◼️စစ်ဆင်ရေးများစွာ အတူတိုက်ပွဲဝင်ခဲ့တဲ့ PDF တပ်ရင်းတွေ စိတ်ဓာတ်မြှင့်တင်ရေးနဲ့ ချစ်ကြည်ရေးဘောလုံးပြိုင်ပွဲပြုလုပ်

၂၃ စက်တင်ဘာ ||| နွေဦးအသံ |||

စစ်ဆင်ရေးများစွာကို အတူလက်တွဲတိုက်ပွဲဝင်ခဲ့ကြတဲ့ PDF တပ်ရင်းတွေ အချင်းချင်း နောက်တန်းပြန်‌ရောက်နေချိန်မှာ စိတ်ဓာတ်မြှင့်တင်ရေးနဲ့ ချစ်ကြည်ရေးအတွက် ဘောလုံးပြိုင်ပွဲကျင်းပခဲ့တယ်လို့ ပခုက္ကူခရိုင် အမှတ် ၆ တပ်ရင်းရဲ့ စက်တင်ဘာ ၂၂ ရက်ထုတ်ပြန်ချက်အရ သိရပါတယ်။

ပခုက္ကူခရိုင်အတွင်းမှာ စစ်ရေးလှုပ်ရှားနေကြတဲ့ ပြည်သူ့ကာကွယ်ရေးတပ်မတော် PDF ၊ ပခုက္ကူခရိုင် အမှတ် (၆) တပ်ရင်းနဲ့ မကွေးပြည်သူ့ကာကွယ်ရေးတပ်မတော် (MGY PDF) အမှတ် (၅၁၂) တပ်ရင်းတို့က နောက်တန်းသို့ ပြန်လည်ရောက်ရှိနေချိန်မှာ ဘောလုံးပြိုင်ပွဲကျင်းပခဲ့ကြတာပါ။

စစ်ဆင်ရေးများစွာ အတူလက်တွဲတိုက်ပွဲဝင်ခဲ့ကြတဲ့ မဟာမိတ် ရဲဘော်တွေအနေနဲ့ လောင်းကြေးလုံးဝမပါဘဲ နယ်မြေအတွင်း စစ်တပ်စစ်ကြောင်းဝင်ရောက်နေတဲ့ကြားက စိတ်ဓာတ်မြှင့်တင်ရေးနဲ့ ချစ်ကြည်ရေးအတွက်သာ ကျင်းပခဲ့တာဖြစ်ပြီး ရှေ့တန်းမှာလည်း ရဲဘော်များ ရောက်ရှိနေကြကြောင်း အသိပေးထားပါတယ်။

ဘောလုံးပြိုင်ပွဲရလဒ်အနေနဲ့ PDF တပ်ရင်း ၂ ရင်းလုံး ၂ ဂိုးစီနဲ့ သရေကျခဲ့တာကြောင့် ပင်နယ်တီသွင်းဂိုးနဲ့ ဆုံးဖြတ်ရာမှာ ၄ ဂိုး ၂ ဂိုးနဲ့ အနိုင်ရရှိခဲ့တယ်လို့ ပခုက္ကူခရိုင် တပ်ရင်း ၆ က အားကစားပြိုင်ပွဲ ဓာတ်ပုံမှတ်တမ်းအချို့နဲ့အတူ မျှဝေဖော်ပြထားတာ တွေ့ရပါတယ်။

©The Voice of Spring
#thevoiceofspring
#WhatsHappeningInMyanmar
#RejectMilitaryCoup

✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️အဓမ္မစစ်သားစုဆောင်းမှုကြောင့် တော်လှန်ရေးနယ်မြေလာရောက်လိုသူ၊ စစ်တပ်ကိုစွန့်ခွာထွက်ပြေးလိုသူများ QR နဲ့ဆက်သွယ်နိုင်ပြီ

၂၄ စက်တင်ဘာ ||| နွေဦးအသံ |||

နိုင်ငံအနှံ့အပြားမှာ အကြမ်းဖက်စစ်တပ်ရဲ့ အဓမ္မစစ်သားစုဆောင်းနေမှုကြောင့် တော်လှန်ရေးနယ်မြေသို့ လာရောက်လိုသူတွေနဲ့ စစ်တပ်ကို စွန့်ခွာထွက်ပြေးလိုသူတွေအနေနဲ့ QR ကုဒ်တွေကို Scan ဖတ်ပြီး လွယ်လင့်တကူ ဆက်သွယ်ဆောင်ရွက်နိုင်ပြီ ဖြစ်တယ်လို့ သိရပါတယ်။

