❗️Грамадскага актывіста з Калінкавічаў асудзілі да 10 гадоў пазбаўлення волі

Быў вынесены прысуд грамадскаму актывісту з Калінкавічаў, былому чальцу Аб’яднанай грамадзянскай партыі Аляксандру Елісееву. Яго абвінавачвалі ў «здрадзе дзяржаве» (арт. 356 КК) і «абразе Лукашэнкі» (арт. 368 КК).

Суд адбываўся ў закрытым рэжыме, піша «Гомельская Вясна».

Пакуль прысуд не набыў моц, Елісеева працягваюць утрымліваць у следчых камерах турмы № 4 у Магілёве.

У 2020 годзе і пазней улады затрымлівалі Аляксандра і прызначалі працяглыя адміністрацыйныя арышты. Падчас аднаго з іх ён абвяшчаў галадоўку.

Частка каталіцкіх ксяндзоў, якіх збіраюцца выслаць з краіны, хочуць атрымаць беларускае грамадзянства

Пра гэта паведамляе katolik.lifе.

Вясной стала вядома, што як мінімум пяць польскіх святароў і аднаго манаха высылаюць з Беларусі. Гэтыя людзі маюць польскага грамадзянства і сёлета беларускія ўлады адмовілі ім у працягу дазволу на далейшае служэнне ў Беларусі.

Аднак вернікі даведаліся, што некалькі польскіх святароў маюць намер скарыстаць усе магчымасці, каб застацца ў Беларусі – падаць заяву на атрыманне беларускага грамадзянства.

Менавіта такую ўмову, наколькі было вядома вернікам, ставілі прадстаўнікі ўладаў польскім ксяндзам, якія служаць у Мінска-Магілёўскай архідыяцэзіі.

Калі святары стануць грамадзянамі Беларусі, атрымліваць дазвол на служэнне больш не будзе неабходнасці. Аднак вядомыя выпадкі, калі некаторым польскім святарам, якія таксама шмат гадоў служылі ў Беларусі і рэалізавалі тут важныя сацыяльныя праекты, у атрыманні грамадзянства было адмоўлена.

💔«Казаў, што цяжка без падтрымкі» — у якіх умовах сядзіць палітзняволены Іван Вярбіцкі

Мужчыну за гэтыя пяць з паловай гады ўтрымлівалі ў некалькіх турмах, калоніях і следчых ізалятарах. Іван параўноваў умовы ўтрымання ў розных ШІЗА ды ПКТ па ўсёй Беларусі:

«Гэта было трохі з гумарам. Іван казаў, што адзін з лепшых рамонтаў у ШІЗА быў у мазырскай калоніі № 20. Там жа нармалёвыя побытавыя ўмовы. А самыя кепскія ўмовы былі ў ШІЗА ў калоніі № 14 у Навасадах».

Івана фактычна ўтрымліваюць у рэжыме інкамунікада — ужо другі год у яго няма сувязі са сваякамі, а яны не атрымліваюць інфармацыю пра яго. Апроч гэтага, мужчына ўвесь гэты час без дапамогі — без перадач і грашовых пераводаў, бо знаходзіцца ў так званым «спісе тэрарыстаў».

«Яму цяжка без падтрымкі. Калі раней была салідарнасць паміж вязнямі, то цяпер яе амаль няма, бо ўсе баяцца, а таксама праз збядненне людзей у Беларусі».

🔹Больш за 1065 дзён у ШІЗА і ПКТ: што вядома пра палітвязня Івана Вярбіцкага

🔎Шукаем людзей, якія перасякаліся за кратамі з палітзняволеным Іванам Войнавым

30-гадовы Іван — былы міліцыянт.

Фармулёўкі абвінавачвання сведчаць пра тое, што ён хацеў далучыцца да Палка Каліноўскага, але не паспеў: яго асудзілі за «падрыхтоўку да найміцтва» (ч. 1 арт. 13 КК і ч. 1 арт. 361-3 КК), «падрыхтоўку да ўдзелу ў тэрарыстычнай арганізацыі» (ч. 1 арт. 13 КК і ч. 2 арт. 290-5 КК) і «замаху на здраду дзяржаве» (ч. 1 арт. 14 КК і ч. 1 арт. 356 КК).

✍️Калі вы перасякаліся з Іванам, калі ласка, напішыце праваабаронцам на @Viasnainfo

🔎Шукаем людзей, якія перасякаліся за кратамі з палітзняволенай Наталляй Раманенка

44-гадовая Наталля была асуджаная ў Мінскім гарадскім судзе паводле ч. 1 арт. 361-2 КК (фінансаванне экстрэмісцкай дзейнасці), ч. 6 арт. 16 ст. 361-2 КК (інансаванне дзейнасці экстрэмісцкага фармавання), ч. 2 арт. 361-3 КК (удзел на тэрыторыі замежнай дзяржавы ва ўзброеным фармаванні або ўзброеным канфлікце, ваенных дзеяннях, вярбоўка або падрыхтоўка асоб да такога ўдзелу).

