorlik emas, ochiqchasiga ikkiyuzlamachilikdir.

Men o‘z qadriyatlarimni yashirmayman. Vinoga bo‘lgan munosabatim birovning ro’zasi yoki ibodatiga daxl qilmaydi. Xuddi shuningdek, birovning e’tiqodi ham mening erkinligimni belgilab bermaydi. Balki meni qabul qilish qiyin tuyular, ammo bir-birimizga hukm o’qishdan ko‘ra, o’zaro tushunishga harakat qilsak, ehtimol iymon ham, erkinlik ham yutqazmaydi.

Va’da qilgan quizim yuzasidan juda ko’p savollar keldi. Botga qachon o’tkazilishini so’rab murojaat qilganlarning soni adashmayotgan bo’lsam, o’ttizdan o’tdiyov. Gap moliyaviy tomonda emas, bu borada ko'nglingiz xotirjam bo'lsin. 30 talik pichoqqa ilinadigan savollar tuzish - mana asl mashaqqat. 5 ta savol tuzoldim xolos, qolganiga vaqt ham, havfsala ham bo'lgani yo'q. Savollar yuzasidan kanalda e'lon ham bermoqchi bo'ldim, ammo bu shaffoflikka ta'sir qilgan bo'lardi. Savol tuzib bergan inson o'zi qatnashmasa ham, biror sherigiga yon bosib yuborish ehtimol yo'q emas. Shu sabab bosh qotgan.

Slavoy Jijekning Kapitalizim haqidagi fikrlari

Odamlar nima xohlayotganini bilmaydi. Shuning uchun reklama ularga nima xohlash kerakligini aytadi. Misol uchun:

Bir erkak rafiqasiga sovg‘a olish uchun do‘konga kiradi. U ayolining ko‘nglidagidan bexabar, shuning uchun sotuvchi ko‘rsatgan romantik sovg‘alar bo‘limiga yo‘l oladi. Natijada, u xotini istagan narsani emas, balki reklama "romantika" deb atayotgan narsani sotib oladi. Shu tariqa kapitalizm bizga mahsulot emas, istakning o‘zini sotadi.

Ya'ni biz buyumni emas, o‘sha buyum orqali bizga va’da qilingan ijtimoiy maqomni yoki soxta hisni sotib olamiz. Tizim bizning o‘rnimizga qaror qabul qiladi, biz esa shunchaki uni iste'mol qilamiz.

Sevgi bu falokat. Sen kimningdir kamchiligini tanlaysan va uni abadiy himoya qilasan

Bir kuni Yetti qirollik ritsarining 5 epizodi 10/10 olgan ekan, BB chilarning keti kuyib 1 ballni ayamay bosib chiqishibdi )

Nega 1 qo’yganini izohlab taqrizlar ham yozishgan ))

Maqtanish rubrikasi 3.0

Mavzudan tashqari

O’tgan turda Barselona ochko yo’qotib, madridning Real klubi chempionatda peshqadam bo’lib olgandi. Bu turda esa Real ochko yo’qotib, Barselona yana o’z o’rniga qaytib olish imkoniyatini qo’lga kiritdi. Chempionlik poygasi qiziyapti.

Hozir jonli efirda Barselona va Levante kuch sinashmoqda. Mezbonlar 1:0 hisobida oldinda, onlayn turnir jadvalida esa yana birinchi o’ringa ko’tarildi. Qizig’i bugun maydonda: Barselona tarkibida o’ng qanotda Kunde ismli himoyachi va Levante tarkibida esa ayni shu qanotda Tunde ismli vinger harakatlanmoqda.

Barselona va Levante
Kunda va Tunde

Kun va Tun kurashi.

Kun Tunni yengdi. Zamin qatidan ko‘kka o’rlagan Blaugrana sadosi Zuhal va Mushtariy sayyoralarining to’qnashuviga monand aks sado berdi. Bir necha kunlik zulmatli tuman tarqalib, adolatli quyosh yana o‘zining azaliy manzili shohsupa tepasida porlay boshladi. Falakiyot jadvalidagi adashgan yulduzlar o’z o’rniga qaytib, koinot muvozanati yana bir bor tiklandi.

Mes que un club.

Yakshanbadan tashqari istalgan ish kunida men.

Ertalab:

Alber Kamyu tirik bo‘lib, bugungi O‘zbekiston xabarlar lentasini bir aylantirganda edi, Begona asarini shunchaki bolalar ertagi deb hisoblagan bo‘larmidi ? Merso onasi o'lganda yig'lamagani va tasodifan bir arabni otib qo‘ygani uchun begonaga aylangandi. Bizning Mersolar esa ancha kreativ. Misol uchun:

Andijonda bir yigit o'zi bilan bir xonadonda yashovchi ammasining o'g'li bilan tortishib qolgan. Tortishuvga sabab esa ammasining o'g'li tovuqlarni katakka qamamagani bo'libdi, Karl. Shu sababli yigit qarindoshiga bir necha marotaba pichoq urgan va uni oʻldirgan.

Ozymandias - 9.5/10

Arya Stark tilida aytganda:

When people ask what happened here, tell them The North remembers. Tell them Winter came for House BB.

#chellenj

Men kim: Vasil

Men juda overhyped deb hisoblaydigan filmim: Fight club

Men juda overhyped deb hisoblaydigan kitobim: Jinoyat va Jazo

Men yana bir bor ko’rishni xohlaydigan, lekin hech qachon bunday qilmaydigan filmim: Manchester by the sea

Men yana bir bor o’qishni xohlaydigan, lekin hech qachon bunday qilmaydigan kitobim: Javdarzordagi Xaloskor

Ko’pchilik daho deb hisoblaydigan, lekin men uchun overhyped rejissyor: Jeyms Kemeron

Ko’pchilik daho deb hisoblaydigan, lekin men uchun overhyped yozuvchi: Elchin Safarli

Ko’pchilik shedever hisoblaydigan, lekin men uchun o’rtamiyona film: Joker 2019

Ko’pchilik shedever hisoblaydigan, lekin men uchun o’rtamiyona asar: Chol va dengiz

Kam hayp bo’lgan, lekin haqiqiy shedever hisoblaydigan filmim: Lobster

Kam hayp bo’lgan, lekin haqiqiy shedever hisoblaydigan asarim: Yangi ajib dunyo

O’zingiznikini ulashing )

Hech kim beg'araz yordam bermaydi. Odamlar boshqalarga yordam berayotganda, aslida o'zlarini yaxshi odam his qilish uchun, ya'ni o'zining ruhiy ehtiyojini qondirish uchun pul sarflashadi. Bundoq qaralsa bu ham xaridning bir turi: pul berasiz va evaziga vijdonim toza degan tuyg'uni sotib olasiz )

O‘yinning qaysi versiyasini o‘ynashni tanlayotgan payting:

Alimovning fikri juda o’rinli. Tengsizlik odam tabiatining ajralmas qismi. Xoh u mahalliychilik, xoh irqchilik ko’rinishida bo’lsin. Yaqin kelajakda boylar o‘z farzandlarining genini tahrirlab, ularni aqlli, chiroyli va kasallikdan xoli qilib dunyoga keltirishadi. Bu qaysidir ma’noda tabiiy yo‘l bilan tug‘ilgan oddiy insonlarni ikkinchi darajali biologik chiqindiga aylantiradi.