Сёння ў 7:30 раніцы прайшоў ператрус у праваабаронцы "Вясны" Алены Лапцёнак. У пастанове на ператрус значыліся: ч.1 і 2 арт. 342 і ч. 2 арт. 243 Крымінальнага кодэкса. Алену павезлі ў Следчы камітэт. Невядома, у якім яна статусе.

Хроніка палітычнага пераследу 14 ліпеня 👉 bit.ly/3wCatoD

Больш за 2 гадзіны адсутнічае сувязь з кіраўніком Мазырскай філіі Праваабарончага цэнтру "Вясна" Уладзімірам Целепуном.

❗️У Барысаве затрымалі праваабаронцу Алега Мацкевіча.

Па папярэдняй інфармацыі, яго павезлі ў Следчы камітэт у Мінск, паведамляе ex-press.by.

Хроніка палітычнага пераследу 14 ліпеня 👉 bit.ly/3wCatoD

UPD: Праваабаронца Уладзімір Целяпун на волі. Ён паведаміў "Палескай Вясне", што раніцай а 7-й гадзіне ў дзверы ягонага дома нехта грукаў, але потым сышоў.

❗️Затрыманні і ператрусы па ўсей краіне 14 ліпеня

Па дадзеных «Вясны» на 13:00

❌Былі затрыманыя ці завезеныя на допыт пасля ператрусаў:

- Уладзімір Лабковіч, юрыст «Вясны»
- Валянцін Стэфановіч, сябра Рады «Вясны»
- Алесь Бяляцкі, кіраўнік «Вясны» (не выходзіць на сувязь)
- Сяргей Сыс, журналіст і праваабаронца
- Алена Лапцёнак, праваабаронца «Вясны»
- Андрэй Палуда, праваабаронца «Вясны»
- Яўгенія Бабаева, праваабаронца
- Вольга Смалянка, дырэктарка Lawtrend (невядома)
- Алег Мацкевіч, праваабаронца «Вясны» (Барысаў)
- Ігар Казмерчак, праваабаронца «Вясны», рэдактар (Орша)
- Віктар Сазонаў, праваабаронца «Вясны» (Гродна)

🔦Прайшлі/праходзяць ператрусы ў:
- Яраслава Раманчука;
⁃ Тамары Мацкевіч (Таварыства беларускай школы);
⁃ Сяргея Мацкевіча (Цэнтр Супольнасць);
⁃ Кірыла Кафанава (Брэст, Human Constanta);
⁃ Міколы Шараха (кіраўнік ячэйкі свабоднага прафсаюза з Полацка і сябры Полоцкага праваабарончага таварыстваў);
⁃ на пляцоўцы «Тэрыторыя правоў»;
⁃ офісе Цэнтра прававой трансфармацыі Lawtrend;
⁃ офісе «Имена»;
⁃ офісе «Руху “За свабоду!“»;
⁃ сядзібе БНФ;
⁃ офісе Беларускай асацыяцыі журналістаў;
⁃ офісе Згуртавання беларусаў свету «Бацькаўшчына»;
⁃ офісе Цэнтра эканамічных даследаванняў BEROC;
⁃ офісе праваабарончай арганізацыі «Гендэрныя перспектывы»;
- офісе Беларускага Хельсінкскага камітэту.

Хроніка палітычнага пераследу 14 ліпеня 👉 http://bit.ly/3wCatoD

Аператыўна паведаміць пра затрыманне можна ў нашым тэлеграм-боце 👉 @viasna_bot

Інфармацыя абнаўляецца

Ператрус праходзіць у эканаміста Яраслава Раманчука.

Не так даўно ў эфіры @euroradio ён разважаў пра (не)эфектыўнасць санкцый супраць уладаў Беларусі.

Таксама ператрус адбыўся ў арганізацыі Офіс еўрапейскай экспертызы і камунікацыі.

Пра гэта напісала ў Facebook дырэктарка арганізацыі Святлана Зінкевіч.

Крыніца: Facebook

❗️ Правялі ператрус і затрымалі былую сябру "Вясны" Марыну Статкевіч. Яна доўга працавала разам з Алегам Мацкевічам.

Паведамляецца, што вобшук адбываецца ў IBB - Мінскім міжнародным адукацыйным цэнтрф імя Ёханэса Рау.

Хроніка палітычнага пераследу 14 ліпеня 👉 http://bit.ly/3wCatoD

Адваката Антона Гашынскага пазбавілі ліцэнзіі

Ён працаваў у беларускай адвакатуры з 2004 года. Кіруючы партнёр адвакацкага бюро «Маслаў, Гашынскі і партнёры».

Абараняў палітолага Віталія Шклярава, журналіста Андрэя Аляксандрава, айцішнікаў кампаніі «ПандаДок», аўтара ютуб-канала «Слуцк для жыцця» Уладзіміра Няронскага, апошнім часам — затрыманую разам з Пратасевічам расіянку Сафію Сапегу, выкладчыцу БДІУР па «справе студэнтаў» Вольгу Філатчанкаву.

Крыніца: "Наша Ніва"

У Гродне ўскрылі офіс ГА "Цэнтр "Трэці сектар", паведамляе Вітаўт Руднік. Там адбываецца вобшук.

