-
محتاجة ٣ طن أمان يمحوا الخوف والرعب اللي جوايا واللهِ.
أنا طول الوقت قلقانة، طول الوقت خايفة.
#رسائل_من_كل_قلبي
#وفاء_الشقيري
محتاجة ٣ طن أمان يمحوا الخوف والرعب اللي جوايا واللهِ.
أنا طول الوقت قلقانة، طول الوقت خايفة.
#رسائل_من_كل_قلبي
#وفاء_الشقيري
😢14💔7👍1
"هاتي دماغك أعالجها، أنا عاوزك تبقي كويسة".
١٦ نوفمبر ٢٠٢٠.
أول مكالمة فون.
أول سؤال كان "إنتِ كويسة؟"
الإجابة "لا، نفسي أبقى كويسة، حاسة دماغي بتتحرق، قلبي كمان حاسة إنه مش بخير".
رد "هاتي دماغك أعالجها، أنا عاوزك تبقي كويسة".
--هتعرف تعالجني؟
-هعرف.
--هتفهم لخبطتي؟
-يا ستي فاهم.
--هتخليني كويسة؟
-هحاول لحد ما تبقي كويسة.
غمضت عيوني
سلمته قلبي،
كتبت أيامي بأسمه
وأخترته "حبيب لليالي الضلمة".
"حبيب لليالي الضلمة"
اللي نورت بيه، قبله الدنيا كانت وحشة، قاسية ومُرة
والأيام شبه بعض، مافيش جديد، طول الوقت حزينة.
كلامنا بمثابة نجدة من غرق الليالي.
قربنا يشبه الرقص تحت المطر.
عيونه ضحكتلي وقررت أنها ما تشوفش غيري.
قلبه حضني وطمني وفهمني وقرر أنه يداويني.
محاولاته الكتير أنه يخليني "خلتني كويسة فعلًا".
****
الأتنين.
٢٤ نوفمبر ٢٠٢٥.
شقتنا.
طبع بوسة على خدي والتانية على شعري
نزل شعري على عيوني وقالي "شكلك كده أحلى!"
مسك النوت وسأل:
-وريني بتكتبي أيه؟
--أنك عالجتني، أنك خليتني كويسة.
-يعني أنا فعلًا خليتك كويسة يا وفاء؟
--خليتني أحس إني إنسانة بجد، وأن الحب من حقي، وأن الدنيا فعلًا فيها حاجات تستاهل أننا نعيش علشانها.
-طيب أنتِ عايشة ليه؟
--علشانك.
-أنا بقا عايش ليكي، مش علشانك وبس، شايف نفسي مسخر لسعادتك، حابب وراضي وواهب أيامي ليكي، عاوزك طول الوقت كويسة وبخير، ده أنا لو لقيتك زعلانة في يوم بتعب، بحس أن الدنيا أتخلقت علشان أنتِ فقط تبقي سعيدة.
*
في الحقيقة كنت خايفة جدًا أنه يكون بياع كلام في البداية لكن طلع بياع حب، بياع رحمة، بياع حنية، طلع بايع الدنيا كلها ومش شاري غيري.
بيقولوا الزواج بيغربل والحقيقة أنه غربله وظهر على حقيقته جدًا، طلع أحن وأحلى وأفضل من توقعاتي.
طلع شبه النسمة في حر أغسطس، شبه المانجا المشبرة في الصيف، شبه الأيام اللي بتجي علشان تعرفنا أن ربنا عادل وبيعوض، شبه كل حاجة حلوة أو يمكن هو كل حاجة حلوة، معتقدش أن حبي له كفاية، ومهما عملت مش هوفيه حقه وأنه فعلًا "حبيب لليالي الضلمة" لكن هو خلاها نور ونور ونور..
وكل مرة بتأكد إن الست لما قالت:
صالحت بيك أيامي، سامحت بيك الزمن.
قالتها علشان توصف لذة علاقتي بيه.
#وفاء_الشقيري
١٦ نوفمبر ٢٠٢٠.
أول مكالمة فون.
أول سؤال كان "إنتِ كويسة؟"
الإجابة "لا، نفسي أبقى كويسة، حاسة دماغي بتتحرق، قلبي كمان حاسة إنه مش بخير".
رد "هاتي دماغك أعالجها، أنا عاوزك تبقي كويسة".
--هتعرف تعالجني؟
-هعرف.
--هتفهم لخبطتي؟
-يا ستي فاهم.
--هتخليني كويسة؟
-هحاول لحد ما تبقي كويسة.
غمضت عيوني
سلمته قلبي،
كتبت أيامي بأسمه
وأخترته "حبيب لليالي الضلمة".
"حبيب لليالي الضلمة"
اللي نورت بيه، قبله الدنيا كانت وحشة، قاسية ومُرة
والأيام شبه بعض، مافيش جديد، طول الوقت حزينة.
كلامنا بمثابة نجدة من غرق الليالي.
قربنا يشبه الرقص تحت المطر.
عيونه ضحكتلي وقررت أنها ما تشوفش غيري.
قلبه حضني وطمني وفهمني وقرر أنه يداويني.
محاولاته الكتير أنه يخليني "خلتني كويسة فعلًا".
****
الأتنين.
٢٤ نوفمبر ٢٠٢٥.
شقتنا.
طبع بوسة على خدي والتانية على شعري
نزل شعري على عيوني وقالي "شكلك كده أحلى!"
مسك النوت وسأل:
-وريني بتكتبي أيه؟
--أنك عالجتني، أنك خليتني كويسة.
-يعني أنا فعلًا خليتك كويسة يا وفاء؟
--خليتني أحس إني إنسانة بجد، وأن الحب من حقي، وأن الدنيا فعلًا فيها حاجات تستاهل أننا نعيش علشانها.
-طيب أنتِ عايشة ليه؟
--علشانك.
-أنا بقا عايش ليكي، مش علشانك وبس، شايف نفسي مسخر لسعادتك، حابب وراضي وواهب أيامي ليكي، عاوزك طول الوقت كويسة وبخير، ده أنا لو لقيتك زعلانة في يوم بتعب، بحس أن الدنيا أتخلقت علشان أنتِ فقط تبقي سعيدة.
*
في الحقيقة كنت خايفة جدًا أنه يكون بياع كلام في البداية لكن طلع بياع حب، بياع رحمة، بياع حنية، طلع بايع الدنيا كلها ومش شاري غيري.
بيقولوا الزواج بيغربل والحقيقة أنه غربله وظهر على حقيقته جدًا، طلع أحن وأحلى وأفضل من توقعاتي.
طلع شبه النسمة في حر أغسطس، شبه المانجا المشبرة في الصيف، شبه الأيام اللي بتجي علشان تعرفنا أن ربنا عادل وبيعوض، شبه كل حاجة حلوة أو يمكن هو كل حاجة حلوة، معتقدش أن حبي له كفاية، ومهما عملت مش هوفيه حقه وأنه فعلًا "حبيب لليالي الضلمة" لكن هو خلاها نور ونور ونور..
وكل مرة بتأكد إن الست لما قالت:
صالحت بيك أيامي، سامحت بيك الزمن.
قالتها علشان توصف لذة علاقتي بيه.
#وفاء_الشقيري
❤16
-تعرفي أيه أجمل صفة ممكن تلاقيها الست في شريك حياتها؟
--الحنية أكيد.
-غلط، هي الحنية مطلوبة بس في صفة أقوى.
--المسئولية والقوامة مش كده؟
-حلو بس مش ده قصدي!
--أومال قصدك أيه؟
شدت إيدي وقالتلي تعالي هخليكي تشوفي بعينك، ندهت لأخويا (اللي هو جوزها).
-محمد تعالى غيرلي لمبة المطبخ اللي أتحرقت دي.
--عندك السلم غيريها أنتِ أنا مش قادر.
بصتلي وقالت "شوفتي"،
جاوبت "مافهمتش قصدك؟ يعني المشكلة في اللمبة؟"
ضحكت وقالت:
-لا المشكلة مش في اللمبة، المشكلة في أخوكي، ما بيعرفش يكون موجود حتى لو موجود.. فاهمة حاجة؟
--بصراحة لا (ضحكت).
حطت إيدها على كتفي وقالتلي "التواجد ياوفاء، التواجد أهم صفة، أهم من الحب ذاته، أهم من الحنية، وأهم من المسئولية وأهم من كل حاجة، ركزي إن شريك عمرك يكون متواجد يا فوفو".
مافهمتش كلامها ولا معناه، يمكن لإني وقتها كان سِني ١٧ سنة ومش همي إلا الحب والرومانسية فقط من أي علاقة، لكن مع الوقت بدأت استوعب إن الإنسان محتاج شخص طول الوقت موجود معاه، موجود حتى لو مسافر بلد تانية يكفي أنه يكون معاه على الفون وعارف تحركاته وخطواته.
فات وقت..
أتخطبت حوالي ٦ مرات.
كل خطوبة منهم تبوظ قبل ما تبدأ أصلًا ما عدا خطوبة اللي كملت للآخر وأتجوزنا..
كنت بعد كل قراية فاتحة أدعي أقول يارب لو مش هيكون موجود في حياتي قصتي معاه تنتهي وفعلًا كانت كل حاجة تنتهي.
لحد ما أتجوزت الراجل اللذيذ اللي في حياتي دهه!
ببساطة هو حنين ومسئول وموجود طول الوقت.