✍️Калі вы перасякаліся з Наталляй, калі ласка, напішыце праваабаронцам на @Viasnainfo

Аўтазаводца з Міханавічаў асудзілі за «распальванне варожасці»

Вадзіму Жыдзісу 39 гадоў. Доўгі час мужчына працаваў на Мінскім аўтамабільным заводзе. Раней гуляў у аматарскі футбол. У яго ёсць жонка і двое дзяцей.

У вольны час Жыдзіс цікавіўся аўтамабілямі і быў заўзятым аматарам пошуку з металашукальнікам. У тэлеграм-чатах Міханавічаў, дзе ён жыў, Вадзім быў вельмі актыўным карыстальнікам: шмат абмяркоўваў бытавыя праблемы ЖКГ, рамонт дарог і асартымент у мясцовых крамах, а таксама дзяліўся фотаздымкамі сваіх гістарычных знаходак з ваколіц і расказваў пра ўраджайныя грыбныя месцы.

Вадзіма арыштавалі ў канцы сакавіка 2026 года і змясцілі ў СІЗА. Яго абвінавацілі паводле ч. 1 арт. 130 КК (распальванне варожасці). Жыдзіса судзілі ў Мінскім гарадскім судзе. Дакладны прысуд невядомы, але, падобна, гэта калонія — анлайн ён так і не з'явіўся, піша «Наша Ніва».

🔎Шукаем людзей, якія перасякаліся за кратамі з палітзняволеным Андрэем Сяргеевым

60-гадовы Андрэй быў затрыманы ў жніўні 2025 года, калі ўжо выязджаў з Беларусі ў Польшчу (па словах крыніцы, у гэтай краіне мужчына працаваў кіроўцам-дальнабойшчыкам). Пасля ўдзелу ў пратэстах 2020 года ён разам з сям’ёй выехаў з Беларусі.

Яго затрымалі на памежным пункце ў Брэсце. У дачыненні да яго была распачата крымінальная справа, самога Сяргеева адправілі ў следчы ізалятар у Калядзічах.

Прыкладна ў лютым 2026 года следства было завершанае і справу перадалі ў суд. У віну Сяргееву паставілі «ўдзел у баявых дзеяннях на тэрыторыі замежнай дзяржавы», а таксама «справу Гаюна».

✍️Калі вы перасякаліся з Андрэем, калі ласка, напішыце праваабаронцам на @Viasnainfo

«Я дыхаю свабодай, я бачу магчымасці і не збіраюся здавацца» — Уладзімір Гарох

Вызваленне прынесла новыя выпрабаванні: эміграцыя ў Польшчу, страта маёмасці і неабходнасць будаваць жыццё з нуля ў 53 гады. Нягледзячы на складаны працэс адаптацыі, Уладзімір з аптымізмам глядзіць у будучыню і адчувае моцную падтрымку.

«Я вельмі ўдзячны польскаму народу і дзяржаве за салідарнасць. Я сустракаўся тут з прадстаўнікамі ўлады, і яны запэўнілі: "Польшча ніколі не пакіне Беларусь". Таксама я бязмерна ўдзячны нашым беларускім ініцыятывам і валанцёрам, якія дапамаглі з кватэрай і дакументамі. Нам тут ніхто нічога не павінен, таму кожнай дапамозе трэба радавацца і дзякаваць. Я дыхаю свабодай, я бачу магчымасці і не збіраюся здавацца. Я жыву ў цяперашнім часе. І дакладна ведаю: я знайду магчымасць ісці да сваёй мэты далей. Галоўнае – жывы. А без усмешкі – нікуды».

🔹«Смерць Вітольда паказала, што адтуль можна не выйсці»: экс-палітвязень пра шклоўскую калонію, падполле і «карэліцкую справу»

📝Сітуацыя з правамі чалавека ў Беларусі ў чэрвені

• Стыстыка прызнання арганізацый і груп грамадзян «экстрэмісцкімі фармаваннямі» кажа аб нарастальным патэнцыяле крымінальных рэпрэсій у параўнанні з мінулым годам: 46 суб'ектаў супраць 41 за той жа перыяд 2025 года;

• Пасля памілаванняў груп палітвязняў, калі агульная колькасць палітвязняў рэзка ўпала, гэты паказчык працягвае паступова расці за кошт новых выпадкаў крымінальнага пераследу;

• Фіксуюцца масавыя спробы вярбоўкі беларусаў у эміграцыі, у тым ліку праз пакінутых у Беларусі бацькоў, нібыта ад асобы праваабаронцаў і ад асобы журналістаў;

• Статыстыка ўнясення ў «пералік асоб, якія маюць дачыненне да экстрэмізму», дазваляе меркаваць аб тым, што ўзровень крымінальнага пераследу застаецца вышэй за ўзровень 2024 года і трохі саступае ўзроўню 2025 года.

