Штогод суды ў Беларусі разглядаюць каля 3,5 тысяч спраў аб замене пакарання на больш строгае

Прычым прыкладна дзве трэці з іх — справы ў дачыненні да тых, хто ўхіляецца ад адбывання пакарання ў выглядзе абмежавання волі.

⁉️Чаму Інтэрпал прапускае запыты з Беларусі

Што тычыцца маштабаў праблемы і рэакцыі самога Інтэрпола на маніпуляцыі з боку Мінска, то галоўны офіс усведамляе сітуацыю, аднак сістэма мае свае ўразлівасці.

Як адзначаюць эксперты (напрыклад, міграцыйны юрыст Алесь Міхалевіч), Інтэрпал разумее, што Беларусь – недэмакратычная краіна, якая злоўжывае антыэкстрэмісцкім і антытэрарыстычным заканадаўствам. Такія відавочна палітызаваныя кейсы арганізацыя адфільтроўвае. Аднак з эканамічнай злачыннасцю сітуацыя іншая: на этапе атрымання запыту распазнаць у ім палітычны матыў амаль немагчыма, таму такія справы з Беларусі і прапускаюць, кажа Святлана.

Разам з тым маштаб менавіта «эканамічных» запытаў абмежаваны. Для таго каб сфабрыкаваць пераканаўчае абвінавачванне ў нясплаце падаткаў ці растраце, чалавек, як правіла, павінен быў у мінулым мець у Беларусі ўласнае ІП або камерцыйную арганізацыю.

🔹Трансгранічны пераслед: спіс небяспечных краінаў, гучныя затрыманні і парады юрысткі

Кіраўнік СК паведаміў, што прававую ацэнку атрымалі ўсе ўдзельнікі пратэстаў 2020-га году

Пра гэта паведаміў Канстанцін Бычак.

«Прававую ацэнку атрымалі ўсе ўдзельнікі масавых беспарадкаў, іх арганізатары, асобы, якія аказвалі супраціў праваахоўнікам і - самае галоўнае — тыя, хто выношваў планы гвалтоўнай змены канстытуцыйнага ладу».

Таксама ён паведаміў, што асобы, «якія ўцяклі за мяжу», не сышлі ад крымінальнага пераследу, а па ініцыятыве Следчага камітэта ўведзены і «эфектыўна выкарыстоўваецца» інстытут спецыяльнай вытворчасці.

Акрамя таго, паводле яго, «актыўна спыняюцца спробы вінаватых схаваць свой даход і маёмасць, якая падлягае канфіскацыі».

У гомельскай жаночай калоніі з-за надзвычайнага здарэння забаранілі ласцік-дэпілятары

З 1 красавіка ў ПК №4 канфіскавалі і ўтылізавалі ўсе гігіенічныя брытвы. Забарона была ўведзена пасля інцыдэнту, калі адна са зняволеных пашкодзіла сябе лязом ад такой брытвы ў знак пратэсту супраць жорсткіх умоў утрымання.

Замест іх зняволеным дазволілі выкарыстоўваць васковыя палоскі, ласцікі і крэмы для дэпіляцыі — такія гігіенічныя сродкі з'явіліся ў краме калоніі. Аднак з мінулай пятніцы пад забарону трапіоі і ласцікі для дэпіляцыі, піша @MAYDAYMog.

Асацыяцыю беларусаў у Амерыцы прызналі «экстрэмісцкім фармаваннем»

Адпаведнае рашэнне было прынятае МУС 25 чэрвеня.

Паводле ведамства, дачыненне да «ABA Together (Association of Belarusians in America)» маюць Астапенка Марыя, Астапенка Таццяна, Бялянскі Антон, Баркоўская-Сцепанчук Эмілія, Бромэн Вольга, Гаўрышаў Філіп, Яфімава Марыя, Ждановіч Яўген, Зайцава Анжаліка, Івашкевіч Глеб, Маліеўская Кацярына, Самсонаў Віталь, Сянько Артур, Шалыга Вольга, Шалыга Сяргей, Шарко Ганна, Янкоўскі Аляксандр.

