خابرينك ما تطول الي نطوله
‏في ذرانا الين تفنى في ذرانا

محدن علينا بالعطايا تجمل
‏والتمره الي جاتنا من نخلنا

ماهمني ضرب العصا في ظلالي
‏مادام ظلي يحرق قلوب وأعصاب
‏
اخسر وجيه اهل الحسد والتعالي
‏وأكسب كنوز اهل المعزة والآداب

حريب الردى ذرب السجايا طليق حجاج
‏رفيق السعد يعجبك طبعه ومنهاجه .

أنا على الفايت .. قليل الحسوفه

ما شبرت القاع مجهول الهويّه
‏لي وجود ولي جدود ولي عزاوي

إن ذخرت .. أذخر بوقتك سيوف مجرّبه

احدٍ على شانه تجوز المشاريه
‏واحدٍ تعدى بالخطايا حدوده

‏ومن لا يعزك لا تعزه وتغليه
‏ومن لا رفع قدرك تجاهل وجوده

تبيني أعلمك بـ أردى الرياجيـل
‏اللي خـذا هـرج القـفـا له وظيفه

‏إن زلـو أصحـابه عيـونه درابـيـل
‏وان طابو أصحابه عيـونه كفيفه

راسي ان طاعك الزمن لا تطيعه
‏علمٍ ليا وصلك لاعاد يتعدّاك

‏ترى الليال ام الغدر والخديعه
‏والناس من فاخَر بك ومن تقفّاك

‏ما تقدر تضيّق عليك الوسيعه
‏وأنت الوسيعه كلها تحت ماطاك

للمقّفي كان لوّح في يدينه
‏ما نغني ياغريب الدار عوّد

‏من يقرّبنا .. لقانا عند عينه
‏ومن يعودنا على البعد انتعوّد

ما للغياب أعذار يـ اللي تغيبـون
‏بلّلوا معاذير الجفا واشربوها

عسى لنا مع مقاديم العرب ، خانـة
‏و من حظوة أهل التردّي مالنا حظوة

‏أحدٍ نخلي مشاغلنا .. على شانـه !
‏و أحدٍ مانجلس معه حتى على الفضوة

أما تجي صَافي مثل ما عَهدناك
‏وُلا الجفى دربه وسِيع . . وتِدله

اجي و اكمل باقي النقص و ازود
‏واروح و لا احدٍ منهم يسد مكاني