مش بس مناسب للعلاقة والجوازة ده تقريبًا مناسب لكل حاجة، مناسب لدماغي، مناسب لقلبي، مناسب لتقلباتي، مناسب لكل حاجة والسبب أنه طول الوقت فعلًا موجود.
بيصحى من النوم علشان يهديني لو حس إني قلقانة
بيروح معايا كل المشاوير، بيغيرلي لمبة المطبخ وبيدفع فواتير الغاز والكهربا والماية، وحافظ مواعيد العلاج، حافظ مواعيد دكتور النسا، عارف يكون معايا حتى وهو مش معايا، يعني حتى لو مسافر بيكلمني فون، بيخليني أصورله كل حاجة وبيعرف كل التفاصيل.
-موجود حتى وهو مش موجود-
معايا بالفعل، طول الوقت معايا
عمري ما شيلت هم أي حاجة في الدنيا ببساطة علشان هو موجود.
كل حاجة هو موجود فيها ومحليها والأهم أنه موجود فعليًا في حياتي، أب وأم وأخ وصاحب وكل شيء.
وتأكدت إن الدنيا محتاجة شريك متواجد طول الوقت، شريك حنين ومسئول وقبل كل ده موجود، وأدركت حجم كلمة راجل موجود ومعنى التواجد الحقيقي، لإني الراجل المتواجد ده هو اللي دماغك مش هتلف وإنتِ معاه، ولا هتحتاري في تغيير لمبة المطبخ ولا حتى هتحتاري في أي حاجة علشان هو اللي بيعمل كل حاجة، ببساطة الراجل الموجود طول هيدللك وتعرفي في قربه معنى كلمة "دلال" ومعنى كلمة "راجل حقيقي" والأهم معنى "شراكة الحياة".
#وفاء_الشقيري
--الحنية أكيد.
-غلط، هي الحنية مطلوبة بس في صفة أقوى.
--المسئولية والقوامة مش كده؟
-حلو بس مش ده قصدي!
--أومال قصدك أيه؟
شدت إيدي وقالتلي تعالي هخليكي تشوفي بعينك، ندهت لأخويا (اللي هو جوزها).
-محمد تعالى غيرلي لمبة المطبخ اللي أتحرقت دي.
--عندك السلم غيريها أنتِ أنا مش قادر.
بصتلي وقالت "شوفتي"،
جاوبت "مافهمتش قصدك؟ يعني المشكلة في اللمبة؟"
ضحكت وقالت:
-لا المشكلة مش في اللمبة، المشكلة في أخوكي، ما بيعرفش يكون موجود حتى لو موجود.. فاهمة حاجة؟
--بصراحة لا (ضحكت).
حطت إيدها على كتفي وقالتلي "التواجد ياوفاء، التواجد أهم صفة، أهم من الحب ذاته، أهم من الحنية، وأهم من المسئولية وأهم من كل حاجة، ركزي إن شريك عمرك يكون متواجد يا فوفو".
مافهمتش كلامها ولا معناه، يمكن لإني وقتها كان سِني ١٧ سنة ومش همي إلا الحب والرومانسية فقط من أي علاقة، لكن مع الوقت بدأت استوعب إن الإنسان محتاج شخص طول الوقت موجود معاه، موجود حتى لو مسافر بلد تانية يكفي أنه يكون معاه على الفون وعارف تحركاته وخطواته.
فات وقت..
أتخطبت حوالي ٦ مرات.
كل خطوبة منهم تبوظ قبل ما تبدأ أصلًا ما عدا خطوبة اللي كملت للآخر وأتجوزنا..
كنت بعد كل قراية فاتحة أدعي أقول يارب لو مش هيكون موجود في حياتي قصتي معاه تنتهي وفعلًا كانت كل حاجة تنتهي.
لحد ما أتجوزت الراجل اللذيذ اللي في حياتي دهه!
ببساطة هو حنين ومسئول وموجود طول الوقت.
مش بس مناسب للعلاقة والجوازة ده تقريبًا مناسب لكل حاجة، مناسب لدماغي، مناسب لقلبي، مناسب لتقلباتي، مناسب لكل حاجة والسبب أنه طول الوقت فعلًا موجود.
بيصحى من النوم علشان يهديني لو حس إني قلقانة
بيروح معايا كل المشاوير، بيغيرلي لمبة المطبخ وبيدفع فواتير الغاز والكهربا والماية، وحافظ مواعيد العلاج، حافظ مواعيد دكتور النسا، عارف يكون معايا حتى وهو مش معايا، يعني حتى لو مسافر بيكلمني فون، بيخليني أصورله كل حاجة وبيعرف كل التفاصيل.
-موجود حتى وهو مش موجود-
معايا بالفعل، طول الوقت معايا
عمري ما شيلت هم أي حاجة في الدنيا ببساطة علشان هو موجود.
كل حاجة هو موجود فيها ومحليها والأهم أنه موجود فعليًا في حياتي، أب وأم وأخ وصاحب وكل شيء.
وتأكدت إن الدنيا محتاجة شريك متواجد طول الوقت، شريك حنين ومسئول وقبل كل ده موجود، وأدركت حجم كلمة راجل موجود ومعنى التواجد الحقيقي، لإني الراجل المتواجد ده هو اللي دماغك مش هتلف وإنتِ معاه، ولا هتحتاري في تغيير لمبة المطبخ ولا حتى هتحتاري في أي حاجة علشان هو اللي بيعمل كل حاجة، ببساطة الراجل الموجود طول هيدللك وتعرفي في قربه معنى كلمة "دلال" ومعنى كلمة "راجل حقيقي" والأهم معنى "شراكة الحياة".
#وفاء_الشقيري
❤27
"أغلطي براحتك أنا قابلك ومستمتع بيكِ للغاية".
الجمل الحنينة بتفضل عالقة في ذهن الإنسان، خصوصًا الستات، الوحدة مننا لو الراجل اللي بتحبه قالها كلمة حلوة بتفضل فاكراها العمر كله، وده اللي أثبتته دوللي شاهين لما قالت: بدوب من كلمة حلوة تلمسني وأحسها وأفضل فاكراها دايمًا وفي حضني أضمها.
فاتت أيام بعد ما قررت أخد خطوة رسمي وأتخطب للراجل اللي حاول علشاني وقت طويل وأنا كنت بهرب وأخاف وأرفض خوفًا من هزيمة حب جديدة.
كنت بتعمد أظهرله عصبيتي ولساني الطويل وكل عيوبي علشان أشوف هو ممكن يتحمل لحد فين؟
مش بستقوى عليه لكن أنا عاوزة أعرف مقدار حبي عنده عامل أزاي؟
لحد ما في يوم غلطت غلطة سخيفة وعليت صوتي عليه وقبلها طول الوقت كان بيراضيني ويصالحني وأتحمل عُقدي النفسية اللي مالوش دخل فيها أساساً.
فـ بعت له "آسفة أنا عارفة أني غلطانة جامد"
رد عليا بـ "غلطتي لكن مش كل غلط يتعلق له مشنقة ياوفاء، في غلط عن غلط يفرق أنا مسماحك طالما أعترفتي بالغلط وهقولك حاجة تطمن أنا ما صدقت لقيتك وصدقت وصلتلك فمش بعد المحاولات دي كلها هبعدك عنك، أغلطي براحتك أنا قابلك ومستمتع بيكِ للغاية واللهِ".
حسيت أني فعلًا مع حد صح وأن دعوة القيام سهامها صابت ورُزقت هين لين رحيم وحنين للآخر واللهِ.
فسألته: وهتفضل تتحمل وفاء لحد أمتى؟
--لحد ما تطمن فعلًا أنا عارف إن كل دي أساليب تجريبية منا فأر التجارب بتاع حضرتك.
(ضحكت، دمه خفيف والأهم أنه فاهمني وهارشني).
سكت شوية وسألته: للدرجة دي بتحبني؟
-وقابلك كمان؟ عارفة يا وفاء القبول ده أول شيء في الحب وأعظم شيء أنا متقبل وجودك متقبل خوفك متقبل غلطك متقبل كل حاجة منك، ببساطة أنا متقبل وفاء هنا مربط الفرس أنا مهووس بيكِ يا فوف، وأتطمني ياستي شاري وقابل ومحب من كل قلبي وميال لعيونك على الآخر.
في النهاية حسيت أني أتطمنت
وأنه شخص آمن بجد..
مع الأيام فيشة دماغي فصلت
بقي بيتصرف هو ويصالحني هو
ويسمعني ويفهمني ويعملي كل حاجة عاوزاها.
والسر في القبول،
وكمان تأكدت إن للحب لغات كتيرة أعظمها "القبول" حرفيًا، إن الشخص اللي معاك مش يكون حابك فقط لا ده حابك وقابلك وموافق عليك وعاوزك دونن عن كل البشر اللي حواليك..
بصراحة مافيش لذاذة بعد كده
مافيش ألذ من الحب الحقيقي.
#وفاء_الشقيري
الجمل الحنينة بتفضل عالقة في ذهن الإنسان، خصوصًا الستات، الوحدة مننا لو الراجل اللي بتحبه قالها كلمة حلوة بتفضل فاكراها العمر كله، وده اللي أثبتته دوللي شاهين لما قالت: بدوب من كلمة حلوة تلمسني وأحسها وأفضل فاكراها دايمًا وفي حضني أضمها.
فاتت أيام بعد ما قررت أخد خطوة رسمي وأتخطب للراجل اللي حاول علشاني وقت طويل وأنا كنت بهرب وأخاف وأرفض خوفًا من هزيمة حب جديدة.
