Eslatib o’taman, bugungi live streamni soat 16:00da boshlaymiz. Texnik sabablarga ko’ra bu safar audio only bo’ladi 🎧

Ko’rishguncha!

Recording: Google Internships with Latofat Bobojonova

Nemis tilini o'rganaman deb Duolingo o'rnatgandim. 3 oydan beri ochmagandim bechora Duo qushi shu axvolga tushib qolibdi 😅

Creativity bo'yicha Duolingoga yetadigani kam 🫡

Rezumeingizni ustida ishlayotganingizda va unga sayqal berayotganingizda har bir yozilgan so’zni/gapni quyidagicha tergov qiling:

1. Shu so’z/gap rostdan qiymatga egami?
— Yo’q? Olib tashlang
2. Shu so’zni/gapni isbotlab bera olamanmi?
— Yo’q? Olib tashlang
— “I am passionate” ni isbotlab berolmaysiz, masalan.
3. Shu so’zni/gapni qanday oddiylashtirsam bo’ladi?
4. Shu so’zni/gapni qanday qisqartirsam bo’ladi?
5. Shu so’z/gap yetarlicha shiralimi?
— Texnik bilimga egam bo’lgan odamda yaxshi taassurot qoldirish uchun yetarlicha texnik malumot bormi?

2-3 round shunday qilsangiz rezumeingiz ancha yaxshilanadi 💯

#Interviews #InterviewPrep #Resume #CV #InterviewProcess #ResumeTips #Tips #CV #Dasturlash #Programming #SoftwareEngineering #IT

Men dasturlashni zerikkanimdan boshlaganman: spot.uz/oz/2023/10/23/google

Sizlarchi?

#Google #Googler #FAANG #Dasturlash #Programming #SoftwareEngineering #IT

Soat 18:00. Yonimda o'tiradigan hamkasbim ofisdan chiqib ketayotib...

Hamkasbim: See you tomorrow.
Men: See you, man.
Hamkasbim: Hire.
Men: Aaah ok.. wait.. what did you say?
Hamkasbim: Hire.
Men: 🤔
Hamkasbim: Hire. Goodbye in Uzbek language.
Men: Aaaa.. Hayr hayr 😁

3-4 oy oldin o'rgatib qo'ygandim.. hayoldan ko'tarilibdi 😁

#StoryTime #DasturchiHikoyalari #Germany #Uzbekistan #Dasturlash #Programming #SoftwareEngineering #IT

Xalq, entitlement o’zbek tilida nima bo’ladi?

> the belief that one is inherently deserving of privileges or special treatment.

P.s. Huquqni nazarda tutganim yo’q

Lose the Ego and Entitlement

Men Namangandagi ‘Dombit’ ingliz tili kursida 2 yil davomida ingliz tilidan ko’ra ko’proq tarbiyani o’rgangan ekanman. 100% g’urur va noo’rin haqdorlik hissi bilan kirib 0% bilan chiqib kelganman. Bu haqida balki keyinchalik batafsil aytib berarman. Jahongir Rahmonov ham o’sha yerda o’qigan, balki bir podcast qilarmiz shu mavzuda :) Qisqa qilib aytsam Whiplash kinosiga o’xshash xolatni boshdan kechirganman.

Agar dasturchi sifatida (va albatta inson sifatida) o’smoqchi bo’lsangiz va kelajakda katta maqsadlarga erishmoqchi bo’lsangiz, g’urur va noo’rin haqdorlik hislarini chetga surib qo’ying.

G’urur odamni o’zini kamchiliklarini tan olishga to’sqinlik qiladi. G’urur odamni savol so’rab izlanishdan to’xtatadi. Gu’rur odamni boshqalardan yordam so’rab chiqishdan to’xtatadi. Hamma tez-tez xato qilib turadi. G’urur odamni kechirim so’rab xatosini tan olishdan to’xtatadi. Tanqid biz uchun juda foydali, u biz ko’rmagan xatolar va nuqsonlar ustida ishlashga yordam beradi. G’urur esa tanqidni to’g’ri qabul qilishimizga to’sqinlik qiladi.

Ko’pchiligimizda noo’rin haqdorlik hissi mavjud. Esda tuting hech kim sizga hech nima majbur emas. Shuni tushunib yetsak, o’ylaymanki biz bir-birimizga ko’proq xurmat bilan muomala qilamiz. Ko’proq raxmat deymiz chunki bilamiz o’sha odam bizga majbur bo’lmasada yordam berdi.

Advent of Code yaqinlashmoqda 🔥

Bu yil ham leaderboard qilamizmi?