ပြည်သူ့ရင်ခွင်(ခိုလှုံရေးအစီအစဉ်)၊ ပြည်သူ့ကာကွယ်ရေးအဖွဲ့(ပကဖ)ရုံးချုပ်နဲ့ ပြည်သူ့လုံခြုံရေးဌာန(စစ်ရုံးချုပ်)တို့ထံသို့ Telegram ၊ Signal နဲ့ Viber တွေမှတဆင့် ဆက်သွယ်နိုင်ဖို့အတွက် QR ကုဒ်တွေကို NUG အစိုးရ၊ ကာကွယ်ရေးဝန်ကြီးဌာနက တရားဝင် ထုတ်ပြန်ထားတာပါ။

နွေဦးတော်လှန်ရေးကာလ တော်လှန်ရေးအင်အားစုတွေရဲ့ တွန်းလှန်တိုက်ခိုက်မှုတွေအောက် သမိုင်းဝင်စစ်ရှုံးနေတဲ့ စစ်တပ်က စစ်အင်အားပြုန်းတီးမှုကို ဖြည့်တင်းအသက်ဆက်နိုင်ဖို့ စစ်မှုထမ်းဥပဒေခေါင်းစဉ်တပ်ပြီး နည်းမျိုးစုံနဲ့ ပြည်သူကို နေ့စဉ် အဓမ္မပေါ်တာဆွဲဖမ်းဆီးလျက်ရှိပါတယ်။

ဒါ့အပြင် စစ်တပ်ဟာ စစ်မှုထမ်း(ပစ)အဖြစ် စစ်ထဲထည့်ပြီးနောက် စစ်မြေပြင်တွေသို့ ပို့‌ဆောင်ကာ တိုက်ပွဲမှာ ရှေ့တန်းကနေတက်ခိုင်းပြီး အသက်တွေစတေးခံရခြင်းမှ ရှောင်ရှားနိုင်ဖို့အတွက် ဖော်ပြပါ QR ကုဒ်တွေကို Scan ပြုလုပ်ပြီး ဆက်သွယ်နိုင်ပြီ ဖြစ်ပါတယ်။

အကြမ်းဖက်စစ်တပ်တွင်းမှ စွန့်ခွာထွက်ပြေးလိုသူတွေအနေနဲ့လည်း တပ်တွင်းဖိနှိပ်မှုမျိုးစုံကြောင့် ဘယ်ကိုဆက်သွယ်ရမယ်ဆိုတာ မသိဘဲ ဆက်သွယ်ဖို့ ခက်ခဲမှုတွေအတွက် အလားတူ QR ကုဒ်တွေကို Scan ပြုလုပ်ပြီး ဆက်သွယ်ဆောင်ရွက်နိုင်ပြီ ဖြစ်တယ်လို့ သတင်းရရှိပါတယ်။

Photo | NUG - MOD ၊ စစ်တပ်ပေါ်တာဆွဲဖမ်းဆီးမှုများ (ပုံဟောင်း) social media ။

©The Voice of Spring
#thevoiceofspring
#WhatsHappeningInMyanmar
#RejectMilitaryCoup

✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️‌စစ်ကောင်စီတပ်သားနဲ့ ပျူ ၇ ဦးသေဆုံးပြီး လက်နက်ခဲယမ်းများ သိမ်းဆည်းရရှိ

၂၄ စက်တင်ဘာ ||| နွေဦးအသံ |||

စစ်ကိုင်းဒေသ၊ ကန့်ဘလူမြို့နယ်အတွင်းရှိ အကြမ်းဖက်စစ်အုပ်စု ဂိတ်စခန်းကို တော်လှန်ရေးပူးပေါင်းတပ်တွေက စက်တင်ဘာ ၂၄ ရက်၊ မနက် ၂ နာရီခန့်မှာ ဝင်ရောက်စီးနင်းတိုက်ခိုက်ရာ စစ်ကောင်စီတပ်ဖွဲ့ဝင် ၇ ဦး သေဆုံးပြီး သေနတ် ၅ လက် သိမ်းဆည်းရရှိခဲ့တယ်လို့ သိရပါတယ်။

ပျဉ်းတော်ကျေးရွာလမ်းဆုံရှိ စစ်တပ် ဂိတ်စခန်းကို စီးနင်းတိုက်ခိုက်ခဲ့ရာ စစ်အုပ်စု ၇ ဦး သေဆုံးပြီး ကာဘိုင်သေနတ် ၅ လက်၊ ခဲယမ်းဆက်စပ်ပစ္စည်းတွေနဲ့ စစ်အသုံးအဆောင်ပစ္စည်းတချို့ သိမ်းဆည်းရရှိခဲ့တယ်လို့ ကန့်ဘလူမြို့နယ် ပကဖ၊ ပအဖ တို့က အသိပေးထားတာပါ။