КДБ трымала прыхаджан Акалатовіча ў закладніках, каб націснуць на святара

@christianvision публікуе новыя дэталі справы ксяндза Генрыха Акалатовіча – паводле сведчанняў былых палітвязняў, якія перасякаліся з ім у СІЗА і калоніі. Сам святар пасля вызвалення маўчыць: гэта была адна з умоваў яго выхаду на волю.

Галоўнае новае сведчанне тычыцца двух прыхаджан Акалатовіча: іх затрымалі адначасова са святаром і каля дзевяці месяцаў трымалі ў СІЗА КДБ, дамагаючыся паказанняў пра нібыта сустрэчы ксяндза з замежнымі дыпламатамі. Па словах крыніц, следчы ціснуў на Акалатовіча праз гэтых людзей: калі б ён «любіў сваю паству», то падпісаў бы прызнальныя паказанні.

У артыкуле таксама ўпершыню называецца верагодны следчы па справе Акалатовіча — 38-гадовы супрацоўнік КДБ Аляксандр Казееў, якому маглі належаць словы: «Мы б на самога Ісуса Хрыста за паўгадзіны справу распачалі».

💔«Мянты хадзілі па галовах звязаных людзей»

Да міжнароднага Дня супраць катаванняў узгадваем апошнія тэксты «Вясны» пра жорсткае абыходжанне і здзеку з боку сілавікоў.

🔹«Галоўны здзек – не маразы ў ШІЗА, а калі на тваіх вачах забіваюць маці»: гісторыя экс-палітвязня

🔹Штрафны ізалятар ПК-4: успаміны былых палітзняволеных жанчын пра холад ды ізаляцыю

🔹«Апраналі поліэтыленавы мяшок на галаву і зацягвалі яго». Гучныя гісторыі катаванняў, пра якія стала вядома за апошні год

🔹«Мянты хадзілі па галовах звязаных людзей». Экс-палітвязень пра «пінскую справу», год у ШІЗА і турэмную салідарнасць

🔹«Амапавец стаў ботам на машонку і пачаў ціснуць»: гісторыя былога палітвязня

🔹Экс-палітвязень назваў прозвішчы двух супрацоўнікаў ПК № 15, якія чыняць асаблівыя здзекі ў калоніі

🔹«Анальна згвалцім тваю жонку»: гісторыя экс-палітвязня, якога асудзілі на 3 гады няволі за каментары

🪖Мінімум 27 беларускіх вайскоўцаў утрымліваюцца ў месцах няволі па палітычных прычынах

Пасля падзей 2020 года і пачатку поўнамаштабнай вайны ва Украіне беларускія вайскоўцы трапілі пад хвалю палітычна матываванага крымінальнага пераследу. Многія з іх падвяргаліся катаванням, жорсткаму абыходжанню і збіванням, а частку ўказамі Лукашэнкі пазбавілі вайсковых званняў.

Паводле звестак «Вясны», за гэты час не менш як 68 вайскоўцаў сталі фігурантамі крымінальных спраў, 27 з іх цяпер утрымліваюцца ў месцах зняволення. Па інфармацыі праваабаронцаў, пераслед вайскоўцаў працягваецца дагэтуль.

Праваабарончы цэнтр «Вясна» сабраў актуальную інфармацыю пра рэпрэсіі супраць вайскоўцаў у Беларусі.

Чытаць па спасылцы 👉 https://spring96.org/be/news/120569

🌿Чытаць з Беларусі праз сайт-люстэрка

🔗«Усё забаронена»: сведчанні былых палітзняволеных пра калонію № 15

Ціск на асуджаных паводле палітычных матываў у беларускіх пенітэнцыярных установах не супыняецца ні на дзень. Гэта тычыцца і магілёскай калоніі № 15. Чарговым трагічным пацверджаннем гэтага стала смерць 36-гадовага палітвязня Андрэя Паднябеннага, які ў верасні 2025 года павесіўся ў штрафным ізалятары ў гэтай калоніі.

«Вясна» да Міжнароднага дня ў падтрымку ахвяраў катаванняў публікуе сведчанні былых палітзняволеных з калоніі № 15 — праваабаронцы Валянціна Стэфановіча, які ўтрымліваўся там паўтары гады да лістапада 2024 года, і былога палітвязня, імя якога не называецца ў мэтах бяспекі.