[Yanada qiziqroq qilish uchun har xil idealarni o'ylab yuribman 😉]

#Coding #ComputerScience #CS #ProblemSolving #Dasturlash #Programming #SoftwareEngineering #IT

TIL (Today I Learned)

Masalan, "red rabbit loves carrots" paroli "HunteR#$007" parolidan kuchliroq ekan 🔒

#Coding #ComputerScience #CS #ProblemSolving #Dasturlash #Programming #SoftwareEngineering #IT

“Vohid Karimov qanday qilib” post seriyalari.

Yaqinda kanalimda feedback so’radim. Juda foydali fikr muloxazalar bo’ldi. Hammalaringizga yana bir bor raxmat 🙂

Shu commentlar orasida bir so’rov bor ekan: “Menga siz tanlagan yo’ldagi road map qiziq, shuni bolisha olasizmi?” To’g’risimi aytsam odatda o’zimni dasturlash road mapimni bo’lishishni uncha yoqtirmayman chunki dasturlashni o’rganish va unda muaffaqiyatga erishish uchun faqat bitta yo’l yo’q — ko’plab yo’llar bor. Hamma har xil yo’lda effektiv o’rganadi va ishlaydi. Hammada kuchli va kuchsiz tomonlar bor.

Shunga qaramay, o’zimni dasturlash karyeram haqida batafsil yozishga qaror qildim. O’ylab ko’rsam buni foydasi bo’lsa bor, zarari yo’q (tepadagi gaplarni yodda tutsak bo’lgani). Quyidagi mavzular bo’yicha postlar seriyasi yozmoqchiman:

Vohid Karimov qanday qilib…
1. … dasturlash soxasiga kirib qolgan?
2. … dasturlashni o’rgangan?
3. … birinchi ishini topgan?
4. … frilansga yorib kirgan?
5. … magistraturaga harakat qilgan, lekin qovun quchoqlagan?
6. … yevropaga borib qolgan?
7. … Googlega kirib qolgan?
8. … [sizning takliflaringiz?]

Umid qilaman sizlarga foydali va qiziqarli bo’ladi. Kettik!

O’zim uchun eslatma: Iloji boricha texnik nuqtayi nazardan yozaman: o’rgangan dasturlash tillar / dasturlash texnologiyalar / o’rganish strategiyalar / karyera qarorlari / vhk.

#Karyera #Career #SWECareer #CareerTips #Dasturlash #Programming #SoftwareEngineering #IT

Vohid Karimov qanday qilib dasturlash soxasiga kirib qolgan?

2014 yilda Westminsterda o’qishni boshlaganman. Dasturlash olami haqida umuman tushunchaga ega emas edim. To’g’ri, maktabda informatika darslarida qandaydir Pascal va HTML kod yozganman. Lekin uni ahamiyatini hamma qatori tushunmaganman.

Universitetdan avval 2 yil qattiq ingliz tili va matematika o’rganganman. 24/7. Umuman vaqtimni waste qilmas edim va bu narsa menga katta odat bo’lib qolgan edi. Afsuski, universitetda bunday muhit yo’q edi. Qo’pol qilib aytganda 1-kurs o’qishi men uchun ‘joke’ edi. Darslarda va leksiyalarda mavzular yuzaki o’rgatilar edi. Kurs ishlari va imtixonlar ham uncha qiyin emas edi. Xullas, bo’sh vaqt ko’p ammo qiladigan foydali ish yo’q.

O'sha paytda yoqotxonadagi xonadoshim java o’rganayotgan edi. O’zi java nimaligini tushunmasdan men ham uni o’rganishga qaror qildim. Xonadoshimni 15cm qalinlikdagi Ivor Horton's Beginning Java kitobi bo’lardi. U ishlatmaganda men ishlatar edim. Yana, menda kod yozgani computer yo’q edi. Opamda esa bor edi va u ishlatmaganda men ishlatar edim.

Shunday tarzda, System.out.println(“Hello, world!”) qilib dasturlashni boshlaganman…

#Karyera #Career #SWECareer #CareerTips #Dasturlash #Programming #SoftwareEngineering #IT

Modern problems require modern solutions 😁

#Coding #ComputerScience #CS #ProblemSolving #Dasturlash #Programming #SoftwareEngineering #IT

#Coding #ComputerScience #CS #ProblemSolving #Dasturlash #Programming #SoftwareEngineering #IT #Memes #ProgrammingMemes

Shuning uchun ham algorithmic interviewda birinchi bo'lib optimal javob topishga harakat qilinmaydi:

1. Yaqqol brute force solution bilan boshlaniladi. Masalan O(n²) time va O(n) space complexity.
2. Uni yaxshilashga harakat qilasiz. Masalan binary searchdan foydalangan xolda O(nlogn) time qilishingiz mumkin.
3. Qo'lingizdan kelsa optimal yoki yanada tezroq yechim bersangiz bo'ladi. Masalan O(n) time complexity.

