"هي وكالة تسويق رقمي كبيرة، قدمت وكلموني وعملت انترفيو واتقبلت بفضل الله شغل full time من البيت👏🏻"

"أنا صيدلانية دفعة ٢٠١٤، كنت في السعودية فترة

بعد ما نزلت وبدأت الشغل الحكومي، على الرغم من إنه أسهل نسبيًا إلا أنه كان مرهق بسبب بُعد المسافة حوالي ساعة ونص أو ساعتين..

أخدت أجازة وبدأت أفكر إني عايزة مصدر دخل من البيت بقى، مصطلح الفريلانسنج مكانش جديد بس ماكنتش أعرف تفاصيل

بدأت أدور بقى وأبحث وأشوف المجالات وطبعًا ظهرت لي الجميلة دكتورة ميسم، وبدأت اتابعها واتابع جروب work from home، واطبق معاها 👏🏻

بعدين جه قدامي إعلان كورس كتابة المحتوى الطبي من أكاديمية ابن سينا في رمضان، وكان نازل بخصم مغري شجعني اشترك فيه كمان ليه علاقة بكليتي ومجالي

استخرت واشتركت ودعيت كتيييير في رمضان ربنا يجعلي مصدر دخل من الفريلانسنج، دخلت الكورس واستفدت كتير وطبقت، ودعيت كتير في يوم عرفة نفس الدعاء

بعد الكورس ما خلص بشوية؛ كنت محتاجه وقت عشان اسمع محاضرات الماركتنج وازاي اعمل سي في وبورتفوليو ومحاضرات لينكدإن اللى كانت تبع نفس الكورس عشان ادخل سوق العمل، وكمان اتمرن أكتر عشان ابني البورتفوليو ✨️

سبحان الله حصلت ظروف صعبة جدًا لكن كانت فايدتها إن لقيت الوقت ده، وتطوعت مع مواقع وعملت السي في والبورتفوليو وبدأت اتابع الناس اللى زيي ف لينكدإن؛ وساعتها لقيت قدرًا الدكتورة الجميلة إسراء محمد

شدني ليها إنها منتقبة وإنها أخدت نفس الكورس وقبلي وسبقاني، بعتلها وربنا يجازيها كل خير كانت معايا في أي استفسارات وكنت باخد رأيها في السي في والكوفر ليتر وأقدم في المكان الفلاني ولا لا وايه الخطوة الجاية، ومنها عرفت عن الشركة اللى أنا شغالة معاها دلوقتي

وهي وكالة تسويق رقمي كبيرة، وقدمت وكلموني وعملت انترفيو واتقبلت بفضل الله شغل full time 👏🏻

الشغل كان الأول بيحتاج حضور يوم واحد في الأسبوع، بعدها ربنا يسر وسمحولى اشتغل توتال من البيت، مع حضور ميتنج كل شهر، وبسسس استجاب ربنا دعائي ووفقني ❤️

وبجاهد دلوقتي عشان اقدر انظم وقتي في البيت وأحل التحديات اللى ظهرت، لكن حتى لو فيه أي صعوبات في الشغل من البيت .. إني محتاجش أروح الشغل حتى لو يوم أو ٢ في الأسبوع، نعمة بجد لا تقدر بثمن.

الشغل دلوقتي واخد كل الوقت بجانب مهام البيت والأولاد وبطمح إني اطور من نفسي أكتر وأقبض بالدولار 😂😂

ملحوظة، أنا بفضل الله منتقبة والحمد لله مكنش عائق تمامًا في الشغل أو الانترفيو

جزاكم الله عنا خيرًا"

🔻دي قصة سارة، لو مهتم بمجال كتابة المقالات Blogging اكتبلنا "مهتم" في الكومنتات وهنرد عليك بكل التفاصيل 📲