كنت بتعمد أظهرله عصبيتي ولساني الطويل وكل عيوبي علشان أشوف هو ممكن يتحمل لحد فين؟
مش بستقوى عليه لكن أنا عاوزة أعرف مقدار حبي عنده عامل أزاي؟
لحد ما في يوم غلطت غلطة سخيفة وعليت صوتي عليه وقبلها طول الوقت كان بيراضيني ويصالحني وأتحمل عُقدي النفسية اللي مالوش دخل فيها أساساً.
فـ بعت له "آسفة أنا عارفة أني غلطانة جامد"
رد عليا بـ "غلطتي لكن مش كل غلط يتعلق له مشنقة ياوفاء، في غلط عن غلط يفرق أنا مسماحك طالما أعترفتي بالغلط وهقولك حاجة تطمن أنا ما صدقت لقيتك وصدقت وصلتلك فمش بعد المحاولات دي كلها هبعدك عنك، أغلطي براحتك أنا قابلك ومستمتع بيكِ للغاية واللهِ".
حسيت أني فعلًا مع حد صح وأن دعوة القيام سهامها صابت ورُزقت هين لين رحيم وحنين للآخر واللهِ.
فسألته: وهتفضل تتحمل وفاء لحد أمتى؟
--لحد ما تطمن فعلًا أنا عارف إن كل دي أساليب تجريبية منا فأر التجارب بتاع حضرتك.
(ضحكت، دمه خفيف والأهم أنه فاهمني وهارشني).
سكت شوية وسألته: للدرجة دي بتحبني؟
-وقابلك كمان؟ عارفة يا وفاء القبول ده أول شيء في الحب وأعظم شيء أنا متقبل وجودك متقبل خوفك متقبل غلطك متقبل كل حاجة منك، ببساطة أنا متقبل وفاء هنا مربط الفرس أنا مهووس بيكِ يا فوف، وأتطمني ياستي شاري وقابل ومحب من كل قلبي وميال لعيونك على الآخر.
في النهاية حسيت أني أتطمنت
وأنه شخص آمن بجد..
مع الأيام فيشة دماغي فصلت
بقي بيتصرف هو ويصالحني هو
ويسمعني ويفهمني ويعملي كل حاجة عاوزاها.
والسر في القبول،
وكمان تأكدت إن للحب لغات كتيرة أعظمها "القبول" حرفيًا، إن الشخص اللي معاك مش يكون حابك فقط لا ده حابك وقابلك وموافق عليك وعاوزك دونن عن كل البشر اللي حواليك..
بصراحة مافيش لذاذة بعد كده
مافيش ألذ من الحب الحقيقي.
#وفاء_الشقيري
❤21
-مافيش قوة في الدنيا تمنع راجل بيحب من أنه يتجوز حبيبته.
مقولة كذب.
في أكتر من قوة تمنع أنك تتجوز اللي حبيتها..
زي أن أهلها يحطولك شروط تعجيزية، أو تلاقيها عاوزة تبقى زي غيرها وأحسن كمان وتفضل تقارن بينك وبين غيرك ده عنده فلوس وده عنده عربية وده عنده وعنده وعنده..
وتنسى تبص عليك وعلى قلبك.
وفي قوة تاني أقسى بقا.. أسمها المشاعر
أنك تكتشف في النهاية أن قلبها أصلًا مش ليك، هي كانت عاوزة راجل وخلاص، كانت عاوزة تبقى زي صحباتها وقرايبها، أنما مش أنت المطلوب، المطلوب منك فلوس وحب وأهتمام ودلع وخروجات وصور ودي بديهيات وأي راجل يقدر يعملها
وفي وحدة تاني ما تبادلكش نفس المشاعر من البداية، دي بتريحك لأنك بتكون عارف أنها مش عاوزاك، لكن بتتوجع لأنك أنت اللي كُنت عاوزها.
هي في الحقيقة مافيش قوة وحدة تمنع الراجل أنه يتجوز اللي بيحبها هما مليون قوة يمنعوه ويعجزوه ويكسروا قلبه ويدمروه تدمير تام، ما تبقاش عارف العيب فيك ولا فيها ولا في الظروف.
في النهاية هيفضل أقسى درس خدته من الدنيا أنك معرفتش تتجوز أكتر وحدة حبيتها، تجربة قاسية لكن هتعلمك أنك مهما حبيت حاجات لازم تتحرم منها طبع الدنيا كده غدارة زي أول حب في حياتنا.
#وفاء_الشقيري.
مقولة كذب.
في أكتر من قوة تمنع أنك تتجوز اللي حبيتها..
زي أن أهلها يحطولك شروط تعجيزية، أو تلاقيها عاوزة تبقى زي غيرها وأحسن كمان وتفضل تقارن بينك وبين غيرك ده عنده فلوس وده عنده عربية وده عنده وعنده وعنده..
وتنسى تبص عليك وعلى قلبك.
وفي قوة تاني أقسى بقا.. أسمها المشاعر
أنك تكتشف في النهاية أن قلبها أصلًا مش ليك، هي كانت عاوزة راجل وخلاص، كانت عاوزة تبقى زي صحباتها وقرايبها، أنما مش أنت المطلوب، المطلوب منك فلوس وحب وأهتمام ودلع وخروجات وصور ودي بديهيات وأي راجل يقدر يعملها
وفي وحدة تاني ما تبادلكش نفس المشاعر من البداية، دي بتريحك لأنك بتكون عارف أنها مش عاوزاك، لكن بتتوجع لأنك أنت اللي كُنت عاوزها.
هي في الحقيقة مافيش قوة وحدة تمنع الراجل أنه يتجوز اللي بيحبها هما مليون قوة يمنعوه ويعجزوه ويكسروا قلبه ويدمروه تدمير تام، ما تبقاش عارف العيب فيك ولا فيها ولا في الظروف.
في النهاية هيفضل أقسى درس خدته من الدنيا أنك معرفتش تتجوز أكتر وحدة حبيتها، تجربة قاسية لكن هتعلمك أنك مهما حبيت حاجات لازم تتحرم منها طبع الدنيا كده غدارة زي أول حب في حياتنا.
#وفاء_الشقيري.
❤17🥰2
مساء الخير..
آسفة إني هخبط في الثوابت الكونية بس الست مننا مهما كانت حاطة high standards للراجل اللي عاوزة ترتبط بيه ومهما كانت بتبحث طول الوقت عن شخص high profile وقيمة وسيما ورافعة أستحقاقها وكل كلام التنمية البشرية اللذيذ ده..
بتنسى كل ده لحظة ما بتحب بجد، عاطفتها بتغلبها، بتنسى كل المقاييس اللي رسمتها في خيالها مقابل أنها تبقى معاه ويبقى معاها، بتلقي كل الخطط أرضًا، بتصبر، بتتحمل، بالها بيطول، بتلغي عقلها، بتتحول لأم وأخت وصديقة، بتكون شخصية تانية مختلفة خالص عنها، ودي ببساطة علامات الحب الحقيقي، فمن موقعي هذا بقولك الست اللي مشاعرها بتمشيها دي مش ضعيفة دي بتحب من كل قلبها، علشان الحب الحقيقي ما بتنتصرش فيه إلا العواطف، ما تصدقش أنه في ست عقلانية، العقلانية دي مش بتحب.
#وفاء_الشقيري.
آسفة إني هخبط في الثوابت الكونية بس الست مننا مهما كانت حاطة high standards للراجل اللي عاوزة ترتبط بيه ومهما كانت بتبحث طول الوقت عن شخص high profile وقيمة وسيما ورافعة أستحقاقها وكل كلام التنمية البشرية اللذيذ ده..
بتنسى كل ده لحظة ما بتحب بجد، عاطفتها بتغلبها، بتنسى كل المقاييس اللي رسمتها في خيالها مقابل أنها تبقى معاه ويبقى معاها، بتلقي كل الخطط أرضًا، بتصبر، بتتحمل، بالها بيطول، بتلغي عقلها، بتتحول لأم وأخت وصديقة، بتكون شخصية تانية مختلفة خالص عنها، ودي ببساطة علامات الحب الحقيقي، فمن موقعي هذا بقولك الست اللي مشاعرها بتمشيها دي مش ضعيفة دي بتحب من كل قلبها، علشان الحب الحقيقي ما بتنتصرش فيه إلا العواطف، ما تصدقش أنه في ست عقلانية، العقلانية دي مش بتحب.
#وفاء_الشقيري.
❤19
ما خسرتيش..
هو اللي خسر، هو اللي ضيع شيء مستحيل يلاقيه تاني، شيء ثمين ونادر الشيء ده إنتِ، إنتِ مختلفة، صادقة وواضحة ومش بمليون وش زيه، صدقيني هو هرب لأنه شاف أنك كتيرة عليه، شافك عالية أوي وغالية كمان..
شافك شيء مستحيل يكون بين إيديه، شيء عظيم أخره يبص عليه من بعيد وما يطولوش..
اللي زي ده أتعود على الرخص أستحالة يقبل بالقرب من ست نضيفة زيك، هو اللي مالوش في الحنية والرحمة نصيب، هو اللي ما يستحقش أنما إنتِ تستاهلي تُقلك دهب تستاهلي جواهرجي يتمنك ويحافظ عليكي..
