عوّدت عوج الضماير على طاري غلاهه
‏كنها ميلاف ذودٍ على الصوت انكفّت .

يارب وانت اللي عن الغيب تعلم
‏اكتب لنا اللي فيه خير ومسرّه .

‏اضحك مع العالم وانا كلي دموع
‏ياشين حالتي لا غدى الضحك تمثيل.

‏لابارك الله فالهبوب اللي تغانمني عشان
‏أبيح شي لو عرضته للعرب طاح جهدي .

رب هالمرّه هي آخر مرّه
‏ولا هو بـ شايفني ولا لامحني

‏أدري حلفت ان شارعه ما مرّه
‏لكن انا مشتاق له .. سامحني

والله اني مليت من قلبي وميوله
كل ما انوي عن الافصاح يرفض !
ٰ
الكلام اللي معي .. لازم اقوله
شكلي اني راح اخربها وافضفض :)

عندي مشاعر فايضه ما أبيها
شلون ابوح وكل ذاكرتي أسرار ؟

خذ ذكرياتك حسبي الله عليها
أزريت اترجمها على هيئه اشعار

أبتسم رغم انكسارك ، لكلّ العابرين
‏لو ورى هالابتسامة : وجع في مقتله

‏لا تقول المشكلة كلّ .. ما مرّ الحنين
‏لو تناظر همّ غيرك : تهون المشكله !

‏راح يمضي هالحزن مثل ماتمضي السنين
‏والفرح له وقت .. ويمرّ ينهي المسأله

‏شفني أتظاهر بضحكه وأنا قلبي حزين
‏مقتنع بـ ان انكساري " مجرّد مرحله "

خاطري ماهو بطيب ولامرتاح بال
‏والعرب معاد لي شفٍ في منطوقها

‏اتظاهر بالسعاده واقول الحال عال
‏ولا انا ضايقٍ والأخلاق طايح سوقها

تعبت اجاهد ظروفي و الهوّى جاحد
‏وش وضعك الحين والا قلبك شوضعه ؟

‏ان كان مشتاق .. لي ارسل رقم واحد
‏و ان كان مافيك شوق ارسل رقم تسعه :)

‏"يقول ابن جدلان الله يرحمه :
‏إذا انشدوك الناس أحرص على الميم
‏ماشفت ، ماسويت ، ماقلت ، مدري .. ".

‏والله إن صدري من الضيق قد هو ممتلي
قد لي سنين وكن الحزن يأكل حشاي .

مغير أهوجس تقول مضيّع ٍحاجه
‏و أخذ و أسنّد على روحي و أهرجها .

احبّك رغم تجريح الليالي لقلبي المقهور
اشوف الجرح يكبر وانت تكبر وسط تفكيري .

أنا بي جرحٍ مدري مين أبوه وليه ما سمّاه ؟
‏انا لي وجهٍ خلاه الجفاف السرمدي أشهْب .

‏عيّا الزمن يصفا و حنا مستحين
‏يطحن أمانينا مثل طحن الرحى
‏

‏ما هويت من الهوا واهل الهوا
‏الا وليفٍ حبّه يخـااااشر هلي ّ .

ياعرب تكفون من كان له قلبٍ رحيم
كل نفسن صابها الحزن لاتقصونها

خاطري داروه يالي تدارون اليتيم
وان بكت عيني من الدمّع لاتنهونها .