مطلوب مترجمين طبّي (خاصة المجال الصيدلي) للعمل على مشروع

🏅لينك الوظيفة أول تعليق

متنساش ابن سينا بتقدم برنامج كامل لاحتراف الترجمة الطبية بأحدث تقنيات الذكاء الاصطناعي، ابعتلنا لو مهتم وهنبعتلك التفاصيل 🫡

لمّا بنربي ولادنا صح ✔️ ونعلمهم مهارة يعبّروا فيها عن قيمهم #ابن_سينا_للتدريب #motiongraphics

هل كتابة المحتوى التسويقي هتختفي مع وجود الذكاء الاصطناعي ⁉️

لو عايز تعرف أكثر عن كورس الكتابة التسويقية (copywriting)، سيب كومنت بكلمة تفاصيل 👇

#اكاديمية_ابن_سينا_للتدريب #freelancer #كتابة_تسويقية #copywriting #copywriter

⁉️ ليه تشترك لمراتك في أكاديمية ابن سينا

- الكورس عندنا دسم ومليان تاسكات ومشاريع، فتبطّل تتصل بيك كل ربع ساعة وأنت في الشغل

- الكورس بعده بتجهز لأكونت LinkedIn ورحلة للبحث عن العميل، فهتبقى مش فاضية تبحث في جرايمك

- بدل ما محور كلامها هيكون عن صحباتها وجاراتها، هتكلمك في تعدد المجالات والفرق بين rate تحليل البيانات والديجيتال ماركتنج والسوق وصل فيهم لفين

- مش هتقولك عايزة أنزل اشتغل، عشان هتشتغل في البيت وسط ولادها

- في الـweekend مش عايزة تنزل، عشان الفريلانسرز بيجيلهم توحّد 🤓

- مش هتقولك كل weekend توديها عند حماتك، عشان العميل ملففّها حوالين نفسها

- لو اتجوزت عليها مش هتكون مركزة، عشان معاها ٣-٤ مشاريع شغالة عليها

ابن سينا بتعمل في مصلحة الأزواج 🤝

الستات دلوقتي feels like هو احنا بناخد كورسات عشانا، دا عشانكم والاستقرار الأسري 🤓❤️

مطلوب تعيين كتاب محتوى طبّي لشركة Brandatomy على وجه السرعة

🏅متطلبات الوظيفة
- لازم يكون خلفية طبية
- خبرة ٣ سنوات في كتابة المحتوى الطبي على السوشال ميديا
- إجادة الكتابة العربية والإنجليزية

🏅لينك الوظيفة أول تعليق

متنساش ابن سينا بتقدم مجموعة برامج هتساعدك وتأهّلك للكتابة الطبية من مقالات ومحتوى سوشال ميديا

ابعتلنا انك مهتم، وهنبعتلك التفاصيل 🤝

🫡 تكريمًا للبطل السـن،،وار

🏅الدكتور فؤاد محمد الصوت الرسمي لابن سينا 2025

🏅اتعلم واتدرب ومارس مع ابن سينا في مجال التعليق الصوتي 🤝

🔆 يوم الأوفلاين في كلية إعلام جامعة القاهرة

حبّينا ننوه متابعينا الكرام إن خصم الأحرار 70% هينتهي ١ يناير إن شاء الله ❤️🌹

✔️أذكار الصباح
✔️ الـTo Do List بتاعتك (يفضّل تقسمها بالساعة)
✔️افتح الموقع ذاكر الكورس اللي بـ70% خصم عشان مش هيتكرر تاني 🤓🤝

🏅 ازاي وهي طالبة في الجامعة قدرت تدير مركز تدريب

🏅رسايل القدر في حياة ولاء كانت بتدفعها لتغييرات جذرية في حياتها

🏅رحلة استثنائية عن حياة ولاء خطّاب من بنت نفسها في صيدلة إلى بنت بتتبع شغفها في كل خطوة

وفخورين إن ابن سينا كانت جزء من الرحلة ❤️

بينما نادية السيد وآية حبيب بيتخانقوا وبيصنعوا المجد، قومي اتعلمي صناعة محتوى 🤓❤️

"كنت الصوت الرسمي للدفعة 23 طب أزهر دمياط وعملت إعلان رسمي لإحدى الشركات مع تقييم 4.8 على منصة ساونديلز"

"أنا متولي حربي، طبيب بشري أزهري دفعة 2022 ومعلق صوتي محترف باللغة العربية الفصحى واللهجة العامية المصرية.