قلبك حلو واللي يطوله يا بخته بيه،
إنتِ وقلبك كتار عليه أيه جاب السما للأرض بس؟
ما خسرتيش ولا عمرك هتخسري، ده ما كنش راجل من الأساس، واللي تخسر شبه راجل زي ده تقول الحمدلله، صدقيني ربنا بعدك عنه لأنك تستاهلي حاجة نضيفة، علشان إنتِ جميلة وحنينة ونضيفة.
#رواية_راندوم | ٢٠٢٤
#وفاء_الشقيري
هو اللي خسر، هو اللي ضيع شيء مستحيل يلاقيه تاني، شيء ثمين ونادر الشيء ده إنتِ، إنتِ مختلفة، صادقة وواضحة ومش بمليون وش زيه، صدقيني هو هرب لأنه شاف أنك كتيرة عليه، شافك عالية أوي وغالية كمان..
شافك شيء مستحيل يكون بين إيديه، شيء عظيم أخره يبص عليه من بعيد وما يطولوش..
اللي زي ده أتعود على الرخص أستحالة يقبل بالقرب من ست نضيفة زيك، هو اللي مالوش في الحنية والرحمة نصيب، هو اللي ما يستحقش أنما إنتِ تستاهلي تُقلك دهب تستاهلي جواهرجي يتمنك ويحافظ عليكي..
قلبك حلو واللي يطوله يا بخته بيه،
إنتِ وقلبك كتار عليه أيه جاب السما للأرض بس؟
ما خسرتيش ولا عمرك هتخسري، ده ما كنش راجل من الأساس، واللي تخسر شبه راجل زي ده تقول الحمدلله، صدقيني ربنا بعدك عنه لأنك تستاهلي حاجة نضيفة، علشان إنتِ جميلة وحنينة ونضيفة.
#رواية_راندوم | ٢٠٢٤
#وفاء_الشقيري
❤16🥰6
٤ يناير ٢٠٢٦.
هكمل بالظبط ٤ شهور بيت بابا، بيني وبين حبيب العُمر (زوجي) مشاكل واقفة على الطلاق.
عيطت، مسحت دموعي، رجعت سندوتش الجبنة التاني مكانه، كلت واحد بس وافتكرته..
والحقيقة إني طول الوقت فاكراه، طول اليوم في بالي، كل ساعة بتعب من غيره..
مش عارفة أتنفس
شايفة الدنيا أضيق من خرم إبرة
وشايفة الناس وحشين (يمكن لإني شايفاه هو لوحده الناس)
-حبيب عيوني وأيامي
والغصة اللي في قلبي-
مودي بيتغير ما بين الثانية والتانية هرموناتي بتتحكم فيا بطريقة مش معقولة، قومت شغلت الست وولعت إضاءة خفيفة وفتحت البلكونة، سحبت الشال الأحمر بتاعي وحطيته على كتفي وغنيت معاها:
"أهرب من قلبي أروح على فين؟
ليالينا الحلوة في كل مكان ؟
ماليناها حب أحنا الإتنين.. (هِنا عيطت).
لإنه حبيبي من يوم ما وعيت على الدنيا، حاولت كتير أغير فيه واقوله أن أسلوبه في يوم هيخسرنا بعض! مُتعب، تعبني معاه لكن حبي ليه كان أقوى، كان كل مرة بينتصر.
بقاله شهور ساكت، بيشوف أستوريز الواتساب ومش بيرد، مش عارفة ماله؟ شكله كده ما صدق إني بعدت عنه.
نزلت الأستوري وأنا مش متوقعة إجابة، كالعادة يعني!
أول واحد شافها ولقيته رد عليا "أرجعيلي"
قلبي دق أوي، نفسي ما بقيش هادي، بطني وجعتني، حسيت إني دايخة وإني الدنيا مش شايلاني.
عملت سين بسرعة، وسكت.
بعتلي.: ساكتة ليه؟
--مش عارفة.
-هكلمك فون أسهل.
رنلي، إيدي أتنفضت، حسيت أني طايرة في السما، أول ما سمعت صوته عيطت، شوفتني وأنا في حضنه وأفتكرت أيامي الحلوة معاه..!
سألني:.
-مالك ساكتة ليه؟
--ماكنتش عاوزة نوصل لهِنا!!
-قدر، ومكتوب علشان أتعلم وأعرف.
--تتعلم أيه؟ وتعرف أيه؟
-أتعلم أحافظ عليكي وأعرف قيمتك.
تنهدت وهو سكت شوية وبعدها كمل:
أنا معترف إني كُنت غلط من البداية، وإن طريقتي معاكي كانت غلط، وإن قيمتك وصلتلي وإنتِ بعيد، وإن محدش هيعرف يتحمل اللي إنتِ تحملتيه مني!
وإن الأيام أحيانًا بتهادينا شخص عمره ما يتعوض بكل الأشخاص، وإني لازم أتغير علشان إنتِ تستاهلي حد أحسن، وإن الدنيا في غيابك باهتة، واليوم بساعاته ودقايقه سنين مُرة في بعادك..
وإن الحياة اللي كانت خفيفة ولذيذة في قربك بقيت جبل في الهجر، وإني تغيرت واللهِ علشان عاوز فعلًا أحافظ عليكي، بصي ياوفاء أنا تأكدت إني بحبك ضعف حبك ليا مليون مرة وإني هصالحك مهما حصل، وهجدد عقد حبنا كل ما ينتهي، وإن المشاكل هتخلينا أقوى، وآسف على كل البُعد ده، أنا بس كنت بظبط نفسي وبعالجها علشان تليق بيكي، وإني ناوي أزينلك اللحظات وأحلي لك الدنيا، كل ده علشان أنا فعلًا بحبك.
مالقيتش كلام أرد بيه عليه من صدمتي.!
قولتله: "أنا مش عارفة أرد".
رد: ما ترديش، أجهزي بس إنتِ وجهزي شنطتك وأنا جاي آخدك دلوقتي..
أنا ندمان على كل لحظة بعدتها عنك، وعن كل ثانية معرفتش أحبك فيها، أنا عرفت تمنك وعمري ما هزعلك تاني.
ساعتها حسيت إني ربنا بيطبطب عليا وعلى قلبي
وأنه حتى لو كان غلط فهو جه وأعتذر ويكفي أنه قال كلام لأول مرة في حياته يقوله وأنه محبش اللي بينا يضيع بالساهل لإني لو كان اللي بينا خلص أنا اللي كنت هخلص واللهِ.."
وأكتشفت حاجة بسيطة عننا أحنا الستات غلابة واللهِ.. كلمة حلوة تراضينا، مكالمة حنينة تحل مشاكل عمر بحاله، حد يعتذر نكون عاوزين نبوسه وإن عواطفنا من كلمة بتهدى وبنتطمن وبنغامر ونكرر الحب.
وإن اللي عاوزك هيصلح ويعافر ويقرب ويحاول ويتكلم وإن الحب القوي مافيش حاجة في الوجود تهزه وإن الدنيا مهما كانت فيها حاجات جميلة فأجمل حاجة فيها هو الحب، وإن المشاكل الحقيقية بترجع العشاق أقوى وأحسن من الأول، أو بما أدق المشاكل الحقيقية بترجع الشاريين أقوى وأحسن من الأول..
وهِنا كانت الست خلصت دارت الأيام وأشتغلت سيرة الحب:
وقالت: أهل الحب صحيح مساكين، صحيح مساكين.
مساكين فعلًا يا ست الستات ومن كلمة بنرجع المهم أننا نبقى سوا كل الوجع يهون مقابل إني أرجع أحط دماغي على كتف حبيبي تاني.
#وفاء_الشقيري
هكمل بالظبط ٤ شهور بيت بابا، بيني وبين حبيب العُمر (زوجي) مشاكل واقفة على الطلاق.
عيطت، مسحت دموعي، رجعت سندوتش الجبنة التاني مكانه، كلت واحد بس وافتكرته..
والحقيقة إني طول الوقت فاكراه، طول اليوم في بالي، كل ساعة بتعب من غيره..
مش عارفة أتنفس
شايفة الدنيا أضيق من خرم إبرة
وشايفة الناس وحشين (يمكن لإني شايفاه هو لوحده الناس)
-حبيب عيوني وأيامي
والغصة اللي في قلبي-
مودي بيتغير ما بين الثانية والتانية هرموناتي بتتحكم فيا بطريقة مش معقولة، قومت شغلت الست وولعت إضاءة خفيفة وفتحت البلكونة، سحبت الشال الأحمر بتاعي وحطيته على كتفي وغنيت معاها:
"أهرب من قلبي أروح على فين؟
ليالينا الحلوة في كل مكان ؟
ماليناها حب أحنا الإتنين.. (هِنا عيطت).
لإنه حبيبي من يوم ما وعيت على الدنيا، حاولت كتير أغير فيه واقوله أن أسلوبه في يوم هيخسرنا بعض! مُتعب، تعبني معاه لكن حبي ليه كان أقوى، كان كل مرة بينتصر.
بقاله شهور ساكت، بيشوف أستوريز الواتساب ومش بيرد، مش عارفة ماله؟ شكله كده ما صدق إني بعدت عنه.
نزلت الأستوري وأنا مش متوقعة إجابة، كالعادة يعني!
أول واحد شافها ولقيته رد عليا "أرجعيلي"
قلبي دق أوي، نفسي ما بقيش هادي، بطني وجعتني، حسيت إني دايخة وإني الدنيا مش شايلاني.
عملت سين بسرعة، وسكت.
بعتلي.: ساكتة ليه؟
--مش عارفة.
-هكلمك فون أسهل.