#Google #Googler #FAANG #FAANGPrep #Interviews #InterviewPrep #ProblemSolving #Dasturlash #Programming #SoftwareEngineering #IT

Vohid Karimov qanday qilib dasturlashni o’rgangan?

Tepada aytib o'tganimdek, mening birinchi dasturlash tilim java bo'lgan va uni Ivor Horton kitobidan o'rganganman. Hamma narsani ham noldan o'rganish qiyin bo'lgani kabi, Javani o'rganish boshida juda qiyin bo'lgan. Kitobda ishlatilgan terminlarni tushunmas edim va ko'p narsalarni google qilib o'rganish kerak bo'lgan. Kitobda bazi paragraflarni tushunish uchun 5-6 marta qayta o'qib chiqardim. Baxtimga, kitobda konseptlar batafsil tushuntirilgan edi.

Shu kitobdan dasturlash tilini asoslarini (conditionals, loops, data types, etc) o'rganganman. Shu bilim keyinchalik boshqa dasturlash tillarini o'rganishga asos bo'lib jarayonni ancha oson va tezlashtirgan.

Oz vaqt o'tgach, Sherali Obidov (Senior Software Engineer, Google) bilan tanishganman. U paytda Sherali aka dasturlashdan anchagina habarlari bor edi. Eng qizig'i, Sherali aka u paytda ukalari uchun English tutor qidirayotgan edilar. Men esa Programming tutor qidirayotgan edim. Shunday qilib, Sherali aka menga bepul dasturlashni o'rgatishni boshladilar va men esa bepul ukalariga ingliz tilini (win-win).

Sherali aka o'zlari juda ishtiyoqli odam va dasturlashda ham shundaylar. Menda ham dasturlashga qiziqish katta bo'lgan. Universitetda birinch kurs tugagach men Sherali aka yashayotgan kvartiraga ko'chib o'tganman. U yerda 4-5 kishi turardik va hamma dasturlashni katta "fanatlari" edi (bekorga hozir hammalari FAANGda ishlashmaydi)

Shu tarzda men dasturlashga sho'ng'ib ketdim...

#Karyera #Career #SWECareer #CareerTips #Dasturlash #Programming #SoftwareEngineering #IT

Qoyil, jiyanim 3 yoshida 3ta tilni (o'zbek, ingliz va nemis) va alifboni biladi 🤯

Men 3 yoshimda nonni nanna deb yurardim 🤪🥴

Vohid Karimov qanday qilib birinchi ishini topgan?

Javani asoslarini (conditionals, loops, data types, collections, OOP, file handling, error handling, vhk) o'rganib bo'lib unda biror foydali application qilish maqsadida Java Servlets/JSP va web texnologiyalarini (HTML, CSS, JS) o'rganganman. Bir-ikki pet proyektlar ham qilganman. Afsuski, o'sha paytda Java bilan internship topish oson emas edi. Asosan katta enterprise applar Java ustiga qurilar edi (hozir ham shunday, adashmasam).

Keyin, internshipga kirish maqsadida PHP o'rganganman. Javani yaxshi bilganim uchun PHPni o'rganish qiyin bo'lmagan. Plus, PHP uncha 'injiq' til emas - dollar bilan strelkani bersangiz xursand :)

Birinchi ishim (internship) Algoritm Consulting kompaniyasida bo'lgan va 300 ming so'm oylik berishgan (2015-yil). Ishni topish ancha oson bo'lgan. Usha paytdagi kvartiradoshim Bakhodir Boydedayev (Software Engineer, Microsoft) tavsiyasi bilan meni interviewga chaqirishgan. Power of referrals!

Interviewlardan yaxshi o'tganman va meni ishga olishgan. Kompaniya direktoriga tekinga ishlashga tayyorman deganman, lekin u odam menga hech bo'lmasa yo'l kira + abedga deb baribir oylik bergan #respect.

Kompaniyada 2 turdagi proyketlar bo'lar edi. Java ustiga qurilgan katta ERP sistema (o'zimizni produkt) va PHPda yozilgan kichik proyektlar (tashqaridan buyurtmalar). Men asosan PHP + HTML/CSS/JS bilan ishlar edim va bazi-bazida ERPda ham Java kod yozganman. Internship davomida juda ko'p kod yozganman va ancha o'sganman.

Shu tarzda echo "Hello, world!" qilib davom etganman...

#Karyera #Career #SWECareer #CareerTips #Dasturlash #Programming #SoftwareEngineering #IT