‏لا قمت اسولف بك علي الناس واطريك
‏« كلن تمنى صاحبه " مثل شرواك " » .

من يدور غيرنا .. يلقى كثير
ومن يدور مثلنا .. يبطي عظم

الطيب مبنى و بيبان الجمايل وساع
‏الا على الغاوي اللي ضيق الله عليه

‏يشوفها في عيونه شي ما يستطاع
‏وانشوفها مثل بر الرجل في والديه

خلك قوي لا يكسرك جور الأيام
‏منصاك ربك لا نصتك الشدايد

يالله رجيتك اكفنا شر الاقدار
‏وحقق لنا اللي ماتطوله يدينا

‏واسألك غفرانك وعتقك من النار
‏واكتب لنا الجنه مع والدينا .

بطت مراسيلك و حنا ملاهيف
‏على دفى صوتٍ عليه انتشفق

‏ان جيتنا سويت فينا معاريف
‏و ان كان ما تسمح ظروفك موفق

رزقي على اللي لا طلبته رزقني
‏مناكب الدنيا وساع عريضات

‏لو ما لحقت اللي كتب لي لحقني
‏لو كان من بيني وبينه مسافات

‏وإذا سبقت الرزق وإلا سبقني
‏يعوضني معطي العطايا الجزيلات

في أزمته الصحيه قال مخاطباً اخوه الامير سعود :

‏" لابدها ياسعود بتغيب شمسي
‏ذي سنةٍ رب الخلايق فرضها

‏و لعلها حريتي بعد حبسي
‏و لعلي ألقى عند ربي عوضها"

الله يرحمه ويغفر له

يالله بـ توافيقٍ تجي مع بعضها
‏مثل المزون اللي تعاقب مراديف

‏ماضرها حاسد ولا احدن عرضها
‏وتضوي لـ راعيها بليّا تكاليف ..

ماني بشاكي لك غثى القلب ياسعود
‏ولاني مثل غيري رهيّف وحساس

‏فيني شموخ كليب ما يكسره كود
‏رمح(ن) يشيله بالغدر كف جساس

‏لو ادلهم الليل فـ عيوني السود
‏متعود(ن) دربي متاهات وعماس

‏وان ثارت الهيجا غشى الجوو بارود
‏كلن يبرهن ما يقوله على الناس

يا رب انا لي حاجة صكة القوع
باقصى بحر تسعين صكة نحرها

اصعب على الرديان من حبة الكوع
ولا على الطيب بسيطٍ بحرها

كم واحد جت له بساتين وزروع
تراه ما يدري من اللي بذرها

حنا هل الخيل والضمر
‏وحنا هل العرف و الساده

‏السيف من ضربنا جمر
‏كنه على نار وقاده

‏والطعس من غزونا حمر
‏والنصر مبطي لنا عاده

‏من هو نخانا له نشمِر
‏والضيف حيه على زاده

بطن الردي مايمتلي بالمعاريف
‏مهما تسوي فيه من طيب ضايّع

نطيح من عين الردي مابها عيب
‏ولا همّنا لو قال ما قال فينا

‏مادام نسكن في محاجر هل الطيب
‏و منزالنا في عيونهم ما علينا

الطيب مايصعب على راعي الطيب
‏والا الردي ماهو على الطيب طايل

‏كلن يقول إنه على المرجله ذيب
‏القول قول و الفعايييييل فعايل

البنت تلقى عزها عند أبوها
وإن غاب أبوها عزها وين تلقاه؟

عند عمها؟ عند زوجها؟ عند أخوها؟
لا والله إلا عزها راح وياه

‏كل ما عديت رجم المعالي يزعلون
‏الله يكفاني غثى الناس و شر عيونها

فلا تحاول ترضي الناس وتقول شتبون
غاية لو تجهد النفس تقصر دونها

لَو يَعلَمُ المرءُ مَا يُخفي الزَّمانُ لَهُ
‏لَـرُبَّـمـا فَـرَّ مِـمَّــا قَـد تَـمَـنَّـاهُ

‏كَم يَعشَقُ القَلبُ مَا فيهِ الهَلاكُ لَهُ
‏وَالخَيرُ يَا قَلـبُ ما يَختـارُهُ اللهُ

‏كل عام وانتم عايدين وفايزين
‏وارزاقكم وافراحكم متزايده

‏الله يعيده عند كل المسلمين
‏ويغفر لقلبٍ ماقدرنا نعايده .