Справаздача цалкам 👉 https://spring96.org/be/news/120640

💵Падтрымаць «Вясну» 👉 donate.spring96.org

Беларусаў у разы часцей судзяць за «здраду дзяржаве», чым расіян у ваюючай Расіі

Праваабаронцам вядома пра як мінімум 151 асуджанага паводле абвінавачванняў у «здрадзе дзяржаве» (уключаючы падбухторванне да дзяржаўнай здрады). Гэта экстрэмальна высокі паказчык.

Агулам па абвінавачванні ў «дзяржаўнай здрадзе», «шпіянажы» і «агентурнай дзейнасці» з 2020 года асуджана не менш за 185 чалавек. Для параўнання, у ваюючай Расіі за той жа перыяд судамі (уключаючы ваенныя суды і суды на акупаваных тэрыторыях чатырох абласцей) вынесена па розных ацэнках ад 1 035 да 1 100 прысудаў па адпаведных складах.

З улікам розніцы ў колькасці насельніцтва (16-кратная, амаль такая ж — у колькасці паўналетніх), шасціразовая розніца ў колькасці асуджаных сведчыць пра амаль утрая высокі ўзровень рэпрэсій у гэтым кірунку ў Беларусі.

🔹Сітуацыя з правамі чалавека ў Беларусі ў чэрвені

🌿Слова супраць гвалту. Культура і правы чалавека ў Беларусі

13 ліпеня Музей Вольнай Беларусі запрашае на вечар, прысвечаны сіле слова, памяці і салідарнасці.

У праграме:
18:00 — вітальныя прамовы прадстаўнікоў Музея Вольнай Беларусі, Генеральнага прадстаўніцтва Фландрыі, PEN Belarus і PEN Flanders.
18:15 — экскурсія па выставе «Кропка ўваходу».
19:30 — панэльная дыскусія «Слова супраць гвалту. Культура і правы чалавека ў Беларусі».

Удзельнікі:
• Алесь Бяляцкі — праваабаронца і лаўрэат Нобелеўскай прэміі міру;
• Кацярына Андрэева — журналістка, былая палітычная зняволеная;
• Таццяна Нядбай — старшыня PEN Belarus.

• Якую ролю адыгрываюць слова, літаратура і культура ў абароне свабоды і чалавечай годнасці?
• Як гаварыць пра досвед рэпрэсій і захоўваць памяць пра людзей, якія зазналі пераслед?
• Пагаворым пра сучасную Беларусь, свабоду слова, правы чалавека і салідарнасць, што не ведае межаў.

📍Музей Вольнай Беларусі (ul. Foksal 11/1, Warszawa)
✍️Удзел вольны па папярэдняй рэгістрацыі

📝Ці спыніліся рэпрэсіі ў Беларусі?

«Вясна» прэзентавала выніковы даклад «Схаваныя рэпрэсіі ў Беларусі 2020–2026», які аналізуе, як за апошнія шэсць гадоў кардынальна змяніўся характар пераследу ў краіне. Рост крымінальных спраў на фоне маўчання, інфармацыйная блакада і пагроза цывілізацыйнага адкату — галоўныя тэмы дакумента.

У 2020–2021 гадах улады дзейнічалі максімальна паказальна, але ў апошнія гады тактыка рэжыму змянілася. Знешні спакой у краіне — гэта ілюзія, за якой хаваецца жорсткі і глыбокі ціск.

Паводле звестак праваабаронцаў, крымінальны масіў не проста не змяншаецца, а расце: штогод у Беларусі фіксуецца каля 5 000 новых палітычных крымінальных спраў. Гэта гіганцкі «рэзерв», які дазваляе рэжыму трымаць краіну ў татальным страху.

Даклад па спасылцы 👉 https://spring96.org/be/news/120612

🌿Чытаць з Беларусі праз сайт-люстэрка

🔎Шукаем людзей, якія перасякаліся за кратамі з палітзняволеным Віталём Абадзенкам

Віталь быў асуджаны ў Мінскім гарадскім суддзе. Яго абвінавачвалі паводле ч. 1 арт. 13 КК ч. 2 арт. 290-5 КК (падрыхтоўка да ўдзелу ў дзейнасці тэрарыстычнай арганізацыі), а таксама ч. 1 арт. 13 КК ч. 1 арт. 361-3 КК (падрыхтоўка да ўдзелу на тэрыторыі замежнай дзяржавы ва ўзброеным фармаванні або ўзброеным канфлікце, ваенных дзеянняў, вярбоўка або падрыхтоўка асоб да такога ўдзелу).