👈 الموضوع بدأ بحبي للغة العربية ونمى الحب ده دايما طول سنين الدراسة بالأزهر وخصوصا مع دراسة المواد الشرعية والعربية، وكان كل ما هو مرتبط باللغة والنحو تحديداً محبوب بالنسبالي قراءة وإلقاءً.

👈 كان التعليق الصوتي هواية في الأول ونمت شوية شوية بمتابعة قنوات الوثائقيات وقنوات التعليق الصوتي الموجودة على يوتيوب ومنها قناة البشمهندس أحمد النجار اللي كنت أعرفه من خلالها قبل الكورس بمدة كبيرة.

سنين الدراسة ماسمحتش أن يبقى فيه ممارسة بشكل دائم للتعليق الصوتي ولو على سبيل الهواية، وكانت الفرصة الأولى بعد التخرج هو كورس ابن سينا راوند أبريل 2023 وكان اللي مديني ثقة في الاشتراك هو معرفتي بالبشمهندس من خلال قناته.

🎖️ الكورس ما شاء الله كان مفصل جدا، مسبش أي تفصيلة عن المجال إلا وضحها بداية من أساسيات التعليق الصوتي وانتهاءً بالتعامل مع العملاء في بروچيكت احترافي.

🎖️من أهم مميزات الكورس بالنسبالي هو أمانة البشمهندس في توصيل المعلومة بشكل كامل وغير منقوصة، والمتابعة والتدريب اللي كان على أساسهم بيبان الديفيكت عند كل متدرب فين عشان يصلحه.

❌كان فيه تخوف بشكل دائم أن الكورس أونلاين، والفكرة كانت عندي دايما أن أي كورس أونلاين في بدايته منظم وفي نهايته عبث بسبب سوء التنظيم وخصوصا لو فيه تاسكات، لكن ده مكنش موجود صراحة ويحسب لابن سينا حسن التنظيم والمتابعه ربنا يجازيهم خير.✨

🎖️بعد سنة من الكورس الحمد لله

• كنت الصوت الرسمي للدفعة 23 طب أزهر دمياط
• عملنا في حفل التخرج 3 مشاريع، كنت فيها الڤويس أوڤر الرسمي للدفعة بداية من برومو حفل التخرج وانتهاءً بفيلم وثائقي قصير عن تاريخ الطب في الإسلام وإسهامات علماء المسلمين في الطب
• معلق صوتي محترف من الدرجة الثانية على منصة ساونديلز
• عملت إعلان رسمي لإحدى الشركات مع تقييم 4.8 على منصة ساونديلز
• ولسه إن شاء الله فيه عروض ومشاريع تانية قيد التنفيذ في الطريق.

📌 ودي قصة نجاح متولي من الطب إلى التعليق الصوتي، والريل ده من سنة وهو في بداية مسيرته وأحدث أعماله هتلاقيها في الكومنتات 👇

📌لو عايز تعرف أكثر عن برنامج التعليق الصوتي والبودكاست والهندسة الصوتية، اكتب لنا "مهتم" في الكومنتات وهنرد عليك بكل التفاصيل 📥

#freelancer #voiceover #تعليق_صوتي #voiceoverartist

مطلوب مدقّق لغوي للعمل في شركة بيان للتعريب والتوطين

🏅لينك الوظيفة أول تعليق، بس خالينا الأول نحكيلك موقف يوضّح طبيعة العمل

⚡مدقق لغوي ينقذ صحيفة من موقف محرج!

