‏عسى عيونه ما تدل درب الاحزان
‏تضحك ولا منّها بكت من فرحها .

‏عز الله إني ذاخرك للزمن سور
‏و ملجا لمن ضاقت عليه الملاجي

‏والظاهر إنك صرت مثل الزمن جور
‏أرض فضى ما فيك حتى محاجي

‏يارب زدني برّها ، قبل لا اموت
‏اللي تشيل من " الصغر " كل همي

‏حتى الرسول اللي له العلم مثبوت
‏ثلاث مراتٍ يوصي على أمي

ان كان ما عزتك يمناك وش عاد
يمنا الاوادم ... ما توديك ديره

‏عزز طموحك و شد الحيل والهمه
‏مايرضخ المجد غير لواثق الخطوه .

‏أحاول اجمع في غيابك شتاتي
‏بعضي معك عيّا يفارق خويّه

‏انا على باب الوفاء ما تعديت
‏استقبل الوافين حب وكرامه .

يا اهل الوفا لعلكم ما تموتون
ولا الردي حتى المنايا تعيفه

‏ما سكت الا وانا ادري من اكون
‏وصمتي لحاله رماحه صايبه

‏خاطري مرتاح من كثر الظنون
‏وما يهب من الرياح يلاعبه

ابتسم للمشهد وقلبي عيون
‏ومن زمان النفس منكم طايبه
‏
إن بغيتوني اطيح .. بتتعبون
‏ الحسد ما ياكل الا صاحبه

‏إخترتك العمر ، يوم إن العمر مرة
‏كنت الصحيح الوحيد من إختياراتي

‏ليت الدهـر وان جار يرسل مناديب
‏حتى نفكر لــه ونحسب احسابه
‏
‏اندرب الشبه على الشيب تدريب
‏وكلٍ صديقه يستعد لـ غيابه

‏من سٓلْمّ من جرم الأمور الـمـقاضيب
‏ماتاه في درب الخطا وارتكابه
‏
‏حاسب ضميره في حياته تحاسيب
‏على طريق الحق وجه أركابه

‏دفنت الشعور بـ خافقي والقلوب اسرار
‏مشاعـرٍ ماهقيت ان الليالي .. تضيعها

ما سدو مكاني الواجد وانا واحد
لو تمطر لك الارض اصحاب واحباب

"في زلّتك عينه ثلاثيّة أبعاد
‏ وفي وقفتك لـ الطيب .. عينه كفيفه"

‏صبح الأماني لا زهيته بنورك
‏يصير أجمل صبح مر بحياتي .

‏دربٍ يهـين النـفس ماني بمـاشـيه
‏لو قام خفـاقي على الضيق وأمـسى
‏
‏الـعـز لـه سـاسـه قـويـه مبـانـيـه
‏والـذل مـاله عـند الاجـواد مـرسى

‏واللي تـربـى بـالوفـا فـي مـباديـه
‏يبقى على عهده لو الـوقت يـقسى

لا حدني الوقت بمخاوي الطالح
اسوق درب الفراق لو هو يعوقي

اما خوي يصون العشره وصالح
ولا قطاعه على شرواه تلوقي

‏أنا رفيقك وابن عمك وأنا خوك
‏وأنا عضيدك لو تجور الليالي

‏وأنا الوفا لو كل الأحباب خانوك
‏وأنا الوطن وأنا الديار الخوالي

‏وأنا الذي مامل لو الخلق ملّوك
‏وأنا الذي يسمعك في كل حالي

‏ماتقدر الدنيا على احلام الكبير
‏لا صار له قلب على المر صبار

‏يارب واحلامي تبي منك تدبير
‏خلقتها مثلي وجت مثلي كبار

ان قالها الله يعتدل كل مايل
وبد الليالي السود يظهر قمرها