«Я быў сведкам прымянення гвалту да маіх сяброў і ведаю прозвішчы тых, хто гэта рабіў. Пры дакументаванні я іх называў. Як правіла, гэта аператыўнікі і рэжымнікі. Я таксама перакананы, што ўсё рабілася з ведама былога начальніка Аляксея Лазарэнкі».

Чытаць па спасылцы 👉 https://spring96.org/be/news/120570

🌿Чытаць з Беларусі праз сайт-люстэрка

Стала вядома пра ціск на палітзняволеных анархістаў у мазырскай ПК-20

Пра гэта піша @belarus_abc.

• Ігар Аліневіч знаходзіцца ў памяшканні камернага тыпу, ён пазбаўлены спатканняў, званкоў, перадач. Таксама яму забаронены грашовыя пераводы, бо ён знаходзіцца ў спісе «тэрарыстаў».

• Мікіту Дранца рэгулярна змяшчаюць у ШІЗА, дзе ён з красавіка правёў ужо больш за 70 сутак.

• Арцёма Салаўя таксама перыядычна змяшчаюць у ШІЗА.

🗣«Галоўнае, што трэба ведаць пра сітуацыю з катаваннямі ў Беларусі, — яны працягваюцца»: Павел Сапелка

26 чэрвеня свет адзначае Міжнародны дзень у падтрымку ахвяр катаванняў — дату, закліканую нагадаць пра непахіснасць чалавечай годнасці. Менавіта ў гэты дзень у 1987 годзе набыла моц Канвенцыя ААН супраць катаванняў.

Аднак у Беларусі, насуперак усім міжнародным абавязальніцтвам, жорсткае абыходжанне і гвалт з боку сілавых структур застаюцца сістэмнай дзяржаўнай практыкай ды інструментам палітычнага кантролю, маштабы якога да гэтага часу застаюцца крытычнымі.

У спецыяльным інтэрв'ю «Вясны» праваабаронца і эксперт Павел Сапелка аналізуе, як змяніўся характар рэпрэсій у беларускіх месцах несвабоды за апошнія гады, чаму пацярпелыя ад катаванняў часта маўчаць пра перажытае і чаму нядаўняе адкрыццё расследавання ў Міжнародным крымінальным судзе дае рэальны шанец на правасуддзе.

Чытаць па спасылцы 👉 https://spring96.org/be/news/120575

🌿Чытаць з Беларусі праз сайт-люстэрка

Супраць Арцёма Літвінка распачалі спецвытворчасць — яго збіраюцца судзіць завочна

41-гадоваму Арцёму інкрымінаваныя ч. 1 арт. 130 КК (распальванне варожасці), ч. 3 арт. 361 КК (заклікі да санкцый або іншых дзеянняў, шкодных для нацыянальнай бяспекі), ч. 1 арт. 368 КК (абраза Лукашэнкі), арт. 369 КК (абраза прадстаўніка ўлады).

Літвіненку запрашаюць вярнуцца ў Беларусь і прыйсці ва ўпраўленне Следчага камітэту па Мінску.

🔹«Адразае надоўга магчымасць вярнуцца». Юрыст «Вясны» пракаментаваў масавае завочнае ўзбуджэнне крымінальных спраў

💔Да Міжнароднага дня супраць катаванняў: гісторыі палітвязняў, супраць якіх ужылі зброю

26 чэрвеня адзначаецца Міжнародны дзень ААН у падтрымку пацярпелых ад катаванняў. За шэсць гадоў жорсткіх рэпрэсій у Беларусі праваабаронцы зафіксавалі тысячы выпадкаў катаванняў і жорсткага абыходжання з затрыманымі. У асобных выпадках беларускія сілавікі ўжывалі супраць грамадзян агнястрэльную зброю і іншыя спецсродкі.

Падчас разгону паслявыбарчых пратэстаў былі смяротна параненыя Аляксандр Тарайкоўскі і Генадзь Шутаў, а Андрэй Зельцар загінуў падчас спробы сілавікоў трапіць у яго кватэру. Як мінімум чатыры чалавекі, трое з якіх цяпер знаходзяцца за кратамі, атрымалі цяжкія раненні і пасля былі асуджаныя да працяглых тэрмінаў зняволення.

«Вясна» ўзгадвае гісторый палітвязняў, якія атрымалі раненні падчас затрыманняў.