✍️Калі вы перасякаліся з Віталём, калі ласка, напішыце праваабаронцам на @Viasnainfo

У «Спіс экстрэмістаў» дадалі яшчэ 9 прозвішчаў — цяпер у ім 6754 чалавекі

6 ліпеня МУС зрабіла традыцыйнае абнаўленне «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іх былы «каліновец» Андрэй Сяргееў.

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

❗️Легендарнага музыку Сяргея Міхалка хутка пачнуць судзіць завочна

Ягоную справу 29 ліпеня пачне разглядаць Мінскі гарадскі суд.

54-гадоваму Сяргею інкрымінаваныя ч. 1 арт. 130 КК (распальванне варожасці) і ч. 1 арт. 368 КК (абраза Лукашэнкі).

Сілавікі затрымалі кампанію беларусаў за пікнік у парку

Пра гэтую гісторыю распавёў адзін з карыстальнікаў Threads.

Паводле яго, сілавікі сказалі, што на гэта трэба атрымаць дазвол. Кампанію адвезлі ў РУУС Першамайскага раёну, дзе праверылі тэлефоны, а пасля сказалі падпісаць паперу, якую не дазволілі прачытаць.

Завочна пачынаюць судзіць беларуса, які ўжо больш за 20 гадоў жыве ў Польшчы

Гродзенскі абласны суд 6 ліпеня пачынае разгляд завочнай крымінальнай справы ў дачыненні да Паўла Міцкевіча. Яму інкрымінаваныя ч. 1 і ч. 2 арт. 361-4 КК (садзейнічанне экстрэмісцкай дзейнасці) і арт. 369-1 КК (дыскрэдытацыя Беларусі).

Павел — заснавальнік, старшыня Праўлення і кіраўнік праектаў у фондзе «Okno na Wschód». Да 2020 года фонд займаўся трансмежавымі польска-беларускімі і польска-ўкраінскімі праектамі, звязанымі з адукацыяй і культурай. Апошнія гады адзін з асноўных кірункаў яго дзейнасці — дапамога перасяленцам з Беларусі, Украіны і Расіі ў Беластоку і іх інтэграцыя

Павел жыве за мяжой ужо больш за 20 гадоў.

🥀Памёр мовазнаўца і дыпламат Пётр Садоўскі

Пра гэта ў сацсетках паведаміла ягоная дачка Аліна.

Пётр Садоўскі — выбітны беларускі мовазнаўца, былы дэпутат Вярхоўнага Савета, а таксама першы амбасадар Беларусі ў Германіі.

Напачатку 2020 году яго аштрафавалі за ўдзел у акцыі супраць інтэграцыі з Расіяй. Суддзя Таццяна Акавітая прызначыла Садоўскаму 810 рублёў штрафу паводле ч. 1 арт. 23.34 КаАП (удзел у несанкцыянаваным масавым мерапрыемстве).

Пётр Садоўскі не прызнаў сваю віну. Спасылаўся на Канстытуцыю і Міжнародны пакт аб грамадзянскіх і палітычных правах.

Па яго словах, ён на плошчы спяваў песню на словы Янкі Купалы «А ў бары, у бары тры дарожанькі». Ён адзначыў, што міліцыя сфабрыкавала пратакол супраць яго. Сведкамі па справе выступілі міліцыянты А. Кавальчук і В. Светкін. Апошні сказаў на судзе, што «Садоўскі выступаў пасродкам вымаўлення прамовы».

Падтрымаць Садоўскага на гэтым працэсе прыйшлі выбітныя беларусы, сярод якіх быў і Алесь Бяляцкі.

Трагічна загінуў былы палітвязень Аляксей Ляўкевіч — яго вызвалілі тры месяцы таму пасля візіту Коўла

Ляўкевічу было 38 гадоў. Ён родам з Радашковічаў, але жыў у Бараўлянах. Яго арыштавалі ў канцы 2024 года, а пазней асудзілі паводле ч. 1 арт. 368 КК (абраза Лукашэнкі), ч. 1 арт. 130 КК (распальванне варожасці) і арт. 369 КК (абраза прадстаўніка ўлады) — і абвесцілі «тэрарыстам».

Ляўкевіч трапіў у лік 250 палітвязняў, вызваленых 19 сакавіка 2026 года пасля чарговага візіту Джона Коўла. Яму дазволілі застацца ў Беларусі.

Аляксей нават паспеў згуляць у красавіку 2026 года за сваю міні-футбольную каманду, піша «Наша Ніва».

На волі Ляўкевіч пажыў толькі тры месяцы.