အဆိုပါစခန်းသိမ်း တိုက်ပွဲကို ဒေသအခြေစိုက် ပြည်သူ့ကာကွယ်ရေးအဖွဲ့ ပကဖ ပူးပေါင်းတပ်ဖွဲ့က ‌တိုက်ခိုက်ခဲ့တာဖြစ်ပြီး မိနစ်ပိုင်းအတွင်း သိမ်းပိုက်နိုင်ခဲ့တဲ့အပြင် အထိအခိုက်မရှိ ပြန်လည်ဆုတ်ခွာနိုင်ခဲ့ကြတယ်လို့ သတင်းရရှိပါတယ်။

Photo | ကန့်ဘလူ ပအဖ

©The Voice of Spring
#thevoiceofspring
#WhatsHappeningInMyanmar
#RejectMilitaryCoup

✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️စစ်အင်အားဖြည့်ဖို့ လူငယ် ၂၀၀ နီးပါး စစ်တပ်က အဓမ္မဖမ်းဆီးခဲ့ပြီး ရွာစဉ်လှည့် ပေါ်တာဆွဲနေဟုဆို

၂၄ စက်တင်ဘာ ||| နွေဦးအသံ |||

ကချင်ပြည်နယ်၊ ခေါင်လန်ဖူးမြို့နယ်ရှိ လက်လွှတ်လိုက်ရတဲ့ တပ်စခန်းပြန်လည်ရရှိရေး အကြမ်းဖက်စစ်တပ်က ထိုးစစ်ဆင်လာတာကြောင့် KIA ပူးပေါင်းတပ်တွေနဲ့ တိုက်ပွဲတွေ ပြင်းထန်နေပြီး စစ်အင်အားဖြည့်တင်းဖို့ လူငယ် ၂၀၀ နီးပါးကို စစ်တပ်က အဓမ္မပေါ်တာဆွဲဖမ်းဆီးခံခဲ့ရတယ်လို့ သိရပါတယ်။

မြန်မာ-တရုတ်နယ်စပ်၊ အမတ်ပေါ်ဒေသ၊ နယ်ခြားမှတ်တိုင် (၃၀) အနီးရှိ ရဟတ်ယာဉ်ကွင်း ပါရှိပြီး စစ်ဗျူဟာအရ အရေးပါတဲ့ စစ်ကောင်စီနဲ့ ပြည်သူ့စစ် ပူးပေါင်းစခန်းကို KIA ပူးပေါင်းတပ်တွေက စက်တင်ဘာ ၁၈ ရက်မှာ အပြီးသတ် တိုက်ခိုက်သိမ်းပိုက်နိုင်ခဲ့ပါတယ်။

အဆိုပါ ဗျူဟာစခန်း လက်လွှတ်ခဲ့ရပြီးနောက် စစ်ကောင်စီနဲ့ လက်အောက်ခံ ပြည်သူ့စစ် ပူးပေါင်းတပ်တွေက စခန်းပြန်လည်ရရှိရေး တန်ပြန်ထိုးစစ်လာတာကြောင့် တိုက်ပွဲတွေ ပြင်းထန်နေတယ်လို့ KIO/KIA သတင်းပြန်ကြားရေး LAIZA TV က စက်တင်ဘာ ၂၃ ရက်၊ ညပိုင်းမှာ ကြေညာခဲ့တာပါ။

ဒါ့အပြင် ပူတာအို၊ မချမ်းဘော၊ နောင်မွန်း မြို့နယ်တွေနဲ့ အနီးဝန်းကျင် ကျေးရွာတွေမှ ဒေသခံလူငယ် ၁၉၀ ကျော်ကို စစ်အုပ်စုက စစ်အင်အားဖြည့်တင်းဖို့ အဓမ္မစစ်သားစုဆောင်းသွားသလို ပစ္စည်းသယ်ယူရာမှာ စေခိုင်းဖို့အတွက် ရွာစဉ်လှည့်ပြီး ပေါ်တာဆွဲလျက်ရှိတယ်လို့ ဖော်ပြထားတာ တွေ့ရပါတယ်။

Photo | KIA တပ်ဖွဲ့ဝင်များ (ပုံဟောင်း)

©The Voice of Spring
#thevoiceofspring
#WhatsHappeningInMyanmar
#RejectMilitaryCoup

✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။