📃"الأهرام تثني على عمة الشيخ الخضري الكبيرة"

في وقت ما، ده كان عنوان مكتوب في صحيفة الأهرام📰

👈العنوان اللي أثار غضب الشيخ، بيجيبوا سيرة عمته الكبيرة ليه؟

الحقيقة هو كان خطأ مطبعي بسيط، الكاتب بدل فيه حرف واحد💻

👈والمقصود كان "همة الشيخ الخضري"

👈الأخطاء اللغوية ممكن تتسبب في مواقف محرجة زي اللي حصل

👈وممكن تتسبب في تغيير المعنى تمامًا فيختلط الأمر على القارئ

ظهرت الأخطاء اللغوية من زمن الأندلس، نتيجة اختلاط العرب مع العجم

فبدأ يظهر نوع جديد من الكتب عن النحو وتصحيح اللغة

وانتشرت الأخطاء في زمننا نتيجة زيادة المطبوعات، فشوفنا أخطاء مطبعية كتير

✅ وللسبب ده بدأت تتطور وظيفة لغوية اسمها " التدقيق اللغوي"

⁉️مين هو المدقق اللغوي؟

المدقق اللغوي هو الشخص الواعي بقواعد اللغة العربية، بيتعمق في النص عشان يصحح الخطأ ويحسنه لأفضل شكل

هو مش بس بيصحح الإملاء، هو كمان بيشتغل إن الأسلوب والصياغة يكونوا مناسبين لموضوع النص

⁉️إيه هي مهام المدقق اللغوي؟

المدقق اللغوي مهمته هي البحث واكتشاف الأخطاء في النصوص المقروءة أو المسموعة زي:

1⃣ الأخطاء الظاهرة، زي الأخطاء المطبعية فمثلًا (جسد السويس) تُصحح إلى (جسر السويس)

2⃣الأخطاء النحوية، زي رفع خبر كان بدل نصبه

3⃣ الأخطاء الصرفية زي عصتان بدل عصوان

4⃣ أخطاء علامات الترقيم اللي ممكن تغير المعنى تمامًا

👈من مهام المدقق اللغوي كمان ترتيب الفقرات وعناصر النص واقتراح بدائل أفضل لصياغة الجمل وتحسينها

⭐️المدقق اللغوي بقى له دور مهم في كل موقع إلكتروني، أو شركة ترجمة أو أي مكان بيتعامل مع النصوص لحماية النص من الأخطاء

⭐️مهارة التدقيق اللغوي، مهارة مهمة لكل من يعمل في الكتابة كمان، عشان تدقق لنفسك مقالك أو روايتك وتوفر لعميلك ميزة عن غيرك

✅اسألنا عن برنامجنا للتدقيق اللغوي بأحدث تقنيات الذكاء الاصطناعي وهنبعتلك التفاصيل

#proofreading
#ibnsina_training_academy

⁉️قبل ما تدخل سنة 2025 محتاج تسأل نفسك الأسئلة دي عشان تعرف تخططلها صح

١.أ. مين الأشخاص اللي كانوا بيمدوك بمشاعر إيجابية عرفت عن طريقهم توصل لنتايج أفضل في حياتك

١.ب. مين الأشخاص اللي كانوا بيمدوك بمشارعر سلبية أو بيعطلوك/يشغلوك عن الوصول لنتايج أفضل في حياتك

**ممكن حد كان بيديك شعوك إيجابي كاذب بس بيعطلك وقتك، فركز كويس تربط إجابتك بنتايج فعلية مش مجرد عاطفة

٢- اتعلّمت إيه عن "نفسك" السنة دي، موهبة أو قيمة أو دافع بيحركك إيجابيًا؟

٣- هل اكتشفت البيئة أو المكان اللي بيحصلك فيها نمو - Personal Growth

٤-إيه اللي مقرر "تبطّل" تعمله السنة دي؟

٥- إيه اللي مقرر تبدأه السنة دي؟

٦- إيه اللي مقرر تكمله السنة دي؟

٧- تقدر تعمل إيه النهاردة خطوة لقدام تحقق الأهداف اللي كتبتها بعد إجابة الأسئلة دي

