​​HTML hujjatga kòra id va class attributlarining quyidagicha farqlari bor:

✔️ HTML hujjatda bir nomdagi id bilan faqat bitta element bòlishi mumkin. Bu degani "olma" nomli idni bitta HTML hujjatda faqatgina bitta elementga berish mumkin. Class attributi orqali esa hujjatdagi istalgan sondagi elementlarni bir sinfga biriktirish mumkin. Sodda qilib aytganda "olma" nomli sinfni istalgan sondagi elementlarda qòllash mumkin. Bu ularning barchasi "olma" nomli sinfga mansub ekanligini anglatadi;

✔️ Bitta elementga faqatgina bitta id berish mumkin. Masalan, <span id="olma anor"> deyish xato bòladi. Bitta elementni bir nechta sinfga biriktirish mukin. Masalan, <span class="olma anor anjir">. Bunda span elementi uchta sinfga mansub bòladi.

CSS selectorlar jihatdan ularning yagona farqi - ularning ta'sir kuchida.

Masalan, HTML hujjatda quyidagi element mavjud bòlsin:
<!-- ... -->
<span id="olma" class="anor">
Qandaydir matn
</span>
<!-- ... -->

CSSda esa bu elementga uning idsi va classi orqali ikkita bir turdagi stil aniqlangan bòlsin:
#olma { / 1-stil /
color: green;
}
.anor { / 2-stil /
color: red;
}

Yuqoridagi css stillarni hujjatga ta'sir ettirganimizda span elementi matnining rangi yashil(green) bòladi. Buning sababi - id selectorining ta'sir kuchi class selectorinikidan yuqori. Bu esa ularning CSSdagi yagona farqi.

Manba: 👉 iz_school

webdasturlashga qiziqadiganlarga joʻnating va kanalga aʼzo boʻling!

👇👇👇

@web_developer001

Telegram | YouTube | Instagram