الشين ما ينفعك لو هو ولد جد
ان جاك حملٍ زاد حملك وساقه

نزل جنابك عن مشاحيه وابعد
لا تبغضه ولا تبدي له صداقه

اما تعلمه التجاريب ويّرد
ولا ابرك الساعات ساعة فراقه

ان بغيت الهون درب الطيب عيّا
‏حالفٍ ما ارضى لنفسي بالمهونه

ابوك في صغرك على العز رباك
‏على امل توفي له الدين كله

‏ان كان ما رديت له بعض ماجاك
‏على الاقل في سمعتك لا تذله

لاتحسّف لعنبو جد الحسايف
‏الزمان بخير والدنيا مديّه

‏دامك معافى وجو اليوم كايف
‏لا تضيع بغبة النفس الشقيّه

‏لو منت كفو ماجتك الكلايف
‏القوي دايم صواديفه قويّه

تدري متى الإنسان تثقل خطاويه
‏وتدري وش اللي عـن ثباتـه يهـزّه
‏
‏لامن عرف بـ سباب جرح ٍ يعانيه
‏طعنة ظهر من رمـح شخـصٍ يعزّه

ترا حلاة الفعايل حاميه حاميه
‏الدله البارده ينعـــــاف فنجالها .

اللهم صل وسلم على نبينا محمد 🤍

ياجارنا لامن قضينا التراويح
‏اترك بعض شغلك وسيّر علينا
‏ْ
‏اما تشاركنا على هبة الريح
‏والا توسّع خاطرك مع حدينا
‏ْ
‏حنا ليا شفنا الوجيه المفاليح
‏نفرح بهم كنهم حدا والدينا .

‏" ماتربينا على ترك الرفيق "
‏وماتعودنا على سب الخوي

‏بالجبال السود نفتح له طريق
‏ونلوي ذراع الليالي له لوي

عيب التمجد بالـردا والرذايل
‏اللي على درب النعاره مهازيل

‏المدح ما يجزا بليا فعايل
‏ولا يستحق المدح كود الحلاحيل

أحدٍ يدور لك خطا وأنت ما أخطيت
‏وأحدٍ يدور لك عذر وأنت مخطي

لا تناسب بالنسب غير من درعه حصين
‏الولد طلعه اليا منه طلع يطلع عليه

‏الخوي وضيف في واجبه لا تستهين
‏قدره وارفع مقامه لو انك ما تبيه

‏الخساره في عمار الرجال الطيبين
‏والمجامل في طريقٍ ثقيلٍ ما نبيه

عن قلة الحيله يقول محمد بن مريبد :
‏تغانمت الطريق اللي يجي بيتك من الصوبين
‏احسب اني بشوفك واحسب ان الوقت يمديني
‏
‏وانتهاء بـ :
‏تركت الدار بيساري واخذت اول طريق يمين
‏وانا شهب العلوم تحدني .. و الشوق حاديني

" جعله يعود الصوم عامٍ ورى عام
‏وأنتم و حنّا في نعيم . . و فضَايل "

عسى الرفيق اللي نحبه ونغليه
‏تبطي صواديف الدهر ماتصيبه

ياما خسرنا والحياة استمرت
‏حنا من اللي " ما نعد الخساير "

حنا تعايشنا على المنهج الصعب
‏ما للقلوب أحباب دون الكرامه

خذ من قصيدي مايلامس مشاعرك
‏وخذ من شعوري مايكفي شعورك

‏لاصرت مالك قلبك وصرت شاعرك
‏اقطع يمين اللي مايرضي غرورك