السلام عليكم من وحشة المسافة
‏ ورحمة الله من الشوق وطواريه .

حث الخطى قدام لا ترجع ورى
‏اضحك ولا لك في قسى الماضي سنع

‏حاول تردد لو جرى لك ماجرى
‏الله عطى " والله خذا " والله منع

اودع اللي طافني بـ ابتسامات
وابدل اللي عافني بـ الموالي

واقول لا دارت رحاها سهالات
واجاهد الدنيا بصدرٍ شمالي

ما اظن لك فرصه تقدمك الاشناب
إلا على صفوف المصلين جثه

ان شفت ما يجرحك في مجلسٍ قم
مرواحك اجمل من مجالس هلايم

يا حبني حباه لمنثر الدم
واكرام من يستاهلون الكرايم

إيه أحبّك والشعور الي وصل ويّاك حدّه
‏لو يلوموني عليه أقوم أجادل به وأحارب

‏قلبي الي شالته كفّك وعيّت لا تهده
‏والله إن ماياخذه عقبك مربين الشوارب

الهرج ما طول اقصار اليماني
‏والصمت ماضيع افعول المطانيخ

‏ماتزود الناقص اهروج اللساني
‏الناس معروفه بفعل وتواريخ

تركنا ردي النفس جعله طريق مقيط
‏ضعيف العزوم اللي صداقته تنعافي

‏مشينا مع اللي خوته مابها تفريط
‏خوي السعد والطيب والمحزم الوافي .

عن أبي العباس عبد الله بن عباس بن عبد المطلب رضي الله عنهما، عن رسول الله ﷺ فيما يروي عن ربه، تبارك وتعالى، قال: إن الله كتب الحسنات والسيئات ثم بين ذلك، فمن هم بحسنة فلم يعملها كتبها الله تبارك وتعالى عنده حسنة كاملة، وإن هم بها فعملها كتبها الله عشر حسنات إلى سبعمئة ضعف إلى أضعاف كثيرة، وإن هم بسيئة فلم يعملها كتبها الله تعالى عنده حسنة كاملة، وإن هم بها فعملها كتبها الله سيئة واحدة. متفق عليه. 

سبحانك ربي ما ارحمك🤍

لو انها بالطيب محداً سبقنا
‏لاكنها بالحظ والحظ مكتوب

رد الـجـمايل دايــمٍ مــن شـيـمنا
‏وخوينا وقت المهمات محسوب

لا تجاملين الناس محد منّـور
‏النور نوركَ و المزايا مزايـاك

‏إذا ضحكتي كل قلبً تعـور
‏و إذا التفتي كل عينً تمنـاك

‏و اللي تباري خطوتك وش تدور
‏إلا بقايا من حضورك و ممشاك.

احبّك جعل حبٍ يجي من بعدك يْعاف
‏وانا حالفٍ حبّك مع الوقت ما اخونه

‏ليا شفت وجهك والله ان ماعلّي اخلاف
‏فلا تنشد اللي شاف غايتّه وش لونه !

نضرب تهاتيه الدروب الوساعي
والبعد عن من لا يبينا فضيله

رغم صكات الزمن ماني بـ نادم
‏زودتني عزم واصرار وجساره

‏والله إني ماخسرت من الاوادم
‏غير من كانت معرفتهم خساره .

حنا ليا زادوا هل الخيل شبرين
‏زدنا عليهم بالذراع المشمّر

بيتٍ قريته ماعرفت اسم راعيه
الا ان راع البيت خط الجزاله

حقد البعيد يموت لا مات راعيه
وحقد القريب يورثه في عياله

مرت سنه فيها اشترينا وبعنا
‏شيٍ يدوم وشي ابلته الايام

‏كل عام والطيّب من الناس معنا
‏ولا الردي جعله يولي مع العام .