يـا ويـل منهو غافـلً عـن صلاتـه
‏نفسة تـرده عن صفوف المـصلين

‏مدري وش اللي يرتجيه ، بحياته
‏خسران فالدنيا وخسران فالدين

‏كثر التشّره والعتب يوجع الراس
‏من زان لك زن له ومن شان خله

‏يارب
‏وقلبي حشيم وحياوي
‏سلمه دروب
‏الردى والردييِّن

صحة لسان الشاعر اللي ليا قال
‏كنّه يعد من الجنيهات عدّا

‏وليا سكت هيبه وعاقل ورجال
‏ماهو من اللي جاب هرجه وودّا

‏وان طب فالميدان صارم وخيال
‏ماطبّ يبدي راي طبّ يتحدى

‏انا جناحي عز .. ياوجه الايام
‏كيف التفت للي يجيني بوجهين

‏حنا سمّو الغيم ما نقبل الدون
‏علم ضعيف النفس لا يختبرنا

‏ظروفنا لو تعرف المجد والصيت
‏ما جت مصايبها على شخص منّا .

‏نخاوي الناس بالقلب النظيف
‏ما نطلب القرب لجل المصلحه

‏اللي يعزك مايشوف الردا فيك
‏ومن يكرهك حتى بخيرك يذمك

‏ترضيه ماترضيه ماهو براضيك
‏لو هو من اقرابك ولحمك ودمك

‏ياغريب ٍ عن عربك وعن ديارك
‏ذكريات ايام عمرك من خذوها ؟
‏
‏تمنعك شيمتك ويردك وقارك
‏والبشر جمايلك فيهم نسوها
‏
‏عد فـ الرجم الطويل وشب نارك
‏ياسلالة من مواقفهم حموها
‏
‏جعل حظك زين وايامك تبارك
‏انت زيزوم المراجل وانت ابوها
‏
‏لاتشوف الناس ضعفك وانكسارك
‏لو عظامك تنكسر ماجبروها
‏
‏انتصب كنك طلعت من المعارك
‏ماخذاً ثار القبيلة كلبوها

‏من قالها موقنا بها حين يصبح فمات من يومه دخل الجنة :

‏اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي، وأبوء بذنبي فاغفر لي، فإنه لا يغفر الذنوب إلا أنت.

‏احشم لساني يوم عقلي حشمني
‏وكلن حسب عقله يسولف لسانه .

‏يذمك الي عاجز ٍ عن دروبك
‏لا فاعلٍ فعلك ولاهو مجنبك

‏نصبر على الدنيا مثل صبر سعدون
‏صبرن يجي عقبه عقاب العواجي .

الصبر صبر ايوب ياللي تقولون
‏اللي رضى بالهم دون احتجاجي

‏مذكور في القران من قبل تدرون
‏اثنى عليه اللي عطاه انفراجي

‏قَالَ صَلى الله عَلَيهِ وَسَلم :
‏(مَن قرأَ بالآيتينِ مِنْ آخِر سورَة البقرةِ في ليَلةٍ كفَتَاه )

‏درست من دنياي وأتعبت الأقـدام
‏ وبدلت عن بعض الطرايق طرايـق

‏كفخت بأفكاري كما الطير لا حام
‏ وما عاقني عن ماكـر العـز عايـق

‏ترى البشر يا خوك منقسمه أقسام
‏ بين الردي والطيب شفت الحقايـق

‏لقيت من صلى وزكى ومن صـام
ولقيت من هو لأقرب النـاس بايـق

‏ولقيت من قلبه حقـود ٍ ونمـام
‏ ولقيت من قلبـه يعـز الرفايـق

‏ولقيت من يبني الأمل فوق الأوهام
‏ واللي يموت ولا يعـرف الاالعوايـق

‏وآخرك يابن آدم ترى قطعة الخـام
‏ أمـراً أكيـد وما يبيلـه وثايـق

‏يالله عسى ما أكون قطاع الأرحـام
‏ وعساي من عقب القبر في حدايـق

‏اللمة اللي ما تدلك على الطيب
‏لو حضرها كل العرب لاتحضرها

‏والهرجة اللي لا تودي ولا تجيب
‏لاصار بيدك تختصرها اختصرها

‏واللحية اللي ما تردك عن العيب
‏بيدينك الثنتين انتف شعرها

‏والكلمة اللي تستفز المعازيب
‏ما تنغفر لو المعزب غفرها

‏انا اعتبرها من كبار العذاريب
‏وانت اعتبرها مثل ما تعتبرها

‏أحسب أيّام العمر راحت عليّه
‏مادريت أن أجمله فيما تبّقى

‏أشكر أيامي على كبر الهديّه
‏أثرها لامن بغت.. تعرف تنّقى !

اعاف روضٍ قد وطت فيه الاقدام
عيني على نجمه بعالي سماها