دلل حبيبك ، وافهمه ، واعتني فيه
‏وفي كل موقف حط نفسك مكانه

‏تبسم بوجهه ، ورحب بطاريه
‏واحفظه في قلبك سوات الامانه

‏بيع الخلايق كلها لجل تشريه
‏المستحيل الصعب سوه عشانه

‏حبه ولا تسال عن أيام ماضيه
‏ولا تفكر بالغدر والخيانه

يردّك أصلك و مرباك .. لو زمانك تردّا

صونو احاسيس الرجال العفيفه
‏من الكلام اللي يكدّر صفا البال

‏لاتنشدون العاطل متى الوظيفه
‏ولاتنشدون المنحرم جالك عيال؟

بعض العرب حتى وهو ساكت
‏ودك تقول " ألبخ ولا كلمة " .

رفـيـقنا الـلي بـالشدايد نـخاويه
‏الـلي عـلى درب الـمراجل سبقنا

‏على الكرم والطيب دايم مباديه
‏انـشـهد انــه فـي طـباعه كـسبنا

لا تبدي اسرارك على كل مخلوق
‏الناس ما تدري وش الي وراها

‏عليك بالي طلعهم دايماً فوق
‏الي عن الزلات تكرم لحاها

العين الي ما تلهف لقاك اهجر نظرها..

حتى لو شانت لياليك وظروفك
‏ليش ترضى بالرخيص وانت غالي !

لو شانِ وجه الزمان وشان وجه الرفيق
‏وجيهنا يسري الساري ... على نورها

ما عطيت الا وانا قد العطا ولا خذيت الا الجحود وضيقته

جعلنا لا بيّنت شمس الصباح المستنيره
‏يتداول ذكرنا بـ الطيب و الفعل المشرف

عليك باللي طبخته نصفها هيل
‏اللي سعى بالطيب من غير قوّه

‏المال ماينفع عفون الرياجيل
‏والفقر مايقصر بـ راع المروّه

‏له عادةٍ ينطح وجيه المقابيل
‏هذي فعوله فالمجالس تفوّه .

ومن بغى فرقاي جعله مذاليف القطى
‏ماحسبته مربحٍ لجل احسبه راس مال

من لا يعجبه طبعنا لا يجينا
‏ومنهو يطبّ حدودنا يحترمها

يالي تدور في قفانا عذاريب
‏عمر الردي على الردى ماحدانا

‏ان كان ماتقدر تنافس على الطيب
‏مهوب عيب منك تمشي ورانا

يا سعود يا مشكاي وش التدابير
‏لا تشتكي جور السنين وشطفها

‏واهل الردى مالك وراها مداوير
‏جنب مجالسها وجنب ولفها

‏وفي كل شي قد تجوز المعاذير
‏الا على اعراض الرجال وشرفها

بنتٍ ﻻمنك وقعت تشيلك من القاع شيل
‏ابرك من وجيه الرجال اللّي ليا طحت جفلت

من تجمّل لا يقول إنه تجمّل
‏العن من الحاجة المنّه عليها

‏حاجةٍ ماهو بقاضيها مجمّل
‏لا تدورها ورى اللي لك عليها

‏الكريم اللي من القلّه يتجمّل
‏حاجةٍ عنده ماهو معيي عليها