ابن سينا مقررة تساعدكم في 2025 على اكتشاف نفسكم وتحققوا نتايج أحسن في العمل الحر وتساعدوا الناس يبقوا نسخ أفضل من نفسهم

قلنا في التعليقات ناوي على ايه في 2025 🌹

تبحث DB Group عن مترجمين طبي فوري للعمل عن بعد

🏅متطلبات الوظيفة
- خبرة بالترجمة الفورية عن بعد
- الدفع بالساعة (سواء جالك مكالمة أو لأ)

✔️لينك الوظيفة أول تعليق

متنساش ابن سينا بتقدم برنامج للترجمة الفورية عن بعد عن طريق الفيديو أو التليفون ، ابعتلنا إنك مهتم وهنبعتلك التفاصيل 🤝

Coming Soon على شاشة ابن سينا 😎

🏅دبلومة Data Science كاملة من مستوى الصفر للاحتراف

🏅ازاي تعمل Your AI Brand من أول الفكرة والتنفيذ لحد البيع والتسويق

🏅دبلومة Bioinformatics باستخدام virtual lab تقديم عالم مصري في اليابان

🏅ازاي تصنع أول منتج AI وتبيعه في Marketplace

🏅كتابة الروايات والنشر

🏅فن التمثيل الصوتي - الدوبلاج

يناير 2025 مختلف في ابن سينا 🫡

🎖️ رحلة مروة من كورس الترجمة الطبية التحريرية للعمل مع عيادات د.نوح شريك النجاح لابن سينا

"أنا مروة سمير خريجة صيدلة 2020، اشتغلت سنتين في الدعاية الطبية وخلال الفترة دي كنت متابعة دكتورة ميسم وأكاديمية ابن سينا .. وكنت شغوفة جدا بمجال الترجمة الطبية لأنه قريب من دراستي

ولأني بحب أدور دائما في مجالات جديدة .. وعشان كدا مجال الترجمة الطبية التحريرية كان أنسب حاجة ليا

✅أخدت الكورس من أكاديمية ابن سينا وخلال الكورس تدربنا على كل أنواع المقالات الطبية اللي ممكن تقابلنا في سوق العمل ..الكورس كان ممتع جداً بالنسبة لي ومفيد جدًا وغطى كل الأساسيات اللي بنحتاجها كمترجمين

🔔 بعد ما خلصنا الكورس بفترة كان في تدريب تبع أكاديمية ابن سينا .. وكان مطلوب مننا نترجم فيديوهات علمية والحمدلله أول فيديو ليا كان له استحسان كبير وبعد كدا تم اختياري للشغل كفريلانسر مع عيادات دكتور نوح

✅ حابه أشكر أكاديمية ابن سينا على دعمهم وتعاونهم وتشجعهم، وبشكر كل الدكاترة اللي كانوا معانا ف الكورس حقيقي كانوا متعاونين جدا وفي قمة الاحترام والذوق"

📌خليك واحد من المتميزين في برنامج الترجمة الطبية التحريرية والمؤهل لفرص تدريب وعمل حقيقية

📌لو عايز تعرف أكثر عن محتوى البرنامج اكتبلنا "محتوى" في الكومنتات 👇

📌ولو عايز تشترك في البرنامج اكتب "اشتراك"

🎖️ ليه عمرو اختار مجال تدريس القرآن لغير الناطقين باللغة العربية؟!

📌 لو عايز تعرف أكثر عن برنامج تأهيل المعلمين لتدريس القرآن والتجويد والمناهج القرائية والمبادئ الإسلامية لغير الناطقين باللغة العربية، اكتبلنا "مهتم" في الكومنتات وهنرد عليك بكل التفاصيل 📥

#workfromhome #تجويد #تعليم_قران #قصص_نجاح