مدري باكر هالمدينه وش تكون

أحبّك ايه أحبّك وإن بغيت أنساك كيف أنساك
أشوفك ياعيوني في عيون أهلي وفي أوطاني

توهقت بغلاك وصرت أحبّك وأعشقك وأهواك
وحاولت أتراجع وأنسحب لا شك ما أمداني

‏صديق السهر قرّب لي الدله ام قناد
‏و سولف عليّ الا بـ ذكره و موضوعه

‏يا وجدي على السجّات و الخاطر المنقاد
‏و نسيان شيٍ داخل الصدر و ضلوعه

‏تفاصيله .. اللي كل ليله علي تنعاد
‏و تراحيبي اللي قبلها ما هدى روعه

‏نصاني و مدّ ايديه في غفلة الحسّاد
‏و عجز لا يقول ولا قدر يردع دموعه

‏سعيت و بذلت الجهد لـ اجله ولا الله راد
‏و غدت منّه حبال العلاقات .. مقطوعه

‏اعود المكان اللي يحبّه و هو ما عاد
‏غزالٍ خُطى رجله عن الروض ممنوعه

‏عناد الزمان اللي يبي له صبر و عناد
‏سيوف الملامه عن هاك الوجه مرفوعه

‏صديق السهر ؟ دوّر لنا بـ البلاد بلاد
‏يسجّ الفتى فيها من الوجد و اللّوعه

‏ابي لي بلادٍ فيه ما ينطقون الضاد
‏و اهلها مافيهم مثل شكله ولا نوعه

‏صديقك جروحه مرمسه و البيوت جداد
‏بيوت القصيد اللي من القلب منزوعه

‏بيوت القصيد .. اللي بلينا به الاجواد
‏اقوله بـ شخص و يلحق الحزن مجموعه

‏اقوله ولا اخشى فيه من هرجة النّقاد
‏عزاي انّه بـ يقرا و بـ ياصل سموعه

‏صديق السهر لعاد تسكت و انا بـ جهاد
‏و سولف .. ترى كل المواضيع موضوعه

" حاولت أردّ المحبّه وأمتنع وأثرك
دخلت قلبي سواة الخيط بالأبره "

‏" مايهم إن العلاقه تكلل بالنجاح
‏المهم إني مخليك في قلبي الأهم "
‏_ مسعود ال شعفول

‏وأنا طموحي للثقال من الجواهر يالخفيف
‏ماني بدور عملةٍ ماينعرف صرَّافها

" عالمٍ مرضى جعلها ما ترضى "

وأحس ان نور الصبح يطلع علشاني

وش هذا يا الانستا ما اتفقنا😢

" أحبَك رغم تجريح الليالي لقلبي المقهور
أشوف الجرح يكبر وأنت تكبر وسط تفكيري"

‏تبسّم نعنبو من لامني في ضحكتك ورضاك
‏تبسّم وأخذني من عالمي إلى عالمٍ ثاني

‏تبسّم لي فداك اللي مضى واللي بقى يفداك
‏ترى لولا غلاك وضحكتك ما بعت خلّاني

‏ولا جيت أتدارك ما بقى من فرحتي وألقاك
‏وأبيع العمر كله لا أبتسّم ثغرك على شاني

‏⁧_ضيدان بن قضعان

« أنتي لو تحبين سّفلة قوم ، ما يصبح إلا هو من أطيبهم »

الحنيه فيه بيت فهد المساعد:

« ولا تبكين ياضي العمر كله لاتبكين
ولا يطري عليك الدمع يا أول وآخر أحبابي »

« هلا بالهقوه اللي خيبت ظن هاقيها »

‏كل ليلٍ أفتش نجوم السماء بعيوني
كنّ وجهك بين لمعات النجوم مخبّا

‏و شلون تهجر يا ضنّا قلبي و تهمل غرامي في رفوفك
‏و شلون تنساني و أنا وردٍ تربى في و سط جوفك؟

‏أعذرني .. يوم أقابل طعونك بـ إرتياح
كيف لا ؟ والجرح مملوح والجارّح مليح

‏أثرني من قبل أعرفك يا جميل الوصف غادي
‏أشهد إنه مرحبا بك — يا دوا النفس الشقيّه