رنلي، إيدي أتنفضت، حسيت أني طايرة في السما، أول ما سمعت صوته عيطت، شوفتني وأنا في حضنه وأفتكرت أيامي الحلوة معاه..!
سألني:.
-مالك ساكتة ليه؟
--ماكنتش عاوزة نوصل لهِنا!!
-قدر، ومكتوب علشان أتعلم وأعرف.
--تتعلم أيه؟ وتعرف أيه؟
-أتعلم أحافظ عليكي وأعرف قيمتك.
تنهدت وهو سكت شوية وبعدها كمل:
أنا معترف إني كُنت غلط من البداية، وإن طريقتي معاكي كانت غلط، وإن قيمتك وصلتلي وإنتِ بعيد، وإن محدش هيعرف يتحمل اللي إنتِ تحملتيه مني!
وإن الأيام أحيانًا بتهادينا شخص عمره ما يتعوض بكل الأشخاص، وإني لازم أتغير علشان إنتِ تستاهلي حد أحسن، وإن الدنيا في غيابك باهتة، واليوم بساعاته ودقايقه سنين مُرة في بعادك..
وإن الحياة اللي كانت خفيفة ولذيذة في قربك بقيت جبل في الهجر، وإني تغيرت واللهِ علشان عاوز فعلًا أحافظ عليكي، بصي ياوفاء أنا تأكدت إني بحبك ضعف حبك ليا مليون مرة وإني هصالحك مهما حصل، وهجدد عقد حبنا كل ما ينتهي، وإن المشاكل هتخلينا أقوى، وآسف على كل البُعد ده، أنا بس كنت بظبط نفسي وبعالجها علشان تليق بيكي، وإني ناوي أزينلك اللحظات وأحلي لك الدنيا، كل ده علشان أنا فعلًا بحبك.
مالقيتش كلام أرد بيه عليه من صدمتي.!
قولتله: "أنا مش عارفة أرد".
رد: ما ترديش، أجهزي بس إنتِ وجهزي شنطتك وأنا جاي آخدك دلوقتي..
أنا ندمان على كل لحظة بعدتها عنك، وعن كل ثانية معرفتش أحبك فيها، أنا عرفت تمنك وعمري ما هزعلك تاني.
ساعتها حسيت إني ربنا بيطبطب عليا وعلى قلبي
وأنه حتى لو كان غلط فهو جه وأعتذر ويكفي أنه قال كلام لأول مرة في حياته يقوله وأنه محبش اللي بينا يضيع بالساهل لإني لو كان اللي بينا خلص أنا اللي كنت هخلص واللهِ.."
وأكتشفت حاجة بسيطة عننا أحنا الستات غلابة واللهِ.. كلمة حلوة تراضينا، مكالمة حنينة تحل مشاكل عمر بحاله، حد يعتذر نكون عاوزين نبوسه وإن عواطفنا من كلمة بتهدى وبنتطمن وبنغامر ونكرر الحب.
وإن اللي عاوزك هيصلح ويعافر ويقرب ويحاول ويتكلم وإن الحب القوي مافيش حاجة في الوجود تهزه وإن الدنيا مهما كانت فيها حاجات جميلة فأجمل حاجة فيها هو الحب، وإن المشاكل الحقيقية بترجع العشاق أقوى وأحسن من الأول، أو بما أدق المشاكل الحقيقية بترجع الشاريين أقوى وأحسن من الأول..
وهِنا كانت الست خلصت دارت الأيام وأشتغلت سيرة الحب:
وقالت: أهل الحب صحيح مساكين، صحيح مساكين.
مساكين فعلًا يا ست الستات ومن كلمة بنرجع المهم أننا نبقى سوا كل الوجع يهون مقابل إني أرجع أحط دماغي على كتف حبيبي تاني.
#وفاء_الشقيري
❤20😢4💘2
منعًا للإحراج..
علشان حكايات الستات كترت برايفت عندي وساعات لما بشاركها على الفيس بلاقي ردود أفعال البعض مش لطيفة، فأنا خدت قرار (عملت قناة ع الواتساب)
وحطيت لكم فيها لينك صراحة أحترامًا لخصوصيتكم كلكم، القناة هتكون لعرض القصص وحل المشكلات وكل ما يتعلق بينا كـ مجتمع أنثوي لذيذ لذوذة🫶🏻
هسيبلكم لينك القناة في الكومنتس وبالا نبدأ تجربة جديدة نحكي فيها ونضحك ونهون على بعض🫶🏻❤️
بحبكم من هِنا للصبح واللهِ❤️
علشان حكايات الستات كترت برايفت عندي وساعات لما بشاركها على الفيس بلاقي ردود أفعال البعض مش لطيفة، فأنا خدت قرار (عملت قناة ع الواتساب)
وحطيت لكم فيها لينك صراحة أحترامًا لخصوصيتكم كلكم، القناة هتكون لعرض القصص وحل المشكلات وكل ما يتعلق بينا كـ مجتمع أنثوي لذيذ لذوذة🫶🏻
هسيبلكم لينك القناة في الكومنتس وبالا نبدأ تجربة جديدة نحكي فيها ونضحك ونهون على بعض🫶🏻❤️
بحبكم من هِنا للصبح واللهِ❤️
❤8
"طفلك هو زرعتك في الدنيا، الست الناجحة لا بتتعرف من مال ولا جاه ولا غيره، الست الناجحة اللي تخلف طفل وتربيه تربية سليمة صحية، طفل حنين وجميل ومش مؤذي".
أول لما خلفت أول بنت ليا، ماما خدتني على جنب وقالتلي الجملة اللي فوق دي، ما كنتش فاهمة أي حاجة في الدنيا وقتها أكتر من كوني بقيت أم وفرحانة بالأمومة، لكن مفكرتش في التربية ولا في أي حاجة، كان كل همي تغيير البامبرز وتحضير الببرونة وسهر الليل.
سميتها "خديجة" على زوجة النبي، لأنه أحب الأسماء لقلبي.
من كام يوم أحتفلت بعيد ميلادها العاشر، والنهاردة ديچا جاتلي من المدرسة هدومها مبقعة وفيها دم وبيتادين ومتخربشة في خدها تحت عينها، أتخضيت فـ سألتها أيه ده؟
وكانت الإجابة غير متوقعة بالمرة ديچا وهي في المدرسة بعد الأمتحان صحبتها تعبت ونظرًا لإن بيت صحبتها قريب من المدرسة دي راحت معاها البيت، وهي وهناك لقيت قطة عند صحبتها متعورة في رجلها وبتعرج فـ طلبت من مامي صحبتها لو عندهم بيتادين ومرهم وشاش ولقيت ده موجود فعلًا ومسكت القطة عالجتها، ونظرًا لأنها أول مرة تشوفها القطة قامت مخربشاها.
ده جزء بسيط من اللي ديچا بتعمله.
أوقات تعبي هي اللي بتنضف البيت، بتعملي سندوتشات جبنة وشاي بلبن ساعات دون ما أطلب.
أي قطة تلاقيها تديلها أكل.
حاطة كرتونة قدام الباب وفارشة فيها مفرش قطيفة ومخلياها للقطط يباتوا فيها.
بتحفظ في الجزء ال٢٨ من القرآن.
بتساعد أي حد محتاج، بتحب كل صحابها
أكتر من مرة تجي تحكيلي أن كان في اتنين متخاصمين وهي صالحتهم، بتحب تسمع قصص الأنبياء، طول الوقت تقولي نفسي أبقى زي نساء الصحابة!
ساعات بحس أنها أكبر من سنها بمراحل وممكن أحكيلها أسراري وأسرار البلد كلها وما تغلطش بكلمة.
حنينة ورقيقة مع باباها جدًا، حنينة ورقيقة مع كل الناس.
أتذكر مرة باباها كان تعبان فضلت جنبه تقرأله قرآن حوالي ساعة ونص، بنت جميلة جدًا وطيبة جدًا، حتى لسانها بتحفظه من أي لفظ مؤذي، بتحب صحابها جدًا وبتوقف معاهم وكل مرة تبهرني بمواقفها الأكبر من سنها دي.
حقيقي صدقت أمي لما قالت طفلك زرعتك لإني شايفة ديچا هي إنجازي الوحيد في الدنيا دي.
#وفاء_الشقيري.
أول لما خلفت أول بنت ليا، ماما خدتني على جنب وقالتلي الجملة اللي فوق دي، ما كنتش فاهمة أي حاجة في الدنيا وقتها أكتر من كوني بقيت أم وفرحانة بالأمومة، لكن مفكرتش في التربية ولا في أي حاجة، كان كل همي تغيير البامبرز وتحضير الببرونة وسهر الليل.
سميتها "خديجة" على زوجة النبي، لأنه أحب الأسماء لقلبي.
من كام يوم أحتفلت بعيد ميلادها العاشر، والنهاردة ديچا جاتلي من المدرسة هدومها مبقعة وفيها دم وبيتادين ومتخربشة في خدها تحت عينها، أتخضيت فـ سألتها أيه ده؟
وكانت الإجابة غير متوقعة بالمرة ديچا وهي في المدرسة بعد الأمتحان صحبتها تعبت ونظرًا لإن بيت صحبتها قريب من المدرسة دي راحت معاها البيت، وهي وهناك لقيت قطة عند صحبتها متعورة في رجلها وبتعرج فـ طلبت من مامي صحبتها لو عندهم بيتادين ومرهم وشاش ولقيت ده موجود فعلًا ومسكت القطة عالجتها، ونظرًا لأنها أول مرة تشوفها القطة قامت مخربشاها.