Падрабязней пра падзеі 14 ліпеня: http://bit.ly/3wCatoD

❗️Затрыманні і ператрусы па ўсей краіне 14 ліпеня

Па дадзеных «Вясны» на 14:00

❌Былі затрыманыя ці завезеныя на допыт пасля ператрусаў:

1. Уладзімір Лабковіч, юрыст «Вясны»
2. Валянцін Стэфановіч, сябра Рады «Вясны»
3. Алесь Бяляцкі, кіраўнік «Вясны» (не выходзіць на сувязь)
4. Сяргей Сыс, журналіст і праваабаронца
5. Алена Лапцёнак, праваабаронца «Вясны»
6. Андрэй Палуда, праваабаронца «Вясны»
7. Яўгенія Бабаева, праваабаронца
8. Вольга Смалянка, дырэктарка Lawtrend (невядома)
9. Алег Мацкевіч, праваабаронца «Вясны» (Барысаў)
10. Ігар Казмерчак, праваабаронца «Вясны» (Орша)
11. Віктар Сазонаў, праваабаронца «Вясны» (Гродна)
12. Марына Статкевіч, былая сябра «Вясны» (Барысаў)


🔦Прайшлі/праходзяць ператрусы ў:

13. эканаміста Яраслава Раманчука;
14. Тамары Мацкевіч (Таварыства беларускай школы);
15. Сяргея Мацкевіча (Цэнтр Супольнасць);
16. Кірыла Кафанава (Брэст, Human Constanta);
17. Міколы Шараха (кіраўнік ячэйкі свабоднага прафсаюза з Полацка і сябры Полоцкага праваабарончага таварыстваў);
18. на пляцоўцы «Тэрыторыя правоў»;
19. офісе Цэнтра прававой трансфармацыі Lawtrend;
20. офісе «Имена»;
21. офісе Руху «За свабоду!»;
22. сядзібе БНФ;
23. офісе Беларускай асацыяцыі журналістаў;
24. офісе Згуртавання беларусаў свету «Бацькаўшчына»;
25. офісе Цэнтра эканамічных даследаванняў BEROC;
26. офісе праваабарончай арганізацыі «Гендэрныя перспектывы»;
27. арганізацыі Офіс еўрапейскай экспертызы і камунікацыі;
28. офісе IBB - Мінскім міжнародным адукацыйным цэнтрф імя Ёханэса Рау (не пацверждана);
29. офісе Цэнтр інфармацыйна-прававой падтрымкі сацыяльна неабароненых груп насельніцтва «Адвакацыя» (Полацк);
30. офісе ГА «Цэнтр «Трэці сектар» (Гродна);
31. офісе Беларускага Хельсінкскага камітэту (Мінск).

Хроніка палітычнага пераследу 14 ліпеня 👉 http://bit.ly/3wCatoD

Аператыўна паведаміць пра затрыманне можна ў нашым тэлеграм-боце 👉 @viasna_bot

Інфармацыя абнаўляецца

Як паведаляе Радыё Свабода, вобшуку ў IBB усё ж не было.

У Кірыла правялі ператрус у межах арт. 342 і 293 КК, забралі сістэмны блок кампутара, два ноўтбукі, два тэлефоны, нататнікі і працоўную дамову. Пасля ператрусу і размовы з супрацоўнікамі ГУБАЗіКа, якія яму прапаноўвалі запісаць відэа (ён адмовіўся), яго адпусцілі. Сказалі, каб праваабаронца чакаў выкліку на афіцыйны допыт.

Пасля ператрусу Уладзіміра разам з жонкай Нінай павезлі ў ДФР.
Цяпер Уладзіміра і Ніну Лабковічаў вязуць на допыт у Следчы камітэт.
У іх трое непаўнагадовых дзяцей.

Раніцай у офіс "Имён" прыйшлі сілавікі, якія прадставіліся супрацоўнікамі фінансавай міліцыі, піша само выданне. Паводле папярэдняй інфармацыі, у офісе прайшоў ператрус, на які не пусцілі адваката. У офісе знаходзіліся дырэктарка "Имён" Кацярына Сяргеева і бухгалтарка Таццяна Аднавол. Таццяна зараз на волі, дома. Яна пад падпіскай аб неразгалошванні.

Офіс "Имён" апячатаны. Ператрус плануецца ці ўжо праходзіць у кватэры Кацярыны Сяргеевай.

❗️Сілавікі прыйшлі да праваабаронцы "Вясны" са Смаргоні Аляксандра Дзергачова. У яго адбываецца вобшук.

‼️ Таксама ператрусы праходзяць у сябраў грамадскага аб’яднання “Фонд імя Льва Сапегі” і офісе "Саюза беларускіх пісьменнікаў".

Хроніка палітычнага пераследу 14 ліпеня 👉 http://bit.ly/3wCatoD

⚡️"Мы не спынім сваёй праваабарончай дзейнасці". Заява Праваабарончага цэнтру "Вясна"

Мы выказваем рашучы пратэст з нагоды чарговай хвалі рэпрэсій у дачыненні да сябраў арганізацыі і супраць грамадзянскай супольнасці Беларусі ў цэлым і заяўляем, што не спынім сваёй праваабарончай дзейнасці.

Мы патрабуем неадкладна вызваліць затрыманых Валянціна Стэфановіча, Уладзіміра Лабковіча, Андрэя Палуду, Сяргея Сыса, Алену Лапцёнак, Алега Мацкевіча, Ігара Казмерчака і іншых праваабаронцаў і актывістаў.

➡️ https://bit.ly/3z1rElf