Чытаць па спасылцы 👉 https://spring96.org/be/news/120576

🌿Чытаць з Беларусі праз сайт-люстэрка

🛂Ці ратуе Жэнеўскі пашпарт і статус уцекача

Многія эмігранты спадзяюцца, што наяўнасць Жэнеўскага пашпарта або статусу ўцекача (напрыклад, у Польшчы ці Літве) з'яўляецца абсалютнай абаронай ад затрыманняў. Гэта сапраўды дае найвышэйшую ступень міжнароднай абароны, але стаадсоткавай гарантыі не існуе ніколі.

З аднаго боку, у Інтэрпола дзейнічае адмысловая палітыка абароны ўцекачоў ад злоўжыванняў. Калі краіна, дзе беларус атрымаў абарону, пацвярджае ягоны статус (гэта ў першую чаргу тычыцца асоб з Жэнеўскім пашпартам), Інтэрпол блакуе або выдаляе запыты ад дзяржавы, якая ажыццяўляе пераслед.

Аднак пагроза не абмяжоўваецца Інтэрполам. Заўсёды застаюцца прамыя запыты аб экстрадыцыі паміж асобнымі дзяржавамі і лакальныя базы даных спецслужбаў адных краінаў на тэрыторыі іншых. Таму нават са статусам уцекача пры планаванні паездкі неабходна ўлічваць палітычны кантэкст дзяржавы ўезду і яе адносіны з Беларуссю.

🔹Трансгранічны пераслед: спіс небяспечных краінаў, гучныя затрыманні і парады юрысткі

У «Спіс экстрэмістаў» дадалі яшчэ 17 прозвішчаў — цяпер у ім 6745 чалавек

26 чэрвеня МУС зрабіла традыцыйнае пятнічнае абнаўленне «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іх завочна асуджаны экс-дырэктар алімпійскага цэнтра па фрыстайле Вадзім Крывашэеў.

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

Ігар Лосік распавёў пра тое, як перасякаўся з Генрыхам Акалатовічам за кратамі

Пра гэта ён напісаў у сваім тэлеграм-канале @igorlosik.

«Я сядзеў з ксяндзом Акалатовічам у адной камеры. "Справа" проста фантастычная, вядома. Шпіянаж на разведку Ватыкана і Польшчы вайсковай часткі ў Валожыне 😂

Неяк следчы пакінуў яго ў кабінеце аднаго, "забыўшыся" на стале табельны пісталет. Хацелі напэўна рэакцыю праверыць. Спаў больш за год на падлозе на дошках, на нары пераклалі толькі перад судом. Абсалютна непрабіўны і прынцыповы чалавек, крэмень. Арыштавалі, выклікаўшы на фэйкавае пахаванне на могілках. Арыштавалі ў даход дзяржавы старое аўто, падоранае яшчэ Папам Рымскім прыходу. Ён вельмі абураўся, што па факце атрымліваецца, Лукашэнка забраў падарунак Папы Рымскага. Іконы таксама вось з аўкцыёну прадаюць зараз.

Прапаноўвалі за вызваленне зрабіць нейкую гадасць супраць папскага апостальскага нунцыя Антэ Ёзіча. Ён, вядома, адмовіўся. Арыштавалі прыхаджан і шантажавалі імі».

👮‍♀️«Сістэме прасцей ламаць чалавека»: праваабаронца Уладзь Лабковіч — пра катаванні і псіхалагічны ціск у СІЗА КДБ

СІЗА КДБ, вядомае як «Амерыканка», застаецца самым закрытым і жорсткім месцам, дзе чалавека гатовыя ламаць любымі сродкамі. У сведчаннях былых палітзняволеных — падвешванне ў кайданках, змяшчэнне ў «мяккую» камеру ў выглядзе «труны», удушэнне пакетамі і вадой, збіванне электрашокерамі, пазбаўленне сну і пастаянны псіхалагічны ціск.

Сёння стала вядома, што КДБ трымала ў закладніках прыхаджан палітзняволенага святара Генрыха Акалатовіча, каб націснуць на яго. Зімой праваабаронцы апублікавалі жахлівую гісторыю пераследу і катаванняў кдбшнікамі сям'і з Украіны ў Беларусі. Пра збіццё і змяшчэнне ў «мяккі пакой» у КДБ перад вызваленнем распавядаў Мікола Дзядок.