ده جزء بسيط من اللي ديچا بتعمله.
أوقات تعبي هي اللي بتنضف البيت، بتعملي سندوتشات جبنة وشاي بلبن ساعات دون ما أطلب.
أي قطة تلاقيها تديلها أكل.
حاطة كرتونة قدام الباب وفارشة فيها مفرش قطيفة ومخلياها للقطط يباتوا فيها.
بتحفظ في الجزء ال٢٨ من القرآن.
بتساعد أي حد محتاج، بتحب كل صحابها
أكتر من مرة تجي تحكيلي أن كان في اتنين متخاصمين وهي صالحتهم، بتحب تسمع قصص الأنبياء، طول الوقت تقولي نفسي أبقى زي نساء الصحابة!
ساعات بحس أنها أكبر من سنها بمراحل وممكن أحكيلها أسراري وأسرار البلد كلها وما تغلطش بكلمة.
حنينة ورقيقة مع باباها جدًا، حنينة ورقيقة مع كل الناس.
أتذكر مرة باباها كان تعبان فضلت جنبه تقرأله قرآن حوالي ساعة ونص، بنت جميلة جدًا وطيبة جدًا، حتى لسانها بتحفظه من أي لفظ مؤذي، بتحب صحابها جدًا وبتوقف معاهم وكل مرة تبهرني بمواقفها الأكبر من سنها دي.
حقيقي صدقت أمي لما قالت طفلك زرعتك لإني شايفة ديچا هي إنجازي الوحيد في الدنيا دي.
#وفاء_الشقيري.
❤19
لسه شايفة جمُلة بتقول:
أنا سايبة لك الباب موارب، أبقى طل عليا وقت ما تحن، علشان أنت وحشتني قوي..))
قلوبنا دي سبب تعاستنا واللهِ!
أنا سايبة لك الباب موارب، أبقى طل عليا وقت ما تحن، علشان أنت وحشتني قوي..))
قلوبنا دي سبب تعاستنا واللهِ!
❤15😭8
أنا تايهة،
الفترة دي بالذات أنا تعبانة وحيرانة جدًا مش عارفة أعمل أيه؟ أطاوع قلبي ولا عقلي؟
أقرب وأسامحه كالعادة ولا أبعد وأختار نفسي؟
أسكت ولا أعاتب؟
أهد الدنيا فوق دماغه ولا أكون باردة؟
أضحك كأنه عادي؟ ولا أطلع بحر الدموع اللي غرقني من جوة؟
عيوني كانت ما بتلمعش إلا ليه هو من كتر الحب والفرحة، حاليًا عيوني ما بتلمعش إلا من العياط بسبب اللي بيعمله فيا؟
معيشني على كف عفريت! تصرفاته بتقولي أمشي وكلامه بيقولي خليكي.
ساحب مني الأمان وبيحقن لي منه جرعة كل أسبوع، طول الوقت بسببه قلقانة وخايفة وكمان متطمنة.
في كم رهيب من المشاعر عكس بعض معيشهالي!
علاقة فيها كل شيء معكوس، مش فاهمة أي حاجة.
حتى قلبي حتى قلبي عايزُه ومش عايزُه!
لأول مرة أتوه كده! لكن بجد أنا عاوزة أعرف أنا عاوزة أيه؟ مخليني زي اللي ضايع منه سِم لا عارف يدور عليه ويلاقيه فيموت! ولا عارف يكمل في التوهة لإنه في الحالتين موجوع.
#وفاء_الشقيري.
الفترة دي بالذات أنا تعبانة وحيرانة جدًا مش عارفة أعمل أيه؟ أطاوع قلبي ولا عقلي؟
أقرب وأسامحه كالعادة ولا أبعد وأختار نفسي؟
أسكت ولا أعاتب؟
أهد الدنيا فوق دماغه ولا أكون باردة؟
أضحك كأنه عادي؟ ولا أطلع بحر الدموع اللي غرقني من جوة؟
عيوني كانت ما بتلمعش إلا ليه هو من كتر الحب والفرحة، حاليًا عيوني ما بتلمعش إلا من العياط بسبب اللي بيعمله فيا؟
معيشني على كف عفريت! تصرفاته بتقولي أمشي وكلامه بيقولي خليكي.
ساحب مني الأمان وبيحقن لي منه جرعة كل أسبوع، طول الوقت بسببه قلقانة وخايفة وكمان متطمنة.
في كم رهيب من المشاعر عكس بعض معيشهالي!
علاقة فيها كل شيء معكوس، مش فاهمة أي حاجة.
حتى قلبي حتى قلبي عايزُه ومش عايزُه!
لأول مرة أتوه كده! لكن بجد أنا عاوزة أعرف أنا عاوزة أيه؟ مخليني زي اللي ضايع منه سِم لا عارف يدور عليه ويلاقيه فيموت! ولا عارف يكمل في التوهة لإنه في الحالتين موجوع.
#وفاء_الشقيري.
💔11❤6😢4
أمبارح حد قالي:
في أمور مش بحب أحكي فيها مع حد ولا حتى مع نفسي، بس بلاقي وسع وراحة معنوية جوايا لما وفاء بتسمعني وعندها مقدرة تتحملني وتسمعني كتير وما تملش من كلامي، رغم أني فعلًا مش بحكي بس معاكِ باخد وقتي بهدوء.
أعتقد إن ده أول إنجاز في 2026 أني أقدر في ظل الكركبة والأمراض النفسية اللي بقيت مالية البشر أكون سوية نفسيًا وأوصل حد للمرحلة دي من الآمان وأنه ياخد وقته يحكي ويتكلم وهو عارف وفاهم أني عمري ما أفهمه غلط.
أنا لما بحب بكون جميلة، وحنينة وركن آمن جدًا❤️
في أمور مش بحب أحكي فيها مع حد ولا حتى مع نفسي، بس بلاقي وسع وراحة معنوية جوايا لما وفاء بتسمعني وعندها مقدرة تتحملني وتسمعني كتير وما تملش من كلامي، رغم أني فعلًا مش بحكي بس معاكِ باخد وقتي بهدوء.
أعتقد إن ده أول إنجاز في 2026 أني أقدر في ظل الكركبة والأمراض النفسية اللي بقيت مالية البشر أكون سوية نفسيًا وأوصل حد للمرحلة دي من الآمان وأنه ياخد وقته يحكي ويتكلم وهو عارف وفاهم أني عمري ما أفهمه غلط.
أنا لما بحب بكون جميلة، وحنينة وركن آمن جدًا❤️
❤17
-
هيمر على قلبك رجالة كتير، لكن في راجل هيسيب جوة منك أثر، هيعيش جواكي مش شرط يكمل معاكي ومش شرط يكون هو أول راجل دخل حياتك، لكن الأكيد أنك لا حبيتي ولا هتحبي غيره، زي البصمة وزي الوشم وزي الوجع هيفضل ملازمك لحد النهاية...))
#رسائل_من_كل_قلبي
#وفاء_الشقيري
هيمر على قلبك رجالة كتير، لكن في راجل هيسيب جوة منك أثر، هيعيش جواكي مش شرط يكمل معاكي ومش شرط يكون هو أول راجل دخل حياتك، لكن الأكيد أنك لا حبيتي ولا هتحبي غيره، زي البصمة وزي الوشم وزي الوجع هيفضل ملازمك لحد النهاية...))
#رسائل_من_كل_قلبي
#وفاء_الشقيري
❤19💔4🥰2
-تقدر تقولي أنا فين من حياتك؟ دور كويس هتلاقيني في مكان واحد فقط "على الرف"، مضمونة وعارفني بحبك!
-مركونة زي علبة سجاير قديمة مالهاش أي قيمة.
بتحمل سخافاتك كأني جبل وكأني ماليش مشاعر ولا ليا قلب من حقه يحس أنه مهم ولو لمرة وحدة.
-بتأذيني كأني عدوتك، كل أمراضك النفسية بتطلعها عليا!
شماعة بتعلق عليها كل غلطاتك، طول الوقت محسسني إني السبب الوحيد في خنقتك وزعلك وضيقتك.
-تعبتني رغم أني كنت فاكرة أني لما هحبك هكون كويسة، لكن أنت أكدت لي إن الحب سبب كافي لأننا منكونش كويسين.
-كنت فاكرة قصتك هتعالجني، أنا حاليًا عاوزة أتعالج منك، ملعون أبوها مشاعري اللي مخلياني مكملة في علاقة أنا فيها صفر على الشمال، ملعونة كل دقة في قلبي مخلياني معاك علشان بس أكون كويسة.
-لأن للآسف أنت المرض والعلاج وكل حاجة ليا ولقلبي، وأنت بردو الغصة اللي مش عايزة أنها تسيبني، لأني بحبك.
#وفاء_الشقيري
-مركونة زي علبة سجاير قديمة مالهاش أي قيمة.
بتحمل سخافاتك كأني جبل وكأني ماليش مشاعر ولا ليا قلب من حقه يحس أنه مهم ولو لمرة وحدة.
-بتأذيني كأني عدوتك، كل أمراضك النفسية بتطلعها عليا!
شماعة بتعلق عليها كل غلطاتك، طول الوقت محسسني إني السبب الوحيد في خنقتك وزعلك وضيقتك.
-تعبتني رغم أني كنت فاكرة أني لما هحبك هكون كويسة، لكن أنت أكدت لي إن الحب سبب كافي لأننا منكونش كويسين.
-كنت فاكرة قصتك هتعالجني، أنا حاليًا عاوزة أتعالج منك، ملعون أبوها مشاعري اللي مخلياني مكملة في علاقة أنا فيها صفر على الشمال، ملعونة كل دقة في قلبي مخلياني معاك علشان بس أكون كويسة.
-لأن للآسف أنت المرض والعلاج وكل حاجة ليا ولقلبي، وأنت بردو الغصة اللي مش عايزة أنها تسيبني، لأني بحبك.
#وفاء_الشقيري
💔10😢5❤4🥰1
-
من كتر حبي فيه بقيت بدعيله ينساها أو يرجع لها رغم أنه الوحيد اللي بموت فيه وهي الوحيدة اللي هتخليه كويس ف بقيت أدعي دعوة ضد قلبي لأني مش عايزة من الدنيا غير أني أشوفه بخير.
#رسائل_من_كل_قلبي.
#وفاء_الشقيري.
من كتر حبي فيه بقيت بدعيله ينساها أو يرجع لها رغم أنه الوحيد اللي بموت فيه وهي الوحيدة اللي هتخليه كويس ف بقيت أدعي دعوة ضد قلبي لأني مش عايزة من الدنيا غير أني أشوفه بخير.
#رسائل_من_كل_قلبي.
#وفاء_الشقيري.
💔6👍5❤2🥰1
تقول سيدة خمسينية:
بعد ٣٥ سنة زواج أنا عاوزة أذكركم بأعظم عبادة في الزواج والدنيا وهي عبادة الصبر، الصبر وقت الأزمات، وقت التعب، وقت الشدة، وقت الوقوع، ووقت الخناقات.
لما أتجوزته كنت ١٧ سنة، كنت دلوعة في بيت أبويا وكنت فاكرة نفسي هفضل دلوعة كمان في بيته من غير مسئولية، فـ لقيت إن الجواز خلفة وعيال وسهر وتربية وأكل وشرب وغسيل ومكوة، كان ضهري يتقطم من كتر خدمة البيت والعيال.
لكن هو عرف يهون ده.!
لو عملت أكل وحش يصبر ويقول بكرة تتعلمي.
لو ولد من ولادي عيط أخر الليل ياخده مني ويسيبني أريح شوية.
لو زعلت يراضيني، لو غلطت يشاورلي على الغلط ويقولي ما يتكررش، لو راحت عليا نومة ينزل الشغل من غير فطار.
لو طلبت عيونه بلاقيهم عندي، مرتبه ليا ولعيالي.
صبر عليا كتير، حل الخلافات بسياسة ورضا
كان دايمًا ماسك عصاية البيت، كان دايمًا متغافل.
فالزواج عمومًا بيكمل بالصبر والتغافل والراجل الصالح المصلح، لإن الراجل هو أساس الحب وأساس الرحمة ونجاح أي حاجة في الدنيا، مش عايزة أكون متحاملة وأقول إن العلاقة بتقوم على الراجل وحده لكن أنا ربنا رزقني راجل عرف يخلي الجوازة حلوة وناجحة، ده كفاية طبطبته عليا في تعبي ووقفته معايا في الصغيرة والكبيرة.
في الحقيقة لو فضلت أحكي مش هوفيه حقه، لكن الله يرزق كل الستات زيه، يرزقهم رجالة يهونوا عليهم مشقة الدنيا..))
#وفاء_الشقيري
بعد ٣٥ سنة زواج أنا عاوزة أذكركم بأعظم عبادة في الزواج والدنيا وهي عبادة الصبر، الصبر وقت الأزمات، وقت التعب، وقت الشدة، وقت الوقوع، ووقت الخناقات.
لما أتجوزته كنت ١٧ سنة، كنت دلوعة في بيت أبويا وكنت فاكرة نفسي هفضل دلوعة كمان في بيته من غير مسئولية، فـ لقيت إن الجواز خلفة وعيال وسهر وتربية وأكل وشرب وغسيل ومكوة، كان ضهري يتقطم من كتر خدمة البيت والعيال.
لكن هو عرف يهون ده.!
لو عملت أكل وحش يصبر ويقول بكرة تتعلمي.
لو ولد من ولادي عيط أخر الليل ياخده مني ويسيبني أريح شوية.
لو زعلت يراضيني، لو غلطت يشاورلي على الغلط ويقولي ما يتكررش، لو راحت عليا نومة ينزل الشغل من غير فطار.
لو طلبت عيونه بلاقيهم عندي، مرتبه ليا ولعيالي.
صبر عليا كتير، حل الخلافات بسياسة ورضا
كان دايمًا ماسك عصاية البيت، كان دايمًا متغافل.
فالزواج عمومًا بيكمل بالصبر والتغافل والراجل الصالح المصلح، لإن الراجل هو أساس الحب وأساس الرحمة ونجاح أي حاجة في الدنيا، مش عايزة أكون متحاملة وأقول إن العلاقة بتقوم على الراجل وحده لكن أنا ربنا رزقني راجل عرف يخلي الجوازة حلوة وناجحة، ده كفاية طبطبته عليا في تعبي ووقفته معايا في الصغيرة والكبيرة.
في الحقيقة لو فضلت أحكي مش هوفيه حقه، لكن الله يرزق كل الستات زيه، يرزقهم رجالة يهونوا عليهم مشقة الدنيا..))
#وفاء_الشقيري
❤22🥰4
-مش ندمانة، أنا لأول في عمري أكون مرتاحة بالشكل ده.
لأني قدمت كل الفرص وعملت كل حاجة علشان أحافظ عليه وعلى العلاقة، عملت المستحيل زي ما بيقولوا لكن أكتشفت أن المستحيل أننا نكمل سوا.!
مافيش علاقة بتتبني على كتف واحد بس
ولا في علاقة بيشيل المشاعر والمحاولات طرف واحد فيها فقط، مافيش علاقة مافيهاش تبادل بتكمل للآخر.
علشان كده أنا ماشية وأنا مش زعلانة ولا ندمانة وعارفة أني همشي ومش راجعة تاني مهما حصل، لإن هناك فرق كتير بين ست حاولت معاك وست ماحاولتش، ست أتحملت وفهمت وصبرت وست تاني لا.
الست اللي واثقة أنها عملت اللي عليها ما بترجعش تبص وراها تاني ولا حتى بتسمح لعقلها يفكر فيك، لأنها ماشية وهي مؤمنة أنها عافرت في طريق ضلمة وعمره ما هيكون نهايته نور، دي وهي مؤمنة أنها بالقرار ده هي ست فعلًا محظوظة أنها تخلصت من علاقة مؤذية كده.
#وفاء_الشقيري.
لأني قدمت كل الفرص وعملت كل حاجة علشان أحافظ عليه وعلى العلاقة، عملت المستحيل زي ما بيقولوا لكن أكتشفت أن المستحيل أننا نكمل سوا.!
مافيش علاقة بتتبني على كتف واحد بس
ولا في علاقة بيشيل المشاعر والمحاولات طرف واحد فيها فقط، مافيش علاقة مافيهاش تبادل بتكمل للآخر.
علشان كده أنا ماشية وأنا مش زعلانة ولا ندمانة وعارفة أني همشي ومش راجعة تاني مهما حصل، لإن هناك فرق كتير بين ست حاولت معاك وست ماحاولتش، ست أتحملت وفهمت وصبرت وست تاني لا.
الست اللي واثقة أنها عملت اللي عليها ما بترجعش تبص وراها تاني ولا حتى بتسمح لعقلها يفكر فيك، لأنها ماشية وهي مؤمنة أنها عافرت في طريق ضلمة وعمره ما هيكون نهايته نور، دي وهي مؤمنة أنها بالقرار ده هي ست فعلًا محظوظة أنها تخلصت من علاقة مؤذية كده.
#وفاء_الشقيري.
❤19🥰1
"الزواج مش للمستعدين ماديًا،
الزواج للناس اللي نفسيًا كويسة"..!
تنهدت وقولت نفسيًا؟ هل أنا نفسيًا كويسة؟
--هتبقي كويسة يا وفاء، أنا مؤمن بده.
-هو أنت ممكن تخرج من هِنا تقول أنك مش مبسوط، وإني مش البنت المناسبة علشان أنا قاعدة معاك القعدة دي بصراحة غصب عني.
ابتسم، كانت أول خبطة في قلبي ضحكته حلوة
لكن أنا مش عاوزة أكمل مع حد وأنا مش عارفة مصيري النفسي آخره فين؟ مش عارفة هل أنا بعد كل التجارب دي هقدر فعلًا أكون كويسة؟.
ضحك وقالي "طيب ما أساعدك تبقي كويسة؟"
--إزاي؟
-نتخطب فترة ونشوف الدنيا بينا هتمشي لحد فين؟
--أفكر، لكن دي هتبقى الخطوبة رقم ٨ في حياتي، لو متجوزتكش أهلي هيولعوا فيا.
-لا أتطمني هتجوزك وأنا اللي هولع فيكي. (ضحك).
حسيت أنه لطيف وأني عاوزة أتكلم معاه، جواه مليان مش شخص فارغ ولا ماعندوش فكر، حسيته شبهي.
وافقت وبدأنا نتكلم، كانت العلاقة بينا طول الوقت عبارة عن اسئلة وإجابة. مافيش مشاعر لكن في كلام بيطمن.