У Міжнародны дзень у падтрымку ахвяр катаванняў «Вясна» паразмаўляла з Уладзем Лабковічам, які прайшоў праз СІЗА КДБ, і сабрала гісторыі катаванняў і здзекаў у цэнтры Мінска.

Чытаць па спасылцы 👉 https://spring96.org/be/news/120578

Журналіста Кірыла Пазняка і ягоную дачку Яніну пакаралі пазбаўленнем волі

26 чэрвеня Мінскі гарадскі суд вынес прысуды палітзняволеным Кірылу Пазняку і ягонай дачцэ Яніне. Журналіста пазбавілі волі на тры з паловай гады. Пакуль невядома, колькі давядзецца правесці за кратамі ягонай дачцэ. Абвінавачанне прасіла пакараць бацьку і дачку пазбаўленнем волі на тры з паловай і тры гады адпаведна.

Апроч таго, Кірыл Пазняк мусіць заплаціць штраф у 550 базавых велічыняў (24750 рублёў). Аб гэтым стала вядома з крыніцаў @belsat. 

Бацьку і дачку абвінавацілі паводле двух артыкулаў: 361-1 КК (стварэнне экстрэмісцкага фармавання) і 369-1 КК (дыскрэдытацыя Рэспублікі Беларусь).

Чытаць па спасылцы 👉 https://spring96.org/be/news/120583

🌿Чытаць з Беларусі праз сайт-люстэрка

🔎Шукаем людзей, якія перасякаліся за кратамі з палітзняволеным Антонам Чарамных

Антон Чарамных — падпалкоўнік, намеснік камандзіра 310-й групы артылерыі па ідэалагічнай рабоце 120-й асобнай гвардзейскай механізаванай брыгады гвардыі. Яго абвінавачвалі ў «здрадзе дзяржаве асобай, на якую распаўсюджваецца статус ваеннаслужачага» (ч. 2 арт. 356 КК) і «распальванні іншай сацыяльнай варожасці» (ч. 3 арт. 130 КК).

Яго справу ў закрытым рэжыме разглядаў суддзя Сяргей Кацэр у лютым 2024 года. Які менавіта тэрмін ён вынес Чарамных — пакуль невядома.

✍️Калі вы перасякаліся з Антонам, калі ласка, напішыце праваабаронцам на @Viasnainfo

Спёка пад +40 накрывае Беларусь — гэта сапраўднае выпрабаванне для вязняў у калоніях і СІЗА

У бліжэйшыя дні Беларусь накрые анамальная спякота, і горш за ўсё - людзям у зняволенні, адзначыў у сваім пасце ў Facebook экс-палітвязень Ігар Лосік, піша «Люстэрка».

«Умовы ў камерах „амерыканкі“ ў спякоту – вам проста не перадаць. Душагубка — гэта яшчэ мякка сказана. У чатырохмясцовай камеры нас было сямёра. На вуліцу адкрыта толькі невялікая фортачка. У калідор адтуліна для вентыляцыі закрыта. У камеры, па адчуваннях, градусаў 40. Туалета няма, стаіць вядро, якое ў такую ​​спякоту проста фаніць як графітавы стрыжань на ЧАЭС».

Сваімі ўспамінамі ў каментарах пад пастом падзялілася і экс-палітзняволеная Ірына Шчасная:

«Я была сведкай, калі ў калоніі Гомеля жанчыны проста гублялі прытомнасць падчас праверак. Гэта немагчыма: стаяць 20−50 хвілін на самым санцапёку. І адміністрацыі няма справы: маладая ці старая, хворая ці нармальная. Стаяць усе».

Аб перажытым падзялілася і былая палітзняволеная з Брэстчыны Людміла Рамановіч:

У Брэсце ў СІЗА адчынялі кармушкі і праз камеры насупраць цыркулявала трохі паветра. Не лепш будзе і ў калоніях. Стаяць пад пякучым сонцам на праверках па 30−40 хвілін таксама выпрабаванне. Шукалі цень ад сцен і там стараліся строіцца. Страчванне прытомнасці на праверцы — то нармальная сітуацыя. Гарачыня будзе ў цахах на швейцы».