كانت اسئلته ليا:
-شايفة دور الست أيه في العلاقة؟
-شايفة الخلافات ممكن تتحل إزاي؟
-مؤمنة بمبدأ المساواة بين الجنسين؟
-واصلة لأي درجة من الدين والسواء النفسي؟
-حاسة أنك هتقدري تكوني مسئولة عن بيت وولاد وزوج؟
-طيب لو أتجوزت عليكي هتعملي أيه؟ (بهزار)
كنت برد على اسئلته لكن ماكنتش بسأله ولا مرة، كنت سايبله لجام العلاقة وكان هو راجل رزين عرف يقنعني ويهديني.
-حرفيًا دماغي هديت وأنا معاه-
-عرف يطمني.
-كنت برن عليه أوقات شغله وأوقات نومه أحكيله مخاوفي من الدنيا والأيام والناس، راجل هادي عرف يسحب مني كل حاجة موتراني ووقفني على أول سلمة في طريق التعافي.
معاه حبيت نفسي.. يمكن ده سر أني فعلًا بدأت بوجوده اتعافى.
لحد في مرة قررت اسأله:
طيب قولي أنت الزواج بالنسبة لك أيه؟ وشايف دور الراجل أيه؟ والمسئولية من وجهة نظرك ممكن تكون إزاي مادية فقط؟ ولا أيه؟ محتاجة أفهم دماغك واللي بيدور جوة منها أكتر.
سألته السؤال ده قبل كتب الكتاب بيومين.
فقالي: ينفع أجاوب عليه بعد كتب الكتاب؟
--أشمعنا؟
ضحك ومردش.
يوم كتب الكتاب كررت السؤال تاني وأحنا بنتعشى.
حط إيده على كتفي وقالي فرق كبير بين الرد على الإنسان في الشات أو الفون وبين الرد لما نكون قدام عيون بعض! وفرق أكبر لما تكوني قدامي وإنتِ مجرد خطيبتي وبين لما أضمك زي منا عامل كده وإنتِ مراتي حبيبتي.
بصي أنا شايف إن المسئولية نفسية أكتر يعني الزوج هو نفسه الأب المسئول عن نفسية ولاده ومراته وهو نفسه الإنسان اللي مسئول عن نفسية اللي حواليه.
الزواج مشاركة في كل حاجة يعني لو يوم تعبانة عادي جدًا أنا أحضر الأكل وأغسل المواعين وأطبق الغسيل.
مشاركة نفسية بردو أسمعك وأفهمك وأحبك.
وغيره كتير بقا أهم حاجة في الليلة دي إني أكون إنسان حقيقي مش مصطنع وبنفذ اللي تؤمرني بيه نفسي ويؤمرني بيه ديني، علشان كده قولتلك في أول لقاء الزواج للمستعدين نفسيًا مش ماديًا، منا ممكن أكون معايا كل فلوس العالم لكن مراتي نفسيتها مشوهة! هل ده صح؟ المرأة عمومًا مش محتاجة كتير هي محتاجة كلمة حلوة ومعاملة حلوة، محتاجة رأفة بيها الرسول عليه الصلاة والسلام قال رفقًا بالقوارير واستوصوا بالنساء خيرًا، هجي أنا وأزعل المرأة؟
الفكرة أكبر من كل الكلام ومهما اقول الفعل له دور
وإن الست مش محتاجة أكتر من حد يشاركها الأيام بحنية وكذلك هي ليها دور ودور قوي كمان، علشان كده بقولك سيبي الأيام تثبتلك أني فعلًا راجل صح.
......
ضحكت وأنا جنبه وفكرته بكلامه وأحنا قاعدين بنشرب شاي بنعناع في بلكونة شقتنا وبنسمع الست أنت عمري.
فسألني طيب وطلعت الراجل الصح فعلًا يا وفاء.
طبعت بوسة في كف إيديه وقولتله هسيب الست تجاوبك وهنا كانت الست بتقول:
"اللي شوفته قبل ما تشوفك عينيا
عمر ضايع يحسبوه إزاي عليا؟"
#وفاء_الشقيري
الزواج للناس اللي نفسيًا كويسة"..!
تنهدت وقولت نفسيًا؟ هل أنا نفسيًا كويسة؟
--هتبقي كويسة يا وفاء، أنا مؤمن بده.
-هو أنت ممكن تخرج من هِنا تقول أنك مش مبسوط، وإني مش البنت المناسبة علشان أنا قاعدة معاك القعدة دي بصراحة غصب عني.
ابتسم، كانت أول خبطة في قلبي ضحكته حلوة
لكن أنا مش عاوزة أكمل مع حد وأنا مش عارفة مصيري النفسي آخره فين؟ مش عارفة هل أنا بعد كل التجارب دي هقدر فعلًا أكون كويسة؟.
ضحك وقالي "طيب ما أساعدك تبقي كويسة؟"
--إزاي؟
-نتخطب فترة ونشوف الدنيا بينا هتمشي لحد فين؟
--أفكر، لكن دي هتبقى الخطوبة رقم ٨ في حياتي، لو متجوزتكش أهلي هيولعوا فيا.
-لا أتطمني هتجوزك وأنا اللي هولع فيكي. (ضحك).
حسيت أنه لطيف وأني عاوزة أتكلم معاه، جواه مليان مش شخص فارغ ولا ماعندوش فكر، حسيته شبهي.
وافقت وبدأنا نتكلم، كانت العلاقة بينا طول الوقت عبارة عن اسئلة وإجابة. مافيش مشاعر لكن في كلام بيطمن.
كانت اسئلته ليا:
-شايفة دور الست أيه في العلاقة؟
-شايفة الخلافات ممكن تتحل إزاي؟
-مؤمنة بمبدأ المساواة بين الجنسين؟
-واصلة لأي درجة من الدين والسواء النفسي؟
-حاسة أنك هتقدري تكوني مسئولة عن بيت وولاد وزوج؟
-طيب لو أتجوزت عليكي هتعملي أيه؟ (بهزار)
كنت برد على اسئلته لكن ماكنتش بسأله ولا مرة، كنت سايبله لجام العلاقة وكان هو راجل رزين عرف يقنعني ويهديني.
-حرفيًا دماغي هديت وأنا معاه-
-عرف يطمني.
-كنت برن عليه أوقات شغله وأوقات نومه أحكيله مخاوفي من الدنيا والأيام والناس، راجل هادي عرف يسحب مني كل حاجة موتراني ووقفني على أول سلمة في طريق التعافي.
معاه حبيت نفسي.. يمكن ده سر أني فعلًا بدأت بوجوده اتعافى.
لحد في مرة قررت اسأله:
طيب قولي أنت الزواج بالنسبة لك أيه؟ وشايف دور الراجل أيه؟ والمسئولية من وجهة نظرك ممكن تكون إزاي مادية فقط؟ ولا أيه؟ محتاجة أفهم دماغك واللي بيدور جوة منها أكتر.
سألته السؤال ده قبل كتب الكتاب بيومين.
فقالي: ينفع أجاوب عليه بعد كتب الكتاب؟
--أشمعنا؟
ضحك ومردش.
يوم كتب الكتاب كررت السؤال تاني وأحنا بنتعشى.
حط إيده على كتفي وقالي فرق كبير بين الرد على الإنسان في الشات أو الفون وبين الرد لما نكون قدام عيون بعض! وفرق أكبر لما تكوني قدامي وإنتِ مجرد خطيبتي وبين لما أضمك زي منا عامل كده وإنتِ مراتي حبيبتي.
بصي أنا شايف إن المسئولية نفسية أكتر يعني الزوج هو نفسه الأب المسئول عن نفسية ولاده ومراته وهو نفسه الإنسان اللي مسئول عن نفسية اللي حواليه.
الزواج مشاركة في كل حاجة يعني لو يوم تعبانة عادي جدًا أنا أحضر الأكل وأغسل المواعين وأطبق الغسيل.
مشاركة نفسية بردو أسمعك وأفهمك وأحبك.
وغيره كتير بقا أهم حاجة في الليلة دي إني أكون إنسان حقيقي مش مصطنع وبنفذ اللي تؤمرني بيه نفسي ويؤمرني بيه ديني، علشان كده قولتلك في أول لقاء الزواج للمستعدين نفسيًا مش ماديًا، منا ممكن أكون معايا كل فلوس العالم لكن مراتي نفسيتها مشوهة! هل ده صح؟ المرأة عمومًا مش محتاجة كتير هي محتاجة كلمة حلوة ومعاملة حلوة، محتاجة رأفة بيها الرسول عليه الصلاة والسلام قال رفقًا بالقوارير واستوصوا بالنساء خيرًا، هجي أنا وأزعل المرأة؟
الفكرة أكبر من كل الكلام ومهما اقول الفعل له دور
وإن الست مش محتاجة أكتر من حد يشاركها الأيام بحنية وكذلك هي ليها دور ودور قوي كمان، علشان كده بقولك سيبي الأيام تثبتلك أني فعلًا راجل صح.
......
ضحكت وأنا جنبه وفكرته بكلامه وأحنا قاعدين بنشرب شاي بنعناع في بلكونة شقتنا وبنسمع الست أنت عمري.
فسألني طيب وطلعت الراجل الصح فعلًا يا وفاء.
طبعت بوسة في كف إيديه وقولتله هسيب الست تجاوبك وهنا كانت الست بتقول:
"اللي شوفته قبل ما تشوفك عينيا
عمر ضايع يحسبوه إزاي عليا؟"
#وفاء_الشقيري
❤44🥰2😢1